2006 年 10 月 29 日 星期日 【晴】

恐懼

好耐冇試過呢種感覺
唔係冇試過「恐懼」，而係因為學業而黎既「恐懼」
今個禮拜，大佬同我講︰「要考到入大學呀！」
媽咪又講︰「如果讀大學degree，可能會申請到全免架！」
我又諗︰「成班親戚都認為我會入到大學架！」
呢d我一向都唔會視作為壓力
但呢個禮拜唔知點解d壓迫感好強
我唔係驚我冇前途，我驚佢地失望
我知道要倚靠神，放心！盡自己所能

我而家更清楚自己要點樣善用時間
小息，成班同學傾計，而我就坐低溫書
lunch time，我唔敢再出去食飯，要等位
於是訂飯留係學校食
每分每秒，我行既每一步都要心思熟慮

星期三，我要溫書，第二日test pure
媽咪係大佬到煮飯，八點幾先開飯，我又餵細姪
搞到我返到屋企已經九點幾，但我溫得好少
當時我發自己脾氣，我問神，我仲有幾多時間？
我甚至向神發怨言︰
「我又要抽時間同你傾計
又要抽時間練習你比我既恩賜
但我時間無幾啦！」
我知道，靈修係必要做架！練結他係唔可以放棄一日！
於是，我仍然靈修，神提醒我︰「憑信心！」
呢三個字係我成日擺係口唇邊
而我一直都有遵從既，今次個感覺得特別深架！

當晚我粗略溫完，太累，我都唔勉強自己
test pure，全部pass paper，之前亞sir都通晒水架啦！
所以好多人都識做，我粗略睇完都識d
我諗今次做唔到no.1 lu！唔係問題呀！
我靠自己實力多過理解答案，如果我有高分，呢個係一個鼓勵
test完就做U.E exercise，成績一般
夜晚溫chem多，明白左好多野，正！
真係test啦！好感恩！我第一次作完一篇500字既文仲剩1分鐘！
對於我黎講係一大進步黎架啦！
不過！第二份卷做完都唔知份卷講乜，有part係咁撞mc

放學幫人補習，又有d錢啦！又有多d奉獻啦！
夜晚再pre多次查經，好驚唔可以將信息帶比組員
好希望神可以用聖靈感動我，讓我可以將正確信息灌輸比佢地
第一次帶查經，好緊張，都好興奮
係團契祈禱會佢地問我第一次帶驚唔驚
突然好有信心拍晒心口講︰「好有信心！」
之後我就o嘴啦！yansi話我一開頭內斂，你都o呢？

我用補習d錢買d野食比組員，我驚會太悶
一開頭帶好緊張，手都震埋
但到後來漸漸冇乜野，仲有好多野係我pre查冇諗過既都講出黎
查完之後，成組拍手掌，好開心，佢地話我帶得好呀！
即佬係，都係主帶得好姐，佢降聖靈比我嘛！

崇拜完，同卡富、文謙、allen食飯
之後allen去左屋企拎左兩個袋比我，好感謝！
返教會最開心既係有一班對我好好既人呀！
我見到佢地就已經開心到非筆墨所形容
分分鐘仲開心過見女朋友(although我未試過有)
總之同佢地一齊所有壓力都冇晒
成個人鬆晒！
返到周俊屋企溫書，好專心
好耐冇試過，好正！

一陣又要返返出去啦！好唔捨得！T.T

我部電話終於斷開兩截啦！感謝KEN哥既兩部電話

代禱事項︰
1.感謝主，媽咪隻手而家冇咁痛，佢飲個d蛋加酒加水，我覺得有蛋黃好多膽固醇，所以求主保
守佢真係得到健康
2.延，你少左返主日學同崇拜，大家為佢祈禱啦！
3.感謝主聽我地既禱告，泳池返到黎聽查經，聽你既話語
4.好奇怪，我諗唔到有咩好為我自己代禱，可能因為我想做一個先為人、後為己既人，呢個有d
違反現實社會，但係耶穌唔係咁咩？佢係我既榜樣，我要向佢學習，盡量做一個唔自私既三
叔！

