2005 年 3 月 8 日 星期二 【晴】

今朝有個阿嬸打電話嚟sell嘢，又長氣又問長問短，仲問我點解唔返工，我讀緊書ga咋，真係比佢激死~

去咗剝智慧齒，好快就撬到出嚟，痛又唔係好痛，不過唔係好止到血。剝完一邊下禮拜如果傷口ok的話就會剝埋另一邊……

>>March 9, 2005 at 7:25:16 PM GMT+8

2005 年 3 月 7 日 星期一 【晴】

我今日見到陳豪呀！不過睇真啲原來係隔離班ge人，佢從良之後個look真係斯文好多。大慨我睇《心花放》睇得太入迷啦，攪到返學校都係度發夢……

>>March 19, 2005 at 4:35:13 AM GMT+8

2005 年 3 月 6 日 星期日 【晴】

馬拉松後記

今次做義工真係令我獲益良多，除咗知道唔可以亂用人外，更知道做組長ge話係唔可以手軟，如果唔係組員就唔會聽你支笛，好似winni嗰個咁。美中不足ge係我ge選手雖然破咗佢自己ge最佳紀錄，不過因為佢今次嚟係幫奧比斯籌款，但係因為我將捐款箱擺係一個人地睇唔到ge位，導致籌唔到$，我覺得好guilty，係床度望到隻熊仔就成晚瞓唔著……

>>March 8, 2005 at 4:11:27 PM GMT+8

2005 年 3 月 5 日 星期六 【晴】

馬拉松第五章——總結

係呢個時候可能以為我輸，不過其實我並唔介意輸贏，至緊要幫到選手就得，所以我忍到依家先講。既然比賽已經完咗，我已經唔需要再幫啲咩，如果你要做，就比晒你做啦！

結果，係比賽之後，佢真係做咗三陪女郎：陪攞嘢、傾偈、食嘢，佢可以由選手唔想食嘢變到佢攞住係度食，令我唔覺意講咗句：佢有本事！唔知企係隔離ge組長聽唔聽到呢？哈哈~

咁佢做晒，我咪無嘢做lor？錯！有時睇嘢唔係只睇上半截，要睇埋下半截，上半截係佢地係度食嘢傾偈，下半截係我做咗trainer，幫佢拉筋，呢啲粗重嘢佢又點會做呀，哈啦佢就做！

不過做完trainer之後，我已經唔理啦，咪等佢攪掂lor，佢咁想做！不過問題嚟啦，因為我之前話佢係唔做得嘢ge，咁比晒啲嘢佢做咪死！傻啦，我梗係認為佢做到先比佢做啦，哈啦佢做唔到咩？

所以之後閉幕典禮我叫佢幫選手影相，啱晒佢啦，係咁多人面前。但係之後有記者訪問需要翻譯，我本來唔想開口，諗住比佢做，堂堂一個英文系，翻譯幾句都ok卦，而且又係對佢鏡頭喎，仲唔食正佢個瓣！不過實情係佢企係度郁都唔郁，個口都無開過，係咁ge情況下，就惟有我開口啦。我真係估唔到佢一句嘢都講唔出，不過我心裡面暗自竊笑，因為佢終於知道自己唔係瓣瓣掂~

>>March 7, 2005 at 10:38:29 AM GMT+8

2005 年 3 月 4 日 星期五 【晴】

馬拉松第四章——比賽啦

今日ge天氣好好，勁好太陽，係非常之適合比賽。我講ge除咗係選手比賽之外，亦係我同佢ge比賽。我發覺佢係好鍾意做嘢，連唔係佢嗰份都做埋。不過佢係揀嘢做，啲表面嘢呀、比人睇到嗰啲佢咪做lor，例如倒茶遞水、執嘢呀（係執枱面嘢，選手嗰bag入面ge嘢永遠都係我係度執，夠表面呢！）……啲去搵熱水呀，買嘢飲呀啲人睇唔到ge永遠都係我做。佢個人講得好啲係熱心，講得唔好聽就叫多管閒事。我攞啲杯返嚟方便倒嘢飲，唔駛吓吓都要走去攞，我攞返嚟一陣啫，佢永遠會同我dum晒佢。我比你做唔緊要呀，你做晒佢又點話，不過你做錯晒，比人鬧嗰個係我咋。明明listening差，就係要跑去聽選手講要咩嘢，最終攪錯咗，比選手鬧嗰個係我。連我人緣咁好ge人（我自認ga，不過好似有啲自大添）都頂佢唔順，唔怪得佢嗰班無人同佢熟啦！

