2006 年 12 月 5 日 星期二 【晴】

-.- .....

好憎好嬲好討厭!!

好憎自己~~

舊習慣又來了-.-""
紅色的...
嗯....自己真有點兒變態。


嗯嗯嗯...明天要5點鍾起床!!
有好多野等緊我搞-.-
明天又要返社服...頹!!!
唔想返唔想返唔想返>o<"""

如果走左-0-會唔會畀導演罵死架...

呼-.-"

嗯...最唔想黎既聖誕節終於都黎到lu..

一個又一個既傷口好似埋緊口..
但另外一個又一個既傷口..慢慢...被..撥開..

今日上堂..無啦啦發呆
畀so sir見到問我有冇事

有冇事?自己都唔知-,-...


唉..一切也是..祈禱交託...


被他這麼一說
都係既..

哈哈""

神呀...求求你
可唔可以令時間行慢少少??
好辛苦啊....

受夠了....

>>December 6, 2006 at 3:58:10 PM GMT+8

2006 年 12 月 3 日 星期日 【晴】

哇....放假既一日..
好黑仔呀!!

係銅鑼灣同媽媽行行下街..
見唔到有一級樓梯...-3-"
仆親!!跪左係地下-3-"
o係我隔離行緊果個男人 o 左嘴...佢蚊唔切我=v="

跟著我跪左係地下-3-"
對腳即刻廢左-v-"
係無晒力-.-跟著仲要擦損隻手=.="

媽即刻問我「你有冇事呀??」
「無~~邊有..」都唔知點解自己要咁答既其實....都唔知想點..

一路跟著佢行..一路勁痛苦...
全身都好痛-.-痛到我.....~~~
都唔知點解..自己唔肯講.....明明佢係我媽媽黎家麻...最親既人...點解..會咁架??


第二次..

係社服,,,,

無啦啦嘭一聲撞落個櫃到-3-"
勁大力-.-個頭超痛~~~!!!

不過..事實証明-3-社服d櫃真係好堅固-.-"

完全無奈...!!!!!!!!!!!!!!!!!!!!!!






今日真係要多謝晒親愛既敏姐姐-3-"
佢令我對英文功課既信心增加唔少-3-"
哈哈..最好全部都係英文功課~!將所有數學功課變晒做英文!!
哈哈哈..

我愛英文功課!!
我愛有yahoo字典係身邊既英文功課!!!!

>>December 4, 2006 at 1:28:04 PM GMT+8

2006 年 12 月 3 日 星期日 【晴】

本來還想昨晚先做點功課再睡..
但是打完日記後,,,,頭超級暈...((現在也有點>於是就睡了._."

還應丞左思龍打返畀佢..
最後都無...sorry啊....>十萬個抱歉>o

唔知打咩好。
個頭好鬼暈-.-"

嗯...宜家執埋d野落m記做功課
柴浸自修室2點先開0.0!!!

都唔知自己打緊d乜野tim
4日假期就此過去..

2006年也就就此過去..

浸禮...""
唉-,-唔諗lu...煩...."
畀神ar>o<我唔要ar>o

回想起2006年...
6 -7 月真係我一個好重要既轉捩點。

6月之前既我....根本對「眼淚」同「喊」認識唔多
「喊包」←亦從來唔會出現係我身上...

好積極參與班會活動...
個個都話我靜....

去年青有為既活動...
又好開心wor..
行山....搵check point
一齊都閃o係我眼前...///
好開心..好歡樂既日子....

交報告書...
大家為左年青有為份報告書...苦腦左好耐...o係嘉琪屋企..
最後..好感恩地..
我地係返家既路途中都為各自既報告書諗好晒用咩形式表達

一齊去print...........

一齊交.....'"""



哇...一切都好深刻.....

跟著開始返伽勒團..."
一切一切也看似好美好....

但到左7月頭既時候....

唔知點解...頭一個星期就係咁喊係咁喊
為左自己不斷不斷咁喊......

跟著...開始為左好多唔同方面既野係咁喊...
好細微既都開始喊...

去到9月既時候....湯姑主拎既週會以後...
更加勁-,-"

一直落去..

做alpha組長...
要求高左-.-"
已經唔係剩係o係屋企好想喊....
就學識左係教會搵其他地方冷靜...←alpha既時候係一個地方也沒有。

我仲好深刻...
有一個禮拜,,,我同阿詩無啦啦..真係無啦啦
無鬧交..無嘈,,,就無啦啦咁樣無傾計...分開坐...互不理睬。

對我打擊好大0,0"真架-0-"
我仲記得敏姐係alpha後同我地傾返既時候....
明明唔想喊..但d眼淚係咁湧出黎...抺極都有....
alpha camp...

唔知做咩事....
兩日都喊到死咁制-.-"
仲要畀人見到...!!!

一直到宜家...
唉...