>>February 21, 2007 at 10:46:15 PM GMT+8

2006 年 10 月 21 日 星期六 【晴】

恩賜的能力

呢個禮拜我覺得好神奇，真係「神」既「奇」事
首先，我覺得自己呢排上堂都留心左，都好似易明左d野
不過，而家始終係想溫書，但唔想聽書
懼怕係我心入面已經不斷咁出現
使我不斷既禱告，求神比我可以有信心，唔駛驚
雖然黎緊要測驗，我一課都未掂過
chem要test兩本書，而phy要一本書
然而，我冇擔心過自己讀唔切書，實際上我會讀唔切
可能因為咁，我上堂既專心係極其重要
願主都可以保守我呢一顆心

最神奇既事莫過於此
星期三朝早，媽咪黎到我屋企，同平時一樣係咁話好痛
我感覺到有一股氣推我，係我耳邊講︰
「去啦！同你媽咪一齊祈禱啦！」
就係咁，我同媽咪講︰「不如我地一齊將呢件事同神講呀！」
媽咪即時反應︰「唔好啦！」
我即時回應︰「最多30秒，試下啦！」
我係捉住媽咪隻手祈禱，我從來都唔會主動到咁，我地都有喊
祈禱完，我同佢一齊行，行到去新世紀個度
一路我都見佢郁下隻手，想冇咁痺，話比我知祈禱冇幫助

放學我去大佬屋企，媽咪要去佢到湊仔
我諗住用下電腦check下email，玩下msn
突然見到phoebe send左封email比我地團契職員
我感到無比既歡喜，我總係覺得呢日有d咩想做但又唔知係咩
原來就係我想將呢件事同弟兄姊妹分享
一收到呢個email，我即時reply，將呢個喜樂講比佢聽
正打緊封email既時候，周俊打黎，講︰
「媽咪晏晝打比我，話祈禱對佢有用！」
呢個消息完全帶比我極大既喜樂
我成日都諗︰「神會施展佢既大能，唔會即時施恩既！」
本來我諗住用呢句野黎解釋朝早媽咪仍然手痛既原因
但原來神係比時間我媽咪，比佢感受返長時間無痛楚
我見佢煮飯食飯都冇話手痺，原來佢係成日都冇
感謝主！禱告始終萬靈之丹！

第二朝，媽咪又黎，佢話尋日同神講完之後隻手係冇咁痛
但而家佢又痛返，於時我同佢解釋完一d野之後
我同佢一齊第二次祈禱，呢次我冇握住佢隻手
順便教佢點樣自己祈禱，等佢冇我係佢身邊都識得禱告
之後我地又一齊行去新世紀個邊，行行下佢話已經冇咁痛
效率係快左呀！佢仲話佢相信有神
當我地要分開既時候，佢話︰「你幫我禱告住先啦！」
佢竟然主動叫我幫佢禱告，我諗佢係未識祈禱
但佢都想我幫佢代禱，太好啦！

神賜既恩典係無法估計，突然如來既驚喜，係最正架！

今日團契既topic係「咩話？詳話！」關於說話同聆聽
學習點同人溝涌，其實d野都知架啦！不過係唔識點運用
係黎緊既日子一定有好多機會既，我要做個盡責既組長
今日都係唔齊人，掙kevin，但好快就會齊架喇！

代禱事項︰
1.下星期我第一次帶查經，但又面臨測驗，我想抽到時間比我準備好查經資料！
2.感恩媽咪願意接近神，願主仍然透過我地去令佢更依靠上帝
3.我同朋友既價值觀有好多唔同既地方，但都願主保守我地之間友誼不變
4.願主可以令我更加同弟兄姊妹熟絡，互相關心！
5.黎緊好多弟兄姊妹都要測驗，好有壓力，求智慧、精神比各位！

