2007 年 3 月 4 日 星期日 【晴】

生日快樂

就咁又成個禮拜冇打日記啦！呢個禮拜好似好多人生日咁

23/2芷茵同Ada生日，生日快樂！12點過d就send左msg比芷茵lu！哈！個時係周俊屋企
呢日我照舊返定福溫書，呢日遲d返，唔知點解好累，去到見到已經有幾個人
好似見到余仔同瑤，都幾驚訝，估唔到瑤都有去定福 (唔係話佢懶，只係少見姐)
之後唔知做乜鬼，逐漸多人，最後好似有成廿個人添！我feel到真係有人為定福中心祈禱呢！
lunch前出去買野飲，返到黎已經見到多左好多人，我就食飯先，食琴晚我煮個d
d豬扒都係未熟咁，d蛋幾好味，但d蕃茄酸d，我不嬲對食冇揀擇
只會對一d我食落感到好怪先會評，就好似我個d野食咁，never mind
食完就溫書，Joyce問我數，對住ce既數，心中興奮不已，但幾乎答錯
到夜晚同周俊留守定福，佢要看檔，7點左右我去左洗衣鋪拎衫，好重呀！
返返定福，等到9點半就走人，去食利華達，然後返屋企lu！

等二日，星期六lu，要帶查經，起身就pre查，pre得好開心，哈！怪怪的
跟住同周俊一齊出門，返左教會搞d野先，見到興，同佢傾計
原來佢20/2生日，補句「生日快樂」，叫佢陪我食lunch，然後就去惠康買零食返教會
今日最後一堂「追求聖潔」啦！聽完之後唔知點解好有感觸，個心真係好想好想做到聖潔
好想學Ken抄聖經，好想搵一卷聖經每一日都默想，聽到好多野都好想做
其實我可以做，但我去唔去做呢？真係唔知道，追求、追求、追求、追求、追求、追求……
完左就去團契祈禱會，照舊冇乜人架啦！來來去去都係個幾個，多左方洋囉！
之後返崇拜、團契，我個組得kevin、余仔、臨臨咋！但我覺得呢次查得ok喎！
只係大家仍然冇乜分享姐，本來呢個禮拜係最後一個禮拜，有組聚既，只係大家努力讀書啦！
最後好彩搵到卡富同我食飯，食完同佢去左定福搵周俊，佢又守門口
行去既時候同卡富傾左好多靈修既事，對不起，語氣唔係咁好，又有教訓性質
我應該要先明白你未清楚點樣靈修，希望呢次同你分享能夠幫助你既靈修生活啦！
都邀請左佢下星期返祈禱會，佢都答應左呢，再同周俊一齊守門口，守到十二點先走
返到屋企好累lu！好快就想訓啦！

到左主日，不得了，平時七點四出門口，今次就七點四先起身，好灰！
好快咁執好野衝出去搭車，好彩都冇遲到姐，要自己好好做最後一星期既司事
今次都滿意架啦！打主日學d野，到lunch同舒媚、婷婷、佩琦、余仁、周姑娘、ester食飯
食完返教會溫書，飛左中化實用文d格式就溫返pure，溫到六點左右就搭車返出旺角
好耐冇食過媽咪煮既飯，好正！食完又溫pure，放棄中化咁，好似溫好多pure，事實上係冇乜效率囉！

星期一，26/2，勞氏孿仔生日，生日快樂！
呢日考中化實用文同閱讀理解，都ok既，過得去，但唔似A-level
一日考埋文化篇章，驚到時真係A-level我會頂唔順
考完lunch同勞氏、kenny去左又一城一間新麥當勞食，好耐冇食過咁
食完就返學校溫書，不過傾好多計咁，今日到五點半就走lu！
呢晚約左Joseph，同埋auntie uncle一齊去食大餐，好豐富，好好味，好開心，好親切
食完就同Joseph去買禮物，Ann蕉生日，好彩買到姐，返到屋企溫左一陣書就訓lu！

星期二，27/2，Ann蕉生日，生日快樂！
呢日考聆聽同埋文化篇章，應該過得去掛！中化唔可以肥架！膽固醇高
考完同勞氏、Kenny去左食米線，食完之後返學校溫書，努力pure
pure唔想衰，我最有信心既一科一定要努力，但唔容易呢！
夜晚同Joseph食飯，如果唔係要同佢自己食，同佢又去左魚米之尊到食
同佢第三次去個度，亦都淨係同佢去過個度，真係食得好飽，同佢有例牌話題
去親呢間野都同佢講好多女仔問題 (正經架！)哈！之後佢要奮進，我就努力pure
返到屋企努力到12點幾左右先訓，第二日唔駛考嘛！

星期三，28/2，最重要！哈，小弟生日，19歲lu！
呢次係我咁多次生日入面收到最多sms既一年，雖然都係得16個，但好開心呢！
有兆恒、基、高妹、Lokman、Kenny、二佬、丹楓、徒弟、勞氏、翟仔、婷婷(我妹妹)、Clara、Bill、Lai、波波、Ann蕉
估唔到兆恒 12:08 send msg比我，佢第二日要返工呢！謝謝
仲有我以為高妹 (我個女) 同埋 婷婷 (我妹妹) 唔記得添！冇見兩年啦！
Ann蕉病左都仲send msg比我呀！真係好感動添！
仲要係度多謝返星期一Joseph同auntie同uncle既禮物，Joseph既85%朱古力我會同fd享受架啦！
另外，多謝Bill星期二送既禮物，真係好gag，個gag有點兒爛過我個d添！哈！
都多謝小玲、Anson同波波送既頸鍊，我好鍾意呀！
仲有多謝有d fd口講既生日快樂，Silver、Stanley、細妹、芷茵同埋婷婷(教會個個)
遲早唔係問題，多謝你地有我心呢！
講返當日，我過得好romantic，同邊個？當然係Miss Pure啦！
係寧靜既圖書館入面，除左我去toliet之外，佢一路都陪伴著我，冇離開我半步
同佢一齊真係幾舒服，我既集中力都比佢既吸引力吸住晒！
好似有d變態添！冇錯！唔駛返學我都照返學溫書，溫到八點先走
走到花墟回望學校，真係感到離開呢間七年感情既建築物，個感覺就似有蚊拍唔死，幾沮喪下
返到屋企，食飯、溫書、訓覺

三月第一日，考pure，兩份paper都麻麻地呢！姻霖掂啦！paper2 sectionA話易喇！唉！
終於考完啦！鬆左一口氣，但仲有一袋氣，A-level個袋
今日收到準考證，做乜鬼我報油尖旺會去左何文田個邊架？早知報深水埔
好灰，之前CE間間都係行去架嘛！oral都唔駛搭車，今次到到都要，22/3中化oral，比人遲好多呢
考完pure即刻返屋企執野換衫，入屯門同婆婆、舅公食飯，當係拜年同慶祝我生日
多謝娘親同娘娘(娘親既娘親)同埋娘妹(娘親既妹)既生日利是
仲有一班親戚同舅公比我地既利是，好多謝你地仍然當我係你地既家人
食完之後，拎d剩左既「送」返周俊家，聽日食，之後就訓lu！

第二日好遲起身，成九點半先起，好累！起左之後搞左好多野先出門口
12點10分先到定福，繼續溫pure溫到1點，食飯，一路食一路睇甜甜廿四味
靚仔輝、春卷同大box一齊睇，之後成個下晝都係hea，本來淨係睇人地娛樂
最後我都玩埋一份，玩risk，即戰國風雲，我呢d無策略人物輸多架啦！
之後周俊到左，我又玩完，諗住溫陣書，佢話去食飯，咁就去啦！
同佢、余仁、婷婷去左台竹打邊爐，47蚊既打邊爐，九龍邊度有架！食得好飽添！
之後返定福抖左陣就同周俊、婷婷、舒媚去食冰，唔係吸毒啦！
然後就返歸又訓喇！

