2003 年 3 月 27 日 星期四 【陰】

陰。

面對非典型肺炎迅速蔓延，只有坐以待斃？


街上氣氛一片死寂。

不帶口罩的人反而顯得很怪誕．．．

遇著咳嗽的人，像看見怪物般敬而遠之

再報以歧視的目光。

；路人惶恐的神情，

：街上賣藝者哀怨的簫聲，

；行乞者的呼喊聲，

交織出一種莫明的幽怨感．．．


很厭惡這種感覺。





>>March 28, 2003 at 2:57:04 PM GMT+8

2003 年 3 月 26 日 星期三 【晴】

今天的時間過得真快～啊

不停地畫畫畫，就一天～啊

想不到可以由早上開始到傍晚都無離開張椅～啊

當然除了去洗手間～啊

電腦更由早上開到現在～啊

真辛勤～啊

一定很累了～啊

辛苦你了～啊

要休息一下～啊^0^

>>March 27, 2003 at 12:03:27 PM GMT+8

2003 年 3 月 25 日 星期二 【晴】

呢幾日心情本o黎都唔錯．．．

但係．．．

好嬲呀！

條氣硬係頂住頂住咁！

唔好再激我呀！！


哇！！肺炎好恐怖呀～

殺到埋黎我附近喇！！

依家連淘大都唔俾我去．．．

唉～

不過生死有命～～隨遇而安啦～



>>March 27, 2003 at 2:55:14 AM GMT+8

2003 年 3 月 24 日 星期一 【晴】

本ｏ黎我都唔想鬧妳架啦．．．

諗住算啦，當自己無帶眼識人．．．

．．枉妳仲可以理直氣壯咁打黎問我做咩事！！

仲要話係咪我自己問題咋！！

無野呀妳！？可以完全將責任推係別人身上！

好．．．到我叫妳諗ｏ下自己做過ｄ乜啦

妳可以諗都唔諗就大大聲咁話唔知自己做過ｄ咩喎．．．．

．．得哂．．．我無話可說

我忍到唔係電話度鬧妳，已經好犀利喇！

我驚一鬧就停唔到口囉！

我叫妳睇我地ｄ日記就會明白一切

妳睇就睇，唔睇就罷！

以後唔好再問我做咩事呀！！

呢篇係最後一篇寫妳！

從此之後我唔會再花一言一語，一字一句ｏ黎寫妳囉！

妳唔配呀！

>>March 26, 2003 at 4:03:19 AM GMT+8

2003 年 3 月 24 日 星期一 【晴】

妳咁想知點解我會咁對妳！？

我話俾妳聽，我依家係好憎妳呀！

實在太多事喇．．唔係一日半日發生．．．

無論公事定私事，妳都令我好失望囉！

而我最恨妳既係，妳一直都當我傻仔咁玩．．．

我知，我都覺自己係傻

但係點都估唔到妳會咁對我．．．

嘿．．．我知道ｏ左件我唔應該知道既事囉！！

如果我唔知，妳係咪諗住一路咁拖落去．．．

拖到我再問妳果時先講！

妳真係好自私．．．！

我真係好hurt囉．．．

夠喇．．．

我唔係妳私人鬧鐘呀！我唔係前世欠妳ｏ架！

頂咩呀頂！

係我面前就咩都話好，係我背後就話幼稚呀，踩到一文不值．．．

咁唔滿意未講囉！

駛唔駛假到咁呀！？

到作品集．．．妳應承話會做野，會畫ｌａｙｏｕｔ．．．攬哂上身．．．

好！咁ｄ　ｌａｙｏｕｔ呢？妳有冇畫過丫？

唔係交之前果晚求其畫出黎果ｄ呀！當應酬我地呀！

靠妳我地就死得啦！

妳諗ｏ下妳究竟有冇盡一個組長ｏ既責任！！

完全係冇囉！

催妳咩，妳又實多多籍口架！

返工呀，陪ｆｄ呀，幫家姐呀．．大～～～條道理！

大姐呀！妳唔識分配時間架！

係咪真係忙到連認真咁畫張ｌａｙｏｕｔ既時間都冇呀！

有拖拍就唔駛畫野呀！！

得～～妳可以戀愛大過天～～

但係就唔好拖延我地既進度囉～

可以嘛？組長！！

我終於睇清楚妳ｏ既人格．．．

可恨地，我到依家先知原來妳係ｄ咁既人．．．

朋友！？

嘿！我覺得妳連朋友都無當過我係囉！！

我都高攀唔起同妳做朋友呀！！

>>March 25, 2003 at 6:56:14 AM GMT+8

2003 年 3 月 23 日 星期日 【陰】

太好了～

真是太好！！

