2004 年 4 月 13 日 星期二 【晴】

笑到嘔、笑到透唔到氣.....gohey、karen、lamson、tracy、carol、蟲、妹頭，同埋我，一行八人(但原先得四個咋喎).....今晚的笑匠竟然係蟲...真係無諗過。本來話好想記住今晚笑過o既o野，但實在太多啦，無可能記得晒....以下是少少的撮要︰
carol見到人就話想嘔.....lamson話用盛咖哩蝦的大盆俾carol嘔....
gohey認了蟲做娘親.....gohey話要玩芭比公仔...
lamson放了豬頸肉的伴碟花花上gohey個頭上面.....
隔離桌子媽媽生日，我o地一齊拍手...之後叫gohey同lamson過去獻花同唱歌.....
lamson食晒個飯筒o的飯俾被gohey激到嘔的娘親蟲嘔，之後carol話要食粥....
蟲叫gohey起身跳茶壺舞俾姐姐睇...
gohey話蟲係生保人，但講得唔正，變o左"三寶"人...唔知三寶係咩，即係青椒、矮瓜同豆腐，蟲話要做矮瓜，之後唔知邊個話要做o的癡o下癡o下o個o的，karen話gohey就痴痴地(即係魚肉呀)....
仲有太多啦....唔記得咁多，總之就係笑到嘔啦!!.........救命....笑到無晒氣，透唔到氣.....低能o架，這班人....真的低能的....但今晚搞笑的竟然唔係lamson喎.....奇怪奇怪!!!

>>April 14, 2004 at 4:16:02 PM GMT+8

2004 年 4 月 13 日 星期二 【晴】

延續了昨晚的約會，今朝我們相約看早場....正!!!超抵，$25早場價....我、ben、蟲一齊去了看<嘩啦嘩啦飄流記>，好好笑，不過，全場最好笑的，係有個小朋友大叫"衰仔"..同埋最後尾放字幕時兩隻象的對話，笑死o左....勁白痴呀!!!!BB......同埋愛你愛到發燒......好搞笑呀，戲入面的動物，隻隻個樣都好蠢O架，勁得意呀.....插座腳的豬.....蛇咁樣的長勁鹿.....一粒豆咁o既青蛙仔.....哈哈...好得意...我都係鍾意睇卡通片多o的....heheee.........

都仲係唔想做o野添.....不如訓返陣啦....hehee.......

>>April 14, 2004 at 6:42:31 AM GMT+8

2004 年 4 月 12 日 星期一 【晴】

突然抽起條筋去BBQ，又會咁都約得到人.....今日約、聽日去....hahaa.....五個人，有放假的、有放學的、有dayoff的，去到銀線灣BBQ，去到，竟然好多人喎....仲諗住唔係公眾假期，唔會有人添，點知....o的家長真係偉大，全場都係小朋友同太太.......由於約得咁趕，我o地個個都唔記得帶電筒喎....摸黑的BBQ....就係咁，我就燒焦o左好多o野........其實，無咩特別，只係這班人，都令我好舒服，我們沒有說些甚麼很深入的話題(當然，如果有就更好啦)，講o下感恩事項，講o下受難曲，講o下聖經，講o下無聊o野，串o下笑o下....甚麼都說......不很深入，但很開懷!!!蟲仔今晚唔知做咩，口不停呢，除了口不停的食之外，就是口不停的說，但我倒喜歡這個她，她可以說這麼多東西，是因為她都很信任這裡的每一個，所以甚麼都說，甚麼都笑...連俾人串都係度大笑.......就是這個感覺了，這就是開懷的原因........可惜，今晚小盼沒有來呢.....預計九點鐘走，點知十點半先離開....好在，都可以係十二點前返到屋企^________^

倒數︰15日

>>April 14, 2004 at 6:42:54 AM GMT+8

2004 年 4 月 12 日 星期一 【晴】

好飽...當然，又係食o野啦，悶悶地，又去玩煮飯仔，三個食送，無飯，但都食唔晒.....今次，無上次咁好食啦，唔知係咪因為今次玩煮飯仔只係為了玩，所以，無咩心機煮...=p
好在無人話要食o即...hehee.........