>>October 22, 2006 at 8:30:26 AM GMT+8

2006 年 10 月 15 日 星期日 【晴】

不可以再這樣

我chem quiz終於有一次fail啦！
我呢份人，唔跌過都唔知痛，係要跌下先知咩叫小心
我上堂懶散左，成日都唔係好聽書，其他科都可以既
但我連pure都懶左呀！我竟然對我至愛既科目都懶呀！
唔可以咁架！我要再改變我自己
有d同學話chem sir講都唔夠自己睇更明
我唔反對既，但係有時佢講d野又唔係錯
有時我覺得無謂捉佢d小錯處啦！可能你地夠pro
要求老師要每樣野都岩既，但我唔同呀！
我只想係老師教導之下思考多d問題
可能亞sir係有好多呢d小錯處，但最後自己都明白正確既咪得囉！
其實我覺得佢講得都唔係好差囉！無謂成日因一d小事討厭人啦！
自己又唔開心喎！係咪？

不過，我而家每日都係咁︰
07:00-07:40 起身、流洗、食早餐、執書包
07:40-08:05 返學校
08:05-16:15 上堂(小息、午膳都冇做d咩)
16:15-18:30 留係學校溫書(但成日吹水)
18:30-19:00 返屋企
19:00-19:30 食飯、洗碗、等媽咪走
19:30-20:00 靈修
20:00-20:30 練結他
20:30-21:00 沖涼刷牙
21:00 開始溫書、做功課
而家寫左先知原來我可以九點開始溫書，但有好多因素我都冇做到
平時我早既話係十點幾先可以溫書，上面個個只係期望
有時要去大佬屋企食飯，有時返到屋企又未開得飯
有時又要恰一陣，太眼訓，點解我而家會唔想控制如何運用時間呢？
而家我又要洗衫，但都係半個鐘到咋嘛！都影響唔大既
點解連點樣用時間都懶架？我以前個種勤奮去左邊呀？

講完衰野講d好野！好感恩，媽咪呢排都比大佬邀請去佢屋企食飯
佢都知道媽咪隻手成日痛，都叫佢上去佢到食飯
星期一個日我早放，好早返到屋企訓，因為前個幾晚都好夜訓好累
訓到5點幾6點媽咪到我屋企，佢話去大佬到食飯
但我太累，我話不如拎d飯黎，個一刻我起唔到身
之後6點幾，我唔知點解突然冇左好多疲累，我同亞媽講話上去食
因為我好想大家一齊食飯，呢個機會我係矇矓間都好想去爭取
感謝主！突然而黎既精神，換來無比既歡樂
假如有一日成家人都係大佬屋企食飯，我就算隻腳極累都要去佢到食
好耐冇試過一家人一齊食住家飯啦！係我地個家既飯
我諗最少都有5、6年，我期待呢一日既來臨，同期待主再來一樣

雖然我chem quiz衰左，但係後來第二個quiz我pass返啦！
事實上係份卷易姐，不過呢一個鼓勵都係好重要呀！
佢鼓勵我上堂要專心d，要做返會考既我
個陣時我既狀態fit過比籐條「fit」呀！
So，我要話比人聽，我用時間比神，成績係唔會受影響架！

講完好野，又講左衰野，講下d半好半衰既野啦！
6、7個月之後，世界上會多一個人成為我個姪
咪玩啦！湊兩個仔已經咁辛苦，仲湊第三個
都唔知係好定係壞，好就係多一個人可以信主
我相信我會令到佢信架！有信心嘛！
壞當然係邊有咁多錢湊呀！仲有會唔會又搞到我呢？
無論我到時升唔升到大學都好，我都要時間去讀書架嘛！

另外，我同一班朋友一齊好開心呀！我地大家關係close左
可能因為一個msg啦！send一個msg傳達心意真係好正
佢地成日都搵我一齊食飯同出街，好似星期五晚咁
我地去食漢陽宛食韓燒，雖然我地大家一齊傾計好開心
大家關係又變得好左，但係付出既就係從貧中抽出黎既錢
我相信黎緊都要盡量減少出街，減少食貴野
窮人應過返窮人既生活既，神都叫我「慳d啦！」
我靈修睇馬太福音講到論財寶，仲要我韓燒完同我講
世上係有好多野要有付出先換黎代價
但付出既唔一定要錢既，憑心咪得囉！係fd就會明白我既

