2006 年 12 月 12 日 星期二 【晴】

宜家係學校既電腦室到..哈哈哈...係學校都對個日記版念念不忘-.-v
(( 哈哈...日記版版你係唔係好開心呢??xd ))
((日記::: 唔見得好開心-,-))

哼..算=.="

今日繼續過著帶口罩既日子-.-"
開始有d鍾意帶口罩..哈哈...
偷笑都無人知...笑又無人知....嬲又無人知..發脾氣又無人知~~
你話幾好haha~~

一返到學校..miss map就畀張通傳紙我~~
叫我落校務處拎口罩
拎完都唔知點打結=.="
跟著結果要三個女同學先幫我搞掂~~thx 你地呀..

幾好..帶著口罩
見到我都唔認得
kaka

其實我唔係許靜雯黎架~~哈哈~~
可以呃到人..幾搞笑


今日食飯前
蘇SIR帶祈禱...挨住牆祈啦咁...

「親愛既上帝天主我地感謝你...」蘇SIR

唔知點解..一聽到第一句既祈禱
個心都整住整住咁好唔舒服
之後一直都唔想祈...但都堅持到最後...
祈完時...怪怪地-v-"

唔好咁啦><""
唔好唔想祈禱啦><""
唔好啦...真係唔好..."

e排好容易發脾氣
琴晚剩係同思龍傾msn都好激動...
愈打愈激動..其實都唔知點解咁激動

可能係因為...佢講既野..亦係我曾經好唔開心咁問既野
都無人畀到答案我...

對著佢
好似對住宜家既自己
好多野好多野都好似...

我好似愈黎愈唔明白自己咁。

今日落雨...好大雨..
好想出去淋...
但唔可以再病啦..再唔返學會死-.-"

lunch果陣...無留意到佢落緊雨..同yoyo講:「不如我地走出去囉~」
「你傻架??咁大雨..!!」
跟著我地係到玩..玩玩下佢推我出去-.-
佢諗住我會行返返黎..點知我真係就咁走左過對面 ((仲好大雨-,-))

摸下個頭..濕濕地-.-"
有點兒無奈


今日放學去社服....佈置..哈哈哈
之後去開會...嗯...
今日逃課=.=
唔去rex補習班lu..

本來諗定係琴日...預好晒時間點知唔係.\_/.
今日...媽媽又放假
我都係早d落去陪佢好d~~~
而且夜返屋企又無人陪-3-"
唔制-,-""

畀咁多時間自己亂諗野做咩...?

(( 車-.-你平時都成日用上堂時間諗野架啦~~))

哇///夠鍾啦=.=
走...閃人..88

>>December 13, 2006 at 5:01:19 AM GMT+8

2006 年 12 月 11 日 星期一 【晴】

今日放到學校....畀miss map要我帶口罩...
因為怕我被傳染 / 我傳染人地=.="

都好..

自小六起..就無帶過口罩

今日調左位...調返去中二果個位
感覺好特別..
一切一切變化得好勁
我....跟唔上...

唔知呢..大家有冇睇過人地既留言呢??

今日...突然好想睇...由第一個開始睇起...

睇好多個都好想喊 (( 特別係阿詩果d.. ))

無錯....單單既半年..大家都經歷左好多...
睇得出阿詩有很大既成長
但我呢?
好似停留左係一個位置...好想行前一步又唔敢...
行前左啦....點知原來係兜返去起點
哈....好搞笑

原來我曾有過一d...
無唔開心...無喊既日子
原來我都試過...哈....

但係..我仲有冇得試呢??

我嘗試緊係一d問題當中企返起身..
企緊架..但好似唔多得...
企企下又跌返低咁..
望到身邊既弟兄姊妹跌到....但我又唔可以畀佢地借力....扶佢地起身
果種感覺好痛...
心好痛...
但諗起自己....自己都未起到身
更加痛...
唔甘心...點解自己企唔返起身...

點解每次想企起身...
唔係屋企既問題...就係朋友既問題...再唔係就係信仰....
點解每次想企起身都有咁多攔阻??