好悶呀，但又唔想做o野，點算好呢？？.......
一陣又出去玩啦...這個假期，想好充實o架，不過，開始放假時又唔想做...
本來好想畫一幅畫(因為好耐無畫啦)、睇書、睇DVD(這個唔睇唔得，因為睇完先返學校present o架)....不過，過了一個中午，咩都未做過，係因為唔想郁....hehee.....懶到死呀!!!!=)

>>April 13, 2004 at 6:41:40 AM GMT+8

2004 年 4 月 12 日 星期一 【晴】

仍是很早的起來，今天，八點多便醒來了，不過在床上躺著到九點半才起來......
這個假期，其實有工作要做的，不過....唔想做住....
起來看了一會電腦中的相片，回看了這兩年的相....又試好想減肥啦>.<，我覺得，自己最靚時係剛入dog power的時候至入了半年的時間，入dog power前超瘦，有時瘦唔代表靚，那時精神好差，面上沒有笑容，所以...唔太喜歡，入了dog power後，開始增磅了，那時該是85-90磅，面上掛著快樂的笑容，那是真正從心發出的笑，因為，在dog power入面，我真正能從心底地笑出來，特別是和e包一齊的時候^___________^，好想減肥呀.....五磅就好好o架啦....不過，我知我係個減唔到肥o既人，之前勁病，又食唔到飯，都係減了三磅，而且，一食返o野，正常返就會肥返o架啦.........而且，我越來越鍾意食o野，好似有點病態咁，好想好想成日都可以放o的o野食入口...咁樣，想唔肥死都唔得啦....>.<夏天就到啦，唔通我這個夏天真係日日要著長袖衫先得...>.<唔制呀!!!!!!!!!!>0<..........
哈...我記得我年半前講過，我話我一拍拖就會瘦o架啦......haha.....Is that theory truth??=P
突然覺得自己好白痴添......hehee....=p

>>April 13, 2004 at 6:37:23 AM GMT+8

2004 年 4 月 11 日 星期日 【晴】

今天我們一家人去了沙田食乳鴿...哈，好久沒有做o的咁有情趣o既事啦，一家人特登出去食飯，通常都只係會係屋企附近的酒樓食o架之o麻，今日特登入去沙田喎......^0^還收到了小熊廚師呢....heheee....

今日仲收到復活節禮呀，係豬妹送o架，謝謝豬妹!!!放邊個張相落去好呢？？haha....好耐無見豬妹啦，今日一齊食o左餐lunch...真好!!

倒數︰還有16日

>>April 12, 2004 at 5:17:25 PM GMT+8

2004 年 4 月 11 日 星期日 【晴】

12/4星期日
復活節崇拜
很享受今天的崇拜，敬拜時間、講道時間、聖餐時間、甚至報告時間都享受其中
很投入的敬拜，是因為今天是復活節，感性上，更加深刻耶穌的愛與犧牲
講道時間，也因為是復活節，在談復活的道，談生命中的神蹟，我也願意自己是個相信神蹟的人，或者，間中我也和當時的門徒一樣，祈禱了，卻沒有期待過神蹟的出現，所以今天，我更期待神蹟的出現，提醒著自己，上帝是個行奇事的神，耶穌的復活，已是最大的神蹟。我要學習有信心，對神的信心，同樣，對人的信心。
聖餐，聖餐是主耶穌在釘十架前設立的，更感受到祂要我們吃喝祂身體的意思
報告.....這個...或者是因為很久沒有聽到鍾生報告了...=p

中午，去了看大笨的打交比賽，勁殘暴呀.......看得我和蟲仔都抖震了.....我在場內，禁不住尖叫出來，特別是大笨比賽的一場，因為，你看見的，是你認識的人.....好怕......我叫著，不要拉斷他的手呀....透不過氣了.....死啦死啦...........真的很恐怖!!!還有參賽者將另一參賽者的手拉甩了...好驚呀....但參賽的人都好像沒有反應般.......回到來，仍是hehehaha..........或者，他們都看慣了，或者，他們說，這些是家常便飯，我自己也經常被人拉掉手腳.....但對我來說.....好可怕啊!!!!無論如何...........恭喜你，大笨!!!但我相信，我明白你內心的那種苦...那種和表面上喜悅相對著的苦....因為，我都想像到了.........

晚上......走了..........倒數開始了...........萬事小心!!!保重!!

HEHEE....家瑤，有了妳，當然更加充滿愛啦！不過，人的愛，不能與神的愛相比喎...