星期六都好開心，上屆團契我個小組d人飯聚
大家食飯、唱詩、分享，我好似分享到自己好慘咁添！
其實只係我分享個時有d累，冇咩精神
而我分享個d又好似唔係幾開心咁，但其實我係冇乜野既
不過我見佢地個樣好似話左比我聽我係好唔開心
我都冇同到佢地講到唔係添！算吧啦！是但啦！
可惜既係有d人冇返到，偉雄、泳池、KG、希樂、希、盈盈等等
都知道佢地係好忙既，願主可以賜比佢地智慧，減低佢地壓力啦！

而我團契個到，兆恒冇返，紹恒就有返
我個組得4個人咋！我、余仔、BoBo、Kevin
大家都係講d ce同埋a-level學業上既問題
不過Kevin好靜囉！我又唔想打電話比佢地住喎！
仲未夠熟，等待好時機就開始我既攻擊啦！
我要做一個好榜樣，好組長，神話唔好起誓，我就訂立承諾啦！

代禱事項︰
1.願主可以讓我充分利用時間去處理我既工作
2.願主用大能既手醫治媽咪既痛
3.Kenny成日成為同學戲弄既目標，願主比我地智慧幫助佢
4.團契好少人呀！祈禱會都少，願主帶領佢地返到教會，無論咩事，都以返教會為重
5.我真係要節儉，願主堅硬我既決心
6.感恩！Carman終於食得香口膠啦！

>>February 21, 2007 at 10:46:58 PM GMT+8

2006 年 10 月 8 日 星期日 【晴】

靈命長進啦

同一日既第二篇日記，主要關於教會同天父

太好啦！30/9我終於睇完一次本聖經啦！
雖然我只係go through下，但我獲益已經唔少啦！
真係感恩，我係AL既壓力底下，quiz同功課滂沱大雨咁灑落黎
我都有堅定既心去每日睇聖經，感謝主！

「每個禮拜日既下晝，等緊下個禮拜六既上晝」
呢句野我都同過好多人講，不論團契、主日學、崇拜，甚至同弟兄姊妹聚會
都係有異常既興奮，monday至friday既苦全部冇晒！(雖然有乜苦)
每次見到一班熟悉口面既弟兄姊妹就不由自主咁笑出黎
真係開心，神再一次將我地拉埋一齊
一齊分享、一齊祈禱、一齊笑、一齊玩、一齊食飯

上個禮拜升團禮，冬、Allen、KG、翠儀，再見啦！
入左去兆恒個組，有余仔、kevin、臨臨、BOBO
但升團禮得余仔有返
第一日做組長就係同導師同埋一個組員分享
都算係一個唔錯既開始，我要做個好組長！
恩慈六組，我要告別仁愛一組喇！
希望佢地唔好忘記我啦！不過我個日都有同卡富食飯

上個禮拜學結他，主要叫我地練下一d節奏同指法
我要比心機，期待緊侍奉神既機會
呢個禮都有練，不斷練不斷練
今個禮拜就學用移調夾，傳說中既Bar Chords黎啦！
聽講好多人都過唔到呢關
願主保守我好似出埃及咁無啦啦過關啦！

今個禮拜團契有週會，玩遊戲，完全唔識
又有個儀式，讓新一批事奉人員受按
個心突然好決，即係有好大既決心
要盡心、盡性、盡意、盡力事奉主我的神，
臨臨同BOBO都有返呀！掙kevin
有d分享，食下月餅咁
去崇拜前祈禱，我突然好想帶領
於是我就帶一次，好開心，好好feel，好正，清純