前晚同阿詩一齊行....
行行下...我突然間望著前面...祈禱..
「主耶穌^-^....」
阿詩望左我一眼..繼續行佢既路
「好多謝你^-^....」我繼續講..

結果亂咁up..祈左個禱...(( 算係啦 ))
望望下個天..突然好白痴咁問左條問題「阿詩..耶穌係邊到?」
「耶穌?係你隔離囉!」阿詩

我望一望另一邊....((右邊))
突然有句經文彈左出黎「因耶和華在我的右邊,我不至於動搖。」
我突然抬頭望個天...

唔知點解...我突然間好似望到主耶穌咁
好似見到主耶穌用佢整個生命整份愛去包圍著我
包圍著我整個世界....

果一刻好感動...


一d都唔知自己想點
好想靜...但同其他人一齊行既時候....靜又覺得好尷尬


今日同菠菠包放學

畀佢話我去alpha唔投入-.-"

咁又係...
咪得三次真係完完全全咁投入囉..

每次...自己都係走左去..
有目的地好..無目的地好...
都係要走..
.
其實..我對alpha係唔係好抗拒呢?

也許吧....

記得alpha camp....
明明坐第一排-,-...喊...後面既人應該唔知-,-"
但我feel到我一定好激動
如果唔係點會阿冰無啦啦攬著我~"~

都唔知自己為咩而喊
不過...喊得出也是好事...聖靈感動麻-.-"
(( 絕對唔係充滿-.-我唔要出水0,0 ))


近期又少左祈禱
每次祈禱都唔係太提得起精神





好激動.."

冷靜自己先..
冷靜冷靜冷靜>o<

>>December 12, 2006 at 3:50:20 PM GMT+8

2006 年 12 月 10 日 星期日 【晴】

每一次既請假...都好似係神安排咁。

因為..每一次我都聽到 / 知道一d我一直唔知既野..

今日...起身..同阿詩講完電話..訓返落床..

「喂..你傷風得好差wor..」媽
「嗯...」頭暈中

「哇...你發燒wor-.-」媽
「嗯-,-...」我
「睇你個衰樣都返唔到學=.=!!! 天氣轉就係咁發燒=,=...」媽
「嗯-,-」我
「睇唔睇醫生呀你?」媽
「好...」我

結果...都係睇唔到醫生-.-(( 因為種種時間既問題=.= ))



訓醒....好返少少..
聽到阿爸阿媽傾計..

「無論係點...佢始終係你個女...說話唔可以講得咁過份既..」媽
其實我只係矇矇矓矓聽到少少..

「佢都係太沉迷je...以前返教會都無咁沉迷..仲係咁痴住我同阿詩...」媽「e d觀念要慢慢同佢講既...」

直覺話畀我聽...佢地講緊浸禮既事

「佢-,-?剩係識做天父個女之麻。」爸

「係啦..我今日都問過佢....你唔舒服..父母可以帶你睇醫生..但神可以帶你睇醫生咩?? 佢都答唔出啦..」媽

-.-"""我都無聽過佢問....""
神會醫治家麻....

「唉..個女...要慢慢糾正返佢d思想..」


宜家我d思想好唔正常咩>o點解要當我係一個有問題既人wor!!


唔知點解..感覺上...

今次...浸到既機會唔大,,,

但好似敏姐所講...起馬我盡左力...
結果唔係我可以改變..我可以做到..
我做唔到..只有神做到..

交託啦!!

就好似琴日馮玉蘭執事問我:「你屋企人唔信主..咁你係信仰入面有d好唔開心既野既時候...導師又唔得閒同你傾既時候..咁你會點做?」

我諗都無諗過...就答「交託。」

莫傳道,,,,馮玉蘭執事同牧華都微笑點頭..

「你覺得你係柴浸e個家庭入面得著最大既係咩?」牧華

「amamamam...」←其實我真係諗唔到我最大既得著係咩..
係神??係自己??係朋友??係友誼??

突然..一個...愛..字彈左出黎..
我就衝口而出...

