2005 年 7 月 19 日 星期二 【雨】

窗邊閃電閃過不停......

公公回來了，但公公累得要命，連走路也睜不開雙眼了，他說他為了明天可以和我去玩，所以用最有效的適應時差方法，就是在飛機上不睡覺.....已經十七小時了，公公十七小時沒有睡覺，加上上機前一晚，他要早上五時起床去機場，所以都只是睡得幾小時....公公，辛苦你了！今晚見到你好開心呀，你咁眼訓都仲同我食飯............不過，我回到家時，你真的如我所料，起不到床聽我的電話呢！

回家趕看危險人物，好恐怖呀，天水圍倫常慘案，案中的妻女都好可憐呢！昨晚團契的人問我，為甚麼這麼慘還要看。我卻認為，這是預備我了解不同學生和不同情況的好機會，雖然，我不願也不會有很大機會我的學生會遇上這些情況，但世事難料，而且，或者未有這些案件這麼嚴重，但最少可讓我提高醒覺性，當我見到他們的情況時，不用嚇得不知所惜。

今晚公公回港，理應是很高興的，但......最令我不快和擔心的，是公公八月的旅程......今次，不是工作，是義工，是事奉......我說過今次不會咒到個trip去唔成....不過，又怎能叫我不擔心呢？？公公今次去的地方要保密...但那地方是荒蠻之地，無法無天，不單是宗教封鎖，是甚麼都封鎖，別說是要做些甚麼，要入去旅遊，都幾乎是零機會，志願團體申請也幾乎不會獲批進境，比南亞海召時進入斯里蘭卡更難。據說，旅遊的人全年都只有一個地方的人可以去那裡，而且不出幾百人。那是一個會食人屍體的地方，無電話，無上網，公公去六天，即是我二十六天都要擔心你，二十天是旅程之前的擔心，那六天.......到底我會發多少個惡夢？？公公，我說過要支持你去這個旅程，但.......我真的擔心得哭了，比以前恐怖襲擊時去中東地方更擔心.........................之前想，你這個旅程可以去到的機會不大，但真的知道可以去了，我的心是何等的擔心.................................................................公公，我怕得要哭了....那幾天，我還要做workshop...............除了禱告，還能做甚麼？請大家也為公公的平安代禱....公公，萬事小心，別要我擔心，可以嗎？

蘿蔔，佢o地都偷了你的日記o丫，而且，你分明係搶啦，佢o地就叫偷，因為你唔知o架o麻

>>July 20, 2005 at 3:21:13 PM GMT+8

2005 年 7 月 18 日 星期一 【晴】

今日心情很high，不知是否因為公公明天就回港呢？
今天如常的回校開會，太悶了，勁畫公仔，hahaaa....昨天完成了我們的泰國look，今天將泰國look改了做camp book...hahaaa..好似細路仔去camp咁，我o地今次個旅程係有營刊o架......畫完封面後，大家都high晒，汶汶負責寫行程，big big就話要放o的歌落去，我話每日要有一頁做記趣/筆記，還要有分房名單，手信備忘同埋shopping list，最後仲要有留言o架...hahaa...手繪封面加埋內容，十足十以前團契做camp book呀！一幅圖畫，大家都high晒...hahahahaaa...之後，我還幫自己畫了個比堅尼公仔....hahaaa....勁肥，個個都話好肥...係呀，我覺得好得意呀，baby fat呀..hahahaaa...又短又肥...heeee....但個個都話勁得意....畫完我自己後，大家都話要畫一個泳裝公仔，幫汶汶畫了一個超小型的，不過佢話要一個大o既....同佢個公仔放埋一齊，勁大對比呀...佢的...嘩嘩嘩...我的肥嘟嘟....(話o左個個trip唔准評論人的身體，所以只可以嘩嘩嘩啦).....沉悶的會議下畫的公仔特別靚....黃梅梅仲話邀請我幫中文組本文集畫公仔添...好啦，暑假得閒o的，就幫中文組畫啦！^_____^
明天的會議繼續泳衣公仔....一人一套..hahaaa(這幾天，個個都叫我畫一個佢，咁多好難畫o架喎......大家都悶到傻o左lu...)
晚上，和知璣曉暉拍了畢業照，好開心呀！小咿唷同小pooh pooh終於都送出了，見到她們咁鍾意，我都勁開心啦，不過pooh pooh頂帽甩了，我要回家幫牠搶修呀....晚上，大家還陪我去了食雪糕(我未食飯o麻)我食了晚飯同雪糕，佢o地就飲o野....(我有食飯o架，公公唔准罵我！)同曉暉影了些白痴相....hahahaaa...有Nicole係度特別白痴的。
明天應該月圓了(懶check月曆呢)，公公回港時間剛剛好！最喜歡月圓的晚上..........公公明天回來了，好o野！！

