| 日記 | 日記主簡介 |
|||||||||
2003 年 4 月 12 日 星期六 【陰】 呢個世界真係冇人靚聲甜架!!!!!!! 就算有, 例子唔覺多!!!!!!!!!! 我不嬲有聽開某電台節目, 主持人把聲好掂, 好磁性, 有時訓唔著, 聽下佢把聲仲掂過拍丸~ 呢個主持人除左佢把聲靚之外, 佢講d 野好有point, 兼且又有歌聽, 最重要0既係, 佢0既生日係同我一樣, 咁特別0既日子, 我查過全香港只得八個人同我一樣, 佢就係其中之一個 如事者我就對佢產生更0既興趣, 於是我就0係網搵下, 睇下睇唔睇到佢0既龍山真面目~ 好可惜......"茅" 點知今日我睇電視俾我睇到, 我完全接受唔到, 佢就係wasabi !!!!!!!!!!!!!!!! 點 解 會 咁 架 ??!!! 把聲咁後生, 點解真人係咁???????? 原來人就算幾老, 聲線係唔會點變.......... 又一次proof左, 世上係冇"人靚聲甜".............cool~~~~^_^" >>June 27, 2004 at 5:54:19 AM GMT+8 2003 年 4 月 10 日 星期四 【陰】 做咩六合彩又唔見中! ? d 衰野係咁0係我身邊擦過架, 我個心肝仔唔襟嚇架....... 上次咁多橦樓都俾我撞到正, 仲要中到樓層都中埋添~~~~ 經上次耀謙11樓又一傑作--------隔離屋好似涉嫌"賴"到野呀~~~~ 日日有政府合處d人上黎拍門玩尋人~ 好驚呀~~~~ 我唔想考完試後0既活動就係俾人隔離呀~~~~ 今次大煲粥兼煲(火農)喇~~~~~~ 妖~ 都話左新移民冇樣好架啦!!!!! 落左黎幫到d 咩?! 落左黎都算啦, 做乜差成日又返上大陸, 大陸高危地區黎架嘛, 死蠢!!!!!!!!!!!!! 用下個屎眼諗下野啦, !@#$%^&* 我嬲呀~~~~~~足足十盞燈著晒!!!!!! >>June 30, 2004 at 12:31:39 PM GMT+8 2003 年 4 月 9 日 星期三 【雨】 都唔知佢想我答乜,其他question又唔肯定0岩唔0岩,佢問親d 野我都冇溫過, 唯有靠上堂d 印象作答,唉..... 不過做完chem, 個feel好過physics, 可能我對chem根本冇抱有期望~ 話雖如此,我都有零晨四點起左身讀下chem, 我點都係怕死嘛..... 當有付出過, 個心好過d....... 到左最後......."茅"意思, 又係得個"令"! >>June 30, 2004 at 12:31:48 PM GMT+8 2003 年 4 月 7 日 星期一 【陰】 就算係白紙黑字打0係准考證上面都唔可以信以為真!!!!! 冇啦啦提前考practical, 完全冇理過我呢d 讀physics+pura人0既心情~ 14號0岩0岩考完pura, 接住又要去考practical, 等我仲諗住有十日慢慢練下d practical添~ 慢慢考完都可以0徙下d 時間, 咁快考完都唔知可以做咩好, d肺炎真係好乞人憎！ 之後ｄ日子都唔知點算，實在太～～～～～～～無聊喇！！！ >>June 30, 2004 at 12:32:02 PM GMT+8 2003 年 4 月 6 日 星期日 【雨】 追 張國榮 這一生 也在進取 這分鐘 卻掛念誰 我會說 是唯獨你 不可失去 好風光 似幻似虛 誰明人生樂趣 我會說 為情為愛 仍然是對 誰比你重要 成功了敗了也完全無重要 誰比你重要 狂風與暴雨都因你燃燒 一追再追 只想追趕生命裡一分一秒 原來多麼可笑 你是真正目標 一追再追 追蹤一些生活最基本需要 原來早不缺少 WO..HA.. 有了你 即使平凡卻最重要 (只得你 會叫我彷彿人群裡最重要） 好光陰 縱沒太多 一分鐘又如何 會與你 共同渡過 都不枉過 瘋戀多 錯誤更多 如能重新做過 我會說 願能為你 提前做錯 有了你 即使沈睡了 也在笑 >>June 30, 2004 at 12:32:19 PM GMT+8 2003 年 4 月 4 日 星期五 【晴】 我只可以講句"英雄無用武之地" 讀到滾瓜爛熟果d chapters....."