「最大既得著牙...我諗會係愛。」我

自己都畀自己嚇一跳..我覺得e個答案係聖靈畀我架!!!""

「愛?點解呢?」

咁我就答啦...

係丫...我最大既得著係咩呀?
係愛丫....


你仲有咩藉口再話自己..

你唔識愛人呢?

你識呀....

你仲有咩藉口再話自己你唔識自愛??

你識架..
只係你唔願意去愛...


從細個起就開始對人無咩信心...
時間耐左大家都會分開...
以前無論幾好朋友..都會有分離既一日...
本來對「愛」充滿期盼既我..

亦因為父母既婚姻....有一個觀念就係「愛到最後都係分開之麻...根本就無任何一樣野可以到最後..到永遠!所有話永遠既都係呃小朋友既大話!!」

我對人與人既關係無信心..一d都無
我唔會將心入面諗緊野話畀人知..

但入左教會之後...

我真係感覺到大家既愛..

弟兄姊妹既愛
肢體之間既愛
神既愛

所有所有既愛我都感受到呀...


但係...點解你就係放唔到膽去愛自己愛別人呢??



陋室銘入面...我係做一位女牧師

係飛機上面,,,主角既媽媽 ( molly 姐 )..會咳得好痛苦咁問我
「牧師,,,究竟咩係愛呀?」

e個問題亦係我好想問既問題..估唔到答案竟然會出至我自己口...

「愛,係每一個人都有既野感覺...無論係仇恨,痛苦定係慈愛.只要有關感覺既都叫做愛..但最重要既....」


所有..有關感覺既都係愛??

即係點呀..我唔明呀T^T"

>>December 11, 2006 at 9:50:47 AM GMT+8

2006 年 12 月 10 日 星期日 【晴】

琴日已經問始大傷風...用左n包紙巾
好鬼憎你呀..!!
你估宜家係中一牙?唔係呀...宜家你中四架喇!
成日都唔返學...你跟到d野咩?
跟唔到囉
真係好鬼憎你
一轉天氣就勁病

成日都發燒.\_/.

我唔理你呀..一陣間好返d你好同我去溫書
跟返d野..!


其實上黎..只係想打返琴日既查問信德...


琴日聽到牧華叫我唔好去查問信德時
個心好急丫唔知點解...好急好急..急到好想喊"
搵左好耐都搵唔到敏姐...剩係見到包包佢地
終於畀我搵到敏姐時..但我見到佢好忙..
於是自己一個走樓梯走左去...

一路走樓梯一路喊...d眼淚勁唔聽話...
喊左成晚仲喊!!哼!!
突然..聽到敏姐把聲叫我
即刻收聲 + 擦眼淚..ready好晒先走返上去搵敏姐

嗯...好多謝你呀...←都係要親口講好d-,-"

之後同敏姐傾計..都有d忍唔住...但勁忍囉-.-"
無畀佢流出黎已經好叻..

同敏姐傾完計之後....我開始有返信心!!



唔得-,-
真係好鬼暈-.-
唔打啦...遲d再補..88

>>December 11, 2006 at 7:26:20 AM GMT+8

2006 年 12 月 9 日 星期六 【晴】

好嬲好嬲好嬲..."
好耐未試過喊得咁勁...

係一滴一滴眼淚滑落黎然後跌落隻手到...
果種感覺我一世都記住...

每一滴滴落黎都係咁冰冷...
一d溫度都無。

點解??點解每次都係咁??

咩洗腦....點解你地對教會只有e 一d既慨念??
你地除左識話我識罵我識踩我之外.你地仲識d乜野???
真係識搞到我喊之麻~~!!
仲有咩識wor?

我等咁耐...我一直都唔敢訓...好驚第二日訓醒會唔記得問..
我知道我記憶力唔好...我突登輸入左落部電話到,,,提我聽朝要問佢地..
聽日就查問信德la...

我等左好耐...好想訓覺既時候...阿媽入左房..
我格硬起身...鼓起最大既勇氣同阿媽講:::「am...我有d野想再同你商量一下...」
「咩呀?」媽..

