2002 年 10 月 22 日 星期二 【晴】

---等待第三日 =待續=

就似一套沒有劇本,沒有結尾的影片

未到最後誰都無法知道結局如何.....

可以做的只有按感覺演下去....

結局------是意料之中?
是出人意表?
還是.....

----相信一切一切...都只有等候時間來決定


------------"結束，開始"


>>October 23, 2002 at 3:06:57 PM GMT+8

2002 年 10 月 21 日 星期一 【晴】

---等待的第二天

昨晚在床上輾轉反側都訓不著.....

只是不停地胡思亂想.....

等---原來是一件痛苦的事....

唉.........

可以做的都做了.....

---我會一直等下去的.....

直到.......









>>October 22, 2002 at 2:07:26 PM GMT+8

2002 年 10 月 20 日 星期日 【晴】

----永遠不會忘記十月二十日的夜晚...

這一夜----對我來說是奇蹟的一夜

或許...已經耗盡了一生中最大的勇氣.....

或許....不會再有或許....

不管最終結果怎樣.....

----我也為自己而驕傲....



*好想好想和你在一起 和你一起數天上的星星
收集春天的細雨
好想好想和你在一起 聽你訴說古老的故事
細數你眼中的情意
好想好想和你在一起 並肩看天邊的落日
並肩聽林間的鳥語
好想 好想 好想 好想 好想好想和你在一起
踏遍萬水千山 走遍海角天涯 讓每一個日子
都串連成我們最美麗 最美麗的回憶

*好想好想 古巨基


>>October 21, 2002 at 2:54:08 PM GMT+8

2002 年 10 月 19 日 星期六 【晴】

撞鬼.....呀~尋晚成點先訓,今朝六點幾就醒o左喇....

點都訓唔著喎.....頂~

生理時鐘有時都唔係咁好.....

之後今日終於都上得成山喇~~~吹風好舒服呀~~~不過就曬到死...........

出o左身汗,人都精神d~!!

返到屋企睇埋之前借隻碟~~

好無聊.....可能我心不在焉啦.....

終於都忍唔住打o左俾我個fd"盡訴心中情"~諗住聽o下佢意見啦

又俾佢鬧o左一面屁......頂~~佢都唔明o既.....哼!!

妳唔好睇死我唔敢呀!!!衰人!!

後來同阿媽去o左探公公同婆婆~

走果時,我好想吹o下風~就同阿媽行路番屋企

一路上~我問o左佢一條問題

佢就由秀茂坪講到番屋企.....

我問,生我果時係咪好痛o架?

之後我媽就~係咁講,講呀講"你都唔知你出世果時係肥仔o黎架!"

"都唔明點解愈養你愈瘦,都唔知你係咪生蟲..."

"你都唔知生你果時我幾辛苦呀!出左個頭,個身又唔出到喎,痛到我丫......"

講o下講o下佢都不自覺笑o左出o黎....

"幾經辛苦生到你出o黎之後,我問醫生係男定女o黎架,佢俾我睇一o下....

有"菇"菇"係男仔黎o架.....!!"

我見到佢笑得好開心....心入面有種好奇怪o既感覺....

一種好溫暖既感覺....

"做人父母係好辛苦,不過見到仔女健健康康咁長大....都好開心..."

"第時你成家立室有仔女果時就會明喇....."

在不知不覺間已經行到番屋企樓下了...

唔知點解我唔想咁快行完呢段路....

或許是想再聽多d啦....

或許是我明白到,無論條路幾難行....都有人在背後默默咁陪我走過......



>>October 20, 2002 at 2:26:47 PM GMT+8

2002 年 10 月 18 日 星期五 【晴】

今朝9:00幾就彈起身喇....

想訓晏d都唔得.....

係張床度"碌來碌去"都唔知做乜....

跟住又係開電腦聽歌~

之後又同人傾下電話啦~~

佢就好啦~~終於做到想做既野喇~~恭喜哂呀!!!

咁開心梗係要去慶祝o下~~~

所以約o左去食飯~~~~一食就食到成三點喇~~

能夠一齊食飯都幾開心丫~~~~^^

食完飯我就無野做喇~~佢就要返工~~唉```唯有搵o下d fd啦~~

兩條友無所事事就周圍行睇o下有咩工好做~

見到o既都係請女仔多o既!!真係性別歧視呀!!!

望o下鐘都五點幾喇.....

返o左上屋企樓o下吹o下水~

唉.......佢都話得我o岩o既.....被動冇主見.....失敗!!

真係唔想成世咁呀......我一定要改呀!!!!

點講我都係一個百分之一百既男子漢丫!!!!哈......



