2006 年 12 月 28 日 星期四 【晴】

精神分裂-.-"


何謂失敗何謂虛偽?

._."

>>December 29, 2006 at 2:53:16 PM GMT+8

2006 年 12 月 28 日 星期四 【晴】

哇..下面果篇日記...好有power呀@o@"
自己反覆睇左好多次...感覺真係好有power呀 !!
天呀~點解我咁叻既-.-"

一陣滾去社服溫書先...(( 又係自己一個._." ))
都好..~畀多d空間&時間自己...

]仲係覺得自己好假tim...
不過真係好勁..竟然可以將自己既想法打出黎...
從來都唔敢同人講...怕人地唔再理我唔再睬我...哈...有邊個會睬一個如此虛偽的人???
但..琴晚唔理三七二十一就打左出黎lu....
唔知睇左既你...有咩感覺啦...

嘿..

無錯...

最虛偽既人~~莫過於許靜雯小姐也-.-"
咩叫真?
我已經唔知lu~~~
算啦....就算假都假得我咁離譜,扮都扮得我咁差....都真係...有點兒那個-.-"
嘿...

其實自己真係好失敗////




在這一刻謙卑來跪拜
來丞認我 所有 失敗!!!!
仍然懼怕 是你 的作為
我也信 主恩 偉大
願 xx 你彰顯榮耀裡
求能讓我 釋去 苦累
來丞認 你 是我 主我神
盼這生 跟我主 腳步去~~~

主 請你憐憫....
今 掌管我心
求能讓 你 愛
點燃這生~~

主 請你憐憫...
xxx
xxx
xx
甘作活際-.-




好多句歌詞都唔記得tim..勁多xxx-.-"'

來丞認我..所有..失敗...
哈哈..做完好多功課後搵個位祈祈禱先...
我所有既失敗呢..哈

>>December 29, 2006 at 3:36:14 AM GMT+8

2006 年 12 月 28 日 星期四 【晴】

哈哈...咁夜我都未訓呢xdd"
因為我好畀心機咁睇左d兩個星期自己既日記囉...

感覺好特別。
雖然只係短短既兩個星期....但..好似已經經歷左好多野...
好似學識左好多野...好似成長左好多...

好似好多野都唔同左...


今日去社服溫書...畀某人放我飛機-,-"
於是自己去食飯...
行返去社服既時候...心諗....


其實...我覺得自己有一種好重既保護自己既潛意識
因為..小學試過..中一試過..中二試過...
試過畀人好討厭
試過畀人一見親就串我...
試過畀人同我講絕交
試過好多野...

所以..自己一直係到搵呀搵...
搵一個...唔會畀人討厭既版本出黎"

於是..我見到...
咦?佢講左e一句說話出黎....其他人好開心wor..
咁我下次都可以試下講..

咦?佢講完e句野令人地感到好唔舒服wor
咁我以後都唔可以講 !!

咦?原來咁樣做會令人感到反感
咁我以後掂都唔可以掂!!


因為細個試過太多野...
唔想再有呢一d既經歷

你話我假?
哈..我都覺得自己好假..

好似...好似搵下搵下...連本來既自己係點樣都唔記得唔知lu !

許靜雯你係點架?
唔知丫~~

今日有一個好好既空間畀我諗下..究竟我係點既人呢??

阿魚同我講...佢話
君麗話你人緣好好

哈..
.
果一刻我望著電腦...係到苦笑=.="


我人緣好?
好咩...????

一個虛偽既我xddd""


今日沖涼既時候..突然有種感覺



係呀..我係呢個信仰入面...真係有好多好多既跌跌碰碰...有太多太多...
我未能一一企返起身....我亦未能一一丞受
浸禮..我真係未到時候
神要我學識...咩叫做堅持..咩叫做信心
因為我兩樣都唔夠^-^
連最基本既堅持同信心...我都未夠...我仲邊有資格去浸?
所以...我唔浸係o岩架...
神有佢既安排....
呢一次上浸禮班...交得救見証...查問信德..
一切唔係偶然..為既唔係06年12月25號既浸禮
而係為左..鍛鍊我既信心...要我學識堅持..忍耐..信心..同埋愛...
好似湯姑所講...
愛自己既家人...愛唔係基督徒既家人...愛佢地..係唔容易架
但我地要去學...