喊...
真係對你黎講咁重要咩??
咁又係....學敏姐姐所講..釋放丫麻-.-!
咁你釋放完未??定仲要我畀d時間你..??

2007年..暑假後就係中五啦...
不如咁啦..唔好話我衰＊．＊”
我畀你釋放到１２月尾丫……夠好ｌａ掛？？
去到新一年...一切都變成身...

你連e個習慣都戎埋..好唔好???


唉-.-""

自己哄自己-.-"
仲要好似哄小朋友咁-.-"
真無奈..

諗起24號晚要扮男牧師就好鬼想笑-.-!

>>December 4, 2006 at 2:02:02 AM GMT+8

2006 年 12 月 2 日 星期六 【晴】

昨晚抽了45分鍾跟天父傾計計...
好特別既45分鍾。

15分鍾冷靜自己...15分鍾祈禱...15分鍾睇敏姐姐畀我既福音橋小冊子///

心裡面一點感覺都沒有-.-"跟機械人沒兩樣///
有點無奈...


昨晚=.="
打算先致電給敏姐....好想了解一個人突然聽到「對不起」三字後會有什麼想法...
cut線時..忘了跟她說..「當我無打過黎啊...」
=,="

結果有點被揭穿feel=.="

真樣衰~~

但真係講左出黎...雖然好似玩玩下咁..
但...最大既勇氣啦._."
唔知佢收唔收到呢...


今日遲左少少-.-"((少少ja..))

唱詩歌....

認罪代求-.-...又是一個靜下來的環節...
閉上眼睛.....不要...可不可以不要回想這一星期啊?
諗唔起呢...唔想諗>o
之後証道..一啲都唔專心
衰人!!steven最後一次証道都唔專心!!你係唔係人黎架??
嬲.\_/.

主餐..

仲有5個人受浸?
錯la..係4個....
我不可以包括在內....

完既時候..見到阿聶@@"
嚇一嚇..好開心啊^^
跟著陪阿詩去toilet..再送佢走..
如果佢可以留多一陣就好lu!!

完左...唔想上祈禱會-.-
遊盪一下....去左1lg....望下敏姐係唔係到先@o@"
真係係到@o@!!

佢都上祈禱會...
望多兩下...算啦...上去-3-"

擺低個袋..都係周圍走下走下...阿魚就係咁推我入去

呼...

開始前...都係偷走左落3樓-.-"
hea都無可再hea....死人頭!!祈禱會都唔想去-.-!!
走返去...

已經分左組..

走去牧華隔離...問「可唔可以寫得救見証...去查問信德..但唔浸?」
「唔係咁好囉..如果你宜家唔想浸...就唔好去查問信德啦...」牧華..

突然個心沉左落黎
咁又係...唔浸仲阻住人地個位做咩...
但係...心中又有一d既唔甘心...
唔甘心點解我唔可以去查問信德..

我唔甘心...點解未到最後就要放棄...
雖然我對神既信心好細好細..細到畀針眼仲細..
但我唔甘心....

主愛大能

大能既主..佢好愛我家麻..佢一定會有一個好既安排!!
點解未到最後一分一秒...
就要我放棄WOR!!

之後我同牧華講..佢話睇埋e個禮拜先...

咁又係..教會有教會既規矩..
點由得你任性??
只能祈禱..祈禱...等神彰顯佢既能力..


當湯姑叫佢地幫我祈禱既...
突然好想好想喊...T^T
忍著左...

上浸禮班...講團契..一d都無入腦..
都專心唔到....而且好眼訓-.-"

之後想去 1lg睇下詩同敏姐姐佢地係唔係到...
點知半路上撞到敏姐姐-.-
跟著落左 g 樓...

都唔知自己係邊-.-做緊咩野..

跟著見到阿詩...

因為見到一個男仔食杯麵..於是興起..=.=
就同molly姐姐..詩詩姐姐..一齊食杯麵
因為我地都無電話

於是就落去社服打畀敏姐

社服竟然無鎖@o@"

我地入到去..黑媽媽=.=!
跟著我地打電話啦...剛想留言畀敏姐時..突然門嘭一聲開左@@
我同阿詩即刻蹲下來..躲係sofa後面@p@

原來係個小朋友-.-真係嚇都嚇死

之後即刻逃離現場=.=我唔係賊=.=


算啦-.-搵唔到敏姐姐陪我地食杯麵
於是就三個人食食..

食完..搵返敏姐姐d印仔...
嚇死我...6個..剩係搵返一個....((社服果個-.-))

好想喊呀果一刻...
點解每次都係咁樣...人地委派自己做既總係做唔好..你話..你有邊次做得好...

無呀...

從少就係咁
剩係識整唔見野...或者做唔到人地叫你做既野
無用><

不過...真係好多謝包包陪我走晒成個教會
((仲參觀埋崇拜堂3樓@o@))
最後///原來係水哥已經蚊晒..