佢係頭12個鐘duty，佢話想我留一陣，因為佢驚唔熟手，事實證明我留一陣係啱ge，如果唔係邊睇到你咁唔掂呀！如果唔係我一個人頂唔到24小時，我真係唔駛你幫呀！到我duty嗰時，佢係最後15分鐘已經係度執嘢，一夠鐘就即閃，我嚟遲啲交更都死。不過都好ge，你走快啲仲好，唔駛係度篤眼篤鼻。

係佢走咗之後，我就全心全意照顧我ge選手。係3度ge低溫下，本來已經將自己放咗入雪櫃ge我，因為地震就震溶咗，反而係其他組ge組長，佢因為太好人，最後都無迫到班大一返通宵，結果就自己一個做通宵。之但係佢一對二，真係有啲勉強。

啲選手有啲會帶屋企人，有啲就無。我嗰個無帶，所以我就要乜都做。佢嗰組就2個都有帶，所以其實還好。啲女選手通常都有帶屋企人，因為知道自己麻煩，有時要食嘢，有時要飲嘢；有時要休息，有時要換衫；反而啲男選手就無，但係就除咗佢嗰個有帶老婆嚟。因為到最後佢因為失溫冧咗，佢老婆就發揮好大作用。

選手大部份都係日本人，無辦法，呢邊哈日嘛。不過因為實在太凍，3度呢，仲凍過雪櫃，有幾個都退出咗……

講番我場比賽，到臨完場時，佢知道有得陪跑就雙眼發光，因為有勁多人影相嘛，咁我唔通唔比你去咩！結果，臨尾執嘢嗰個係我~

總結一句：慘得過我

>>March 16, 2005 at 4:18:06 PM GMT+8

2005 年 3 月 3 日 星期四 【晴】

今日記者會終於見到我負責ge選手啦！佢仲送咗隻熊公仔比我做禮物，真係好surprise！

我ge角色即係楊思琦ge Miki，不過我保護ge唔係Freeman，而係甜酸爺爺，因為佢已經有60歲啦！

>>March 8, 2005 at 4:03:23 PM GMT+8

2005 年 3 月 2 日 星期三 【乍雨乍晴】

馬拉松第三章——終於開會啦

咁我同嗰個人lunch time就約咗傾吓嗰日 ge schedule，同埋排吓班咁。我預咗排通宵ga啦，因為住宿舍實走唔甩。咁傾得都好順利，半個鐘就散會lor。不過呢個就係惡夢ge開始~

>>March 7, 2005 at 9:09:32 AM GMT+8

2005 年 2 月 28 日 星期一 【乍雨乍晴】

馬拉松第二章——加人

組長今晚突然打電話嚟，話可唔可以加個人入我嗰組，我當然無問題啦，難得有多個人比我用。但係原來呢個人本來無份ga，但係佢因為寫錯email（連email都寫錯，我真係懷疑佢ge辦事能力）而收唔到落選通知，之後佢又走去問，組長見佢係同班同學，就唔好意思話唔要佢，就問入我度o唔ok。我本來想問吓佢份人係點，打聽吓費事plan嘢嗰時有啲咩發生就唔好，但係我問過晒其他人，竟然無人同佢熟！o my god，佢嗰班都無人同佢熟，咁……從此就種下禍根~

>>March 7, 2005 at 9:05:29 AM GMT+8

2005 年 2 月 24 日 星期四 【乍雨乍晴】

馬拉松第一章——分組

今日開會主要係比機會各組組員見吓&分配工作，而我負責ge係香港組，有一位選手係英國人，不過佢係city u ge professor，所以就算佢係香港人。佢咩嘢都係自己，所以我唔駛接送機，亦都唔駛去酒店，我主要都係同佢email，睇吓佢有咩需要幫手。亦都係因為咁，呢組得我一個人~

咁我就旁聽（實質係八卦）其他組點分啦，唔聽尤自可，一聽把鬼火。啲大一擺款擺到死，話明24小時比賽，咁梗係有早午晚&通宵ga啦，點知佢地話早班起唔到身，夜晚又話無車返屋企，全部話要午班。梗係無可能啦，全部堆晒一齊，做連體嬰咩！最後都分唔到，咁就唔知佢地點啦，不過如果我係組長的話，我實鬧死佢地！

>>March 7, 2005 at 9:04:16 AM GMT+8

2005 年 2 月 23 日 星期三 【綿綿細雨】

做男人要光明磊落，要肯承擔，連拍拖都偷偷摸摸，即係話佢唔肯承擔責任

《甜孫爺爺》

哈哈！希望你唔好比人講中啦~

>>February 24, 2005 at 5:09:31 PM GMT+8