果時係12點幾...

d眼淚係咁流,..好煩呀!!

果時係12點幾...

我吞吞吐吐左好耐...我唔知應該點樣講....
於是就咩都唔理咁講「我想浸禮。」
「咪話左唔得囉!!」媽..

估到啦..

我重複講左好多次點解我想浸...

突然間..一股勇氣推動我講我既得救見証..

我一直唔敢講...
因為由細到大你地都唔知我講過粗口...
我唔知你地知道左會有咩反應
我估唔到
我諗唔到
我唔知

「你呢..知唔知我小六中一果陣會講粗口架?」

之後佢勁問我..勁話我..意料中事..
只能係咁同媽講「聽故仔唔好駁故呀!」

繼續落去...「我係講到無一日係唔會唔講,...但係..e個信仰真係改變左我好多囉。粗口唔係好易就戎到架...」真係唔易..
唔係好似我同細佬講....拿...拎第二d字出黎代替左d粗口字眼咪得囉!!

唔係架..講慣左就唔得...

我中二果陣...每次一講粗口都會話自己...
每次想講都會忍著...節制著...我知道粗口唔o岩...所以每次都忍著誓要令自己唔可以再講
咁樣過左一年我先可以完全戎到...


唔知點解....講每一句都好想喊...但忍著左..因為見到阿媽望著我


跟著我一直講...

由中一缺課缺到一星期三天...到宜家只係天氣轉病左先請三日假..

唔係好容易架...唔係易架...

我點樣去捱過黎呀?
係靠信仰呀...

係信仰改變我架..係信仰係我中三既時候改變我架..


我將我所有諗法講晒出黎...


「咁點解你鍾意去柴浸唔鍾意返屋企丫?」媽

「因為...係柴浸入面....我好感受到愛...一個好有愛既大家庭....」突然....敏姐....阿詩...思龍...包包...阿聶...manman冰冰...好多好多人既面孔出左黎...

「你係屋企無愛咩?我同你阿爸唔愛你咩?」媽

「你地愛我..你地好愛我....但係...我地屋企只有三個人..就好似呈一個三角形咁...你地兩個中間都無愛....咁點樣成為一個好有愛既家庭...」我

「咁你無理由勉強我地係埋一齊架!」媽

「我無勉強呀...其實呢..有一段時期我好嬲你地架....你地係唔愛對方...咁咪離婚囉...分居囉...點解仲要拖拖拉拉je?」我....

唔知點解...我可以好平靜咁講出黎...
無喊到....無激動....一切都好平靜咁

好似將一切都講晒...仲差一樣未講....

「其實呢...你知唔知你個女好鍾意喊架?」我

「喊??無聊!!喊乜鬼?」媽

聽到e到...我知道我講唔落去...
我真係講唔落去la....
我d勇氣用晒la..

於是我決定放棄....但佢又係咁問...
「無聊~~有咩好喊je!!」媽

我點樣同佢講自己做咩喊...

我唔係有用唔盡既勇氣架,,,
每一句...每一個字...我都要好大既勇氣先講到出黎架

我唔係同你地平時傾計咁嘻嘻哈哈...
我好認真咁同你地講緊得救見証....

之後都唔記得佢講左咩...

總知就當我講過既唔係野..一d都無聽到...
話我///

唔知點解自己突然好激動..

突然間坐係到望著道牆...因為我知我真係忍唔到...

眼淚開始走出黎...我蚊實個枕頭話「我2006年既下半年都係成日喊架...我好累呀...我唔想再咁軟弱我唔想再成日喊呀""...我真係好想好想去浸禮,,,」

「點解唔可以等你大過d先?」媽

「因為我覺得我已經ready好囉...我已經準備好去浸禮...」我

講講下...阿爸又走入黎..'

「你地兩母女半夜三間傾咩呀!」爸...

「佢話想浸禮wor」媽

跟著爸一聲唔出咁關埋道門...''