好開心^^

不過有一個真係搵唔返/.\
祺叔話佢見到有人扔左架T^T
咁可愛既印仔擺係到都畀人扔..無陰公啊...

之後排話劇..

阿詩好勁勁@O@"
叻叻^^
好欣賞啊...


唔知做咩...個頭成日都暈下暈下

只要呆一呆..就暈...或者伏低少少..已經好暈
好似宜家咁..打日記都好暈-.-

唔好有咩事啊...

功課郁都未郁過..真係找死=.=

好..唔打lu~~


仲有呀..今個禮拜....聽日若果陪阿詩的話..我就7日都要返社服-.-"

星期一..陪阿詩
星期二..開會
星期三..英文班
星期四..陋室銘執犒
星期五..結他班
星期六..alpha
星期日..崇拜-,-!!!


仲有呀..

我再唔係女作家!!哈哈哈
我係牧師xd...

不過要扮男仔-,-
一定好怪

不如帶副眼鏡...型型地-.-
唔好畀人認出我好啦=.=


浸禮...

諗起爸爸之前講左句

「你浸咩鬼je..你識信仰咩??你浸都係想提高你既名氣之麻...浸你條命~!」

諗起都好嬲.\_/.
點解你一定要將你個女諗成咁wor

我提高名氣do what??
無聊!

你地個個都係咁諗我架啦
根本係你地心目中
你地個女就係全世界最差既人
咁你地生我出黎做咩?

唔好生啦~!!
拎把刀黎殺左我好過


係呀..

係你地眼中
你地個女係咩人??

入教會為咩??

為名氣..為一d世俗既野之麻
你地成日都話
我係你地個女..你地點會唔了解我...

e個世界上...
最唔了解我既就係你地!!

你地只會咁樣睇我
由細到大也是這樣....做得唔好就勁罵
做好左d野就理所當然。

點解wor..
點解你地認定我係一個咁既人wor

點解連畀一個機會我say no都唔得wor

點解每次都要話我係出面扮乖wor

我想做一個好既見証畀你地睇呀...

點解你地唔畀機會我??
點解...??

明明講好左唔喊家麻...
衰人..

打幾句日記就喊...
無用!!
好憎你呀...!!

>>December 3, 2006 at 1:50:02 PM GMT+8

2006 年 12 月 2 日 星期六 【晴】

..."

昨晚好好冷靜左自己...
之後閉上眼睛...祈禱..祈左15分鍾...
真利害呢..明明個腦空白一片..但祈禱時卻講到好多好多野....((開聲..))

熄左燈...鎖左門....
係屬於我同神既一段時間...

係呀主呀....

舊事已過....一切都變成新的了....
舊事已過,,,,,一切都變成新的了...
...舊事已過,,一切都變成新的了。


我唔要..
我唔要宜家同埋以前既我..

唔要唔要唔要!!好討厭>o好憎呀...

我要改變我要改變我要改變..但係..
無一個目標畀我改變到......'"

明明祈禱係一件好開心既事...
仲祈左咁耐...祈之前仲以織頸巾黎冷靜自己....
..""

但祈完之後...
一睜開眼...只覺得天旋地轉...好暈好暈...
個頭暈到好似郁都郁唔到咁..

突然身邊一切都變到好唔真實..
我好驚...
我即刻開返燈...
望下四周....
好唔真實....

究竟..我係唔係真係存在係e個世界上面?




「每每困境他也在場」好深刻既歌詞..

神...你真係..o係到??
點解..我連同你傾計都感到咁唔真實?
好辛苦呀...

痛..開始變盲目...
神...你仲醫治緊..??

得救見証...
一直都無膽量去寫...我唔敢...
信主以前既我...太差太差...差到我寫唔出...
信主後...都不見得我好好-.-"

有種衝動..好想問敏姐一句...
「其實..我係唔係一d都無變過..?」

由佢一年前開始認識既我...到宜家e 一個不堪既我..

究竟係唔係一丁點兒都無變過??



我跑....

我胃好痛..唔停。
我腳好痛..唔停。

一切也盲目了....

食飯...

飽死左...唔停
胃繼續痛..唔停。

仲要強逼自己笑...

夠喇!!!


真係夠喇......


猶如每日也親身走上戰場...

仲有幾多場仗要打???

連祈禱...都係咁不堪

一切都係咁...咁差....

我唔要我唔要我唔要我唔要>o<
唔要呀>o<
唔要唔要唔要!!!

>>December 3, 2006 at 12:32:52 AM GMT+8

2006 年 12 月 1 日 星期五 【晴】

今天...很特別。
真的很特別..特別得沒有任何字眼能慨括這一切。

為什麼呢?

因為..今天可說是百感交集!!

