2007 年 10 月 14 日 星期日 【陰】

由認識妳到現在，從未透過任何方法向妳說生日快樂，只是因為之前你填了我個birthday reminder，所以先send張咭比你。不過妳不一定會看到這文章，事實上在妳的生命中，我只是一個微不足道的過客，也許妳早已忘記了我是誰。縱使是這樣，也不緊要，我是妳的過客，妳也是我的過客。

的確，妳和我也是對方生命中的過客，只是妳這個過客在我的心中，總是有一定的份量。但是我在妳的心中，可能並沒有位置。正如你在她心中或許也只是一個過客。

感情從來是這樣，兩個人在對方心中的份量永不會相等，何況我一直也沒有為此介意過甚麼。我所重視的，是妳活得快不快樂，正如你也想她活得幸福快樂。我除了內心希望妳以後也能快樂外，還能做甚麼。

妳在我生命中出現的每一個片段，也一直留在腦海，因為妳，使我明瞭喜歡和愛有怎樣的別。

當時的我毫無疑問很喜歡妳，然後時間走過，我又喜歡和愛過別人。那時候，沒有好好把握，然後錯失了，使我明瞭到遺憾的威力。要是沒有此事，我怎會提醒自己往後不要再錯過甚麼。

現在的妳過著怎樣的生活，達到了理想嗎？還是理想已經不同？現在除了借這篇文章向妳說聲生日快樂外，我也不知道可以說甚麼。

(改篇自《給你的生日快樂》)

>>October 14, 2007 at 5:10:06 PM GMT+8

2007 年 10 月 4 日 星期四 【晴】

今日係小妹24歲生日，因為我表姐返咗嚟既關係，我今日都係陪佢既，不過佢係唔知我今日生日……哈哈！唔緊要啦！因為今日所有開支佢都一手包辦，咪當係同我慶祝lor，不過代價就大啦，我地每人買咗三百幾蚊衫呀！

好多謝同事既生日咭，真係好suprise~

>>October 5, 2007 at 6:00:33 PM GMT+8

2007 年 8 月 11 日 星期六 【乍寒還暖】

今日係做馬術test event volunteer既第一天，1100去到上水雙魚河report duty，不過好鬼遠，諗住打比個fd問佢點去，點知佢原來唔駛返，仲瞓緊覺，咁惟有自己搵。行咗成5 mins先到check-in counter，check咗in之後我就唔知點算啦，又無指示寫我個組係邊，問人先知係BOH。去到個manager竟然講：「唔……有咩比你地做呢？」跟住就叫我同其他兩個volunteer一共3個去追golf cart，因為啲人借咗嚟用，係1200比賽完之後就要叫佢地還。還係要將車連車匙交去logistic嗰邊，所以我地要行5 mins到logistics嗰邊做嘢。但係去到嗰邊既時候，佢地嗰office得1個貨櫃，褢面仲有成5個人，試問我地邊有位做嘢呢？所以我地話不如返BOH做，再用電話同logistic聯絡，到返咗BOH開始做嘢時，已經係after 1200。我地開始用電話問啲人幾時還，佢地都話借咗比其他人，要我地追其他人。我地同manager匯報時，佢話啲人佢識，佢去追，但係聽佢係電話度同啲人講：「有無攪錯呀！借咗咁耐，你依家即刻返嚟交車……」嘩！簡直令我側目。

咁之後到1300，佢地已經話去食飯，其他兩個volunteer開始有啲不滿，就問食完飯之後有咩做，manager就話收空水樽同水機，咁又問到底駛唔駛volunteer幫手，manager話staff都可以攪掂，即係我地可以收工。佢最後仲問邊個聽日返，咁我就舉手，佢就話：「其實都無實質既嘢做，你聽日可以唔駛返，不過如果你想返都可以返。」我當堂O咀。

咁走咗之後我個fd就打嚟，我第一件事就問佢點解要返後嚟又唔駛返，原來佢話啲staff同佢講話無嘢做，可以唔駛返。O!咁我就即刻約佢食飯交換情報……

今次真係一個「難得」既經驗，係以後都好難得到，又難以忘記……出面講既嘢無句真ga！

>>August 12, 2007 at 5:04:11 PM GMT+8

2007 年 7 月 31 日 星期二 【清涼】

無論怎得罪 你說我是負累
陪著我等於死去了無情趣
從前或現在當我是誰
你這一種伴侶

前夜一起睡 你卻沒廉恥
竟講出口你怕受罪
完全忘記往日為何
凌晨迎潮浪戲水

難道愛愛愛愛愛對愛情已死心
貪高興好心敷衍一下卻逼真的親吻
我們這結局太不堪
分不出真假的愛恨
無謂愛愛愛愛愛太過動魄驚心
我估錯這個世界得到教訓
怎相信人
命中怎麼愛著你為人

立甚麼心腸 我對你極善良
如若你肯想想我這樣受傷
你會知愛情毒於砒霜
你怎安心可不改漂亮

怎想像 共你已同享多少很真確晚上
一轉頭 纏綿後要罰離場

難道愛愛愛愛愛對愛情已死心
貪高興好心敷衍一下卻逼真的親吻
我們這結局太不堪
分不出真假的愛恨
無謂愛愛愛愛愛太過動魄驚心
我估錯這個世界得到教訓
怎相信人
命中怎麼愛著你為人