>>April 12, 2004 at 5:34:22 AM GMT+8

2004 年 4 月 11 日 星期日 【晴】

可以寫回這兩天的日記了!!
星期六(10/4)
今天節目豐富!!!
中午去了trendyland食lunch!!!好正!!!不是食物很正，是環境很正，小朋友很正!!可惜的是出門口時忘記了帶相機，而且，找了它很久呢，結果，享受的時間很短，不能好好的在內享受那"可愛"的環境，沒有和winnie the pooh痛快地拍照、沒有和好多好多的小蜜蜂拍照，也沒有好好的去看每一個裝飾........下次要再去!!下次夜晚去!!!我要睇住o架火車係頭頂轉轉轉呀...>.<...不過，要隔耐o的先去啦，都幾貴呀，lunch都咁貴，dinner咪仲貴？？！>.<
點解要咁趕？因為要趕下場去看《受難曲》吧!!很想可以在復活節前看這電影，所以，只有今天!!飛的過到奧海城，也遲了幾分鐘了...算吧，其實看聖經也一樣。整套電影看完了，或者因為有了心理準備，所以沒有想像中的恐怖，我還以為這電影會令我感情上極之震撼，不過，沒有!!不是因為耶穌被鞭打、被出賣、被嘲笑、被冤枉、被釘十架的片段/事實/行為不震撼，我說是沒有很大很大的震撼，是因為在我心目中，一直也知道耶穌為我所受的苦正是如此，這種的震撼，由一開始也是如此，看到時，沒有特別令我感到不能接受，是因為，我已經接受了他這樣的死是為了我罪。耶穌每一鞭打，我的心都在痛，都在叫，別打了。耶穌被出賣一刻，我想到的是，我曾受過的傷害算得上甚麼，看見眾人一同來"指證"耶穌、將無罪的衪釘死，我想到，我曾經被冤枉的，算得上甚麼？耶穌身上的每一傷痕，正是為我的罪而傷的，我豈會沒有感覺？"因祂受的鞭傷，我們得醫治"，我曾受過大大少少的傷害，經歷過耶穌大大少少的醫治，我知道，衪身上的每一條鞭傷，正是為了醫治我，是衪為了我免受傷害，而為我受的酷刑，是祂為擋我所受傷害，而使身體沒有一寸完整的地方，可以想像，那些鞭打，原應該是加在我和你身上的，但耶穌看見了，衪就蓋在你我的身上，為我們抵擋了......沒有震撼，卻不住的提醒著我，上帝有多麼的愛我。除了傷痕、就是流血....在鞭打後留下的大堆血蹟、在強被戴上荊棘冠冕，荊棘在衪頭上刺進衪的頭、所流的血、在十架的路上衪跌低、被鞭打所流下的血在十字架上從手心一直向下流的血....每一滴血，就是為了我的罪，是我每次犯罪，就等如那為耶穌加上傷痕的人，是我親手的令衪流血.......每當我離棄我的神時，我就如猶大、就如那愚蠢的群眾，出賣衪、離棄衪..........這樣，耶穌所受的苦，能說與我無關嗎？既是因我而起，又怎會沒有感覺呢？只是，看後我仍然平靜，是因為一直以來，我都知道，電影，只是一個提醒!!不過，是一個很好的提醒。耶穌，我愛您！因為沒有比您更愛我的了！
謝謝你在身旁的解話，告訴我當時的背境，否則，我要花上更大的力氣去明白內容，而不能感受其中!!!!你問我看後的感覺，我告訴你了，但那一刻，我不能很好的組織起來，只有讓我在日記裡，慢慢的思想，才能完整的說出，現在，你明白了嗎？
接下來，其實該是小組時間，但我沒有回去，或者有人會說我是貪玩所以沒有返，或者有人會說我不夠屬靈了，所以選擇去玩也不回小組....不過.....我相信有人明白我，沒有出席小組，是的，其中一個原因是他明天飛約旦了，另一個原因，也該是最主要的原因，正是我對鍾生說的原因.......所以，我選擇缺席了........
晚上，等了很久，終於都去了外野手食日本菜，好好味!!!完成了我的心願，也很滿足!!不過，好似上次食得多o的呀....唔抵添=p
再一次去到尖東海旁，碰見敬拜隊的弟兄姊妹，和他們談了一會，也和他們一起祈禱了，欣賞你們的付出和堅持!!!!之後，我們繼續的在海旁傾偈...談了很多很多、百般的感受...享受這一段安靜談天的時間!!!享受這裡分享祈禱的時間^______________^.......
(後話︰點解尖東海旁o的人咁鍾意阻住人傾偈同祈禱o架>.<唔係買花就汽水，傻o架!!!!連問取錢的都有....有無搞錯呀!!!!!)

>>April 12, 2004 at 5:14:43 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107084

Design & Scripting by ShowHappy.Net