4月既浸禮...
我無諗過再去
因為距離太近...
未能夠讓我經歷更多...
我覺得..我應該經歷更多...鍛鍊自己更多...學更多野...先去浸
浸禮..唔係一個隨隨便便既決定...
唔堅持4月...唔代表自己唔堅持浸禮呀!

我堅持12月既浸禮囉..我要用一年既時間...
去鍛鍊自己對神既信心同埋堅持
我要學識點樣去愛我既屋企人
我要學識點樣唔好似宜家咁望著個日記喊...
我要做一個好既屋企見証
但屋企見証...唔係為左令佢地成為基督徒,唔係為左浸禮...
而係毫無目的咁...單純咁去愛佢地...

呢樣係我最需要學習既野...

我更加要..學識點樣去面對..06年呢下半年
我所經歷既野...

呢個日記版既野

我終於清楚...

自己宜家最需要做既
唔係開另一個日記版..去避左呢半年所經歷既
而係..勇敢咁繼續打...
當我回望返轉頭
我一定會覺得好變態-.-"

原來以前可以為左咁少野而離開神
原來以前可以為左咁少野而流眼淚

我要學...我要學...


忍著唔喊._."""



06年剩返幾日
我一定要o係d 幾日將所有想喊既都喊晒出黎!!

我要好好咁珍惜...
我要去面對

我要好好咁處理埋我剩低既問題

我要面對完...然後好開心咁同大家講::「我..許靜雯...唔會再唔開心...唔會再成日喊...因為我已經唔同左 !!」

一定有呢一個機會..

我相信..唔係...我堅信...

我相信神既力量...比任何野都強
佢能令我戰勝一切




呢d..係我年終....最後...對自己既立志^-^""



大家留個言畀我啦=.=
講句聖誕節快樂都好-.-"

>>December 28, 2006 at 5:18:30 PM GMT+8

2006 年 12 月 27 日 星期三 【晴】

琴日...神畀我學識左好多野...

學識左...咩叫做堅持...咩叫做信心...
我唔可以郁d就畀撒旦打敗架..!!

不過琴日真係好欣賞自己 xdd ((終於搵到樣野可以欣賞自己　ｌａ！))

就算個頭暈到死..摸下摸下...feel到佢發燒...
都堅持係4點既時候起身...換3...出門口...
行左兩步....feel到自己頂唔順...走去搭小巴落天悅-.- ( 好無聊-.- )
之後等車..等左好耐...多次彎低身._."
上到車...搵左個單人位坐...成個人伏左係前面個欄杆到...
好辛苦..

心裡面不斷咁問自己...

點解明知咁辛苦都要走出黎???
究竟係為左咩野呢??

為左搵神...?為左搵返神既愛 ?.? ←其實理由好牽強...
但我死都堅持返黎...

因為...
我唔想再向神發脾氣._."我唔想再嬲神._."
所以..我一定要返黎!!
我知道...最想我返黎既唔係自己...係神..hahaha""

不過最驚都係行行下暈低=.="

去到柴浸個門口....自己係到勁傻笑-.-
好白痴=.="

之後直踩去搵湯姑...傾左陣..

又走返落去搵敏姐姐"

跟著勁訓...因為實在頂唔順-.-"
雖然...又唔係幫手.....係counter訓好似好衰女.."
但真係搵唔到地方><"又好辛苦wor...
counter啊=.=好對你唔住~~

6:50...
繼續捱著咁走落去柴灣地鐵站
一路行一路諗-.-我究竟返唔返到去=.="
因為勁暈啦已經...

落到去..咳咳..一個人都無._."
無奈..

於是又走返上去

掙扎左好耐好耐...終於都掙扎完

於是鼓起勇氣走左上2樓...

佢地祈緊禱....

之後..原來今次既祈禱會係感恩見証會@@"
輪流拎著支咪黎講自己今年既感恩事項...

我係最後果幾個~"~...

諗諗下..有咩感恩事項..
咦..係wor..
今年先開始返柴浸,,

哈哈...

最感恩既~~
就係返到黎柴浸呢個家庭la...

之後///講埋浸禮...
嗯...

係呀...學湯姑所講...
每一樣既經歷..都係神要我地學d野...
要鍛鍊我地d野...

點解為左一樣浸禮...我就可以死左架...
點解少少野就可以令我對神既信心無左架??

係呀...
今次神就係想鍛鍊我既信心...鍛鍊我既堅持...

好似琴日咁..幾辛苦我都要捱過去....
因為我深信神....