>>October 19, 2002 at 1:58:46 PM GMT+8

2002 年 10 月 17 日 星期四 【晴】

上堂畫左一幅難得滿意既畫呀~~正

哇~~~放學真係激呀

有帶傘都濕到變落湯雞呀!!

偏偏最大雨果時先走去食飯,我都覺自己白痴呀!!

仲有tomay好核突呀,食飯果時係度除鞋攪隻腳喎........

睇到我都食唔落去喇......大姐呀!!我食o左一半咋!!

橫風橫雨,個身又濕食完都各自走喇~~

點知番到屋企冇耐,個天竟然出行太陽喎!!!

真係吹漲.....

係屋企冇野做玩下icq又一日........

好在我想傾既人有online咋....哈~~我都話妳有魅力o架啦!!

唔係我老吹o架~~俾心機做野同應付d狂風浪蝶啦!!


p.s一樣我想得手好耐既野今日終於得手喇!!!
一定要好好保存呀!!



>>October 18, 2002 at 3:07:47 PM GMT+8

2002 年 10 月 16 日 星期三 【晴】

好無聊好想搵野做呀!!!

唉~~~最衰搵o左幾份都唔請啦.....

真係唔想o下o下問阿媽拎錢呀.....

今日去銀行拎埋之前做卡拉ok份糧出o黎...俾埋阿媽

原來都有2000蚊,畢業展可以自己出錢呀~~

諗諗o下先發覺原來我都冇咩點用過份糧....係買o左件衫

再俾左d阿媽.....之後就冇掂過喇~~都算忍得手~~哈

~~~真係好想同d同學仔去旅行呀~~~一定要搵錢去!!

靠自己能力去先型o架嘛~哈

努力呀!!~

>>October 18, 2002 at 4:59:23 AM GMT+8

2002 年 10 月 15 日 星期二 【晴】

今日放學要做考順仔陪阿婆去復診呀~~

佢隻腳終於好番喇~~之前見佢拐o下拐o下行得咁辛苦.....唉.....

依家唔駛未好囉~~可以煩少樣野喇.....

但係阿公佢就.......



P.S.阿君~~
哈~~第次駛唔駛影低d精華俾妳睇呀~~~~
真人show呀~




>>October 16, 2002 at 3:17:36 PM GMT+8

2002 年 10 月 14 日 星期一 【晴】

開心呀~~呢幾日都心情大好呀!!

但其實都冇咩事發生丫~~

我都唔知點解呢~~

應該都係因為d同學仔實在太攪笑喇!!!

能夠識到你地真係好幸運呀!!!

哈~~~係呀~今日同朱仔佢地去食飯~~

馬大哥又發表佢既愛的宣言呀!~

嚇到朱仔"為之一震"呀~

好心你兩個啦~~唉~冇眼睇~~^^

返屋企之後又繼續努力屈銅線~~屈呀屈...屈到手都瘀埋....

~同人講又俾人話我柔弱~叫我搵個女仔保護我喎.....真係唔得妳死...

妳屈o下就知幾難喇....哼



p.s今日同人約定o左樣我都好想做o既野....
希望唔好到時唔記得啦...妳
我都要努力先得呀!!

>>October 16, 2002 at 6:22:59 AM GMT+8

2002 年 10 月 13 日 星期日 【晴】

今日係重陽~

雖然尋晚成三點先訓...

但朝早都好有興致想上山吹o下風呀~~

難道有人陪~哈....(但要付出代價...-__-!!!)

可惜我上山上到一半個肚突然勁痛...

好似有d野係個肚度奔騰咁呀..!!

唯有即刻跑番屋企解決啦....

唉.....

之後都冇力上山喇....嗚

事到如今咁就只好做o下功課.....

結果............進度係2%......>.<

今晚終於可以一個人靜靜地睇哂成套官崎駿o既<再見螢火蟲>

以前好細個睇過....

今次重睇...種感覺好唔同

好感動呀.....

睇到我竟然有眼淚想流出o黎............

o個種兄妹感情係依家社會真係好難見到....

值得用時間去欣賞欣賞!

.....頭先竟然聽到樓下有雪糕車o既音樂聲呀

哇....好耐冇都o黎過喇....

對上次..已經係一,兩年前....

事過境遷....從前曾經一起聽過這音樂的鄰居

都已經搬走了.....

唉.............

*即使走過幾趟遠路

如何都掙不開歲月擺佈

這刻收一收腳步

為對方拍拍滿身的塵土

好想知你可會快樂

還是終躲不開生活煎熬

只想 你仍安好 .....






>>October 14, 2002 at 2:50:37 PM GMT+8