有開心..有唔開心..有痛苦..有難過..有緊張..個心跳得超快....
有無奈...有o 嘴....有累...有逃避..有面對..有冷靜...有不知所措...
有驚喜...有驚嚇...有抽離...有投入...有感恩.........仲有好多好多。




今朝...8:10 ..思龍打電話黎......札醒左///

「死la...」←自己同自己講...

我9點要返到學校=.="
我本來諗住 7:30 起床架...o my god!!!

cut左線...嘉嘉就打黎...

「許靜雯^0^」嘉
「係-.-~~」我....絕對唔可以畀佢知道我剛起床-.-我唔想死住...
「@o@你唔好同我講你o岩o岩起身!!」嘉

無理由知既-.-!!

「唔係..梗係唔係啦^^""""」我..講大話中-.-
「都好d..咁你宜家出得門口未?」嘉
「宜家!!!???」我

o my god-.-唔通我要披頭散髮衫都唔換咁衝出去-.-??

「宜家未得...」我
「咁牙..20分出門口丫..ok?」嘉
「得掛-.-」我


嗯..10分鍾-.-!!

即刻衝出去...換衫...梳頭刷牙執野..~~

哈哈..原來我手腳都幾快...

咁都畀我係巴士站搵到佢^^開心

跟著我地一齊搭82返學學...

嘉同我講左d琴日預備日發生既事...
聽完都嚇親我...嚇到我 o 晒嘴...

蘇sir會咁樣罵學生??佢係d咁樣既人???
好驚bor-.-

成車....嘉都講昨日既事...
不可思議ing.....
無論如何...

我地4a班...明顯地缺乏好多既溝通同信任...
(( d 班主任成日都認為我地講佢地壞話.... ))

真係要為e一班祈禱....我地要讀年半架..
宜家先12月...咁快搞到d關係咁差...點過落去呀??/

返到去...
遲左少少^^"""

上到家政室..都無咩野要幫手...

佢要將cyc既會員同幹事隔開,,,,嘉死都唔制~~
之後我就同dcyc仔一齊去賣旗

點知行行下..跟錯隊-.-((仲係我地兩個跟錯))
跟著後面成班去左地下籃球場@o@"

跟著...我話上返去1樓...
好彩之前派左d欣賞紙..

我憑著果d欣賞紙搵返d cyc仔仔女女返黎
(( 差唔多全部都係中一中二...得我一個幹事-.- ))

跟著....我帶佢地上返1樓..都係無人..

大家開始議論紛紛...「去邊架??」「miss係邊架??」

跟著..我唯有...「am..你地唔好行開...我去搵搵miss...好快返,,,你地等一等我..好唔好??」
「嗯~~」竟然有人有反應...感動T^T

跟著就走上3樓...搵唔到..走返落地下..搵唔到...走上1樓..都無..

走左好多次...都搵唔到....心裡面係咁問自己..「點算??有咩辦法??」....
無la...靠神啦...

好奇妙....諗住返去陪佢地一齊等既時候...
見到..佢地突然列隊落地下...應該係miss返左黎接返佢地走..
感動very much!!

好開心^^""""(( 雖然唔係我搵miss返黎... ))=.="
上返去....佢地畀我同嘉一齊係門口賣..

突然..有一個家長入左黎....
我地走埋去...((嘉唔肯講-.-...))....一直都係我講..問人買唔買...

第一單生意就咁搞掂左^^好開心~~

之後係咁賣賣賣..生意幾好~~^^haha...
估唔到自己幾有賣野天份0.0

李美好姐姐非常好人^^~~
之後佢畫左d單,,畀我地落單^^咁就唔一定要係門口賣..可以落下面...

落左地下賣..多左好多人買^^

有個人仲要求外賣0,0!!嘉就搵左個fd陪佢上去...
將個錢箱扔左畀我..

「我自己賣啊?」我
「得啦~~我信你搞得掂!!」嘉

-.-"

望著..有六張!!
要加油~~

之後勁賣勁賣..竟然賣晒!@o@"
好叻女haha

跟著仲賣左好多張...一度缺貸~~
最後cookies同埋果汁都無得賣lu~~咁我地都收工

陪左嘉佢地落小食部....順便等下我d阿姨...
無啦啦有人從後攬著我...嚇一嚇...
原來係兩個阿姨同埋公公婆婆黎左^0^!!

好開心喔...估唔到黎得咁快。

之後帶佢地參觀...
參觀既時候..先發現..原來自己對e間學校..e一日既開放日..一d都唔熟悉呢..
有d奇怪既感覺._."

最後..帶佢地睇我個locker...←唔敢開畀佢地睇-.-太亂啦...

就走...已經1:30 -45....← 一樣野都未落過肚-.-...水都係飲左兩三啖...((飲水機-0-!!))
之後畀d阿姨捉左我去食晏...←其實唔肚餓-.-...