仿似幻像你給我的愛是玩具磨爛後變絕情
難為這洗劫永沒罪證
道別並無罪也沒權問你內情

難道愛愛愛愛愛對愛情已死心
貪高興好心敷衍一下卻逼真的親吻
我們這結局太不堪
分不出真假的愛恨
無謂愛愛愛愛愛太過動魄驚心
我估錯這個世界得到教訓
怎相信人
命中怎麼愛著你為人

(我都唔知點解你忽然對我無晒感覺
以前嗰種快樂就好似成為一種罪惡
連我失眠 你都唔多覺
或者其實所謂愛情都只係互相搵個寄托
或者係一場即興嘅幻覺
連自己都唔知道 乜野係喜 乜野係樂
幾時有感覺 又幾時無晒知覺
就算你無突然失去下落
我地之間都可能已經落幕)

難道愛愛愛愛愛對愛情已死心
貪高興好心敷衍一下卻逼真的親吻
我們這結局太不堪
分不出真假的愛恨
無謂愛愛愛愛愛太過動魄驚心
我估錯這個世界得到教訓
怎相信人
命中怎麼愛著你為人

(把失敗換教訓 不死總算幸運
看 全沒罪案發生
為著聚散不需責任
一起若像軟禁 無疑離開先更合襯)

呢首歌真係超好聽~

>>August 1, 2007 at 7:18:56 PM GMT+8

2007 年 7 月 18 日 星期三 【晴】

去咗雲南8日，星期一先返，相就整緊，遲啲先有得睇。但係8日原來真係發生好多事ga，好似我個friend散咗咁，聽到嗰時心即刻一沉，話晒有3年感情係度，話唔痛就假ge，不過無論點都好，都希望佢地2個可以儘快振作起來……

但係另一方面，我好開心單身俱樂部又多1位成員啦，識男仔記得搵埋我呀！

>>July 18, 2007 at 6:09:33 PM GMT+8

2007 年 6 月 7 日 星期四 【溫暖】

哎哦！《花樣少年少女》個結局好爛哦！人地梗係想瑞莃變番女仔同泉一齊ga ma，點解唔比人講啫，講咗又唔代表唔可以一齊，哎呀！真是氣死人啦！有啲嘢乜唔講維持現狀真係比講出口好咩？

>>June 8, 2007 at 6:00:48 PM GMT+8

2007 年 5 月 25 日 星期五 【晴】

今日A君又同我講話有啲組員唔係用hotmail，所以msn add唔到佢，我即刻問全公司同事，個個都話應該唔會add唔到，所以我覺得A君應該去上吓電腦堂~

>>May 26, 2007 at 6:21:10 PM GMT+8

2007 年 5 月 24 日 星期四 【晴】

邊有人咁蠢ga！msn係人都知啦！你唔會走去yahoo開msn ga，yahoo嗰個都唔係叫msn，枉你仲話自己係做生意，你究竟係做咩生意，係唔係好似你咁斯斯縮縮唔見得光，定還是你少用msn……唉！所以話政府請人既眼光真係唔得，梗係會請埋啲奇呢人……我咪講緊我組個A君lor！

禍不單行，我今日去元綠食手卷，等咗成15mins都未有，原來漏咗單，到佢比到我時，上面又附送蛟滋1隻，我當堂唔開胃，我諗我有一排都唔會去元綠食……

原來真係黑開有條路ga~

>>May 26, 2007 at 6:18:29 PM GMT+8

2007 年 5 月 18 日 星期五 【溫暖】

今日去咗奧馬義工orientation，我入咗Cooporate Administration (CA)，我坐低時，左右手隔一個位每邊都坐咗個中年男人，左手邊嗰（後稱P）個都無乜嘢，右手邊嗰個（後稱A）就開緊會時講電話不特止，仲係度挍pat pat，我心諗，如果同佢一組就死啦……

點知係黑色5月之下，呢2位中男都成為咗我既組員，P都一路都好正常，但係A就係我地填email方便聯絡時就問：會用邊個email send比佢，因為佢怕會變咗junk mail。1st batch義工就話未知，但係佢係咁問，終於義工都忍唔住話依家答唔到佢……

唉！估唔到第1日就有事發生，睇怕一日有佢，我地嗰組都幾難無事……

就係因為佢，攪到我6點先走，仲要走嗰時遇到暴雨，攪到遲咗45mins返公司……

>>May 26, 2007 at 6:12:03 PM GMT+8

2007 年 5 月 6 日 星期日 【晴】

今朝收到電話，話我已經被選奧運馬術（奧馬）義工，心情我矛盾，唔知值得開心定擔心。係咁多人入面揀到你梗開心啦，但係一聽到有2個月training，心諗：死啦，你知我份工日日放工時間都唔同，都唔知抽唔抽到咁多時間出嚟。唉！就算19號既orientation我都仲未度期去。一嚟就咁多難關，點算呀！

>>May 14, 2007 at 5:49:47 PM GMT+8