代禱事項︰
1.AL報考費好貴呀！$2075，食左我隻車，願主保守我同家人都可以掘到呢筆錢出黎啦！
2.近排我身邊多左弟兄姊妹因為屋企人要佢地少返教會，甚至唔返，但都願佢地記念主！
3.我媽咪隻手呢排好似有d惡化左，願主用大能既手醫治佢，都願主讓我可以提佢試下祈禱啦！
4.我而家要幫人補習，又要應付學校d壓力，願主讓我可以好好咁安排時間，同時唔會遠離佢！
5.感恩我呢個禮拜每日靈修，願主比我智慧，認識神既話語，並且keep住堅強的心！
6.kenny佢本身都係基督徒，但靈命好低，願主引領佢返教會，讓佢更貼近天父！

>>October 8, 2006 at 12:46:03 PM GMT+8

2006 年 10 月 8 日 星期日 【晴】

寫寫下都係唔寫夏令營啦！講仲好聽d啦！

朋友

呢兩個禮拜都幾特別，我終於都有d事發生左而我從來未遇過既
不過我d fd又經常遇到，就係朋友之間既問題

尋日，勁姐講道講到「坦誠」，呢兩個字係呢兩個禮拜都不斷係我腦海中
有一日，有個fd同我講︰
「…… 你知唔知你有陣時好恐怖？個樣成日黑口黑面，
好似好惡咁，有時真係唔敢同你講野，……」
我終於明白，點解我呢兩年好似同唔到d同學熟d
我自我反省，我諗到好多我成日發嬲既地方
我唔可以咁暴躁，凡事要忍耐
可能教會d弟兄姊妹奇怪我係咁
就係唔知點解教會比我既一種安全感係學校入面好似冇

我主要諗到有8個人係我較為多向佢地發脾氣
kenny、勞氏兩兄弟、肥仔、小玲、wincy、silver
仲有我既最fd德希(不過其實都冇乜，勁少)
我send左個msg比佢地，我自己睇返個msg都有d想喊
msg內容大概係道歉同埋希望佢地可以禁止我發火
佢地都有回msg比我，其中一個msg寫住︰「大家一場朋友」
呢6個字成日見，但呢次唔同，我每睇一次就想喊一次
另外我同kenny傾左個深情電話成2個幾鐘
我同佢分享左好多野，佢話我「為人捨己」
我都唔怕醜咁承認，但未至於完全為人著想
我講既時候都覺得好肉麻
我親口講「我唔想失去你地呢班我心目中好重要既朋友」
我覺得同講「我愛你」分別唔大
但竟然出到口，我地之間感情又緊左啦！
之後我睇返kenny個日記，佢竟然話佢差d係電話到喊左出黎
我從來都冇諗過佢會有呢樣感動

之後我約左收到我msg d fd出黎行街
大家之間好明顯咁玩得開心左
大家之間好似同之前唔同左咁樣，個種feelings好正
國慶個日同翌日都行街，好累，但好開心
中秋節正日打邊爐，好貴，但充滿歡樂
所以我始終認為，人與人之間既關係係非常重要
佢地唔係基督徒，我要「作信徒的榜樣」
我要以身作則，讓佢地真係可以明白到信主係可以得到好多意想不到既好野
我希望我可以同每一個朋友、每一個弟兄姊妹
一齊到神既懷裏……

>>October 8, 2006 at 12:18:09 PM GMT+8

2006 年 8 月 18 日 星期五 【雨】

夏令營第二天

朝早第一個晨曦會，展鵬同皮妹子未到，我先帶組員入室內開始靈修
我地坐最入既一張桌，隔離組開始左一陣
佢地個個都靜靜咁望住d靈修資料，唔知做咩
咁我就唔理佢地喇！先黎求其揀左首歌唱
係佢地靜靜思考期間，我地就製造噪音，干擾佢地kekekeeke

唱完之後我見段經文咁長就叫佢地自己睇下先，同埋睇下d問題啦！
咁好快我就開始同佢地一齊討論啦！我將琴晚亞延教我既講晒出去
自己好似對經文好鬼熟悉，又問下佢地問題
帶帶下展鵬同皮妹子都到喇！我就繼續，都算幾順利呀！