去街市食^^
果個人係咁落錯單-,-"
算啦=.=~~

之後發生左好多搞笑野..一路食一路笑..
咁開心既日子...好似距離我好遠好遠咁...
好似好耐未試過咁呢...
突然..感覺好似回到未返教會之前...
好奇妙..唔知可以用咩字黎形容。

食完..已經2:30-.-"

突然間..我問佢地..「你地黎唔黎我教會參加啊?」
佢地都話好...好野^-^

happy~~跟著就一齊去柴浸
帶佢地行條最舒服既路....公公婆婆都係唔好行咁多斜路同樓梯好...
好辛苦地...終於到左....←真難為公公同婆婆呢...

首先...去1lg...
第一個景點..toilet-.-!!

之後佢地再周圍參觀...

我發現..原來介紹教會係比介紹學校簡單好多好多...

諗住介紹敏姐姐畀佢地識-.-點知敏姐姐行開左...
唔緊要....跟著就同alice傾啦佢地~~

d阿姨以為佢係敏姐姐^^"""

之後...上g樓...
見到好多人幫緊手整野食...又想幫tim-.-"
諗下好啦不過...

跟著望左一眼禮堂...
就上左office....
行左一round....行後樓梯上4樓...
入廚房..見到麻連姨!!

麻連姨同佢地好好傾...
話我有交帶 ＊＾＿＾＊

佢地傾左好耐呢..

傾完...就經花園去搭lip果到...
去花園既時候...

見到包包同忠良...

點知佢地出左黎同阿姨佢地傾計@o@"

傾完...就送佢地走...

但係腦海剩係浮現出一d...
d阿姨同婆婆都同我講,,,拒絕我浸既說話...

每個人都唔畀我浸...

唔緊要....就好似敏姐所講..無論我最後浸唔浸到...最起馬我寫左得救見証同埋去左查問信德先...
我會努力架......


望著佢地走既背影...暗暗鬆一口氣...
上 1lg..無人tim...
就上g樓祈禱會..

畀敏姐姐推左去前面-.-
諗兩諗...唔係wor...唔企咁前>o之後退返後-.-

好叻呀...無喊...
其實,,,,係我個心入面..仲有好多好多...
好多好多野...我知架...
都係自己攞黎既....

邊個叫你去睇人地個日記??
邊個叫你由底睇上去??
邊個...邊個叫你....你...你....

算啦,,,,打唔出...。


好..繼續...

祈禱會...好想好想喊..
但係無喊...
只係..個心跳得超快..跳得超快勁快好快!!
快到好似要跳出黎咁樣...
我控制唔到....只係好辛苦...
成個人都係震架...

手震..腳震..成身都係震緊...
我控制唔到自己..

當湯姑祈禱既時候...
我輕輕將手送係心果到....
我感覺到佢跳得好快好快...

完左祈禱會...

只係覺得....g樓e個地方...
唔想留低....夠喇....

之後就走左...
我知道我好唔負責任...扔低左水哥..
對唔住.....←雖然你唔會睇到...

好想避開人群...我只想自己一個人..
點解無地方可以融納到我?

最後...我都係無奈咁返去g樓..
入左湯姑間房,,,打左下面果篇日記。

同波羅包一齊..真係好唔想出去...
出面...
唔係一個融納到我既地方...
好想走..但我無路可去...

4樓廚房,,已經畀麻連姨叫返落黎...


玩遊戲....無奈的出左去..
同可琪玩野-.-....係咁平手...
都唔想玩..

最後畀敏姐姐受波波包佢地捉住-.-係咁貼我塊面0.0"
無奈...

玩完遊戲....唱詩歌..
唔肯去前面....湯姑走埋黎要我坐前面...
我都唔肯...


當頌恩分享第二首詩歌時..
佢講左d野..←死la..唔係太記得佢講左d咩tim...

丫..係ar..
佢話...

佢叫..

佢叫我地諗返d十幾年來...神當中有幾多既帶領...

閉上眼...

小一既場面浮現左出黎.....

「宜家點名^-^小朋友..第一日返學要乖啊...」班主任
「你叫咩名呀??」身旁既小朋友...
「....許靜雯...」我...
「我叫鄭佩嫻呀^^」身旁既小朋友...

場面一跳...跳到小二...

「我地玩丫不如...」姚雪慧..
「嗯?」我
「o係枱底咁咁咁咁咁..」姚雪慧...←無聊既玩意啦總知
「好啊^^」我

5分鍾後

「玩夠未呀後面.\_/.」老師

再跳...

小四...

「點解個班主任咁眼熟既?」我
「哈哈....係唔係好多同學都覺得見過我咁呢?」小四既班主任「無錯..~~我就係教你地童軍個阿sir!有d我都認得架..好似許靜雯果d呢~~」

畫面跳一跳...

