2002 年 8 月 18 日 星期日 【雨】

今日又死o左去library，以前就逢星期日去，依家其實可以平日都去，總比在屋企有建設性。
夜晚同寶寶行街，佢買o左部新手機，係T68i，部機好靚，又好user-friendly，Ericsson D手機有進步!
其實寶寶同我一樣，都係用手機用o左三年或以上先會換新，不會隨便就換新機，這就是"想"買和"需要"買的分別。為了推行"反消費主義"，這方面一定要留意，如果唔係就做o左科技產品的奴隸。
今晚同寶寶去焗飯專門店(因為唔知乜名)，好好食，旺角依家有兩間。不過，好食可能唔關D食物事，可能係因為同寶寶一齊。
之後，去o左睇摩西。有D"摩味"o係寶寶屋企，不過其實呢隻味唔講得係臭，好平常。摩西又大隻o左，又大力o左，身體一定係好健康，又好有活力，玩過不停......
番到屋企，momo真係知道我接觸過狗仔，所以狂索我條褲。momo!唔好再索我啦!

>>August 20, 2002 at 7:19:27 PM GMT+8

2002 年 8 月 17 日 星期六 【雨】

今日去完教堂，又去o左圖書館，好多人呀!好開心能夠找到一個清靜的自閉位，讓我可以做靈修同門訓!
不過呢兩樣o野用o左我超過一小時，依家轉工期間就可以用多D時間，遲D唔知仲可唔可以同時做靈修同門訓。不過，我相信如果我願意，天父必會賜我更多時間!
我又搞到圖書館close先走，不過今日都幾精神，所以番到屋企發覺明珠台做"The Prince of Egypt"，我都睇晒!
以前o係戲院睇都好鍾意呢套卡通電影，用聖經加上一D戲劇性情節再加上歌曲，從電影的角度看，絕對充滿娛樂性。
由摩西出生，佢逃出埃及，再回頭帶以色列人出埃及，十災，過紅海結束。o係電視冇o左小小，記得睇電影o個時係摩西拿住兩塊石頭，準備定十誡，上帝的榮光照下來，在充滿榮光下的畫面中結束，睇電視就剪o左呢D。

都有一排冇出去睇電影，仲話自己係超級西片迷。不過，以前最高紀錄一星期睇o左21套(cinema + video tape)。
係呀!加拿大仲係用緊video tape......
Good night!

>>May 23, 2006 at 4:08:17 AM GMT+8

2002 年 8 月 16 日 星期五 【晴】

今晚好掛住寶寶、摩西、蝦餃、肥肥!
(排名絕對分先後)
同寶寶行街會好開心，
同摩西玩，佢會好熱情，
同蝦餃一起，佢會表演一個"急速跳"的動作，好好睇!
同肥肥一起，你可以欣賞到一雙雪白可愛的腳!
希望佢地都過著開心的日子啦!

p.s.寶寶係人，摩西係狗，而蝦餃和肥肥係兔仔。

>>August 17, 2002 at 3:49:13 PM GMT+8

2002 年 8 月 16 日 星期五 【晴】

今日momo走入我間房，呆望著我，然後o係到笑，睇見佢個笑樣，真係好可愛，佢一定係好開心。
看見佢呢種笑，都令我今天幾開心。
momo，妳咁樣望住我，人地會怕醜o架......
番到天家，我又會問天父，momo平時想D乜o野?

想起一張音樂CD，佢碟名叫"什麼聲音?"，是一張雜錦碟。究竟我每天聽著什麼聲音?無論如何清醒，身邊的聲音都或正面、或負面的影響著我。例如當我決定工作的取向，別人的意見，也影響著我去做決定。
願意天父給我一隻聆聽的耳朵、一個開放的心、並能有智彗的去聽呢D聲音!

尋晚靈修分享會幾開心，渣巴整D海蜇都幾好食，女性懂得煮食是重要的，就算幾味都真係令人開心!
天父呀!求𣿫祝福呢個分享會，讓我們可以更加親近𣿫!
今日Tommy提起佢走，唔知點解好唔捨得佢。唯有走埋去
攬實佢，其實幾欣賞Tommy有個單純的心。我想起使徒保羅說:"我親愛的弟兄啊!我切切的想念你......"

我親愛的弟兄Tommy啊!我切切的祝福你，無論你去到那裹，神必與你同在!



>>August 17, 2002 at 3:29:27 PM GMT+8

2002 年 8 月 14 日 星期三 【晴】

早幾日清潔屋企，清潔完風扇後，佢就壞o左，冇風吹的日子實在難過，而我又不喜歡長期開冷氣。
今日埾把風扇去整，很開心那位叔叔即刻幫我整好，仲唔洗收錢，今時今日咁o既服務態度，值得欣賞!
不過當我問佢其實壞乜，佢話什麼"接觸面出現問題"，What? What are you talking about?
What do you mean "接觸面出現問題"?
見佢咁難答，唯有拍冲膊頭，講句多謝就走!