今日上作品集終於可以暢所欲言咁解釋俾阿ｓｉｒ聽～

唔駛俾人明明一知半解都爭住o黎講，扮有做野～～

．．我有無講錯呀，組長！？

呵～THE feel iｓ Good！！

真係想堂堂作品集都可以咁呀！！


一放學就回家繼續畫ｔｖｃ～

真乖仔呀～～

哈～～


同ｔｏｍａｙ講開世界末日呢個問題～

佢話有預感係２００５年喎～～仲要好期待咁！

哈．．．真係同道中人！

我都唔想日日對住ｄ偽君子，假面人．．．

全部死哂未可以一了百了．．．

睇番書，原來有段預言係話２００３年５月５日就是世界終結時．．．

哇！咁未得番個幾月命！

不過，就算過到５月５日都唔好咁放心住．．．

因為又有另一段既預言係話２００３年１１月２９日全球人類都將會滅絕！

因為１０月至１１月２９日間，會爆發核戰．．．全人類無一可以幸免．．．

睇番依家局勢，戰爭已經開始，相信都會持續落去．．．

會唔會到ｏ左最後真係會演變成核戰呢？

加上近年先後有不明病毒出現，先有禽流感，再有非典型肺炎．．．

種種跡象都顯示所謂末世徵兆．．．

亦都一步一步實現諾斯特拉達姆士ｏ既預言．．．

在安然渡過１９９９年的時候

曾被咒罵為預言失準的法國偉大預言家．．

．．或許一切都如他記述般世界將步向滅亡．．．．．．

"人們不願聽見奇怪的鳥聲，

在最重複的大砲之上，

小麥的價格上漲，

人吃人的時代便來臨。 "


－－《諸世紀》第二卷第七十五篇。


>>March 24, 2003 at 12:07:35 PM GMT+8

2003 年 3 月 22 日 星期六 【晴】

哇～～嘩～～哇～～

畫ｌａｙｏｕｔ已經畫到忘我喇！

我感覺到筆桿在顫動．．在燃燒！

它似回應著我內心的吶喊．．．

睇黎我就快可以達到”人筆合一”呢個最高境界喇！

發揮潛在ｏ既小宇宙啦！！

(背後的火燒得紅紅．．．)

哇哈哈哈哈哈哈哈嘻嘻！！！

．．．．．．

發完癲又要繼續努力咁畫呀畫-___-!!!~


>>March 24, 2003 at 10:27:46 AM GMT+8

2003 年 3 月 21 日 星期五 【晴】

上新堂玩拍短片一定會幾好玩！

期待！！

放學ｔｏｍａｙ竟然ｏ黎ｏ左接我地～～

奇蹟！！

嘿嘿～～

之後好似拍戲咁，扮散水再係老地方集合，一齊食飯～

估唔到呢？

我話俾妳聽，仲肯同妳講野ｏ既並唔代表無問題存在

妳又知唔知丫？

妳可能唔明點解我地會咁做～

因為妳每次都只會認為係我地鬧情緒

從來都無諗過係自己問題

妳亦永遠都唔會檢討ｏ下自己有無做錯野．．．

．．．．．．

諗唔到？認為自己無錯？定係仲想搵籍口呀！

嘿．．．．．．


ｐｓ我估唔到妳都會睇我日記喎！嘿！真榮幸！






>>March 22, 2003 at 3:01:25 PM GMT+8

2003 年 3 月 20 日 星期四 【晴】

又係星期五聚一聚o既時候喇～～

今日係維園餵鴿就餵ｏ左成日呀～～

好玩！！

講講ｏ下好有興致咁話想玩交換日記～

幾好呀～我都好耐無拎支筆黎寫日記呀～～

哈～希望記錄ｏ下我地有四個人但係得三個人做既情況下．．．

點樣完成作品集丫嘛！！


好！一於坐言起行！




>>March 21, 2003 at 2:56:26 PM GMT+8

2003 年 3 月 19 日 星期三 【陰】

好忙呀！！

包裝要交功課喇～

又係老毛病發作．．．

唔最尾果日都唔去做．．．

呀～～～如果做唔切點算呀！！

．．．．．．

ｄ日文又無溫過．．．

聽日第三堂啦．．．都唔知點算呀！！

上堂都無聽書．．．

呀！！！


心情唔可以再係低處徘徊喇．．．簡直嚴重影響工作進度呀！！

唉～～我笑果然唔代表我開心．．．．．．


>>March 20, 2003 at 1:25:31 PM GMT+8