「拿..你老豆唔贊成wor...唉...我無意見啦...你阿爸畀你你就去浸啦...」媽..

「哦..」我

出到去...
擦晒之前d眼淚先-.-
原來講見証都會喊

等我平靜返自己d情緒之後..

..我懷著忐忑不安既心情出去...走到阿爸既隔離..((有個頗大既距離 ))

我未開聲....佢就已經話「你唔使同我講,我唔會改變主意。」

好驚....跟著深呼吸一下「我唔係想要你地一定畀我浸...但我只係想同你分享d野..」

「你唔好同我講分享兩個字!聽見就憎....至憎d教會既人剩係識講分享...你去教會剩係學埋d咁既野」爸

好..換個方式...

「咁呢..我地都一齊生活左十五年啦...」我

「係呀係呀....我地剩係一齊生活架ja..無養你架...剩係得你個天父養你ja!」爸

救命-.-講生活都唔o岩...我地唔係一齊生活咩....

跟著佢就開始罵我...

話我虛偽...根本連半點說話既機會都唔畀我..

我平靜自己既情緒黎做咩?
我只係想以最平靜既情緒去同佢講多次我既信仰....
點解連講都唔畀我講?

「你信左e d野...剩係做天父個女得啦...仲使咩做我個女?每個人都係咁虛偽~~估唔到宜家連個女係咁虛偽!!!」

「唔好做我個女囉...我無d咁假既女」

「哦..入e間學校就神既帶領...
我話你知...想入其他學校你一d資格都無呀!!」

「好呀..我自認係狗囉..我個女都係狗女ja!!但你唔係我女仔..你係天父個女之麻..!」

大約啦...

一路聽..d眼淚一路係咁流...
流落黎跌落隻手到...好凍..好冷冰冰...一d溫度都無

但利害既係...雖然眼淚係咁流
但我竟然無發出聲音@o@"

唔知佢地知唔知我喊呢..應該唔知掛..我背著佢地....

之後喊到收唔到聲...去toilet喊....喊到成卷廁紙無左-.-!!
出返黎打日記..成包紙巾無左...好浪費呢...

哈哈....
我一生一世都記著e一晚...""!!!!!!!!!!!!!!!!!!!!!!!!!!!


好想打電話搵人陪我-.-
但係3點啦....剩返神.."

>>December 9, 2006 at 6:47:45 PM GMT+8

2006 年 12 月 8 日 星期五 【晴】

最近有一個習慣
咩都唔理咁質自己食野...
食野...好似令自己有安全感d...

食野..好似平安d...

食野...好似無咁多野諗d...




呼....遲早肥死我....

>>December 9, 2006 at 2:35:14 PM GMT+8

2006 年 12 月 8 日 星期五 【晴】

今朝...每一個鍾頭醒一次...終於o係9點10戰勝睡魔!!

跟著玩陣電腦...搞下搞下..超晏先出門口..
去邊??

去左西灣河間m記做功課-.-"
都唔識做...
好嬲..
嬲自己咩都做唔好!!失敗!!咩都唔識!!
讀咩書je仲?
唔好讀啦你...

嬲嬲地..打畀水哥問佢苦瓜汁係邊到買...
然後就起行...

去搭mtr...撞到家宜@o@"
再同佢講返星期三既開會時間..希望到時見到佢啦!

哈哈哈...宜家叫左阿魚同家宜...我好叻呀-v-"

一路行...一路唱歌歌"
唱咩歌?
唔知wor..
.都唔知咩黎-.-"

自己諗左好多好多野...
一切一切唔開心...
好彩有神....我先可以捱過去..
.當然身邊既人亦都好重要啦...
雖然仲未捱晒...
但我相信..過左e一年....應該...可以有個新既開始掛???

返到柴浸...

擺低左d好苦既苦瓜汁..之後上去搵麻連姨..
好掛住呢xd...
撞到忠良..忠良同我講麻連姨唔舒服...
嚇一嚇@o@"

走到去廚房..見到麻連姨坐左係到..