雖然我提倡"反消費主義"，但係尋日忍唔住買o左兩隻CD，係"Primal Scream"同"假音人"。
不如講冲假音人，假音人前身叫"鹿鳴春"，今次係第一次出大碟。
因為一直他們都冇出唱片，以往認識鹿鳴春都係靠睇live，其實佢地現場幾好睇，玩得好high，又覺得主音"浩峰"幾有表演慾，每次玩live都能攪起氣氛。
依家我就聽緊佢隻CD，都係覺得現場聽開心D!
歌詞內容會諷刺自我沉溺、放縱，令樂迷可以反醒下!
有陣時又會有D甜甜地、很天真、很過"隱"的歌，例如"女飛賊"、"旺旺咖啡座"和"甜心老竇"。

旺旺咖啡座 旺旺咖啡座
旺旺咖啡座 旺旺咖啡座
食西餅 飲咖啡 食西餅 飲咖啡
食西餅 飲咖啡 食西餅 飲咖啡

浪漫咖啡座 浪漫咖啡座
悠然您與我 談情笑呵呵
熱香餅 加乳果 食Pancake 心意多
熱Holick 斟到瀉 食Ice-cream 都噴火

寂寞咖啡座 蜜運有幫助
侍應有幾個 無聊客更多
磨粒鐘 睇報紙 畫幅畫 聽下歌
望街燈 吹爆波 食支煙 點個火
--旺旺咖啡座,假音人

聽下呢D歌，會心微笑!
人生其實可以好開心!


>>August 15, 2002 at 2:14:22 PM GMT+8

2002 年 8 月 11 日 星期日 【晴】

井底之蛙--Part III
青蛙終於決定一開始，就不選擇住在有污泥和植物的井，
卻住在一個清潔的井，在那裡游泳，好自由，好自在，
並且有其他青蛙陪伴著牠，在牠身邊，一同分享開心與不開心，天父的光每天都照著牠們，很溫暖，從此這個井充滿愛......
這是青蛙最後的決定，但願牠身邊的青蛙快D出現......

>>May 23, 2006 at 4:03:49 AM GMT+8

2002 年 8 月 11 日 星期日 【晴】

井底之蛙--Part II
在留學時期，雖然是最快樂的時光，卻遇到好多困難，例如環境、家庭、感情和事奉的問題，所以那時寫了井底之蛙的九十年代板本......
我是一隻井底之蛙，活在一個充滿污泥的井，好想跳出這個井，但井裡長滿了植物，擠住了，跳唔到出去，那些植物的名字是"困難"、"問題"和"擔子"。
除了每天一班朋友仔在井上陪青蛙玩的時間外，青蛙都在哭......其實，青蛙有時都玩得幾開心，不過，牠始終係悲觀。
有一次，青蛙認識了天上的父親，牠發現無論幾唔開心，只要望著天便可以。
牠知道無論那個井幾黑暗，都有光從天上照下來，於是牠望著那光，繼續忍受下去，雖然流淚，但牠有盼望，知道有一天，牠將會逃離這井......
這是九十年代的我......但想不到今天又可以有新的井底之蛙!


>>August 12, 2002 at 7:33:49 PM GMT+8

2002 年 8 月 11 日 星期日 【晴】

井底之蛙--Part I
如果冇記錯，井底之蛙應該係莊子寫o既，故事係咁:
有一隻青蛙住在井裡，一直覺得好舒服，看上去一個圓形的天空，很滿足。一日，海龜經過，青蛙就叫海龜進入自己的天地，看看有多美好。
海龜一踏進去，就卡住了腳，只好退回，然後介紹給青蛙知道，天下其實是很大的。
青蛙那時才知道自己的渺小，見識那麼狹乍。
小時候的我，也真是這隻井底之蛙。直至去了外國留學，才有所改變。那時，我對井底之蛙有唔同睇法......

>>August 12, 2002 at 6:58:30 PM GMT+8

2002 年 8 月 10 日 星期六 【晴】

去完教堂，就去o左圖書館睇書，今日真係太倦，所以冇溫習，就只係睇聖經同一D宗教書藉，我又開始習慣一個人的生活。
不過，今日唔知點解好掛住寶寶，寶寶!你做緊乜呀?
今晚好想找人傾計，不過算啦，都唔知打比邊過，又唔想增加別人的煩腦......

>>August 11, 2002 at 5:11:41 PM GMT+8

2002 年 8 月 9 日 星期五 【雨】

尋日唔知點解上唔到網，所以今日寫兩日的日記，其實唔打算每日都寫，不過呢兩天實在有不同的感受。
今天係第九天去培靈會，亦係最後一天，其實際遇上真係有安排，如果唔係呢排唔洗返工，就唔會有機會去培靈會，人生亦不會作出改變......
今天主題係"今生與永恆--灑脫而進取的生命倩操"，能夠靜下來一小時，並對生命作出反省，對我來說實在很重要。
告訴你吧，在我一生中，這個時刻是最困難的，之前的日子，若果靈性出現問題，低潮的時間不會那麼久，又沒有太多人可以傾訴。記得有一天，我說不如團契後去飲o野傾冲計，竟然有人答我"你估個個都鍾意傾計o架，一齊打冲機會比較好，幾開心呀!"
其實她說這句話並沒有惡意，但對我而言，就有D傷害，不過，我會選擇以後繼續用傾計來建立關係，不會再打咁多機，唔通講唔到o野，就決定以後用打機來聯絡感情嗎?
不願意突破，就以後都係咁，都係唔講落去，再講都只係無奈，因為可能大家追求的東西都唔同......
今次的屬靈低潮，希望快D結束。培靈會的信息無疑很好，但希望這些信息不只停在腦中，卻能進入心中，並可以活出來，讓我下一點努力，更希望天父恩待我，幫助我活出來，願這九天的信息改變我一生吧!

>>May 23, 2006 at 3:58:29 AM GMT+8