第一個早餐，都唔記得係咩黎啦！總之掉左落口啦！
飯後就敬拜，然後家豪講道，佢講「重尋失樂園」
佢一路講我都有一路思考，佢又一路爆gags，所以都幾精神
主要講有d野我地唔見左，愛心、信心、恩典同呼召
最後呼召我較深刻，都係較眼訓既

之後lunch到喇！lunch完上第一日course
皮妹子帶既「異端與正統」，我又聽多次=.=
佢主要講正統既基督教係點既，但好多弟兄姊妹都感到好悶
佢地比較想知道多d異端既野，不過連點樣係正統都唔知
點知點樣叫做異端呢？所以個個都捱得幾苦
仲要捱三一神論，真係神智唔清醒

足足三個鐘既course過左，就係自由時間
4:30展鵬召見我，唔知點解我好自然將好多一向我自己諗既野都講比佢聽
我又問左佢一d關於聖經既問題，傳導人始終係傳導人
見左一陣，我見佢起勢咁打喊路，於是放過佢啦！
然後自己坐低背營訓，背完想睇聖經，但好眼訓，睇睇下恰著左

dinner到啦！天堂級既弟兄姊妹有特別活動
我地分為三大組，我係芷茵個組，佢地演最後的晚餐既一幕
芷茵幫我洗腳，又擘餅、斟酒，好感動，好唔好意思
之後搞完一輪先食飯，我肚餓過度胃痛
dinner完左之後仲痛緊，然後全部人去晒室外坐
坐左成半個鐘，我開頭唔知做咩，以為淨係默想同祈下禱
係祈禱呀！但冇警醒禱告，原來係耶穌被釘前既一幕

半個鐘後，開始行落去唔知邊道，原來呢晚係drama
「十架苦路」，余人扮耶穌，周俊、偉雄等等扮士兵
佢地鞭打余人，又派石仔比我地扔余人
我係咁喊，好受感動，都好自責
好難先捱完條苦路，之後紮十字架，我d童軍技能有用啦！yeah
我立志要成為門徒，紮十架，除鞋行上山
比d石仔刺到好痛，身體機能好有問題添！
之後係山上面唱歌，唱完再證實多次我身體機能真係有問題，行返落山

無啦啦個天行雷閃電，我等等下沖涼去衝返營執走晒d野
執完之後開始落雨，我就去沖涼，沖完出黎應該分組
但展鵬仲唔見，聽人講佢係出面拆營，但出面好大雨
我諗都冇諗就咁衝左出去幫手，見到佢地解結解唔到
呢邊叫佢拉實d條繩，我見佢地唔拉咪我拉囉！點知一拉就斷
=o=晒嘴，越幫越忙，搞搞下行雷勁大聲，家豪叫我地全部入營
我入到營發現唔見左眼鏡，但太危險唔出得去
之後我除左件衫就咁係條走廊到扭乾件衫
神智好亂，唔知做乜無啦啦咁做，痴左線

之後換左件衫，換左條褲就去分組
分組傾左陣十架苦路就諗講咩題目
展鵬就話講下有趣既事，全場個個係咁爆gags
臨尾我祈禱既時候都繼續爆gags

得著好大，因為知道神係想我地做門徒，唔係信徒...