「好la...今日選班長....有冇提名?」阿sir
「許靜雯丫~~」某同學..
「仲有冇?」sir
「有~~邊個邊個」某同學..

「好,,宜家舉手....邊個邊個既舉手」阿sir「許靜雯既舉手」

結果...全因為我..班長就選左出黎...
23票 vs 22票
↑第二十三票係我自己投既-.-

於是我做左副班長


再跳...跳到小六...

「有同學話你請假既時候係屋企上網bor」阿sir
「下??我邊有..」我
「我唔知你丫!總知宜家有個同學咁講...」

完全無野講囉....

跟著自己跑左去toilet...

「車~~使乜理個阿sir...佢係咁架啦..無野叻..最叻屈人!」某同學...
無奈...

畫面繼續跳..


「你話你有咩用??剩係識唔舒服..由細到大都係咁..身體咁差!!成日都返唔到學~~剩係識請假!!係唔係唔打唔好??」爸

.."

....算啦..我再無勇氣打...

好想喊....
但係忍著左

我記得可琪教過我..

「你想喊既時候....抬起頭....深呼吸三下...」

我慢慢抬起頭..深深呼吸左三下...

跟著頌恩講左...死..唔記得左...
總知係......神會陪我地..唔使驚咁既野啦...
↑真係唔鬼記得晒=.=

總知..果一刻我好感動...

係...我逃避成日...唔可以再避...

於是我鼓起我最大既勇氣...行去前面...行去敏姐姐同冰冰既後面...
拍左一下冰冰...佢就同我一齊企....
仲幫我搵左個位畀我坐...

真唔好意思呢...成日都麻煩到你咁...

跟著嘉勝打黎..話返緊黎....
哈哈...又多個組員。

返到去,,,企係佢地隔離...
am..會唔會好怪?
「會...」←直覺告訴我-.-

於是我就去左toilet...
照左陣鏡咁啦...跟著就出左黎..

出返去?..
no la....

於是就o係職員toilet至男童toilet中間既走廊仔來回踱步。
唔敢行出d..驚畀佢地見到...

每次一感覺到好似有人黎緊時..就擺定個pose....
扮剛剛出黎咁-.-

好彩..每次都無人黎....
好感恩....我係到行黎行去....

突然好累...挨左係牆到...

同自己講野..

「宜家..係唔係自己一個??」...
「唔係呀!!你唔記得啦?? 因為 神在你既右邊..所以你不至於動搖。」

我向右邊望左一眼,,,突然自己笑左出黎...

係呀...神係我隔離....

好想摸到...好想掂到神....
好想叫神既手...摸住我個心..好痛好痛呀..

跟著又同自己講,,,

「痛係好事.....係神醫治緊你丫麻...」
但我真係好辛苦..諗起每一件事都叫我呼吸唔到...


突然..聽到湯姑話「我有一首歌好想同大家分享...o係第二堂既時候已經好想」

繼續同自己講野

「湯姑分享詩歌啦...要唔要出去??」
「是旦啦...」....
「出啦..出啦^^」

自己說服自己-.,-

剛踏出第一步時...

湯姑話...「尋著你的那天...」←詩歌名

突然企左係到...

哈哈...首歌....曾經成個禮拜聽左幾十次...
熟到唔熟...

決定唔出-3-"
挨係牆到...唱...
自己一個同自己唱....

突然..聽到腳步聲@o@"
即刻扮野-.-

原來係公仔...
跟著自己就跳左出去-.-"
嚇死我=.=

跟著坐返低....

哈哈..應該無人知道我係入面做咩掛-.-可能連我入左去都未知

之後分組..都係咁啦..

跟著走..搵埋敏姐一齊走...
三個人...總比兩個人好..

敏姐姐...真多謝你^^"


點知落到車-.-
敏姐姐話見到佢媽媽=.="就走左lu~~

跟著...同阿詩一齊食野..沿途有講有笑..
好似返返去以前咁...

有一句...好想同阿詩講...
唔知自己有冇勇氣講出口...

求神賜我勇氣><


一句..對唔住...
原來真係..需要...好多好多勇氣..
唔知今日講唔講到呢..???
好驚..好驚佢既反應......"""

>>December 2, 2006 at 1:11:14 PM GMT+8

2006 年 12 月 1 日 星期五 【晴】

-.-....Alpha唔想出去呀-.-!!!
唔要唔要唔要...
唔要出去呀>o
係教會遊盪左好耐-.-
原來教會都幾細=.=""
只係想搵個地方靜靜地諗下野..坐下都無!!

4樓..bb集隊緊...梗係唔可以阻住佢地啦!!
3樓...人地辦公室-.-'無理由衝入去家麻=.="
2樓...人地裝修緊=.=!!!想搵個圖書館入下都無
1樓...幼稚園..你話入就入咩>OG樓...都話左唔想去=.="!!
1LG...勁多人...根本無一個融立我既地方!!!
2LG=="""邊有位=.=??

