2006 年 4 月 29 日 星期六 【晴】

遺失了天真無邪的小學生~哈!


今日dayoff....約左d小學同學BBQ~
好準時到左...但好多都遲到=.='''
就同準時到o既同學仔去食野先.....哈!!

齊人之後再去買野~去左其中一間同學的屋企。
好近大尾篤...都唔錯呢~

開頭去到,大家都係打o下機,打o下排咁~哈~
我都好耐冇打過排.....真係唔係好識打。
跟住6,7點都開始燒~~

燒到咁上o下...又再打下排~睇下<<電車男>>~
之後就再燒...不過主要係玩遊戲~
玩殘酷版非洲話事o牌~要兩個人受罰~=.='''
d懲罰簡直係..................哈!!不過大家都笑到爆咀~
玩玩下...阿銘都揸車過o黎~
拖埋佢玩埋一份!!

玩左好耐~玩到d懲罰都冇咩新意。
就玩Truth or dare~~哈......
好攪笑...曾經係一班天真無邪o既小朋友...
依家圍埋會講曾經大家唔會講o既話題~哈哈!!!

玩完之後.....就傾計。
原來大家見返我....第一個感覺就係失望~=.='''
話說以前我係全班最高o既女仔(好似係...我自己都唔記得)~
佢地個個都以為我依家都係好高....
點知...無咩點高過...大家都同我差唔多高。kekeke.....
另外就係覺得我成熟左好多,斯文左,靚左好多(我自己都唔覺.....)

一路到6點幾先走~~~~
阿銘車我地幾個女仔出去搭車~
差唔多朝早8點先返到屋企。

今日真係好開心好開心。上次出去都唔係幾傾到計...
今次可以圍埋傾o下計,一齊玩下~^o^

因為掛住玩,所以冇影相相~~~~shit~

>>April 30, 2006 at 10:58:13 AM GMT+8

2006 年 4 月 27 日 星期四 【雨】

會戲弄人的港龍


最討厭一起身就係落雨天,連心情也不跌~

返到公司,知道朝早太大雨,有兩隻飛機比雷砍中。O~mygod~
所以今日d機全部delay咁滯...
再加上上海又hold住d蛋機升降,攪到香港又飛唔到過佢,上海又返唔到黎香港。
每隻機最後delay 2 hrs~=.=''''''''
真係唔明點解上海個機場,根本都handle唔到咁多飛機升降,
但又要開咁多條線比航空公司~
自己個機場又細...死充!!!

就連維珍都影響到。
今日唔知點解個captain 會o係上海過黎。
原來佢可以5點鍾到香港...但最後差唔多8點先到...
連維珍都delay埋....

夜晚更加唔洗指意收工.....仲有大把機未返~
全部要出去安排d客去住酒店同賠shuttle bus~
半夜3幾先走得.....

今日何BB last day...唉~又走多個...
好唔開心。依家已經冇我初初入呢間公司時咁開心。
一年lu~~~話咁快就做左一年~

>>April 30, 2006 at 10:39:52 AM GMT+8

2006 年 4 月 26 日 星期三 【晴】

郵件失誤??


從美國到港的包裹已運抵香港。
點知...要親身去到空郵中心領取!?不是嘛.....
原來, 今次運送的方法是有超級保障的...
從郵差叔叔中得知...若我的包裹寄失,郵局要全數賠償...wo~~
還是要求郵局transfer到機場的郵局。哈~~~

Non-stop地工作了接近12小時....累到爆~
收工後,pang pang聲返屋企,買埋din din返屋企食。


著左新買的B仔鞋返工。哈~~


>>April 27, 2006 at 3:45:15 PM GMT+8

2006 年 4 月 25 日 星期二 【晴】

三十人的聚會


今日成班維珍同事去左Novotel度食Buffet...有EX-VS同事,亦有現任-VS同事~
好多人~~~~~好Happy~~~

起身落左去睇醫生先。
我o既腸胃炎依然係未好返.....點解咁耐都唔好ga~=.='''

其實Novotel o既buffet都唔差~仲幾多野食,都只係140蚊.....抵!!

好多人呢~有Supervisor,Duty manager....仲有我地~kekekke~

中間o個個似側田嗎??哈哈!!!!