終於星期六啦！有得返團契，不過今次又查經，因為週會調動
即日pre查即日查真係唔係幾ok，但首先好灰，一早起身自己pre查，打左個file唔記得send去e-mail
最後記得幾多得幾多，去左俊達食飯，好鹹，冇食晒就走，去惠康買野食就返教會
pre查時，好在芷茵整多份網上copy既析經資料，同我pre個d差唔多
到3點祈禱會pre查未完，見到卡富有返祈禱會，真係開心，感染到人呢！各位要努力呀！
假如你有半個鐘冇用，不如就用黎返祈禱會啦！同心合意係好重架嘛！
之後pre查到3點35分，第一次遲到崇拜，黎緊兩個月係我係友愛堂兩年幾第一次冇返主日學，唔知有乜feel呢！
不過周俊極力建議我去聽下人地點樣教，似乎認定我將來必需要做主日學導師一般
嗯！應該去加油站多，主日要keep住祈禱會有人數先，哈！
崇拜搵人讀經啦！我等呢件事發生好耐，好想聽下d弟兄姊妹讀經
展鵬講道，好感性，唱「一生宣揚」作回應詩，回憶夏令會又令我想喊
之後就去art room查經，小天使計劃不知不覺又完左一季，都唔知做過咩事
余仔又有買野食，所以我地好多野食呀！我又分享Joseph既朱古力呢！
查完經見成個art room得我同芷茵個組，好似好冷清咁添！但更似一家人團聚，最熟既人係齊到
有d組去左十週年個度查經，查完兆恒又話行一行開，余仔又走出去，芷茵又叫埋d人出去
雖然未做呢d我都估到會做既，根據佢地過往既行為紀錄，仲要做到咁出面，不過都好開心
有樣野就估唔到，就係我竟然收到一張細既生日卡，但就有27個人既字跡，thx all！
兆恒一個大芒果蛋糕，好正！芷茵兩個「V」字頭既蛋糕，都好正
哈！一個蛋糕有三支燭，三燭？三叔？
combine組一齊食野，好開心，不過我個組d組員真係少講野呢！
之後散人lu！同卡富去綠兒島食，食完我去華都搵周俊，同佢一齊返歸
行緊返屋企既時候同佢傾d有關查經既野，嗯！我每次都要訂立一個主題

又係好長既日記，另外有d野想講
我覺得神對我好偏心，佢好似專登調最尾個禮拜查經到第一個禮拜，比我時間去溫書
佢又係我好需要人地既關心，又或者金錢上既需求時佢又好快就比我
但呢d恩典，我相信神係想我分享比人地，我有既，我身邊既人都應該有
我呢度睇得好主觀，of course神唔會為左我有時間溫書先調時間，都可能比其他弟兄姊妹時間或者方便
其實都唔係睇得主觀，而係睇得好感恩！！！

代禱事項︰
1. 感謝神！感謝佢比我呢一年屬靈成長好快，又比我好多事奉機會，養大我，經歷佢！
2. 真係要為祈禱會祈禱，我諗神同我一樣，好想見到大家一齊祈禱！
3. 為新年假後考mock既弟兄姊妹禱告，佢地既mock同A-level貼得好近呀！
4. 願主賜我一顆追求聖潔既心，在學業上、行為上、心態上等既聖潔
5a. 求主保守跑馬拉松既弟兄姊妹(兆恒、展鵬、勁姐等)，讓佢地平安
5b. 假如跑完先睇到5a，咁就為佢地既身體禱告啦！

>>March 25, 2007 at 1:23:12 PM GMT+8

2007 年 3 月 4 日 星期日 【暴雨】

補充返d野先，今日斯文舊曆生日，聽日佢新曆生日呀！預祝佢生日快樂先，哈！
仲有我想list張生日卡既27個人︰
放羊Carmen婉玲殷豪子倫臨臨PhoebeKerry斯文師傅趙婷Aman瑤彭彭玉儀冬艷艷阿婷卡富樂謙Yan詩Joshua芷茵Ka
仲有一個冇留名，竟然夠膽叫我唔好搞咁多gag，我覺得一係余仔一係兆恒囉！哈！
總之，多謝咁多位！^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^
^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^
^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^
^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^
^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^ ^^

>>March 4, 2007 at 9:09:17 PM GMT+8

2007 年 2 月 22 日 星期四 【乍寒還暖】

平凡的讀書天

一早起身，同周俊一齊出門，今日自己去左俊達食早餐，唔錯！
食完就返定福，余仔一早返到lu！試下係房入面溫書，都ok喎！
lunch食帶返去既飯盒，d肉真係好肥
食完又繼續溫，成日都係溫pure，i like it
到五點幾去置樂買左五個蕃茄，一個洋蔥
到七點幾先返到屋企，要解凍d豬排
今日既晚餐︰蕃茄炒蛋、洋蔥豬排
蕃茄炒蛋好似酸左d，都可以撞受
d豬排就好似唔係好熟，聽日仲會我同周俊每人帶一個飯盒添！
煮到9點先食，好耐，食完已經唔想洗碗，真係世上只有媽媽好
到Joseph一個msn msg，佢send左個網址比我，入面有段好正

熱戀o既時候，男人會突然係鬧市中將女人抱起，走長長o既一段路。
女人就笑住咁講：「你癡線架?快o的將我放低啦!比人睇到唔好啦!」
男人就話：「怕咩呀?我鍾意抱住妳!」
若干年之後，女人在鬧市中向男人撒嬌:「抱我!」
男人說:「妳癡線架咩?」

關於男女既一d心事，不過有d我唔係幾同意
算啦！等陣搞埋飯盒d野就要洗碗，而家要溫陣書先啦！

代禱事項︰
各位讀書既弟兄姊妹，主會在你身邊的。

>>March 4, 2007 at 12:55:27 AM GMT+8

2007 年 2 月 21 日 星期三 【雷雨】

享受恩賜

星期一，年初二，以前呢一日我都會去我亞婆屋企到拜年，但今年冇
不免有點兒感到難過，但另一方面又有d舒服既感覺，唔駛去拜年咁悶？都係神安慰
一訓訓到十點幾，之後周俊煮蘿蔔糕同年糕，真係好味！
周俊夜晚去街，所以夜晚個餐要靠自己，屋企乜野食都冇咁制，所以都係要出去食
但自己一個人食好灰架嘛！好在，屯門有卡富，搵左佢夜晚出去食飯，謝謝我主！
好乖咁係屋企靈修、沖涼、執屋，不過執唔執都係咁，好多頭髮係地下
似乎多數都係我，擔憂會脫髮，而家就好似脫極都好多，但遲d……唔敢諗
換衫出去lu！同卡富亂咁周圍行下先，都唔知行左去邊，由屯門市廣場行到去杯渡
再由杯渡行返去屯門市廣場，好無聊！諗起一到左見到卡富佢爆左個爛gag，真係不得了︰
我︰「Giordano係邊！」卡富︰「右dano既左邊！」我︰「……」
唉！我d gags爛完變左硬，佢就開始爛啦！真係不得了！
最後去左food court食，第一次唔駛霸位，好舒服咁一齊去拎野食一齊搵位坐，都唔駛搵
食完行左去萬寧，買左支洗面露，係時候要減少d暗瘡，不過已經充滿疤痕
不打緊，雖然樣唔係好，但補得幾多得幾多
之後散人，返到屋企，又同周俊睇左陣星失就訓，薛度，巴度，好睇<----星失人物

第二日，我同周俊同亞慈去睇門徒，好少睇戲睇得咁肉緊，好多幕都係
好多幕都令我幻想緊下一幕會點，真係做埋出黎，嘩！不得了，d肉真係收緊，毛孔就冇收緊
總括黎講，我覺得幾好睇既，不過我感覺上唔係一般人講得咁好囉！
如果從戲所表達既野黎講呢我都覺得非常唔錯既，係有d唔知咩令我感覺怪怪的
是但啦！未睇既遲d買vcd啦！呢幾日可能都有機會係戲院睇到既
睇完之後出去九龍，返左屋企拎籃球，好開心！可以同Joseph打波，成個幾月冇同佢出過街
未夠鐘，本來想買條牛仔褲比娘親，都冇合適她的，唯有等下一次啦！
7點半同Joseph行左去花墟到打，打到九點半先走，Joseph勁左呀！入波準左好多
同佢一齊打波既感覺真係唔同d，打打下，又可以吹下水，放晒個心講咩都唔緊要
哈！比佢呢個非基督徒叫我祈禱添！真係羞愧呢！
打完去食飯，最後去左寶島，不得了，食左$49.5，好貴，我記得之前我食好平架！
貴極都$3x咋嘛！咩事？唉！$50既教訓，算啦！我地兩個都好灰
行到去油麻地先散，11點幾lu！短短幾小時，我地都好盡興，好開心，我覺得佢成熟左
雖然都有小小小孩子味道，但諗野比以前成熟左呢！真感恩，神比我呢個special friend
12點幾先返到屋企，疲累呀！