矛", 得左"令"!!!!!!! 頂你~ 駛唔駛出咁多wave, 死得啦~ 唉..........原本諗住呢鋪可以食三六萬,靠physics同pura咪食得出囉~~ 點知家下得返卡窿絕章二萬, 單憑pura 希望可以食鋪雞糊都好過"矛"啦............ ~BETTER THAN NOTHING~ 茶王, 睇到你留言0既時間, 相信係0係未考之前寫, 你之前所想0既, 亦係我而家所想的, 希望如此.......... >>June 30, 2004 at 12:32:35 PM GMT+8 2003 年 4 月 1 日 星期二 【晴】 哥哥張國榮做咩會跳樓死架??? 唉......好down......... 當阿萍打俾我同我講哥哥0既死訊時, 我仲以為佢玩我, 同我開個玩笑, 應下個四月一日0既蠢人節, 點知..........消息係真架!!!!!!! 我唔想接受呢個現實呀.......嗚嗚~~~~~ 點解應死果d人唔死, 仲要0係呢個世界上為害人間, 唔應死果d, 偏偏就離我而去....... 日日聽見d 新聞都冇好野報導, 打仗打到痴晒線, d肺炎又越搞越大鑊, 個A-level 又考到唔湯唔水, 我自己大佬做野又俾人打, 老豆D 野又唔掂.......... 一句講晒, 外憂內患, 建華六年真係冇樣好呀~~ D衰野黑野唔好再黎啦, 我真係吃不消!!!!!!>_<" >>June 30, 2004 at 12:32:54 PM GMT+8 2003 年 3 月 29 日 星期六 【晴】 我都唔知自己答成點, 只係覺得自己突然間變左個社評人, 係咁評論人地d 野, 又俾下自己意見, 一句講晒-----"吹水"! 早知就唔溫中文, 溫同唔溫好似都冇咩分別, 用多d 時間溫英文好過!!!!!!!! 有好人都帶口罩, 果d 監考官驚死到爆, 全場都帶坐個罩, 有d 仲驚到帶手套派卷添~ 唉......見到佢地咁, 我覺得自己好似生人勿近咁~ 唔知係咪佢地帶晒口罩, 睇落佢地d 樣好左好多啵~ 冇以前果d 樣樣衰衰0係度行黎行去, 煩鬼住晒!!!!! hehe~ 都好既~ 望落去順眼, 養下眼都好過冇啦~~~~~~ >>June 30, 2004 at 12:33:16 PM GMT+8 2003 年 3 月 24 日 星期一 【晴】 咩都補晒喇~~~~~~~~ that mean 開考喇~~~~~~~~ 分分秒秒我都0係度count down, 5......4......3.......2.......1........ "根據禮堂0既時鐘, 而家係八時三十分, 各考生可以開始作答........" "According to the hall clock, now is 8.30, you may start........" 呢兩句話，我唔駛幾耐就可以聽到，不過呢ｄ都唔係我最想聽到，而係 "time's up, pens down.............." 我諗我聽到會當場大叫狂呼，我考完喇！！！！！！！！！！！！！！！！！！！ >>June 30, 2004 at 12:33:54 PM GMT+8 2003 年 3 月 22 日 星期六 【晴】 做乜鬼d 肺炎咁利害架?! 人地打仗驚敵方有生化武器就話要戴防毒面具ja, 我去應考果陣, 駛唔駛戴返個口罩呢??? 我唔係驚對手d 咩, 係驚佢有菌呀~~~~~ 大佬~ 我係無辜架, 有d 咩都唔好惹到我呀~ 我要考AL架, 絕對可以出師未折身先死!!!!! 有病d人就死開d 啦, 咪累人累物!!! 無論咩樹幹, 有理冇理食多兩個橙先, 維他命C-------------頂住呀!!!!!!!!! >>June 30, 2004 at 12:34:10 PM GMT+8
|
人氣: 43501 Design & Scripting by ShowHappy.Net |
Hey ~~~
<br>take