嘿嘿...好似我陋室銘既台詞咁~~

「其實我地每一個人都係撒母耳,由細到大,所遇到既困難,全部都係由神所賜,叫我地學識咩叫做道理。就算哈拿每一年只可以見到佢既兒子一次,為佢織一d既衣服...佢都願意將兒子獻畀上帝。因為佢深信神...既是神所賜...衪必定看顧...就算聖殿裡面有幾多害群之馬都好..係信心...同埋愛...係佢地中間...祝福著佢地呀 ! 」


..."

係呀^-^"

哈哈...好彩琴日返左教會
如果唔係真係死左

愈黎愈鍾意陋室銘牧師個角式xdd"""
佢教識左我好多野... (( 雖然係唔存在-.- ))
哈哈...但全部既答案都係出至我口...好好笑xdd""

>>December 28, 2006 at 4:19:22 AM GMT+8

2006 年 12 月 26 日 星期二 【晴】

係社服打日記-.-"
又唔係入黎幫counter..都唔知係到做乜"

今日好慘...發燒'
勁辛苦....辛苦左成日..

但心裡面一直有種信念:「我一定要返教會」

跟著問自己...點解要返教會..?

因為...
我要搵一d野 !!

搵...
搵返果位我曾經好感受到佢既愛既神
尋求神既面,,,

我要搵返神!!

每次走..都係神搵返我返黎..
今次到我要搵返神..

祈左好多次禱...唔舒服既感覺並無退減,,
反而更加辛苦...但我知道我一定要去 !

於是幾辛苦都滾返去€€

途中好多次都好辛苦...就黎想蹲係條街到//
但都捱落去..

當上左82既時候
直程要挨著欄杆咁坐...因為已經辛苦到極點

行路-.-
比公公婆婆行得仲慢~"~
一步一步..咁..慢慢向前行

好似經歷左好多野咁"'""

返到去教會門口...望著「柴灣浸信會」五隻字..

自己傻傻地咁笑-.-"

上到去搵湯姑...
講野..忍唔著喊左一下"...
唔知湯姑有冇睇到 :p"

之後...湯姑攬住我"
唔舒服既感覺勁湧上黎..差d要暈係湯姑到-.-"

頂左好耐...跟著就暈下暈下咁落 社服
伏左係到訓左一陣

先好返少少""


耶穌想鍛鍊我d乜野呢??
信心??
定係堅持..?

好似今日咁..為左搵返佢...
幾辛苦都唔緊要???


唔灰心..唔放棄...
可唔可以做到呢?

無錯..唔可以輸畀魔鬼...!!

唔可以...一定唔可以...

>>December 27, 2006 at 10:50:54 AM GMT+8

2006 年 12 月 25 日 星期一 【晴】

一直都定唔落黎祈一個禱..
每次祈禱..心裡面都有種感覺..「祈又點..?佢會聽咩?」

但每晚臨訓前...就算幾草率..都要祈完禱先訓得著._.""


我好想同神講..

你愛我...係唔係丫?
我信丫...
但我真係唔識愛你呀...

如果...愛真係好似牧師所講咁...無論係仇恨,,痛苦定係慈愛...所有有關感覺既都叫做愛...
咁我愛你...係唔係因為我對著我呢個信仰..感到好痛苦呀?

聽受浸既弟兄姊妹既得救見証...好多人信主後...都感到好喜樂同埋好平安
點解我無既?
點解愈對呢個信仰認真...我就愈辛苦愈痛苦既?

好似以前係銅浸咁...去完PARTY..上完崇拜...就走人
從來都無對e個信仰感到痛苦"

但去左柴浸到呢..?

(( 點解咁o岩會播緊 神啊~你在那兒 架-.-好應景=.= ))

我5月尾開始返...
跟嘉勝返伽勒團
到團契完左
轉左做alpha...

好似過左好耐...但原來...只係剛剛過左半年

記得我7月,,,,查經班轉模式時

睇住有3班...一班浸禮班,,一班係拉闊sunday,,一班係查雅各書
一見到...個心就即刻選左浸禮班...

返到屋企問媽媽
媽媽話「是旦你」

於是我就開開心心咁去報名...

之後一路上...輪流讀下經文...有時候又烚下眼訓
哈...估唔到時間過得咁快
一路上..個心一路諗::「時間可唔可以過慢d呀??可唔可以唔好咁快到浸禮...」
係alpha camp...