諗住去後樓梯坐下啦=.="
點知子明哥哥同埋旗叔係咁行黎行去.....
個個都以奇怪既目光望著我-.-"
好怪咩>O<""

宜家..ALPHA已經開始啦..但我一D都唔想出去!!
唔想唔想唔想..
反正出到去都無位坐...

唉....估唔到行左咁耐..
都係搵唔到一個適合我既地方>O<"""


唔想出去呀..唔想唔想唔想!!!

>>December 2, 2006 at 8:35:44 AM GMT+8

2006 年 11 月 29 日 星期三 【晴】

曾否玩樂後怕一人？才知快樂原來沒永久！
曾經可愛事情，能否一生擁有？
時日過，仍是空虛的再走。
曾否獨處一人？曾否錯後餘留後悔心？
曾否軟弱無能病裡思想一生真諦？
無奈處問這一生為何走？
原來耶穌降生曾犧牲，還說要赦免罪人，
來尋覓我來原諒我，來讓我再獲新生。
求能拿出決心重演這生，前路遠要靠你導行，
願意離罪惡這一生再活過。



講中晒~"~




十架的冠冕

路是難走 但比起你的十架路
我今天算甚麼 來起身再走過
遇著痛苦 你亦經過世間苦與樂
你的救贖愛海 我得勝和釋放


凝望著十架的冠冕 仰望你渡過每天
你體恤我的軟弱 明白我親身處境
無論遇著困苦憂愁 你亦會在我身邊
你興起我的生命 我今得到信心 面對挑戰



我今天算什麼???
我這幾天算什麼??

夠啦....
喊夠啦..

我係時候起身再走過...

頭先post既日記
同我e篇好唔同-.-"

頭先仲嬲緊自己...







面對。



好感恩。
打完前一篇日記之後.....喊左少少出黎之後...

我終於明白....我避左e d野咁耐....都真係好耐啦...

係時候要面對la...

反正遲早都要面對..................

好""!!

難得我下定決心...一定要面對.....
我要面對e個日記版>o<"!!!

征服佢-.-!!!!

不過-.-...

一切等明天搵敏姐祈完禱再說-.-!!

>>November 30, 2006 at 11:36:02 AM GMT+8

2006 年 11 月 29 日 星期三 【晴】

這陣子一切都變得好奇怪..

心情大起大落....(( 落的較多 ._." ))
身體又時好時壞....

情緒仲勁過恆生指數。



愈黎愈鍾意同自己傾計...


琴日同敏姐傾電話.....
傾傾下..無啦啦媽走入黎...問我..佢買d錶好唔好睇..
跟著又話「哇..不過e個公仔基督教好似唔係咁鍾意...有個基督教既客見到都話唔買!!係唔係基督教唔帶得e d 野架?」

我果一刻……點講呢？其實…只能用「驚」黎形容．．．
我即刻拎住個電話入左廁所-.-"

但．．我個心無跳慢過...一直都跳得好快好快...


點解你地每個人都咁善變?
點解你地每個人都識變臉?


點解....點解...
前幾分鍾...可以勁嬲咁話基督教係邪教..
但幾分鍾後...好似一直都接受基督教咁..

點解...點解...點解呀???


點解可以...

「點呀..係唔係要我黎接你?」媽
「係呀...」me
「咁你o係邊到邊到等我啦!」媽
「爸爸都同我一齊wor~」me
「有爸爸牙?咁我唔黎接你啦..」媽
「點解>
「做咩要一家人返屋企?扮晒溫馨咁... 」媽..
「...」me


點解.....都係順路...
咁都唔等埋我地...
為既...就係唔想扮溫馨...

一齊走好溫馨咩??
我真係唔覺囉....

以前未試過一齊走咩?
次次都係我同阿媽坐..然後爸自己一個睇風景...
猶如陌路
有咩咁溫馨?


但係...可以過一晚之後...

「喂...一唔一齊食早餐?」爸
「哦..是旦」媽「喂...你唔舒服出唔出去食早餐呀?」
「唔啦-.-」我


...
成家人既扮野能力都真係好強-.-"



果頭可以罵到你狗血淋頭...
跟著就可以勁關心你勁錫你..

真的不得不服...



今日本來約左阿天去自修室
去到..搵唔到佢...打畀佢啦...點知佢係屋企-v-"
放我飛機><"

跟著...自己好唔想入自修室...就入左圖書館睇書..

一樣je...都係做野...都係搵野填滿自己..唔畀自己亂諗野..