>>July 19, 2005 at 3:52:57 PM GMT+8

2005 年 7 月 17 日 星期日 【晴】

今日只開兩個會，不過兩個會中間有成四個半鐘，本來唔想做o野，但咁樣困在校裡，只得開始了我的report，不過工作效率勁慢，連埋開會時間偷偷做o左少少，都只係寫得三段，實在唔知點做呀，好掛住愛人文文呢.....
開埋最後一個會，其實都只係三點半，可以走人或者做o野，想留係度寫埋個report，但行來行去都唔想開機，唔想坐埋位做，行行企企，最後差不多六點才走，但一粒字都無寫過，反而完成了我們的泰國look插圖(有兩個在上次悶極的會議中畫，今日畫埋big big同埋葆葆)

返到屋企前，去了會所走了一圈，目的是替泳池拍照和取價目表，因為約了big big同蘿蔔去會所游水，去之前，當然要同泳池影張靚相才吸引到她們快o的去啦。取來價目表，才發現住客減價了，但貴賓就加了很多...hehee...對我來說是好事，不過想人陪我去就難o的啦......我打算買月票，不是因為抵，只是因為可以迫自己去游多幾次，我太懶了，成日唔願郁，唯有買月票迫自己去啦，都唔算貴，只是十次的價錢就買到了，扣除唔方便的日子，一星期游到三次先抵得返，所以，我的目的係要迫自己游多過十次.....好想今晚即刻去，可惜.....唔去得呀>__<等多兩日啦......我要減肥我要減肥我要減肥.....因為.....我要著比堅尼去泰國(雖然實減唔切，因為仲有十二日我就去泰國了！)其實，最主要係我的身體真係差o左好多呀，條腰骨就最唔爭氣，開了一星期會，條腰就痛足一星期，真係要做多o的運動，先可以整返好個身體啦.......要迫自己做運動！！
見到個價目表有按摩椅坐，想即刻入去坐返半個鐘，不過...要入o左健身室先，咁係咪即係要俾健身室入場費呀？有無搞錯呀，我只係坐按摩椅之o麻..........

公公仲有兩天就回來了....hhahahahaaa.....講埋今晚電話就撘飛機回來啦......hahahaaa....回來後，我開始放假了(仲有三日就開完會啦...期待...期待...)，公公又放annual，可以去玩啦，真開心呀！

>>July 19, 2005 at 3:53:17 PM GMT+8

2005 年 7 月 16 日 星期六 【晴】

最後沒有拍照，又沒有寫report.....還是懶，甚麼都不想做。

蘿蔔，還未試過有東西會出我的名字喎......還是......我沒有做些甚麼？？

想起了，兩年前才在教院畢業，今年，竟回教院講工作坊.....hahaaa........有趣！

>>July 17, 2005 at 3:39:35 PM GMT+8

2005 年 7 月 16 日 星期六 【晴】

剛收到henry電話，今晚拍照取消了，星期二才影.......................
算吧！今晚專心做我的report啦


>>July 17, 2005 at 9:27:19 AM GMT+8

2005 年 7 月 16 日 星期六 【晴】

正當我想念你，想在日記問你去到那裡時，就收到你的電話了。公公已到了第二站，還有三天便回港了！heheee.....傻小子，凌晨兩點半打電話來...傻瓜！！

曉暉、知機今天畢業了，買了小咿唷和小pooh pooh，為牠們加上了畢業帽。很可愛呢！！
畢業也要講時間，即使很好很好很好的朋友畢業，要是沒有時間，連買禮物的時間也不會有，所以我的好朋友，別呷醋呢！！

晚上，和知機、曉暉影畢業相。
公公，我幫你影埋你o個份啦！^___^

>>July 17, 2005 at 9:18:23 AM GMT+8

2005 年 7 月 15 日 星期五 【晴】

好鬼悶！早上八時半回校開會，開到點半，日日都係咁，真係會死人。
今日返半天，但吃過午飯仍留在學校，繼續下星期的教師工作坊分享。終於搞掂個powerpoint，分享的內容也差不多了，只是未夠熟練。本來想放段片在分享中，回家看了半小時片，最後，還是覺得自己教得很差，錄影的書記又錄不清楚學生的對話，最後，放棄了放片的念頭，還是齋talk吧..........
今天朱主任在自評回顧時說起，我才想起來，原來我在忙的也是一個難得的機會。在學校，我只是一個入職兩年的小小小職員，我竟然有機會在校內作分享，做工作坊的其中一個主講，實在不是容易的事情。更不用說八月尾在校外的分享會，那是獲教育學院邀請主講的工作坊，對很多教師來說，到退休也未必有這個嘗試，但就給我這個無名小子、黃毛丫頭、入職只是兩年，教數只是一年的"靚"妹仔來分享，那是個何等榮幸的機會。今年，還會出一本有我名的書，換句說話，今次我竟有份參與出書....嘩！是多麼的不敢想像！正如朱主任所說，我應該讚讚自己呢~^v^~
亦因如此，這份學校報告，我更應該寫好一點，這除了出我的名字外，還出了學校的名，別映衰學校呢！這個報告雖然難寫，但我要努力努力！唔准懶呀！！！>_<