>>September 25, 2006 at 7:13:14 PM GMT+8

2006 年 8 月 17 日 星期四 【晴】

夏令營第一天

終於入營喇！開始briefing，展鵬話個營要委身同受苦
受苦主要係做一d平時成日做既野要係營入面唔好做
佢舉例就係平時搞好多gag就係營唔好搞
我即刻諗︰「采你都傻」
然後分組傾下大家會做d咩受苦，多數都係靈條多d同讀經多d
我都係，好彩我醒起皮妹子既「鐵沙掌」
極力推介佢嚴禁暴力，成個營我應該唔會受苦

之後分營，我係wild camp，正！好耐冇試過紮營
但營地附近有好多荊棘，後來搬落去石屎地，never mind
個營有七個麻甩佬同我訓，好危險
包括延、偉雄、冬、Allen、卡富、殷豪、臨臨
到營食既第一餐飯，坐係梯級地下到食飯
d人話好似坐監咁！但唔知點解我冇乜呢d感覺
拎飯拎送個時就係幾似既，但食個陣我覺得冇乜野
可能坐慣地下食啦！

晚飯過後，先黎一個敬拜，都係好開心
敬拜完就信仰辯論會，好多弟兄姊妹爆gag
有幾條題目︰應唔應該同性戀？可否與一個異性共處一室？
教會應否牽涉政治？等等
係政治問題悶d囉！其他都幾掂

辯論完又分組，d組員真係好靜，開始feel到組長要知道點樣guide組員講野
結束分組既時候，皮妹子無啦啦講左句︰「聽朝組長帶靈修」
登時o嘴，滿腦子「點帶呀？」
之後沖完涼就返營，除左延之外個個都返到營
佢地熱到訓唔著，我有咩feel
但好夜延仲未返，我就上去搵佢，佢岩岩散會
然後又準備第二朝靈修d野，佢做組長要帶
於時我回營拎返d野去同佢一齊預備，其實係佢講d points我寫低
突然feel到佢好掂！完全要作我既模仿對象
之後三點左右同佢一齊返營，我地兩個一訓入去
全部人都有肌膚之親，Oh~~~~~~~~

>>September 17, 2006 at 5:12:22 PM GMT+8

2006 年 8 月 17 日 星期四 【晴】

夏令營前言

一朝早同二佬返到教會後，就等時間過
等等下亞毛無啦啦叫我搞下power point個背景，咁咪求其搞下囉！
終於等到十點，一開始就黎個興奮既敬拜
但有d灰就係坐左皮妹子隔離，開始個時又無啦啦打我，=O=晒
不過個敬拜都係咁正，有d歌要郁手郁腳，正o正

敬拜完就有ICE BREAK，主持「靚仔」不斷令我有衝動……
第一個遊戲叫「唔知乜鬼大地震」，原來日本同美國到香港既時間係咁短
我走海旁，d helper專捉內陸既
第二個遊戲係砌坦克車，我以為真係成架車整出黎添！我心仲諗點整大炮呢
原來整淨係坦克輪，呢個game開始係分組活動喇！
我同兩個KAI既導師----展鵬同皮妹子係第十組，
仲有一班幾靜下既組員------謙、殷豪、大丸、Kay(i)、Joyce、Yui、Sailermoon同Kevin
開頭介紹既時候展鵬同皮妹子都話岩岩讀完中學，我梗係話我「岩岩升中學」啦！
一介紹之下，原來我係最大個唔計導師的話
d導師們就叫左我做組長，第一次，有d驚

第一個任務，提議點砌架車，我基本上淨係聽佢地講，我和應下
d導師又好似扮問我點做，我就專講廢話(例如︰將報紙連埋)
佢地整緊既時候我就扮晒諗點整最好呢！kekekekee
開始喇！好勁呀！每五步斷幾忽，
我係咁嗌「一二一二」「停」「膠紙」「修理」「繼續」……
後來冇晒膠紙，我聽到佢地講斷左，我企最前大係咁嗌「唔好理、繼續行」
一張一張報紙係我面前跌、跌、跌
回程既時候已經輪不成輪，我就咁拎住d報紙扮舞獅咁衝返去終點
成條輪分身晒！主持「靚仔」好似讚5th組有咩體育精神之類再加多句
「唔似一d組」我、展鵬同皮妹子就好似癲左咁拎住隻「舞獅」衝出去，好KAI
我聽中好似聽到周俊講左句「痴線」