牧華畀左份加入教會既表格我


之後...本來已經一星期有一兩次吵架既家庭..
就愈吵愈多...差唔多日日都有一次

每次我想放棄既時候...都會有人叫我堅持落去
就好似神叫我堅持落去咁

我成日都為著可以浸禮而祈禱...
我堅持..無論佢地幾反對...我交表...去查問信德...

每一個人問我...係唔係浸既時候...我都唔知點頭定搖頭好

仲記得..導演知道我浸既時候..送左份禮物畀我""
果陣我一直都話唔要...
因為我根本就唔知我浸唔浸到...

見到程序表寫著有19位新葡...
感覺..好茅盾

我祈禱..我話...神..你畀我堅持到e一刻
我對你好有信心..我今晚就同屋企人講多一次..我想浸禮...
求你賜我勇氣同埋信心^-^...

我將所有既盼望同勇氣都交左畀神...

我記得果晚阿媽好晏先返黎訓..果時..已經超眼訓
我格硬起身..坐係到...鼓起最大既勇氣講左一句:「我想浸禮..」
「咪話左唔得囉!」媽

之後我將我既得救見証講左出黎...睇住佢由反對變成無意見
我返去同敏姐丫...同佢地講
好多人都替我好開心...起馬見到個盼望係到

剩返爸爸..於是我諗到...搵忠良哥哥陪爸爸傾
陪左...本來極度反對既爸爸都無再嘈.....
點知呢..又換返媽媽極度反對

果晚..我同佢地一路嘈,,,d眼淚一路流...控制唔到

我祈禱我話
神如果你真係愛我..點解你要畀我經歷e d野?

之後嘈到....阿媽第一次打我
15年黎..為左我既信仰..一巴打埋黎
之後我拎起d野就走...點知畀阿媽禁住道門

跟著躲左係間房到

我唔想再祈禱...

神你話會陪著我..你話你愛我愛到底
咁點解係我最唔開心...最辛苦既時候你唔係我隔離?

之後我阿爸同我講,,要等21歲先可以再浸..

哈...
仲有機會咩?

我到最後一個星期..我信你呀...我信會有盼望
就算o係逆境入面
我都仲祈禱...就算浸唔到..你可唔可以畀我放低e件事..唔好咁難過呀?

到話劇表演完左...
maymay同我講:「你個樣好唔開心咁」
哈...一諗起明天既浸禮就咁樣

到..第一次係禮堂入面喊...
以前試過喊都會走出去,,,但今次咁多人,,,

到我琴日...我將我所有唔開心既野發洩晒出黎...

點解呀
一切你唔係安排好既咩?
點解你要畀我經歷呢d野?

我祈禱,,我返教會
因為我信。

我信你係全能既神
我信你會賜最好既畀我

我信你呀!

但係..點解...你賜畀我既..係流極都流唔盡既眼淚?
係數唔盡既痛苦?

我以前..都唔多喊既
就算喊..一年都唔會超過兩次

點解..入左柴浸d 半年
我由一個唔鍾意喊既人
變左做一個.....只要一個禮拜無喊過..已經要拍手讚自己

眼淚流出黎我唔抺
因為我深信神你會幫我抺
當我自己一個躲起喊

我會閉起雙眼祈禱

我只係祈禱

我可以好開心咁見証佢地既洗禮
與喜樂既人同喜樂,,與哀哭既人同哀哭

神...你聖經唔係教我地呢d野咩?

我只係想懷著一個喜樂既心,平安既心
去祝福佢地

點解神你都唔畀我?


突然諗起同molly姐搭飛機既其中一段

「..........................你話丫!個衰女眼中仲有我咩?!?!/」五月媽
「咁..你愛唔愛佢?」牧師 -- me
「愛佢?我當然愛佢! 今次我返黎香港..我就係要攞返我應得既野...我要畀佢知道..佢離開左我,我有幾咁痛苦! 我要佢呢一世都唔好受!!」五月媽 -- molly姐


...""


唔知點解-,-突然有種感覺...自己變左做阿媽...

「...........天使你話丫!神佢仲聽我祈禱咩??佢仲愛我咩??」我
「咁...你愛唔愛神?」天使...

._."...

突然覺得自己好乜乜tim-.-好自私~~

冷靜返d先...