今日終於唔係紅日，可以返定福中心lu！9點正到，但未開門，周圍兜左好耐
行到9點45先去到定福，終於有人，係桌上睇聖經，然後入房默想，好正！
要開工啦！成日做pure，正！諗通左好多野，呢日竟然冇眼訓
食完lunch返到去，余仔都黎左，不過佢係房，我係出面，搞到個中心至少都有個人啦！
繼續做，做到5點左右，去左置樂買菜，想今晚試下自己煮飯食
生菜滾瘦肉，識煮野食既就會覺得簡單，好似我咁既話，咁簡單都整得唔好食
我落調味料太少，冇乜味，好彩自己食姐，有咩問題自己知好lu！
今日收到Kenny既電話，知道佢去完大陸返黎，但都唔問候佢一句，好衰
成日都係咁，對住d人總係嬲爆爆咁做乜鬼呢？呢方面自制好差呢！

有一日，聽到媽咪講︰「婆婆話亞姨、姨丈佢地比左利是你地，遲d去拎。」
好感恩，因為親戚們仲有比利是我地，感恩不在利是入面既金錢
即使入面是一張揮春，我都感恩，因為神給予我地呢d疼愛我地既親戚……

代禱事項︰
1. 為我呢個火爆既性格代禱，我要克服，要克服，更要靠神克服！
2. 溫得好似好多但又唔係多，要再加倍努力！
3. 願主賜智慧比幹事，令定福中心能夠吸引到更多人，讓更多人親近主。
4. 感謝神比我既恩典，無論朋友、性格都有獨特之處。

>>February 21, 2007 at 11:30:48 PM GMT+8

2007 年 2 月 18 日 星期日 【晴】

靈命跳動
成日溫書都冇乜點睇聖經，一係就好求其，甚至過份到唔靈修添！唉！
3/2團契芷茵帶，主題「祈禱」，仲搞左個祈禱會添！又係延做司琴
其實我好想同佢一齊祈禱，想當日夏令會完左之後佢第一個同我祈禱
佢都係第一個同我一齊祈禱既時候令我喊既弟兄
不過都唔得啦！佢都唔得閒，都係企係佢側邊睇佢彈琴
好迷惘！好想搵人同我食飯，但係冇人得閒，最後都唔知點算
心中竟有一股難以形容既恐懼，無奈之際，去到籃球場，見到湛恩佢地
於是又join佢地，yeah！真係感謝神呢！太耐之前，唔記得左有邊個lu！
去左吉野家食，又吹水，吹完到周俊屋企，要早d訓，第二日要做司事

第一次做早堂司事，有d緊張，同埋犯左好多錯誤，都唔算係錯既，不過係不足囉！
原來司事係唔好著牛仔褲同波鞋，仲有請人埋位有做得唔係好夠
仲要遲左到添！本來要8:00到，算啦！過左去既不足，唯有以後做好d
完左早堂，到lunch前點名，然後同周俊、余仁、舒媚、毛，好似仲有個
去左為食屋到食，食完之後返教會，佢地要練波，我好乖乖咁坐係乒乓波桌到溫phy
嘩！掂！雖然成日先溫得兩課都未夠，但感覺到收獲良多，放假真係要入屯門溫書
溫完返歸，繼續溫，到9/2病住咁執好多野去發展營，有d累！
個camp都算係冇得頂，尤其是個導師，嘩！d爛gags，係咁同靚仔比5分佢
之後發現個度全部導師都好想意圖搞爛gags，都辛苦佢地啦！
第一個遊戲係瑪莉蓮夢露，仲有李小龍、周潤發、蕉、象------有d頹
之後玩一個遊戲，係條木條上要排序由1月1日至12月31日唔準出聲，唔可以落地，最後當然成功啦！
然後玩尼羅河，用十二塊板行過去一個地方
最後玩大腳八，我跌到添！真失敗呢！
係遊戲當中都思考好多侍奉、屬靈上既野，都有d得著既，係遊戲悶左d
好開心，大家都願意提出意見，有時有d人犯左錯，好似我咁，但冇人怪責，好欣賞
夜晚食bbq，嚴重唔夠，個度夜晚超靚，睇到勁多星，正！但我太累，否則我會陪延睇星

第二日camp落水日，好多水既遊戲
一朝早食完早餐就去紮木伐，要用繩結，我鍾意，紮野其實好好玩
感覺到d手指起水泡，當紮完之後出海、划艇，哈！我打到ester好多次添！
潑水戰，嘩！好掂！幾好玩，飲左好多海，成身濕晒，d燒都退埋添！果然厲害！
之後家豪佢地同工導師隊黎到，佢地架木伐大架d，八支槳，行得好快，係咁比佢地攻擊
走唔返去岸，頂左好耐，佢地真係痴線的，仲要如果冇個度d人佢地會拆艇
係我就大獲啦！唔識游水，雖然有救生衣姐，心理個關都未過度架嘛！
好辛苦先返到去陸地，沖完身換返乾d既衫，準備食飯，但要等埋全部人先食得
食完要執房，著返d濕衫，聽講之後仲要濕，執完去踢左陣波，然後開始活動
未玩濕野住，先玩天國的雞批(階梯)，簡稱天梯，要行上去一支支人手扛既竹上
我見我對鞋濕諗住最後先上，點知最後我上之後廢事煩，一路行埋最後個段路
(我地要個個人都至少上一次，所以我地輪住上，輪到我最後廢事又落又上就行埋佢)
玩完之後玩蜘蛛網，搞左勁耐，幾好玩，不過過唔晒，唔夠時間
之後就落去玩羅馬炮，又要紮野，雖然隻手痛，but i like it，好成功
想玩得盡興d，呢個係最後一個game，等人地發水彈(發蛋？)過黎想濕下身
扮下李小龍一拳打上去，嘩！正呀！濕身咁玩係好玩d

終於返到教會lu！好似病得好重咁，同興、R、湛恩、summer、朱、楓哥去市中心個邊食飯
一路食一路咳，又好冇精神，成個人好累，大家都係，所以冇下場lu！
去搵周俊，同佢一齊返屋企，正！佢又話係annual dinner抽到二獎，sony 8250i手提
yeah！本來諗住係新年買電話，而家唔駛，用佢舊個部，都係一樣既姐
佢講得岩，呢份禮物神獎我既比獎佢既更大，返到屋企，食左粒藥就訓lu！
第二日又要早起，哈！著西裝，因為要做早堂司事，今次要做返好d，同周俊一齊出門
佢買左糯米雞，正！做完司事就食，成個早堂都忍住唔咳，忍得幾辛苦
之後返祈禱會，然後等午堂完左之後主日學部聚餐，嘩！小華好厲害，整左好多野食比我地
我好鍾意食個d沙律，食完之後仲要甜品，有d唔知咩糕同埋雪糕，正！
食完就返屋企，好耐冇試過咁早返到屋企，返到去就攤左係度，都冇乜點溫書，太累！頂硬上

14/2執左好多野入屯門，想係新年假每一日都去定福中心都溫書，屯門始終比我感覺舒服
第二日去，冇乜人，基本上係冇人，得我一個，仲有兩個玩棋，差唔多12點，拎支結他返教會
比亞毛幫我調返好d音，再入多兩隻game入nds，然後行去屯門西鐵站，等周俊
同佢去食飯，去左小巴黎，然後行左去華都個邊想買card reader，但搵唔到好d既
於是我去左置樂，好耐冇自己行過去，自從中一開始就冇，憑記憶亂行，好彩都搵到
求求其其咁買左個就返定福，見到余仔個袋，我就訓覺，對眼超累，唔知做乜鬼
訓訓下就醒左，見到余仔，做左一陣數，亞毛打黎，余仁叫我買wasapi同鼓油
佢切緊魚生，正！余仁真係好勁，咩都識，相比之下我就好似咩都唔識咁樣
切完係教會等左陣，拎埋魚生去定福，等佢地黎，呢晚係仁愛1組團年飯，不過係冇飯既
我覺得d湯好正，四碟魚生食得三碟，食得好濟，食完就分享lu！
個個係咁搞gags，我就專搞硬gags，就如余仁所講，當佢地聽到d gags係咁笑既時候
我就搞硬gags令佢地dead晒，都好既，令到佢地可以繼續分享，但分享得好少咁
分享到1點先散人，真多謝芷茵送我去搭車(唔係應該我送佢返屋企至岩既咩？)
入左呢一組真係好開心，畢身難忘既一組