雖然如此，但我仍是不想工作。
煲糖水，好想食呀！heheeee......
今次公公無得食，因為公公唔係香港。


公公，想念你！

>>July 16, 2005 at 3:28:38 PM GMT+8

2005 年 7 月 14 日 星期四 【晴】

工作輕省了一點，不是沒事做，而是沒有之前那麼緊迫，不過........其實工作並不少，只是不想做。接下來有兩個分享會要做，其實甚麼也未準備。
每天開會，腰骨像要和我作對般，不用一小時，腰骨痛得坐也不能坐，比平日企一天還辛苦。已經將轉轉椅搬入聚會室，再加個大咕0臣，但仍是痛得叫救命。同事們都來問我腰骨甚麼事......還有五天會議...........救命！

公公不在香港，工作又稍稍輕省了，多出的時間就很悶了..........公公，還有五天回港..........

痛痛痛....痛死人了！

>>July 15, 2005 at 2:53:11 PM GMT+8

2005 年 7 月 12 日 星期二 【晴】

<<暑假>>
放暑假了，不過不是我，是學生吧。今天是結業禮，學生明天開始放暑假，而老師們呢？還有十天的會議，主任還有十多天呢，接著的十天，大多早上八時就要回校了，朝八晚五的會議，一定悶到叫救命，最慘的，會議後仍不是沒有東西，因為七月二十日我要在校內作一個分享，八月又要在教院作另一個校外分享，校內分享仍是小事，但校外分享在分享前還有完成一個十頁的報告，還有其他的預備，我實在想死呢，所以，開會後的時間，我都會留在學校完成我的兩份大"功課"。

<<教師聚餐>>
放學後，本來可以送公公去機場的，但因為今天是教師聚餐，所以沒有去機場。我們在尖沙咀YMCA食自助餐，食物一般啦，但今晚我們歡送了十多個離職同事，當中我最捨不得的是黃副校，當年，他是我的老師來的，今天，他退休了.................

現在，公公應飛到香港的上空了............一星期...................................................................等你！

>>July 13, 2005 at 3:29:51 PM GMT+8

2005 年 7 月 11 日 星期一 【晴】

<<福音日營>>
今天是福音日營，一臉的苦的返學校，因為.....下午班的同事今天返十二放四....但係...我要返八放五=...(唔制呀！！
晨早起身，比上午班的同事更早，在聚會室集合，都會今日唔易捱，因為又晒又熱，而我帶的一組係全團最惡頂的一組(來自5C，係衰o的o架啦)，之前都估，哥哥姐姐，會唔會係細佬呢？點知，今朝一返去，就見到細佬了！朱主任介紹時說他是權哥哥....hahaaaa...好唔慣呀！一向都係細佬，變o左哥哥.......................
講返個組，唉...又無人逼你o黎，o黎o左就咪嘈啦，一味叫住要返屋企，咩都唔試唔玩，但又唔係唔玩喎，只係一邊抱怨一邊玩.....好在，最後分組時，終於都見到有少少改善。想起教會的人都說想不到我惡一面是怎樣，那麼，今天應該來幫幫手，就看到我30%惡的一面了！不過強調，只係30%，話晒今日都係福音營，玩o下o即，絕對唔需要用到100%那一面......
又晒又熱，班細路一向都無接觸過，連個樣都唔記得，不過，都終於捱到五點，返到學校。福音訊息，今天都係播種階段吧，這麼不投入，播到種都好好o架啦。...........意外知道，現在的小女孩實在無咩taste...........唉................................

晚上，約了公公，明天便飛加拿大了，今次要走一星期，今天是離開前最後一晚見面，見今晚天色好，還打算吃完雪糕去撘船同埋睇星星，怎料就是一碗雜菜湯，破壞了大好一晚。公公味精敏感，結果要立即埋單飛的回家............傻瓜，敏感到全身麻痺發軟，還安慰我說很好玩。明天飛啦，玩得開心o的啦！

>>July 12, 2005 at 3:44:21 PM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107084

Design & Scripting by ShowHappy.Net