2003 年 1 月 3 日 星期五 【晴】

做功課啦~~~~做功課~~~

算是充實的一天吧~

>>January 4, 2003 at 1:55:56 PM GMT+8

2003 年 1 月 2 日 星期四 【晴】

"煩惱皆由知得多!"


好多野未做呀~!!!

又有好多野要煩喎!!!分組又唔知點........包裝又唔知點..........咩都唔知點...........

呢d問題好似一直都未解決到咁呀........唉~

我唔可以再咁優柔寡斷呀........唔可以咁易受人影響喇.......

唔可以o下o下都咁顧慮別人......應該多d為自己諗o下...........

哈．．．．．但咁落去就會將自己變成一向最討厭ｏ既自私鬼．．．

．．．好矛盾．．．哈


”我不明白為何錯過的電影總是最好看，

過去的東西總是最令人懷念，

愈是著緊的，就愈是容易失去

得不到的，又總是最心愛的．．．

我不明白這是什麼道理．．．

我不明白．．．”

>>January 3, 2003 at 4:46:41 PM GMT+8

2003 年 1 月 1 日 星期三 【陰】

頭先睇完阿君o既日記~有感而發

她寫到她行漁翁撒網政策,我覺得真係好有成效~~

起碼在班中就算不是全部都是朋友,關係也不會差得去邊~

人際關係攪得好真係無往而不利~~

人緣真是很重要.......

曾經同fd傾過呢個問題.....佢一路都好想改善o下呢個人際關係

佢實在善惡太分明喇......睇唔順眼o既人就連招呼也不打......所以出o黎做野就處處碰壁...

我提議佢對人圓滑d........但係某程度上圓滑我覺得係等於虛假.....

好似你明明好憎一個人,憎到連話都唔想講多句,但係就強迫自己同呢個人打好關係....

自己都會覺得自己假.....

自問真係做唔到......佢都係唔會做到.....

可能真係自己揀朋友o既標準太嚴格既關係......

第一眼就決定想唔想同呢個人做fd........所以人緣一直都唔係好.....唉

有咁o既諗法真係唔係咁好.....

所以有時都好羨慕果d人緣好o既人,生日又多禮物收,要人幫手又大把人會幫.......

但係要我刻意虛假地去討好別人就真係過唔到自己果關......

做人真係矛盾-__-!!~

所以都係維持原狀好~......


純粹個人問題~聲明~唔係話阿君妳假呀~唔好誤會^^


"做人很疲累，

每天都要戴上假髮，戴上面具，戴上眼鏡，戴上笑容

穿上內衣，穿上外衣，再穿上領帶

穿上襪子，穿上鞋子，再穿上鞋帶

直至上天堂為止．．．．．．”

>>January 2, 2003 at 12:05:49 PM GMT+8

2002 年 12 月 31 日 星期二 【晴】

ｈａｐｐｙ　ｎｅｗ　ｙｅａｒ～～

希望新一年可以開開心心啦～～ｉ　ｗｉｓｈ．．．．．．

仲有要去學識愛自己多d呀~!

>>January 2, 2003 at 11:12:04 AM GMT+8

2002 年 12 月 30 日 星期一 【陰】

很快就到了2002年的最後一天了......

今年真是發生了很多很多事呢.......

可能是我短短十八年生命中思想起伏最多的一年......

但是人生本就是由這些高低起伏來組成.......

沒有人一生遇到的都盡是如意的事.....

同樣地也沒有人一生都盡是不如意中渡過......

甜中總會帶些苦澀.......

苦中也會有些甘甜......

就是因為如此~所以每個人的一生........都像是一部又一部引人入勝的電影.......

"人生如戲，戲如人生"

每個人都是主角．．．


一月時，與所有人一樣都希望這一年事事如意，心想事成

二月時，一個人渡過了最孤寂的年初一．．．

三月時，活在頹廢中．．．每天都無聊中渡過．．．

四月時，小時侯日想夜想自己快些到十八歲，真是到了十八歲生日時
說真的，真是沒有什麼喜悅．．．踏進成年人階段，有的只是煩惱吧．．．
開始與班上的同學熟識．．．嘿．．．讀了那麼多個月才完全知道班上的人
叫什麼名字．．．可笑！

五月時，第一次入戲院看三級片．．．哈
兒時夢想成真的一日～　

六月份．．．哈～很矛盾的一個月，是最開心的一個月，也是最不開心都一個月．．．
原來班上的人是很有趣的，和她們放學後一起去食飯，睇戲
或者只是無聊地閑逛都已經是一件十分愉快的事！！Special Thanks ~ｋｏｋｉ＆ｔｏｍａｙ
與此同時，家中開始有問題發生．．．

七月時，公公病倒，婆婆跌到，阿媽切親手．．．自己又病
所有不幸的事都同時發生似的．．．
很無奈，所有事發生了，自己卻無能力去改變什麼．．．
這種感覺是最難受．．．