16/2星期五，周俊自己出門口，我一早去建生到拎婆婆整既蘿蔔糕同年糕，正呀！
拎完就返定福，返到去都唔想溫住，好眼訓，靈修先，然得入左去休閑室
諗返尋晚佢地分享既野，逐個逐個為返佢地代禱，真係冇乜記性，有d真係唔記得
厲害，咁眼訓既情況下祈禱冇訓著，正呀！之後開工(溫書)，溫到lunch time
出去買左支夏枯草，返去食周俊整既炒飯，食左第一啖，急不及待打比周俊講聲「正呀」
真係好正，估唔到佢炒飯都有一手(唔好囂張)，食完，好飽滿，都好眼訓
訓左陣就開始溫書，溫到5點半，周俊黎到，同我去海霸，我地食團年飯
有媽咪、婆婆、舅公、歌王，好掛住舅公，好耐冇見，不過有時都唔係好想見到佢地
佢地總會比好多錢我，收左咁多次都係感到好唔好意思，不得了，婆婆同舅公比左我千五蚊
呢d榮耀都歸給神，盡量都唔會用得太多，好好保管，好好累積，更加好既係用係傳福音到
食完之後同周俊去佩琦屋企，我地三個睇冥王篇，好好睇，等舒媚同婷婷到左
又係我地五個人玩「斜釘」，好好玩！玩完返歸lu！
不得了，呢晚有幾隻蚊係咁搞住我地，我地都訓唔到，我頂唔順，又唔係好眼訓
上下網，想培養疲累既精神，睇晒我細妹d日記同d comment，搞到我好唔捨得佢添！
搞到3點幾，訓啦！

一訓訓到十點幾，好累，沖涼，出去，去左買飯盒，然後去pre查
查經真係好正，pre查都幾正，甚至係「好玩」添！
pre完就去主日學，返尾二堂既追求聖潔，好精神，吸收得唔錯，但唔記得講咩topic添！:p
返祈禱會先，為d bb祈禱，哈！祈禱完就返活力崇拜，好耐冇見啦！
但好似少左人返，我個組kevin、臨臨同文謙都冇返，可能因為年三十啦！
今次兆恒帶週會，關於靈修，原來佢係第一次帶週會，我覺得幾好呀！
分組一段小時間，個個人都要去食團年飯，唉！又發掘人同我食，最後發掘周俊
佢話返屋企煮比我食，正呀！茄汁蝦加豬扒同雞扒，雖然豬扒同雞扒d味怪怪地
我食落去都覺得可以接受先，之後渣渣黎左，傾下計！
11點幾周俊同佢都走lu！周俊去行花市，通頂，呢晚間屋就成為我lu！
好奇怪！電話個鬧鐘點都搞唔到，於是叫周俊聽朝打比我，做司事唔可以遲到

點知佢打黎我按錯制cut佢線，佢再打黎我合左個蓋又cut多次，佢再打多次我先聽
之後又著西裝啦！仲有下個禮拜要著，一早返到教會
返完早堂就去祈禱會，搞埋主日學點名個d，又唔駛返出去九龍，諗下去邊度食
原來邊度都冇得食，我去左join R、楓哥、小玉、家揚、海豚、詩婷
其實同佢地都唔係好熟，見下面打過下招呼咁，之後拔哥都黎到
佢地呢堆人都有佢地既風格，我地最後係大家樂食，食完吹左陣水就返歸
怪怪的！那麼早返到周俊到，周俊買左隻孖寶兄弟隻菇比我呀！吹左隻個鐘先有個形
夜晚佢約左NSY食飯，之後約埋Ada個堆想去睇戲，但full晒，翻生朱羅館
最後我、同俊同NSY係吉野家食飯，食完買左d零食就返歸lu！
返到去我地煲星失，都係好好睇，北歐篇，然後訓lu！

靈命跳動？咩意思？
唔知大家有冇留意到呢個topic同呢篇野呢？學下查經，大家自由發揮思想啦！
終於打完，好累呀！呢兩日唔打住，遲下再打啦！

代禱事項︰
1. 祝大家豬年感恩，得到上帝的無限的愛，屬靈都得以長進。
2. 為我靈修禱告，已經miss左好多日啦！
3. 離開媽咪身邊一段時間，願佢仍能舒服地生活。
4. 好耐冇見一d弟兄姊妹，求神仍與他們同在。
5. 為我學業禱告，願我真係憑心，全力應試，絕不後悔！
6. 為各位中七弟兄姊妹祈禱，mock臨近，考緊，甚至考完，願佢地得智慧。
7. 我身體仲未痊癒，求神大大的手醫治我。

>>February 21, 2007 at 10:40:16 PM GMT+8

2007 年 2 月 18 日 星期日 【晴】

大獲啦！今日係2月18日呀！又有三個禮拜冇寫日記啦！又有千字文
所以要分兩大topic，一個係學校，另一係教會
下面呢篇係學校，上面個篇係教會！

最後的學涯
28/1幫師弟補完習之後就返屋企，溫chem︳但訓覺多
第二日返學，考中文oral mock，未驚過，驚都冇用既
考小組討論，但我係最後個組，所以未到我考，有三組遲d再考
今次三堂pure同三堂bio，嘩！好過癮，purre同bio同一間課室上堂
感覺好特別，bio人做卷，pure人做數，都係做
不過朝暉(pure sir)係講野多d，佢地兩位老師真係冇得頂，都係好搞笑

到30/1，環校跑呀！有好多同學冇返，因為只係上得五堂
班入面得我同丹楓跑咋！兩個人，唉！都冇同學留戀呢間學校既
不過都難怪既，對於佢地黎講冇咩值得留戀，讀得個一兩年
我都讀左七年啦！所以要跑埋最後一次環校跑
奇怪！中六兩班加中七兩班都係得5個人，我地同F.5一齊跑
哈！我竟然跑第十，都正常既，d人志在參與，邊會跑咁快呀！
我都只係因為冇人陪我跑，丹楓又跑得咁快我先快d跑返去
回想當年F.5，成班一齊去跑，個種feel，真係冇得頂，好興奮添！
個年我地班第一添架！別看小吧！

1月最後一日啦！中文最後一次做listening，其實我幾鍾意做，幾好玩
呢日同1/2都係溫chem，唔記得左溫成點啦！甚至好似冇印象溫過咁，好奇！
2/2開始溫phy，維持十日，十日之後考mock lu！先攻electricity，超唔掂！
中化個講oral又考埋，真係辛苦秋官，一個為兩班中文考晒
陳樹渠得佢一個教中化咋！經驗豐富，佢真係一個有料子的sir
哈！秋官話我小組討論好努力，但離題好多，都有5分，個講就有5.5
我覺得我唔應該咁低，我目標係7分架！不過唔係咁易呢！

原本最後一個day4 miss lai話要用埋個空堂黎補課，但太多人冇返，cancle左
正！我唔鍾意有人逼我做一份完整既卷，我自覺做是更好的
都唔係好多人冇返架！只係Applied maths同bio人都要補課，少左人去
day5，尾二的日子，都係呢日考中化oral個講，最後三堂係pure堂
bio人今日早走，因為小玲、勞氏、安、古都話last day唔返，所以同佢地去食最後的lunch
唉！最後一日都唔返，唔知點咁，不過是但啦！佢地鍾意就得
last day，day6，全日好少上堂，狂影相，但係我呢個咁低調既人都係縮埋一二面
同時都睇到我既人緣其實係唔好，我平時做到既都係比人有個ok既印象
但我做唔到比人地放心對我真情流露既感覺，做唔到人地自願同我傾計既心情
佢地話我個樣成日好似嬲左成村人咁，我都知既，樣呢d野，整容就得姐
如果要我成日都笑住口咁我又做唔到喎！個個樣係我最自然個樣，做其他樣就好唔自然啦！
哈！估唔到我咁夠膽係眾目睽睽下送花比女仔，送比我細妹
呢年幾先識佢，講就我細妹，但都冇乜點理過佢，佢F.3咋！
所以最後比d深刻既人佢記念先，都有同佢影相呀！仲有好多人
珠女都有，我係佢師父仔，其實唔係好熟，但唔知點解又好似好易溝通
多謝佢個msg呢！好大既鼓勵
都好多謝bill，不斷鼓勵我同人影相，雖然最後都冇同晒d人影，但都睇到我有d自閉
最後同周丹楓坐係7A門口傾計，回顧7年，真係有d唔捨得，但竟然係有d，唔係非常
8點離開學校，聽日開始考mock啦！以下係一堆唔捨得既人︰