食食下....有d同事開始張去返工,咁就慢慢少人~
我今日day off....後尾同事何BB出去行街街~
今日仲拎埋眼鏡.....即帶~哈........

出左旺旺行街....好多人。去朗豪坊....o係K2買左條連身裙....做埋vip...
去I.T睇衫衫.....買埋對B仔拖鞋,點知朗豪坊冇我Size...要去另一間度拎~

買埋Anna Sui新出o既On The Beach香水,
我對Anna Sui的香水情有獨鐘,好多支我都有買~真係好鍾意佢d味...哈哈!!


食埋飯就返屋企lu~~~~~~
今日有好多收獲...哈哈!!!



ME with Dior 黑色眼鏡。^o^

不過....我個肚都仲係好唔舒服~
今日何B食完D生豪都有D痾.....一齊行行o下街要去排毒~好爆~=.=''''

>>April 26, 2006 at 4:04:54 PM GMT+8

2006 年 4 月 24 日 星期一 【晴】

三隻被遺棄的小熊


繼續腸胃炎.....繼續努力返工。
我公司同事的特色就是這樣....病到死死下唔port sick,鬼打咁精神就會port sick~哈哈!!!

今日飛機有人留低左3隻可愛的小熊...
我地做完班機之後,就同小熊玩玩玩~
其實一隻都唔平...

不過,我地都唔可以據為己有~~
要雙手交給lost and found的同事~喚......


做埋夜晚班london機之後....阿趙買左芒果蛋糕比我地食。
雖然個肚好唔舒服~但....一於少理~


>>April 26, 2006 at 3:37:21 PM GMT+8

2006 年 4 月 23 日 星期日 【晴】

病~病~病


好辛苦.....肚痛,肚痾...
食碗麵食左成個鐘都食唔晒,冇晒胃口。
陣間仲要返工.....>.<

今日...個肚不停痛~~
好在有個幾兩個鍾唔洗做野...同Atta o係星巴克踎左好耐~
佢同我講佢o既野....我就邊聽邊打機...哈哈~爽死~kekeke...

跟住再同埋catherine,何B,Yvonne,鄭祖兒,christy,阿趙去左阿二靚湯食飯~
食食下....我又痛喇。>.<.....


冇咩用o既藥......聽日去第二間診所再睇多次。

後日去Novotel食buffet....我要快d好返呀~~

>>April 24, 2006 at 6:36:26 PM GMT+8

2006 年 4 月 22 日 星期六 【晴】

第一次坐白車


再次利用返工前的時間去整屎甲~哈!!!
今次整得好簡單~何BB仲話似窗簾布....=.=''


順便買埋隻GAME....今次買左捉馬騮--嗶波猴~
搭車同返到公司就狂玩~
Office最近個個都成為左機迷...NDS Lite黨+ PSP黨...哈!!
我都好想玩返部NDS...可惜o係人地度,仲未拎得返=.='''

今日個肚唔舒服左成日~食完晚飯仲加埋胃痛。
點知office叫左我去診所睇個客...我心諗...不如我自己都睇埋醫生啦~=.='''
去到診所....要call白車~頂!!!唔係fa.....

要陪埋個客去醫院~咁大個女第一次坐白車...
自己都已經胃痛到死,仲要陪個客去到咁遠~
d同事仲講笑...叫我睇埋一份~=.='''
著住制服o係醫院度行出行入...個個都望住晒~
又要攪手續,又要做翻譯~D醫生英文就叻,但普通話就認真麻麻...
等個客照埋X光...再等送上病房~救命....
最慘都唔係要等....而係比個客由機場鬧到我去醫院都仲繼續鬧=.='''
大佬呀....依家有事o個個係你,唔係我。我自己都唔舒服....十個慘。

最後....settle down晒d野已經差唔多12點~
冇晒小巴落返美孚...唯有搭的士落荔景。都唔知同唔同公司claim錢好~
再搭地鐵返東涌。
由於臨時臨急話要去醫院~結果我d野o係晒locker..冇鎖匙返屋企。
又要等細佬返到黎先有門口入~~
好在有朗朗陪左我一陣~~~~~

好黑仔呀~~~~~~>.<
聽日到我自己去睇醫生喇!!!