第三個game就係砌氣球鬥高，好灰！我個組對住風口位
仲要吹個底，我地砌過好高架！
我唔識吹，就殷豪吹我綁，所以我都幾得閒
又企埋一邊扮諗下點整好d，「靚仔」話我地個組慢既時候
我有d衝動係佢側邊整爆個氣球，哈哈！未試過
完左之後，懲罰最差個組，周俊好痴線
擺晒成堆氣班係個身到衝去被罰既人到

最後一個game就係九人十足，我終於有d貢獻啦！
我覺得我個方法都幾好啦！好灰，都好可惜
展鵬加入左戰團，我到完左先知，佢唔知道我地點做
結果衰左=.=不過至少大家都有快過，good！happy！

>>September 17, 2006 at 5:06:18 PM GMT+8

2006 年 8 月 17 日 星期四 【晴】

夏令營有感

8月17至20日既教會夏令營，永遠刻係我個心入面
呢個夏令營比我有好多感動既地方，都令我喊左好多次
係重演最後的晚餐既時候，我團契小組既導師芷茵為我洗腳
我好想縮，好唔想比佢洗
佢同我幾熟，我已經覺得好唔好意思
但十二門徒同耶穌基督親如父子，耶穌仍然意屈膝為門徒洗腳
我個時真係當芷茵係耶穌，佢好似做左我僕人呀！
之後芷茵擘餅同斟酒，講「係耶穌基督既身體、寶血」
我唔敢飲、唔敢食，因為我知道飲完、食完，耶穌就要上十字架

十架苦路前，我唔知道警醒禱告，只有感恩，默想耶穌既苦況
默默下就默默地恰著左
當後來知道原來我地係要警醒禱告，我好後悔，更無奈未睇到新約

十架苦路開頭，二佬、偉雄佢地扮士兵，戲弄、恥笑扮耶穌既余人
但余人一粒聲都冇出，之後偉雄推余人出去人群，就開始中招喇
扮士兵個d不斷鞭打余人，有d導師派石仔要我地一定要掟佢
事實上，個時係有人好大力咁扔耶穌，唔似我地會留力
我一直都企最前線睇住成個過程
一路避開派石個d人，我睇左一陣唔敢再睇
突然幾下清脆鞭打聲，我嚇左一嚇就唔住喊左出黎
余人比人打既每一野都我係我眼入面，佢個樣有d痛既樣
但係耶穌呢？佢個時係咪連一d苦樣都唔比人睇呢？
行到咁上下，仲要拎埋個十字架！好重
偉雄又逼肥維去幫余人托十字架，我都好想去幫呀！
我最想企係余人後面，好想幫佢捱晒d鞭打
但我做左咩呢？比自己藉口︰「可能會破壞呢個drama」
我真係好懦呀！懦夫呀！我唔敢咋！
我勁後悔冇去頂呀！

最後一日d人去分享，話如果有多次機會一定會幫基督
我都會，但已經冇意義，想幫，唔係係第二次機會到幫
我係應該去幫！但我冇，淨係望住耶穌被鞭打、比人扔
但佢為咩比人咁虐待呀？為我地呢d罪人
分享會開頭我好想出去分享，但聽左幾個人講野之後，我好down
我兩隻眼係好頹咁，我不斷咁後悔，我個一刻唔想比人見到我
「我點解唔救主？」佢比人打呀！重傷呀！
去為人去死呀！包括我，我好想比人鞭打
好想同主受同樣既苦，好想同佢一齊行個條苦路
但已經冇機會喇！

走既時候車到，阿賢同我傾，同我分享，我不斷既自責
佢幫我祈禱時，我又喊左出黎，又係咁後悔
但神唔係要我後悔，係要我悔改呀！
返到屋企，我喊到累，我訓覺，唔想諗
過左一晚，我立志唔再後悔，要悔改，要改
我一日睇十章聖經好巴閉咩？都冇用心睇
今日睇完聽日唔記得，甚至一陣就唔記得
所以，我要用心聽神既話語，要比更多朋友同我一齊上天堂！

>>September 17, 2006 at 4:09:09 PM GMT+8