德希Kenny高妹細妹娉娉婷婷肥龍lokman死肥仔森爺朝暉世澤炳eric光頭肥婆沛風平振宇嘉明小淋小明bonnie廖文珠女小玲茄醬榮少魚咀miss lai素芬丹楓永玲家姐敬邦邦邦高駿財哥miss au許校長招校長肥強耀澤miss lau劉sir miss黎瑞金蘇哥基Jason偉bill clara Lai Anson Wincy Rosie Silver云峰妍妹Ann蕉慶哥豪哥安古姻霖慶玲敏敏堯豬神振業sukie浩宏小雲娜姐丘丘谷恒源茵王子世良耀偉冠宏miss so秋官關sir美玲姐

理論上冇漏架啦！冇名既話反省下啦！睇唔到自己個名就search下啦！哈哈

8/2開始考mock啦！考UE writing同section C，感覺到有d唔舒服
好難，考完之後好=o=晒！summary cloze個兩篇野冇一樣既字囉！
甚至好似冇關係咁，好灰，第二日更加唔舒服，考listening同埋practical skill
listening又係變態既，但預左架啦！好在practical skill過得去姐，考完之後返歸
好累，下晝去發展營，考mock期間的relax
到12/2考phy，基本上我淨係溫左electricity，雖然份野好唔掂
但係有關electricity都過得去，至少有野可以諗先，其他頂硬上
呢兩日都病得好重下，13/2冇溫過書咁制，諗住豁出去比chem啦！
不過chem又好似唔係好難，問我又ok識答喎！至少極有信心合格先
呢日係情人節，例牌唔會點收朱古力，人緣未去到咁好呢！never mind
女朋友個份至緊要，不過未有，hehe
本來呢晚約左德希，好耐冇同佢食野，但佢要學琴，所以唔得
最後呢晚就入左屯門lu！

>>February 18, 2007 at 5:59:41 PM GMT+8

2007 年 1 月 27 日 星期六 【乍雨乍晴】

疲倦三星期

一連串的工作，把我身心都變得很疲累，很疲累，很疲累......
現在終於有時間打日記，等了這個時刻很久了，有很多語言想向大家說
三星期的言語，都忘了一點兒，相信沒有二千字吧！

8/1-14/1
放學返到屋企繼續睇下本《中國文化常識》，但好hea咁睇下
睇到好累，早d訓，聽日早起身，點知早到11點先起身
跟住同媽咪食野，食完返歸繼續搏殺，期間又訓左個幾鐘，真係好眼訓
到夜晚掛住睇《賭場風雲》，轉移晒d視線，算啦！得就得，唔得就算
10/1，終於要考，正！溫左個d topic都有出，不過衰在我冇點背野，唔記得d內容
唔緊要，我只係要求合格姐，要我背野真係好難的，我會好辛苦架！
考完之後都有信心會合格既，放學留低係學校溫書？唔記得係咪lu
星期五要quiz chem，physical chem，我同自己講過，organic chem同inorganic chem係差
但點都唔可以係何sir手上連physical chem都拎唔到ok既分數
不過都好似淨係用左星期四黎睇第一本書，真係覺得簡單好多，係學校溫到八點先走人
呢個溫書氣氛、感覺，係我夢寐以求既，但教會比我既感覺係更好的
星期三晚唔溫chem係因為我溫左pure，好鍾意做數，好好玩架！但唔識做！:p
quiz chem，ok喎！感覺良好，至少每題都寫到野上去啦！

決定左唔返補習lu！冇多大用處之餘仲要浪費我時間、精神，我相信呢個決定係岩既
星期五就入左屯門，去左周俊到訓住先，安靜既環境，好舒服
第二日團契九型人格，我係第六型(忠實型)，幾襯我呀！神叫我做咩我就做咩，哈！
不過都仲有好多神叫我做既我都冇做，要改下啦！
呢個型憂慮多呀！嗯！都係，我成日抑壓住，好自然既事lu！
個週會搞到7點先完，本來諗住幫臨臨慶祝生日，點知佢冇返，佢太累啦！
分組分到8點，我就去2樓仁愛一組相聚，KG同冬都好靜呀！佢地都太累？
玩猜猜畫畫，玩得ok開心，卡富都頹頹地，不過，我prefer大家分享近況
我地一個月先有機會相聚一次，真係想知道佢地近排有咩野近況
平時太少機會同佢地講野啦！之後就完左聚會，返歸lu！

第二日返教會，返下祈禱會，聽到d唔好既消息，將此交託比神
之後搞埋主日學d手尾，冇乜mood打日記，睇周俊學織頸巾，幾好喎！我學唔學呢？
學黎送比……hehe！未有目標可以送呢！
之後去幫師弟補習，佢呢個禮拜考試，幫佢主補A-maths，好激氣呀！要平靜d，平靜d
補完好累，返到屋企，溫phy，第二日又quiz呀！就咁又完左呢一日


15/1-21/1
Quiz phy，唉！真係唔掂添！要努力d啦！
放學係學校搵下d資料，開始要做中化project，香港人的說話特色
25/1要present，所以都好hea下，唔係搵左好多，其實係冇乜點搵
7點左右無啦啦收到周俊電話，佢話余人講週會改左，呢個禮拜我地帶=o=
即刻上網搵定d料先，搵左成個鐘都搵唔到好多，仲要諗個形式係點
最後都係諗唔到，最後print左兩頁紙睇下d料，返屋企準備下
呢個禮拜都係惡夢，主要黎講我每一晚都留係phy lab，一路望住部腦
唔係搵中化project d料就搵十一奉獻d料，隻眼好累，但兩樣都好重要
我第一次帶週會，我相信我會講到一舊舊，但諗下d料同埋形式先
星期五我同勞氏、kenny、小玲、子洋去波波屋企到做project
但係一部腦大家都做唔到d咩，最後大家各自返歸做，而我就一早入屯門用電腦
7點左右我就到左屯門，食飯，之後同周俊、婷婷、佩琪、舒媚玩牌
玩到12點幾先返到屋企，唉！仲未做過project
12點幾係屋企同周俊簡略傾下點樣帶週會，佢d idea真係幾好
到第二日好早返到教會，因為我要pre查，落微微雨，oh no
lunch time同毛、維同埋一個弟兄係俊達食，之後返主日學，好累，好眼訓
之後返崇拜，聽道幾乎訓著，太累！完左崇拜之後就團契喇！
終於要帶週會lu，叫佢地寫d野跟住我用投影機睇，我睇唔清楚d字
亂咁講d字出黎，講錯晒！無奈，同埋搞到個週會好嚴肅
終於完左lu！thx周俊既幫忙，之後分組，幫臨臨補祝生日
之後同謙預祝生日，去同佢地食飯，我8點左右先離開教會去join佢地
恩慈一組d組員呢，同佢地一齊真係幾開心，同我個組d組員都係
食完之後返教會hea左陣，10點幾左右就返到屋企，好想做project，但隻眼好累
第二日返到教會，去完祈禱會就去拿拿臨主日學部d野，再搞d project
之後就搭車出去觀塘，去安屋企做project，真係好累，做唔到幾多
同kenny一齊走，大家好似好耐冇傾計咁，終於傾返啦！

