2006 年 4 月 7 日 星期五 【晴】

我想燭光晚餐


昨晚...因為某d事而令我心情大跌。
再次的任性。
也不是我想像中的如此。

睡眠四小時。
我的睡眠時間越黎越少,是我不願去睡。

其實是我太固執了吧。

沒有心情的工作。
強顏歡笑的工作。

突然間,我想整一餐燭光晚餐。
但....沒可能。
因為我還沒找到令我為他整燭光晚餐的人。

心情....依然低落。

>>April 8, 2006 at 3:18:59 PM GMT+8

2006 年 4 月 6 日 星期四 【陰】

暢談普通話



著左新衫返去training....^o^

今日train 9個鐘~好辛苦~
釣魚~冇得釣~精神虐待~=.=''''''''


眼訓.....飲奶茶提提神~


Lunch時....隔離課室有班outport o既人o係度training緊~
有上海,福州,桂林的人~
原來jackyln,jennifer 佢地都o係度....於是一齊出左去東薈軒飲茶。

成台人.....都不停用普通話對話。好爆笑.........
好似唔係o係香港咁。



今日,佢突然sms我~~~~~~

>>April 7, 2006 at 2:20:44 PM GMT+8

2006 年 4 月 5 日 星期三 【晴】

嚇親家長


今日去左KA House度上堂。
只係上四個鍾...已經眼訓到爆~釣左幾次魚~=.='''

上完堂之後出左旺角。
為左去做回鄉証。原來預約左真係好快....

之後去左尖沙咀行街街。
行UNIQLO....買左背心~好抵呀...
之後去左搵阿敏食TEA...o係佢舖頭等佢,試下衫...
買左件幾靚o既背心...不過有dd貴~哈!!
唔打緊啦....幫下佢等佢Target多d~^o^

食完野之後,落返旺角換過條裙。
點知又行左去麵包+牛油~
又放血喇.....鞋同牛仔褲~~好靚....好鍾意甲蟲仔。
仲Upgrade埋"Super VIP"~=.='''
乜呢排Hit 甲蟲咩? 之前都睇中左Baby Jane o既甲蟲頸鏈~不過冇買...
好似好多野都有甲蟲喇....哈!!!

今日o既收獲~~洗o既錢....好多好多。



呢幾日。出親街都收到MODEL公司的咭片~~=.='''煩

>>April 6, 2006 at 2:35:18 PM GMT+8

2006 年 4 月 4 日 星期二 【晴】

家庭日


朝早6點幾先訓....3點比細佬嘈醒左。
出左去旺角搵佢同媽咪。

出到去,去左星巴克度食野先。
o係出面食星巴克好唔底~哈!


行朗豪坊,去左I.T睇鞋,不過睇唔岩....
後尾爸爸都出埋o黎。

去左"活"度食壽司。聽人講話幾好食....就去試試吧。



d碟多到嚇親街坊。哈!!

買左兒童節禮物比自己哈!!是藉口嗎??

低B青娃掛頸電話繩。

超得意O既熊貓Tee.....十個得意。^o^


>>April 6, 2006 at 1:19:08 PM GMT+8

2006 年 4 月 3 日 星期一 【晴】

兒童節,聚舊日


只可以說....還是算啦。
或者真係依家呢份工岩我。哈!

夜晚約左鄉中d舊同學食飯。
所以出去行下街先。主要係去ipsa度睇粉底~
試左d 質地,都唔錯,又朝聖了。


之後去左食野。
凍奶茶, 牛肚心心粉~十個得意---心心粉。


食完都差唔多時間....要搭車入大埔。
出奇地快,好快就入到去。
太耐冇o係火車站搭接駁巴士~唔係好識路...睇路牌。
這個由細住到大...感覺熟悉,卻又陌生的地方~
很喜歡。

去到大埔中心,阿man仲未得...陪佢返屋企換衫先。
行路.....熱死左。行唔慣路...不過好舒服。
行路返屋企,其實o係大埔一d都唔出奇。因為我以前都係咁....^o^
好懷念....好懷念~

夜左,大家都出晒o黎啦~~有阿細,敏,雞,心,楊文詩,陳雅妍,肥坤(佢認得我,我唔認得佢~哈!)
成8年冇見咁滯...大家都成熟左好多。
本來都好驚大家會冇咩野講~
原來唔係...講返以前d低B野。好爆笑...有D自己做左都唔記得~