拎左好多本書書..但無一本有心機睇!!
全部都睇唔入腦..都唔知自己睇緊咩....
個腦諗既同眼睛睇既完全不一樣。

突然好嬲....合埋本書...
即走。


「好嬲,,,真係好嬲你呀!」自己同自己講野啦又...
「話要用忙碌黎填滿自己生活....令自己唔亂野....」
「你根本就做唔到!! 你根本就專心唔到!!」
「成腦都係浸禮...同埋之前流過既每一滴眼淚....!!」

alpha camp..麻連姨講既每一個字每日都係我腦入面轉呀轉呀轉...
水哥果句...「去camp應該開心家麻!!!」係咁重複又重複!!


好嬲你呀!!

諗咁多野幫自己...
但最後..最後一著棋..
你都唔願意行埋落去
唔願意幫你自己

你唔幫你自己仲有邊個幫到你自己wor!!\

好嬲...

你計下你幾多日無靈修??
你數下你幾多日無認認真真咁向神祈禱...



呼....

放鬆..放鬆......





已經再無力氣流出眼淚啦....

我流唔出....我只能輕輕閉上眼睛....等神親自黎摸我個心....

好累..


好似已經喊緊...但眼淚已經流唔出...

再多既眼淚都無晒啦....你都唔好好珍惜.....




好深刻敏姐既一句話...

眼淚唔使自己擦架....神會幫我架...


咁..神咪會好累囉-.-"






逃避...

一直都知自己避緊一d野...

避緊同阿詩單獨相處既時間...
我好驚....就算有...我都會係咁搞笑...唔畀時間靜落黎..
係咁講野係咁分散佢注意力...

唔好..唔好再有一段段既沉思係我地中間..
我唔要,,,,我唔想我地中間再有d咩...
就這樣..已經好好.....

我避....我避祈禱會..

每次參加祈禱會...

只會有三個情況出現..

第一...:::自己唔願意聽...唔尊心祈禱會..自己諗自己野..完左既時候..一句野都無聽入個腦到

第二..::::搞到個心好痛..但係點都喊唔出....只能默默咁離開...

第三..::::喊得超勁...收唔到聲...


唔鍾意..
每次去祈禱會...
都好似將所有心入面既情緒話晒畀人地知....尤其係alpha...

上次敏姐講得o岩...
我唔係堅持做任何野...
我只係想避祈禱會...

畀阿詩拎開左我手上既野時...
我個腦..不斷咁諗...
避..???...仲有冇咩方法可以令自己唔去祈禱會???


我一直以為..自己避既都係d幾樣....((家庭,信仰,朋友,自己.....))←四大範疇

但原來唔係...

最令我面對唔到既..

係e一個..

裝滿開心唔開心...

曾經裝滿過我既盼望....

曾經為我帶黎無限希望...

曾經讓我同其他朋友對話...

裝滿我所有眼淚.....

既...showhappy日記...


我最面對唔到既...竟然係我自己既日記...

我日記裡面既所有..所有野...

包括神...


我對我自己能夠浸禮真係無抱任何希望...
琴日敏姐叫我繼續預備浸....

我真係仲可以浸咩??

事情到左咁既地步...仲能夠挽留?

佢地都講到係邪教.....講晒話我唔夠成熟...
我仲有機會可以浸咩/?????



點解既...

點解我打既每一段

都令到我咁想喊....令到我個心咁痛既??

點解..點解???

>>November 30, 2006 at 10:57:23 AM GMT+8

2006 年 11 月 28 日 星期二 【晴】

..........


冷靜冷靜冷靜.....

要做好見証....忍耐....忍耐....忍耐........

「返埋d咁既邪教!
人地教到你好乖成績又好就話je!
教到你成堆屎返黎咁!!!!」


冷靜....

算了...
這期浸禮大概也不能參加……也不能旨意再怎樣說服他們……


很想哭……
眼淚很想掉下來……


也許是我真的不夠成熟……



算了……
這期不浸了。

也許只要我不浸，一切也能解決。



「既然你咁想信，咁想更加認識……不如大個讀好ｄ語文，讀神學好過啦！浸咩野？」爸

既然你讓我讀神學…為什麼就不讓我浸呢……



算了．．．．
大慨是神的旨意吧……

我要更加成熟
我要更加認識其他宗教……

才去浸禮吧……

反正……都上了浸禮班
隨便什麼時候也可以再浸。


好想喊好想喊呀宜家……
但唔喊得……唔可以係屋企人面前喊
我一定會要返一個好見証！
我要從新做過，
我要畀佢地睇到我信左基督教

我有改變架！！
我有成長……
我會變得更加成熟……

我一定要畀佢地睇到
活著既．．．再不是我，乃是基督耶穌在我心入面活著。

我要畀佢地睇到神既恩典
我要ｏ係佢地面前見証神恩
我要畀佢地從我身上看到基督耶穌既樣式
我要做一個活生生既見証！

我相信

有神係我身邊
佢會陪我行過！！！！



點解……
點解打ｅ段野既時候眼淚會咁唔爭氣呢？

>>November 29, 2006 at 3:02:47 PM GMT+8