佢同我講..話琴晚嘔左半筒野..
@o@;
好辛苦啊..
跟著佢都頂唔順...話要返屋企先..
但返屋企前都叫以諾拎唔知咩咩咩畀邊個...
望著麻連姨...佢真係好辛苦啊..

希望有睇e個日記既人都幫麻連姨祈禱啦....(( 雖然無咩人睇xd ))

之後聽到有人大叫「敏姐~~」
心想...咦?敏姐返黎la~~?
但係都幫麻連姨整多陣野...先落返去

要整自修室既壁報板..
從來都無仔細望過-,-
一路佈置...一路仔細咁望下,,,

同敏姐一齊print野..好搞笑...
剪完野唔見左敏姐姐-,-"
搵左佢一陣都無~~

之後自己hea下...
見到文姐佢地換sofa...就幫下手咁啦0,0
原來sofa下面好污糟架!!有野食有卡片有筆-.-"
真利害...

跟著同老細一齊佈置...哇哇哇....真係好危險-.-"
宜家先知道..原來佈置都要做一d好高難度既動作xd...

之後..再自己影印左張通告and問徐姑拎左張poster
貼左上去-.-起馬無咁空...
不過都好似差咁d野...嗯...得閒think think 先...

一路做..一路祈禱..."
都唔知自己祈緊乜野..亂咁祈:-p...
之後聽到敏姐話傳福音好順利..哈哈..好開心...
不過今日畀儀儀甩我底._."
唔開心= =!!

之後開始預備check point d野..
唉...
我啦...
都話好討厭自己架啦...><
好憎你呀..

伏係湯姑將「木台」到...好唔鍾意自己呀...
成日都係咁樣...
做乜都做唔好...
咩都做得咁差...

伏左係到....竟然d眼淚流出黎@@"
畀自己嚇親...即刻擦一擦就彈起身走...[[[

落左社服....拎膠紙
哈...仲差最後一個check point...
係社服既後樓梯慢慢行上去....痴完之後....
唔想返去呢..
於是走左上去4樓....彈歌歌...同埋好想唱...

不斷咁重複「永恆的主」同「歡欣」

只有唱歌...只有咁樣...先可以令到我忘記身邊既一切...
忘記事實..
忘真如此真實既每一個畫面

哈哈哈....如此一個逃避現實的人耶!


係呀...我就係咁鍾意逃避..哈哈哈哈哈.....

落返去....湯姑已經講野講左2/3

企埋一面飲水....畀波羅包話我又唔玩遊戲
係wor...都好似無乜邊次真係投入玩

之後分組...
麻麻地投入~"~...

完左小組...完左話劇...
湯姑講野既時候...

挨係門到...
好累呀..
唔想再行落去
應該話..我無力再行落去

哈哈哈....

好辛苦....

每一口空氣吸入去都好辛苦

之後同敏姐講左聲:我想入去...
奇怪既係...敏姐竟然無叫我聽湯姑講野...畀我入去
(( 咁又係-.-你有邊次真係畀心機聽湯姑講野丫?? 人地都無理你~"~ ))

入到去..企係窗到..
望著駛過既車輛

又好鬼想喊...
點知d眼淚真係走出黎-.-
真係好變態~"~

之後好似無咩野咁走返去門口...

唱歌歌"
祈禱禱"

咁就完左lu..
.
大家一齊飲苦瓜汁...分甘同味!!

其實...無得玩check point..
真係好感恩好感恩...

我一直諗緊點樣同敏姐同阿詩講..::不如我地唔好玩啦..."大家中間既溝通都唔夠....
但係....時間就咁幫左我...

真係好感恩...

最後...去食飯...

同細佬同阿詩

笑到癲左...

畀聖靈充滿會出水-.-"
就好似杯可樂咁~~xd...

拿~~

你地做錯野...就要跪地祈禱認罪悔改
咁樣呢...你地就會被聖靈充滿
然後出水xd...

返屋企
同阿詩一齊聽mp3..
聽到「禱告」既時候...