22/1-28/1
星期一至三都留係學校搞project，星期三仲破紀錄留到十點半添！
辛苦晒各位組員，尤其勞氏既power point同埋cut片，仲有小玲既小結
星期一放學之後都冇時間去溫chem，算啦！physical chem，豁出去，做project緊要d
本來諗住留係學校耐d，最後print晒d料，然後拎返屋企分類
quiz chem真係唔識，亂答，不求甚麼，但求合格
放學之後繼續搞project，真係好想搞好份written report先，但最後都係失敗
到星期三，最後一日啦！個個都留到好夜搞project，辛苦晒
我、勞氏、Kenny留到十點半先走，個個都好累，但仲要繼續努力
大家都讀返自己d稿，終於交project個啦！我覺得大家都做得幾好
係我衰在最後dead左，勞氏cut個d聲好正
做完之後個個都唔想再提lu！中化既惡夢終於發完啦！黎緊真係要努力溫書
放學冇留係學校，同Kenny去左旺角行下，好耐冇同佢行
更加耐冇同德希行啦！

星期三個日下晝上緊chem堂既時候，培育長上黎搵我
當佢一問我問題我就估到咩事，佢講左出黎之後令我更加低落
都預左可能會有今日，但預唔到臨我離開學校先搞d咁既野
唉！已經掙學校兩個月學費，而家仲要搞到學校，真係十分之過意唔去
我感覺係一個懲罰，我做project呢段日子冇點同神接觸過
每一日既生活都感到好唔安全，總係唔知點咁，好想去睇返聖經
好掛住神，但我就不斷搵藉口，冇時間、冇精神
我要有既唔會冇，係自己受唔住魔鬼既擾亂，比人既慾念迷惑
呢個project令我有悔感，但呢樣都係鍛鍊黎既
星期五我覺得自己好虛偽，好奇怪！係人面前我做返自己
我feel到我個樣係變得好快，當我知道我身邊冇我識既人既時候，我成個樣係頹晒
呢幾日我感到生活好困難，好想搵人傾下，尤其想搵德希
都多謝Kenny，多謝佢聽我述事，都多謝Bill既字條，比我一個心靈既安慰

好在，神在我非常缺乏的時候，即使佢怪責我冇搵佢傾計，但佢仍然關懷我
讓我星期五、六、日都見到弟兄姊妹，比我一組團契既組員，讓我可以傾訴一番
之後我個精神無論係幾咁疲倦，能夠坦誠同弟兄姊妹分享真係一種福氣
見到組員同兆恒聽到我訴說不愉快既事之後，佢地個樣都惆悵起黎
當時我其實已經冇乜野，我總係個d唔一定要將件事講出黎先會舒服既人
只要我同我想一齊既人走埋一齊既時候就好自然會好舒服，忠誠型既安全感都咁樣而黎
我好需要身邊人既安全感，唔係要好大隻幫我打走晒壞人個d安全
而係心靈上得到既安全，事實上，教會每一個我識既弟兄姊妹都比到我
佢地比我既安全，就係佢地係我既身邊出現，感謝主！
我enjoy教會生活，就係enjoy聖徒相通既時間
每次團契我都唔想佢完，今個禮拜都照舊組聚，因為最後一個禮拜喇！
第一次同臨臨一齊食飯，好多謝佢係團契主動願意為我代禱
另外仲有kevin都黎左，雖然今次都係得三個人，但已經有組入面既二分一人啦！
而且人數唔係問題，大家有一個機會能夠更多認識大家係一個神既恩典

今次帶查經幾有滿足感，可能因為我自己換左pre查方式，所以覺得唔錯
而且組員都好似答多左野咁，好感恩！
期待緊ce同a-level完左之後比佢地每人帶至少一次查經既機會
星期日最後一日幫師弟補習啦！等a-level完左之後先繼續，太好啦！
奉獻可能會少左，但神要既係我的心呢！仲有，星期日可以留耐d教會lu！

代禱事項︰
1. 為媽咪雙手感恩，好耐冇聽佢話痺lu！
2. 為組員祈禱，讓佢地考完public exam真係願意嘗試去事奉神，尤其嘗試帶查經。
3. 恩慈家新一季小天使計劃轉左master lu！求主保祐我今次做得好d。
4. 願主真係賜中七、中五既學生智慧，mock exam臨近甚至開始左啦！
5. 為我的心代禱，心有餘悸，願主除去此「悸」。

>>January 29, 2007 at 4:53:18 PM GMT+8

2007 年 1 月 8 日 星期一 【乍雨乍晴】

第一次

呢個禮拜我有好多第一次，很多事情我之前都未做過，而我又好想去做

除夕夜，黃昏時段，我同周俊去客家好棧同媽媽、婆婆慶祝生日
我們送了一樣令媽咪感到異常歡喜既禮物————面膜
睇到她歡笑既樣子，令我心中都充滿著微笑，至少比她收到喜樂
晚飯過後，我搭車到灣仔，然後步行到銅鑼灣，差不多到達既時候，收到茄醬電話
他話仲未出門，而Kenny已經到左，我既理論冇錯，越遠個d人越早到
搵到Kenny，丹楓都係到，我地三個就等勞氏黎，呢個時候冇咩野做，就無聊起黎
拎住本電話簿，打比教會d弟兄姊妹，特別係恩慈家職員，逐過打
個個都係講︰「喂，xx呀！我係三叔呀！預祝你新年快樂！拜拜！」
全句淨係稱呼唔同，有d人冇開電話，有d人冇聽，咁就由得佢lu
講真，幾好玩，玩之餘個feel真係幾正，聽住每個弟兄姊妹把聲，好過玩msn
加上唔想用咁多電話費，send sms貴到死，唔死我都比周俊打死啦！
打打下發現有d人電話冇寫係簿到，得閒要問佢地拎返個no.先，唔玩佢地點得呢？^^

勞氏到左，德希又到埋，銅鑼灣佢地頭喎！冇佢點得
個日先發現，同佢識左6年，大家best fd，但2006年先第一年一齊除夕
好開心！再等多陣，小玲到埋，都10點幾喇！都預左唔會睇到倒數
不過最後都企係邊緣位置聽人地倒數，然後就領兵進軍M記
我誡條已滿啦！2006年唔食M記，07年1月1日食得啦！
但好癲，7個人都嗌左個餐，即係有7包薯條，個個係咁整d薯條埋黎，滿口都係
仲有shake shake有四種味添！全部試晒！
仲要試埋冇點醬既味，同埋茄汁、酸甜醬同泰式辣醬，哈！德希真係德希
假手於人整蠱我，佢明知我唔食辣，點完辣醬叫榮少比我食
不過，我同佢咁fd就係因為呢d野，就係因為佢成日比到我好多突如其來既歡樂
無論我有咩唔開心既事，佢都唔會點提出意見，但佢默默既安慰，亂咁黎講野
都令我變返個開心既人！到兩點左右散水lu！兩點幾就返到屋企
到三點幾先訓著，準備第二日既工作，要趕工！

十點左右起身，十一、十二點幾就同媽咪去左食飯
然後返屋企努力做晒假期d功課，我真係好懶，成個假期都唔做功課，不可以的
夜晚做到四點幾先訓，但未做晒！冇計，又睇電視，成日都係咁，抵打！

終於返學，返學前有種極唔捨得假期既感覺，好似有d空虛
成日都渾渾噩噩過，上堂好似冇上堂咁，成日好累，又欠交中化喎！真係好曳
返到屋企做返功課，成個人好冇力溫書，勉強做左幾題pure就冇喇！

星期三，最後有3堂chem，丹楓坐左我隔離
阿sir review我最熟悉個d chem，想當日，我晚晚湊仔，冇精神上堂
但都冇影響到，只因為個d係ce野，真正既a-level，我個時仲未見到
都因為我識，同埋丹楓有好多心事，我就係度同佢傾計，我地都有好多意味相投既野
大家觀念都好接近，都傾得好盡情，好似毫無保留咁乜都講出黎
中一識佢，但到中三都係同佢唔同班，中四至中七同佢同班，冇咩同佢傾計
呢次都係第一次開心見誠咁大家一齊傾對一d事既睇法，正！
不過上堂係要專心既，無論阿sir教得好與壞，都應該尊重別人，真係要學習！

星期四我都要返全日，本來諗住星期五早放去剪髮，但佢地話要傾project
所以一放學即刻飆返屋企，真係頂唔順個頭，厚過我d書咁制
simone講得岩，我可能一個髮根生幾條頭髮，真係好唔舒服，陸軍裝仲好
叫師傅「照舊」，不經不覺幫襯左間野3年幾啦！剪短偷薄，點解係「偷」呢？
剪完之後真係好薄，成個人精神晒！然後去同媽咪買菜，扮下乖仔先