八月時，返了兩個多星期工，完全是考驗自己．．．
面對不夠時間休息，工作的人爾虞我詐．．．
明白到搵錢不是一件容易的事．．．亦明白到不是做好本份就可以．．．
這個世界不是那麼簡單．．．
算是有所得著．．．

九月時，因為同人誌的事與一個相識六年的人反目
感覺很不好受，我知我是有錯，但根本是我們幾個人都有責任卻完全推在我身上似的
我無話可說．．．更難受的是身邊的人都只是話我不應該孤立他．．．
哈．．．很可笑，我從來都諗過要咁做．．．
是他離我而去．．．

十月時，明白到有時愈了解一個人，彼此間距離可能只會愈來愈遠．．．
做了一件最有勇氣的事．．．
我不會再對其他人做相對的事

十一月時，努力去忘記一些忘不了的人和事．．．
努力成果．．．被一個電話打破．．．只是一個電話
內心痛苦不知怎去形容．．．

十二月，渡過一個開心(?)的聖誕假期，除夕夜去倒數
又重覆上年的期望，期望下一年事事順利．．．心想事成
就是為了這一點點期望，促使我去等待～


～ｈａｐｐｙ　ｎｅｗ　ｙｅａｒ～

>>December 31, 2002 at 4:34:05 AM GMT+8

2002 年 12 月 29 日 星期日 【晴】

今日訓得兩,三個鐘.......超眼訓

但係仲去o左唱k......

一唱就唱足成日喇.......

唱完仲想話去打波,最尾因為某d事而取消.....打埋就真係.......

我地幾個真係放縱呀......本黎我都唔想玩到咁日夜顛倒

但諗諗o下,呢個可以係我最後既長假喇~之後都有排忙功課果d野.....

都係一於去盡佢........~~~^^

如果聽晚去倒數又係要夜訓......

所以一番到屋企食完飯,沖埋涼就訓~~好耐未試過九點訓~~~哈

>>December 31, 2002 at 2:51:23 AM GMT+8

2002 年 12 月 28 日 星期六 【晴】

今晚去o左啤梨女朋友屋企打邊爐呀~~~~

期待已久呢~~

哈~~~~我都冇見過有人買菜買兩棵.....牛丸,魚蛋都係買兩粒囉...........仲要成六個人食喎!!

真係笑死人喇~~~

食飽飽之後就打機呀........打呀打

咁就打到通頂......

好辛苦呀...........我都係唔慣咁夜訓.......

真係覺得果d成日超夜訓o既人犀利....!

>>December 30, 2002 at 3:00:01 AM GMT+8

2002 年 12 月 27 日 星期五 【陰】

今日好有興致地畫自己野....

愈來愈鍾意"我們如此貼近，又如此遙遠"呢句話

連畫幅畫都係想表達呢個意思.....

相反d功課就提唔起興趣去做......

今個假期真係放縱得有點兒過份............


彼此間好像已經失去了話題

連對話也變得沉悶.......

是我問題，還是妳問題...?

>>December 28, 2002 at 4:54:07 PM GMT+8

2002 年 12 月 26 日 星期四 【雨】

哇~~~~好凍呀今日......!!!

竟然有唔想起身o既想法呀.........

好少會咁o架......

返到去個個都扎到成隻糯米雞咁

maggie竟然話自己著兩件衫咋.......哇~~~嚇得我丫..........咁壯呀!!

之後上新課係久違o既黃伯教呀!!!

不過講d野真係字字都有玄機呀~~~要慢慢參透參透.........


"快樂在仍有願望，而願望叫我們願意繼續等待

等待一些可能發生，但尚未發生的事．．．

就是因為這一點一點的希望，來支撐自己活下去．．．"

>>December 27, 2002 at 3:32:14 PM GMT+8

2002 年 12 月 25 日 星期三 【晴】

今日BoxingDay~~~可惜都冇禮物拆.....

哈~~~有都忍唔到手一早拆o左喇

其實今年我都幾意外o架~~~~竟然收到兩份禮物咁多~!!

之前真係諗都未諗過~~~好開心呀!!!!

開心o既係收到既禮物我都好鍾意~~更重要係果份心意囉..................

肯送野俾我果d有心人真係日行一善呀~~~^^真係好多謝妳地~~~~


哈......今日咁凍先走去打波~凍到隻手都僵埋呀........真係自討苦吃-___-!!!~

前幾日打未好囉..........正傻仔.........


p.s哇~~~~好長呀!!!好開心阿君o黎留言呀!!仲要留咁長喎~~~~

多謝妳呀~~~因為妳每次留o既言都令我有所領悟........

愛死妳寫d野呀!!!!!!^^哈~~我係妳ｆａｎｓ　１號～

>>>>>"情願後悔做過既事，也不要後悔有事沒做"

唔~~我都認同呀!!!!有做過有嘗試過.....無理結果係點.....都總好過唔做.....唔去試

咁樣起碼對得住自己先.............

>>December 26, 2002 at 1:45:06 PM GMT+8