「我只想你在我身邊,有風雨中賜我勇氣走上前」←歌詞

嗯...
我只想這樣


我記得我曾經同神講

我話:「神呀..我唔想再喊la..我唔想再畀菠菠包叫我做喊包..我唔要列入包包既一份子!我只想有兩日唔喊...唔通都唔得?」
神話:「我愛你」

我話:「你愛我?咁點解你要畀我經歷e d wor!」
神話:「因為只有經歷你先會有成長」

我話:「成長? 即係逃避成功ja?」
神話:「唔係..你要學識面對你自己既情緒...由細到大..你都唔識」

我話:「自己既情緒? 日日都係到喊叫面對牙?」
神話:「我愛你愛到底」

我話:「每一次喊..每一次唔開心..我都搵唔到你.見唔到你...」
神話:「因我在你的右邊,你不至於動搖」

我話:「我祈禱..好似對空氣講野..我閉上眼..我感受唔到你既愛..」
神話:「你是我的女兒,我必看顧你」


人在世永恆何在?
或如流星閃耀略過

是你令我人生找到靠依

歡欣裡風光裡你共我同在

當身處孤單傷痛..你擁我入懷 ?!?!?!?

...??

當身處...孤單傷痛..你擁我入懷..???

..."

迷茫中
.

究竟我做緊乜野呀!!!
what are you doing ??hui ching man!!



前幾日...問左教會d人...「ｗｗｊｄ」點解

一直帶著．．．都唔知上面d字點解

跟著佢地答我:「下..?你唔知牙??咪係 ｗｈａｔ　ｗｉｌｌ　ｊｕｓｅｓ　ｄｏ？ 囉」

ｗｈａｔ　ｗｉｌｌ　ｊｕｓｅｓ　ｄｏ？？？？

ｗｈａｔ　ｗｉｌｌ　ｇｏｄ　ｄｏ？？？？？？

ｗｈａｔ．．．ｗｉｌｌ　ｙｏｕ　ｄｏ？？？？



已經唔敢再除低條繩

好想..有一日...神會話畀我知...

what will he do....

>>December 26, 2006 at 8:47:28 AM GMT+8

2006 年 12 月 25 日 星期一 【晴】

只係..因為好奇心...睇返自己上年聖誕點過-3-...

原來上年聖誕都好唔開心的...
因為嘉嘉""

呼..兩年都係咁...

>>December 26, 2006 at 7:25:03 AM GMT+8

2006 年 12 月 25 日 星期一 【晴】

琴日真係...
開心唔開心喊發脾氣 乜鬼野都做齊晒....

[[功課又唔見你交齊=.=]]

臨訓...都要聽到阿爸阿媽係出面鬧交"
鬧到我o係房點訓都訓唔著...

跟著媽媽入黎訓
我即刻扮訓左...如果再鬧埋落我到...一陣間又發脾氣 ._."
明知道自己控制唔到...就唯有避免一下...

琴日朝早..
.本來無咩感覺..跑返教會
之後望著佢地受浸...其實都幾羨慕 + 妒忌"
跟著又有唔開心""
不過好似畀麻連姨睇到我諗緊咩咁 ._."

原來對住個海真係會舒服d架..haha"
琴日望著個海....終於諗通返d...開心返d"

點知返到屋企..無啦啦發神經"
係到向神發脾氣-.-
仲一路發一路喊...變態+白痴"

發完喊完走左去玩拆專仔-3-"
勁投入..好耐無玩"

之後同阿爸出街食飯..
阿爸又講左d以前細個既野畀我聽

食完之後我提議上婆婆家"
上到去之後..公公同我講返佢細個果d野...

哇@@"
公公真係好老實丫...
佢老細暈左...但暈之前開左個夾萬"成n咁多美金+港幣""
佢第一時間就走上去搵老細個阿哥黎""

跟著佢仲幫手關返個夾萬-3-"

好想同公公傳福音...唔知有冇機會呢-3-"

之後同敏姐姐傾左陣電話...

同阿姨傾左陣...就返家"

返到屋企...再同細佬傾左陣電話
講返以前玩電腦...識左好多fd..勁開心"
諗返起...好掛住丫..."

宜家都失晒聯絡lu..

最後..再聽佢地鬧交

哈哈...

真係一個特別既聖誕節!!

>>December 26, 2006 at 12:07:28 AM GMT+8

2006 年 12 月 24 日 星期日 【晴】

喊左成個晏就..最難忘既聖誕節
同眼淚一齊過"""

勁流勁喊...

唔知做咩鬼野...