星期五早放，有新組合一齊食飯，我、jason、小明、森爺、keith、王子
都唔係食飯，只係又去食M記姐，森爺有6折卡喎！唔搵佢食點得呀！
食完返返學校傾project，基本上都冇乜點傾，只係講左幾句，分完工就回歸lu！
我夜晚要湊仔，著得好少衫過去大佬到，凍到亞媽都唔認得，真不孝！
到兩點幾亞嫂返到黎，無啦啦比左一百蚊我，又有多10蚊比神喇！yeah！
返到屋企即訓，太累！頂唔順

第二日返學校U.E.補習，發現個補習好唔掂，同miss傾下睇下點，可能唔再去補
教一d我覺得冇可能有進步既野，教基本tense我都覺得問題冇咁大
但教d唔同種類既writing既format，我都識啦！我諗個miss唔明白我地既問題
我地唔係唔識點樣writing，來來去去都係introduction�1st、2nd、3rd pts販onclusion
我地係冇內容寫，係缺乏基本既grammar，而唔係缺乏對呢d由F.4開始讀既野既認識囉！
所以我考慮唔再返，用d時間比我溫下書好過啦！

下晝返主日學，最後一日既主日學，終於完左小組組長訓練lu！
到活力崇拜，新制度，3點半開始，我係新制度入面第一次做司事呀！好興奮
第一次返活力崇拜冇程序表，好多人返，平時主日崇拜我望住人地封禮堂門口
遲到者要遲d入，今次到我封，哈哈！希望下次冇咁多人遲到啦！
傳奉獻袋有d亂添！要做多幾次熟手d先喇！呢日好凍，但係教會入面好暖呢！
呢次團契合家聚會，我同以往一樣，我入親個d組或者班係玩方面都係較為包尾
不過呢個現象冇出現好耐lu！同埋遊戲既意義不在於此，而且大家都開心呀！
同我一齊都有意外發生，拎張紙既時候整損左一個弟兄添！:p
分組喇！我個組終於有新組員啦！佢叫梓維，大家要好好認識佢
6點分組，我地分享到7點4左右，太多野分享，通常我一個禮拜入面都唔知自己有問題
係分享回顧既時候先諗到，我呢個禮拜太懶，比自己太多藉口啦！不可以的

分完組，大家各散東西lu！見到卡富冇返，就擔心一樣野剌︰「又自己一個人食？」
係教會周圍兜，睇下有d咩人可以跟下隊，最後係籃球場撞到d搵人跟隊既人
因此，又係一個新組合食飯，有我、興、賢 (興弟)、湛恩、洪強
五個人去打冷，個度超凍，係咁打冷顫，食羊腩煲，一路食一路傾計
大家之前唔係好熟，洪強都係第一次見面，但大家傾得好開心，成日有好多gags野
假若我地成為團契中既一組，應該係一組幾gag下既組合
傾傾下去左M記到繼續傾，湛恩真係好勁，識好多野，個腦諗好多野
同佢一齊真係可以有好多話題，傾得極開心，到十一點幾先走
返到屋企，等睇聖鬥士星失，沙加終於出現喇！嘩！真係好好睇

第二朝起身，沖完涼無聊過頭冇野做，係yahoo打我個名，去左周俊個網
原來係佢眼中我係最獨立既人，我都同意，當然，我絕對唔想有孤獨既感覺
同佢一齊返教會，第一次主日學開始左之後先返到教會
咦！團契侍奉人員有野拎，係d野食，我拎左做早餐，正！
加埋杯熱咖啡，都ok飽！食完就去祈禱會，今次多左d人，睇落去多左d成人
應該係simone成人團契d組員，大家去多d祈禱會啦！祈禱好重要架！
如果冇返主日學就去啦！講起黎，下星期加油站周俊班我準時放，都去團契祈禱會架！
祈禱完就返午堂崇拜，第一次又返活力崇拜，又返午堂崇拜
我坐係琴日比我整損手個個隔離，哈！嘩！主日聖餐呀！第一次有得食，好興奮呀！
梁牧師把聲好沙，聽上去好似走好多音，高音甜，低音沙，但我冇訓覺呀！都冇乜眼訓
其實我返既原因係教會歡迎新會友，鍾太話我要出現，所以我就出現
歡迎緊既時候個弟兄不斷問我一d野，問問下聽到袁牧師嗌我個名我就行出去
企出去成個人係咁顫，因為好凍，有d風係咁吹過黎
返返位個弟兄即刻講︰「估你唔到！」哈！其實我都有少少意思玩下佢，kekeke
完左崇拜後同新黎既神學生傾左一段時間計，之後自己去俊達食飯
太早食完，係友愛商場行，都冇野行，行到差唔多就出去幫師弟補習
比佢d數佢真係做左唔少，黎緊都要咁樣係咁比數佢做我改先
返到屋企，係咁睇《中國文化常識》，最後一本，closed book test，雖然痛苦，但頂埋佢

第一次得到一d野或者做一d野係有一種好奇特既感覺，可能好難受，可能好享受
但如果每一次都當係第一次，人生都應該變得幾豐富、精彩
我要求唔高，只要求自己能夠享受神比我第一次新鮮既感覺，個種感覺都幾正！

代禱事項︰(有d我唔寫，因為我相信大家知架啦！^^)
1.為我學業祈禱，都好感恩，呢兩日都有弟兄姊妹同我一齊為此事祈禱！
2.為臨臨祈禱，佢爺爺出殯個日係佢生日，願佢都仍然有孝敬同感恩既心！
3.為我團契小組祈禱，有d新問題出現左，願主都賜智慧比我同組員合作解決問題。
4.為我d同學祈禱，10/1就有個個test，好多人都好重視，但願主都保祐佢地身體健康。
5.特別為小玲祈禱，表面上佢若無其事，但佢內心深處有冇問題呢？讓主給我能力去幫助佢。

>>February 21, 2007 at 10:41:27 PM GMT+8

2006 年 12 月 31 日 星期日 【颳風】

最後一星期

成個人散晒，成十點幾先起到身
27/12周俊一早返左工，我1點左右到安定食飯(又自己食)
之後返教會，星期一至五既教不免有點兒冷清清，但都係好舒服
又係教會溫書，第二日要quiz chem呀！一課都未溫過
三點幾四點係咁溫係咁溫，好耐冇試過咁專心溫書啦！仲好入腦添！
到6點左右先走，返到屋企又刨書，刨得好精神，不過有d累
最後溫到2點鐘，仲掙一課未溫完，成課inorganic chem呀！

第二朝諗住早d起身，但得個諗，都係七點幾先起身，沖早涼，好舒服
一路行返學一路溫，將較為重要個d吞左佢先，死吞，盡量消化
quiz既時候都ok既，得個2小題冇做，其他亂吹比佢，兩個鐘就咁過
食完飯又返學，用左1個鐘講下d答案，眼訓到不得了，極想快d完
放學係教員室到溫書，做功課，同亞sir吹下水，四點幾先走
去左基道睇下書，但眼眼下訓著左，終於6點啦！可以返屋企
我冇鎖匙，等媽咪返屋企我先有得返
夜晚都有努力溫書架！做pure maths，做得好開心

星期五又要補pure，3點放，之後四點幾去師弟到幫佢補習
好累，幫佢補完之後返歸，去大佬屋企食飯，原本我要幫佢湊仔
但媽咪話佢湊得，仲叫我快d入屯門，還掂第二日都唔駛補習
我睇完賭場風雲就入去，差唔多12點就到喇！本來想查經
唔知點解好累，決定早d訓，1點左右訓，6至8個鐘，8點左右起身啦！