個心又沉左落黎

點解自己可以咁情緒化架...
心情大起大落

究竟我係唔係人黎架-.-?

>>December 9, 2006 at 1:52:27 PM GMT+8

2006 年 12 月 8 日 星期五 【晴】

琴晚一路返屋企...心裡面一路唸著..

主耶穌....我愛你....我愛你....我愛你...

唔知點解..突然間好想講..

一句又一句既我愛你出至係我既口中
然而我卻好想好想喊... .
唔知點解,,,

愛...
我真係識愛佢咩???

..."


琴日走左上g樓...空無一人...有d恐怖
自己開左燈....來回踱步
開聲祈禱...

..."


跟著見到d驚嚇野-.-

>>December 9, 2006 at 2:55:15 AM GMT+8

2006 年 12 月 6 日 星期三 【晴】

長夜中寂靜，想起當天某天，什麼使我們在改變。


長夜中寂靜..
想起...當天...某一天..
究竟係乜野令我地改變??


細心想..一天一天的過去,曾開心有幾多歲月?

係呀///一日又一日咁過左去
我完全唔知自己做緊乜野
得個..呆字"


如果我輕忽了昨日,何不從今天看真。

從今天看真..

耶穌應許賜生命滿「風」盛,還未到盡頭,仍是要敬醒!

人一生總有歡樂與失望,無懼怕悶愁,無後悔一生作証。



無後悔一生作証..


得救見証..."

哈...
我返教會後...真係唔係沿著一個圓形行咩?

成績好差..
要畀心機
但一D心機都無-.-"

E排好似好唔舒服咁...成身都好累..好痛...

哈哈..

都好...!!

開始覺得..流血唔係一件恐怖既事..
哈哈..其實自己都幾變態-.-



今日同YOYO同儀儀食LUNCH..
yoyo見到隻蟻!!即刻大力係上面拍左三下@o@"
好殘忍...
yoyo真恐怖..

之後隻蟻無死到...但係跛左..
好可憐..
跟著儀儀扔左d零食畀佢..佢唔食啊...
佢用其他無跛既腳去繼續搵返條路...
當佢行埋黎我地果面時..yoyo竟然想拍多下@o@
嚇死我...即刻禁住佢=.=唔好講笑~~

最後佢都唔知去左邊lu!!



嗯..早d訓先..
好累...








【無悔一生】


讓我欣賞你，青春可愛面容，讓我珍惜你，一生擁有多好；
長夜中寂靜，想起當天某天，甚麼使我們在改變？
細心想：一天、一天的過去，曾開心有幾多歲月？
如果我輕忽了昨日，何不今天看真？
耶穌應許賜生命滿豐盛，還未到盡頭，仍是要儆醒。
人一生總有歡樂與失望，無懼怕悶愁，無後悔一生作證。



e兩日都聽到
有d感動

>>December 7, 2006 at 2:39:17 PM GMT+8

2006 年 12 月 6 日 星期三 【晴】

最近患左老人痴呆 + 失憶症..
你問我十樣我十樣都唔記得-.-

係唔係好勁呢xd?


今日轉左個返學路線-.-"
都ok wor..
首先搭小巴落西灣河..再由西灣河搭地鐵去柴灣..之後行返學校

35分出門口...竟然可以8:00出現係柴灣地鐵站-.-
再o係 06、07分到去到學校@o@"
超勁xd

早會中..
無啦啦落雨...前後既女同學都用手擋住d雨..
我望著個天..

咦....你落雨牙?
哈哈...神你對我真係好...~~
落大d丫...大雨d...我會開心d架..嗯..!!

..."

好搞野..之後去雨天操場排隊..盪失路-.-"
迷失的羔羊xd

係囉..今日都無咩特別..
只係不斷咁發呆....諗左好多好多野

圓形.."

唉....成日都好痛好痛咁...
原來肉體上既痛楚係可以分擔心靈上既痛楚架.....@@




大獲,,,
傾電話中...

好似...
做錯左樣野.....""

>>December 7, 2006 at 1:47:52 PM GMT+8