>>April 23, 2006 at 7:11:58 PM GMT+8

2006 年 4 月 21 日 星期五 【晴】

玩玩樂樂地工作


今日返三點。但係都5點幾都冇野做...冇standby....哈!!!
搵左同陳嘉豪食Tea~~
第一次o係機場同小學同學食tea~~哈!!

Boarding前準備中....

Boarding後的晚餐....

m當當。

再等接機....接機前的無聊片段。是一日之中最開心的時刻....哈哈!!!

my lovely師傅-- Joe & my lovely同事-- Catherine~~^o^


仲有, My lovely VS Teammate~~

這就是我的工作。哈哈!!!當然不是每天都如此啦~~~^o^

>>April 22, 2006 at 6:16:51 PM GMT+8

2006 年 4 月 20 日 星期四 【晴】

受訓中的我


最近腸胃好差....
成日痾~一日痾幾次.....但又冇肚痛。
辛苦.......

最近維珍Team好多senior都resign左....
公司為左唔想個team 質素跌~
d supervisor呢幾日不斷咁Train up我.....
好辛苦....做一班機,個頭就好似快要出煙咁。=.='''

再加上腸胃麻麻....wu~~

>>April 21, 2006 at 6:51:12 PM GMT+8

2006 年 4 月 19 日 星期三 【晴】

豪食一餐


趕頭趕命返工。
以為自己遲到10分鐘.....原來自己返早左大半個鐘。=.='''''
不過....好似係改左我更架喎。算......

返到去,Hea左兩個鐘先有野做。正正正~~~

做完班Sydney機之後, 齊齊去鋸扒。
豪食....o係機場鋸扒.....


好好味。因為我之前幫鄭祖兒買野,有人請~kekekke~~~


夜晚....小學同學仔打比我,又有聚會啦~Happy~~~
咁岩...我o個日dayoff...
但係咁岩,C先生又約左我~
去兩場吧。哈哈!!!^O^

我--要的起心肝!!!
戒宵夜~戒零食~戒戒戒!!
務求有我一年前o既身型!!我要減!減!減!!

>>April 20, 2006 at 6:56:00 PM GMT+8

廣告 讀者留言 |  路人留言   | 原來世界有時真系好大好大~~ >>June 8, 2006 at 2:07:49 PM GMT+8 我無所謂呀~我而家係無業遊民~你 >>May 29, 2006 at 6:23:42 AM GMT+8 我o地仲未買禮物俾"獅子頭"喔~ >>May 26, 2006 at 3:44:06 AM GMT+8 我o黎果科係聽日19號(星期五) >>May 18, 2006 at 3:26:01 AM GMT+8 你都大把因緣啦~haha~ >>May 17, 2006 at 2:13:18 PM GMT+8 喂~你o地去玩塔羅叫埋我oY~ >>May 17, 2006 at 7:13:58 AM GMT+8 嘩...妳唔洗o下o下撻全躲嘛~ >>May 9, 2006 at 7:22:30 AM GMT+8 =_="""" <br>原來你生 >>May 7, 2006 at 3:04:47 PM GMT+8 我來耶~~~ <br>你個xan >>May 5, 2006 at 9:38:28 AM GMT+8 唉～～君君份禮物我都有份的～～你 >>May 4, 2006 at 4:31:38 AM GMT+8 哈~多謝你無show到我O咀o個 >>April 13, 2006 at 6:49:51 AM GMT+8 o_o""發生什麼事了? >>March 16, 2006 at 7:55:36 PM GMT+8 ^o^ >>March 4, 2006 at 4:14:54 PM GMT+8 嘩...你...竟然賭波!!! >>January 15, 2006 at 7:31:53 PM GMT+8 wow~~果個係你媽媽嗎?好似樣 >>June 19, 2005 at 7:50:38 PM GMT+8 我有睇你diary架~~咁你又知 >>June 13, 2005 at 8:01:58 PM GMT+8 太耐冇開icq..都唔知你有個d >>May 22, 2005 at 8:28:39 PM GMT+8

人氣: 16094

Design & Scripting by ShowHappy.Net