唔知醒，十點先起身，好快咁去沖涼，再pre查，兩個鐘內要pre完，幾難架！
竟然個幾鐘完左，pre完就去教會lu！返緊教會既時候好開心，等緊同弟兄姊妹見面
不過先自己食飯先，然後去惠康買野食，又可以同組員分享
返到教會，拎file上去，二、三樓課室打臘，=o=晒！去四樓開門
上加油站，最後一次既3點半團契，帶查經，發覺危機黎啦！
我個組d人唔係好願出聲，點樣先可以幫到佢地呢？難題一個
最後一次既6點活力崇拜，周姑娘提醒返我係夏令營對自己既一個期望
都係我既目標，我要做返一個有好形象既門徒，係教會入面都冇咁嚴重
但出到去九龍，對住我屋企人、朋友都做左一個唔好既「三叔」
唔可以咁樣的，真係感謝神藉著周姑娘既口提醒我
都好感謝神，新一年開始，我都可以有新既事奉，下星期活力我做司事，yeah！
夜晚同左兆恒、延食飯，本來係組聚，但我個組個個都太乖啦！
等候a-level同CE完左既日子，更期望唔駛等呢d完，大家都可以有相交機會
難就難d，難就即係有機會啦！好耐冇同延食飯，佢又搬左喎！
夜晚同周俊返歸，有得睇星矢，I like it forever，正！睇完訓lu

星期日，起身返教會，今日媽咪生日，專登唔send sms比佢，都唔打比佢
年年除夕都係冇陪佢，今年都唔例外既，哈哈！
記錄主日學報名，好多人報名呀！太好啦！真希望大家可以利用主日學既機會
2點幾同卡富去食飯，胃痛，返到教會，終於冇事
三叔胃痛原理︰
早餐食少少-->好快肚餓-->好遲食lunch-->輕微胃痛-->食lunch-->劇烈胃痛-->解決-->冇事
尋晚先睇到phoebe既日記佢胃痛，估唔到第二日應驗係我身上，真陰公lu！
神又鬧我，keep好身體先做d唔係急需既工作呀！:p
去美門買主日學禮物，買完返教會，一陣去建生同婆婆同埋媽咪食飯
仲未買禮物比媽咪添！:p
大家要過一個開心既除夕，因為神感恩呢！

代禱事項︰
1.願主保守弟兄姊妹，能夠係呢一日回憶神呢一年既恩典，不論苦與樂。
2.願主打開弟兄姊妹的心，為身邊的人，以及身邊人既身邊人代禱 (如我家人同朋友)。
3.特別為臨臨代禱，佢爺爺到左神身邊安息，真係為佢同埋佢屋企人代禱。
4.來年再見，帶領更多人信主。

>>December 31, 2006 at 5:28:44 PM GMT+8

2006 年 12 月 26 日 星期二 【颳風】

開心的紅假

25同26號去團契恩慈家職員camp呀！開心到不得了
因為又可以同弟兄姊妹有一齊相處既時間，平時冇乜機會可以做到嘛！

25號一早執野，11點半出門口，到杯渡買毛巾，$20條，好貴
之後搵地方買碗，百佳都冇既，惠康都廢事去，最後去左日本城到買
搵得好苦呀！趕頭趕命咁去搵碗同埋匙「巾」
見到仲有幾分鐘就到1點啦！即刻衝過去61X巴士站，好耐冇搭過，個站原來搬左
遲左一、兩分鐘添！不過都唔係最遲，等多冇幾耐就齊人
一齊搭到去鑽石山廣場轉92巴士到西貢，去到見到斯文同余仁
余仁叫左我、謙同彭彭去一齊買野，都買左好耐野，係百佳買緊野既時候艷艷到左
然後去街市買野，好多野好重呀！當初都覺得問題唔大既，諗住勉強都可以
點知搭的士到左之後，行個條路，真係不得了，d百佳袋又易穿喎！
行幾行就穿左窿，搞到好似日本個d細路仔買野咁，行下要抖下，又唔係輕喎！
我同謙都拎住一筒水同埋一包炭，我地成日換手，又成日停下停下
余仁佢地三個行先，我地兩個就係度漫步，但咁苦既漫步一d都唔浪漫
仲要有條長命斜添！Oh my god，仲要頂多層分力
頂完之後落斜，好想轆d野落去，真係唔想拎，以前都唔係咁架！少左運動真係唔掂

到6點幾7點，終於都到左終點啦！終於都可以放低重擔，好累呀！
累到唔係好想食野，BBQ食得好少野，我食BBQ一定係唔抵架啦！
都唔知點解，次次BBQ都食得好少，但我又唔係唔鍾意喎！幾warm幾正！
BBQ完，玩好多唔同既black magic，原來有咁多款，好好玩
只係「平交差平」令我好heart姐，方子都估到呀！點會咁架？
雖然最後yansi大聲過頭講一講我就知，都唔係估到既，幾灰
但好好玩，好鍾意black magic，用腦用得好辛苦，不過呢d快樂之苦值得用
之後就係「分享」活動，遲左六個鐘開始，哈哈，六點變十二點開始
開頭用非洲話事啤抽問，之後就「我未試過……」，後來又講下信主前後分別
原來我以前真係好核突，好嘔心，做好多錯事！
分享左成三個鐘，個個眼皮都垂下了！我都等到呢一刻
等佢地上晒床訓我就拎本星書出去草地到睇，有棧光管好耀眼
睇得唔係幾好，雖然咁，我已經睇到好多唔同既星座啦！
如果唔係我小心過度，怕危險的話我會行遠d去睇，最後我用左幾張椅擺直
我訓係度睇，都ok架！如果我一早知去海灘既路係咁易我就去個度睇
應該會有大收獲，可能我自己一個人睇會悶，點都好過唔睇，我準備左d野睇架嘛！
睇左一陣有隻牛係鐵絲網側邊行過，好大隻
再睇多陣，就返去訓覺lu！應該3點幾左右咋嘛！

8點15分起左身，沖涼，好舒服，周俊屋企仲凍過個度，所以照沖可也
之後冇咩野做，自己一個人行左去海灘到吸下新鮮空氣，藍天海洋
真係我最鍾意既景色，假如d山係青綠色而唔係啡色就更好
返到去佢地都差唔多起身，之後我地又去海灘靈修，無奈！原來條路係直行就到
我仲要兜路添！我挨係d巖石上面到靈修，好舒服，仲有海風添！加埋潮水聲！
11點左右就食早餐lu！我食得好少，好多謝弟兄姊妹，因為我一句「三成飽」
就整埋其他野食，當然唔會淨係因為我既，但都好開心
蕃茄炒蛋、粟米湯，加雞柳生菜，我感到好好味，由心裏發出既好味
由神所賜既好味，好味完就執野，洗野，洗晒就去海灘到玩
一開頭玩數字球，跟住玩糖不甩，玩到熱晒，心裏所有野都爆發晒出黎
呼！好興奮，好開心！

走，始終要走，執埋d野到旅社開會，傾下一季週牧
好多人個樣好累呀！可能佢地訓得唔夠，個腦又run唔到
傾傾下艷艷話我係金句大使，余仁說得對，好怪！
之後d週牧有d好似幾頹下，但可能有意想不到既效果既，超頹個d都reject晒！
我搞週牧？都唔知會唔會，感覺怪怪地，唔理住啦！傾左先
傾完就受苦啦！又要拎一堆好重既野，仲要上山咁行添！仲死
係咁接力，到後期索性拎快d、行快d、抖多d
終之好辛苦，成身出晒汗，雖然如此，但都幾滿足喎！
到西頁食埋糖水，再搭埋車去旺色，身無分文了！$0添！
最後同穎怡搭63X，佢落車先，我就返返去周俊屋企，佢煮飯食
好似好耐冇同佢一齊食飯咁！食完飯之後地震呀！feel到個地郁
我坐緊張椅，仲以為周俊做乜咁無聊添！

成個人好累咁，好似散晒！兩個肩膀都好似變左石頭
本來諗住夜晚趁有d時間pre埋查，但都係冇乜時間，希望聽日有啦！

p.s.有17個職員參加呢個camp︰
我、余仁、殷豪、穎怡、芷茵、方洋、方子、斯文
Phoebe、Aman、Yansi、謙、瑤、彭彭、安然、婉玲、艷艷

代禱事項︰
1.聽日又返返出去旺角啦！好唔捨得呀！後日仲要quiz成本inorganic chem添！未溫過！
2.感恩！上帝比我呢幾日同一班我喜歡既弟兄姊妹一齊渡過，我愛主
3.願主保守以後聖徒相交機會多d，大家聯絡機會大d，而唔係單單既教會生活
4.願主收拾返各人心情，賜能力給各位弟兄姊妹工作、讀書

>>February 21, 2007 at 10:43:24 PM GMT+8