將呢半年所有唔開心既野喊晒出黎"

神你究竟想點??
你想點呀??!?!?!?!

點解每一次我對你有十足既信心
有好大既盼望

你都係畀我無窮無盡既眼淚,痛苦&失望?

神呀...我好想離開你呀..你知唔知呀?
我成個禮拜都好想離開你呀..你知唔知呀?

我每次祈禱...我都覺得你唔聽呀..你知唔知呀?
每次都係本著「神愛我愛到底」既精神行埋落去...
我唔想返屋企呀...我係屋企..好辛苦呀....

我真係唔識再點過落去...
我話「我唔再係自己一個!因為神係我隔離!佢陪著我!!」
但係..我望唔到你呀神...我見唔到你既光...

係屋企..每一日對著我阿媽..都好想好想死"

好想..12點幾返屋企既日子持續好多好多日
咁我就唔使咁多時間對著媽媽la...

我話:「表演完la..!!佢地話好成功啊...如果你都黎到就好啦!」
媽媽:「車,,,你又唔係做主角..黎睇咩je??無聊」
我話:「...不過唔緊要..遲d有錄影帶可以睇」
媽媽:「唔好拎返黎tim呀...我都係扔...又唔係主角...無聊!!做埋d二打六..有咩好睇je!」
爸爸:「喂..你咁講野架!」
媽媽:「點解唔係咁講野?我有講錯咩?」「年青有為又係咁..阿詩去新加坡..你去澳門..今次又係咁.人地阿詩做女主角..你做個二打六!..無鬼用!!仲叫我睇wor?仲好意思叫我睇???都唔知d阿姨做咩咁得閒走去睇!!」

..."

點解每次都拎我同阿詩黎做比較??..


「都唔明你! 人地阿詩都無搞咁多麻煩野..咩浸禮?無聊!! 剩係識搞到屋企家嘈屋閉... 又唔見人地阿詩話浸?」

「我又唔係佢!」

「咁阿詩唔浸你又走去浸?」

「點解阿詩唔浸我一定要跟佢唔浸wor!! 一定要一齊既咩!」


「你睇下人地阿詩幾叻?? 人地就有得去新加坡..你呢?去得個澳門 !! 話劇人地做女主角..你就做二打六!! 都唔知你去做乜! 人地唔浸..你又走去浸.. 剩係識搞埋d無聊野 !」


夠la!!
點解每次都要拎阿詩同我做比較
連琴晚睡覺前都要話我:「記得唔好畀我睇tim呀!」
突然發脾氣...「放心..一定唔會畀你睇到!」


一路喊..我話:「神唔會輕看我既眼淚...佢一定會幫我擦既...」
但我等左好耐..我見唔到佢...
我連神既背影都見唔到

我感受唔到佢既愛


唔通..我真係連畀你望一眼..都唔配??

哈...只係一眼..你都唔肯回頭望我..

神呀..我可以點做呀??
我好辛苦呀...""

我好想走呀...我好想離開你呀...
如果我真係走左..真係離開左e 間教會..真係唔再做基督徒

你會唔會想要挽留我呀..
你會唔會叫我留低呀...
你會唔會望我一眼....

你..會唔會嬲我呀??

>>December 25, 2006 at 9:58:58 AM GMT+8

2006 年 12 月 24 日 星期日 【晴】

琴日表演話劇~~
收到聖誕禮物....

有d口窒窒..個個都同我講我做得好好...
唔知呀..怪怪地"

諗住...25號就睇佢地浸禮la..
之前諗過好多次...我會有咩心情呢???

會係好開心咁睇住佢地浸.....同自己講::「哈哈...唔緊要啦,,今次無咪下次囉!」

定係...

勁喊呢??


諗左好耐...

終於都到左今日..

9:45先起身-.-""

沖完涼已經10:00

搞埋d野就10:10...

跟著跑返去...唔知點解...咁趕住返"
又唔係崇拜...哈"

返到去...見到忠良哥哥"
入去..行左陣...搵到一行有好多位....坐埋去先見到敏姐姐係後面-.-"
咁o岩既..嘿"xdd

唱完詩歌...

開始介紹18位新葡...'
記得...之前程序表寫住19位架...

無左我呢..

跟著..諗返起琴日同牧華講既野..
臨走既時候...突然有股勇氣...我同牧華講

「對唔住呀..」我
「下?哦..唔使..」牧華
「唔係呀...搞左你咁耐...煩左咁耐..最後都係浸唔到...」我
「唔緊要...」牧華..

一路打一路喊tim...

真係好對你地唔住...搞左咁耐...堅咩持...根本就係騷擾著你地...
對唔住..真係好對唔住...
!好憎你呀...喊喊喊...咁鍾意喊.\_/.)))


好...繼續=.="


真係好想同每一個人講對唔住...
因為我既堅持....""


介紹完...

好快就開始浸...佢地18個人上左浸禮台

逐一叫名...然後問佢地..相唔相信主耶穌係佢地個人既救主...
每一個人都好堅定咁話:「係!我相信。」

唔知點解...d眼淚係咁流...

果然.....係禮堂係咁喊"

好彩果陣d人係咁拍掌...身邊又無人識..敏姐姐又去左前面影相"
無人知我喊=.="

喊喊下...突然間有句金句走左出黎「要與喜樂的人同喜樂...與哀哭的人同哀哭」
係wor...咁開心既日子..點可以喊?
唔可以喊!!!唔可以!!

之後自己又笑wor..

個樣勁狼狽...又喊又笑.....只能用「變態」二字形容

每一個人都講自己既見証...

再唱下歌...然後致送記念品"

完左...影相?
no...

坐左係到...唔知做咩好..唔知去邊好...
坐坐下..見到有相熟既人..就即刻彈起身...走人"

一走出禮堂
就見到麻連姨..佢即刻「蚊」住我....「雯女..做咩咁早走!!同思龍佢地影左相未?」
「未..」
「未..?咁唔準走~~黎丫...入去影相先..」

之後佢就攬左我入去...一企係入面..就勁想喊""
墨水走左過黎..同我講..「唔好唔開心啦///仲有一日可以浸架...」
「我無呀..」....我...勁想喊
「拿..雖然無得浸...但我都預左份禮物畀你架...拿..」墨水//

望著佢.....有種好奇怪既感覺..

「多謝...」

之後忍唔住..衝左去廁所...
一關埋門...d眼淚就流過不停...
勁喊...

問自己...點解喊?

唔知丫...好辛苦...

當想擦走d眼淚時...諗起敏姐姐果句..

「主不輕看你既眼淚...眼淚..唔使自己抺...因為神會幫你...」

果一刻喊得仲勁......跟著黎多句..

「神愛你愛到底...」

係呀...佢愛我愛到底..

於是...一路喊一路祈禱"

祈完禱之後...照下鏡..哇...紅到乜咁-.-"
唔敢走出去...落左g樓...=.="
繼續喊~~

喊完傾左陣電話"

上返4樓...

跟著麻連姨就拉埋我去影相"

企左係到..呆左..唔知自己做緊乜野..

無啦啦聽到宇翰話「我要同靜雯影相!」
呆一呆...

下??影相-.-?
其實唔想影...無心情..

諗住..一個就算..影一個

點知影完就到嘉勝-.-"
影完...

再影埋思龍..

就走左出去

再影我會無命

每一個人都係咁歡樂...咁開心
我都好想開心..好想分享你地既喜樂呀!

但..對唔住..我做唔到....

走...同波羅包..carle...同埋willixxx..←唔識串呀=.=

去左茶軒食...

無食過野..勁食...加埋化悲憤為食量=.="...
喊左成朝-.-"///好肚餓
最後...竟然食得晒@@
好叻..

但飲唔晒-.-"

走...同湯姑佢地一齊走"

湯姑無啦啦搭著我駁頭
「有冇唔開心?」

「冇..」←講都唔信啦=.="

「唔緊要既..唔開心係正常...」湯姑

咁喊叫唔叫正常-.-?如果係~~我咪好正常囉其實

「你星期三得唔得閒?」湯姑
「下??祈禱會牙?」我
「唔係..我想同你傾下計」湯姑

..."""

如果得閒..可能會去啦...||||


之後....自己一個係太古落車

行左陣玩具反x城...
之後行左陣太古...

就沿著海邊行去西灣河

一路行...一路唱詩歌...

之後..坐左係個欄杆到望著個海...
心情好似好左dd""

之後祈左個禱...

就返屋企lu...

返屋企前梗係照舊...買朱古力哄返自己=.="


返教會最狼狽既一次..

估唔到行下行下=.=就4點...時間過得真係快..

一d都唔想做功課..媽媽>o<"""

>>December 25, 2006 at 9:09:23 AM GMT+8