不停笑....好開心。就是喜歡這樣的關係~
原來唔經唔覺,大家都識左十年。


食完飯仲去食糖水。飽到上心口~
我食的是芒果西米露。


影相。好開心呀~^O^



臨走之前。其實都好唔想走....
突然間叫左陳先生出O黎,而佢又即刻應承出o黎~咁我就冇走lu~
等佢出到黎...大家o係度傾計~
傾傾o下,就話上阿雞屋企。三點幾四點先走。
出返大埔中心搭亡命出旺旺轉車。

好累。但累得好開心.....唔知幾時仲有咁o既機會呢~^o^

>>April 6, 2006 at 1:10:40 PM GMT+8

2006 年 4 月 2 日 星期日 【晴】

驚嚇一個多小時,驚足三小時>.<



今日早d起身,同何BB去睇 Final Destination 3~
一路入場都冇咩野....
但何BB就係咁話好緊張...好緊張~
攪到我都緊張埋...

成個院得我地兩個女仔,仲要係大院~
死得好恐怖呀....

我一向唔怕機動遊戲~但依家個心好似凝住咁....

一路睇,我地就一路叫...
一有人死...叫~好驚.....

睇完之後,每做一件事都好驚。
好驚好似套戲咁樣。驚驚......

So far,套戲真係好刺激~~~~

跟住去左百佳買壽司返工司。
同事仔話開大食會~哈

買完就一齊搭車返工LU~~~~~~~~~

>>April 3, 2006 at 7:30:42 PM GMT+8

2006 年 4 月 1 日 星期六 【晴】

行街...


今天好多空閒時間。
同珍尼花去左Duty Free行街街。

睇香水。好多,好多.....閒到怕~
不過Dior新出的香水也不錯呢...haha


買左Dior Hydration Gel~好保濕的。~^o^

聽日仲同何B去睇戲...依家都仲未訓~死~哈!!

>>April 2, 2006 at 8:47:11 PM GMT+8

2006 年 3 月 31 日 星期五 【晴】

夢


又訓到兩點先起身...................

又上網。邊飲蘋果綠茶....邊食卡樂B BBQ味薯片~
點解阿媽成日都引誘我GA~~哈

今朝發左個夢。
唔知點解夢入面o既主角會係"佢"~
都成4年咁耐冇見...好神奇。

就係呢個夢....不停o係我腦海出現。
其實係咪開心呢??
唉.........................

依家去返工~15:16:59


等接機時拍低的天空。

坐巴士。終於有 I-POD BB~
因為個夢...個心好忐忑~怪怪的。

不停掛住"好眼訓"O係咀邊。
但...已經訓到好晏~=.=''''''''

>>April 1, 2006 at 7:46:19 PM GMT+8

2006 年 3 月 30 日 星期四 【晴】

到底求甚麼??


三月三十一日。三月的最後一日。時間很快。

返工前。出左去整屎甲。
都幾滿意~哈!!好鍾意隻甲蟲仔~~~^o^


今天有個舊舊舊同學打比我。
相信她將會入"隔離"公司做。
還問我意見。

我知道, 她自己心裡也有答案。

前途怎樣?升職機會如果?
只可以說.....不要想得太天真。
O係呢行發展,莫講一步登天,升職的人只係 1/10。
還要看看人際關係 ; 際遇 ,等等等等.............

公司大把人大學畢業~又如何?
做左好多年....依然冇升過職。
叻?唔一定有用。

所以,呢行係冇得發展。

純粹係份人工OK,但辛苦。興趣,但慢慢會覺得悶。
最好的藉口是囉經驗....但只限於CUSTOMER SERVICES~

我.....也希望可以轉工。努力+ING~

>>April 1, 2006 at 5:32:44 PM GMT+8

2006 年 3 月 29 日 星期三 【晴】

仔仔不及BB好



我們的晚餐@台灣牛肉面。
好好味。^o^

同事仔去Duty Free買東東。
買了DKNY 香水。
圓look look~好得意。是青蘋果味。
我們share了,也只是50多大洋~~ke~


又忘了替 i-pod BB充電。
已經兩天沒有帶了。
轉為SE 仔仔頂上。還是不及I-POD BB~哈!!

>>March 31, 2006 at 7:37:47 PM GMT+8

廣告 讀者留言 |  路人留言   | 原來世界有時真系好大好大~~ >>June 8, 2006 at 2:07:49 PM GMT+8 我無所謂呀~我而家係無業遊民~你 >>May 29, 2006 at 6:23:42 AM GMT+8 我o地仲未買禮物俾"獅子頭"喔~ >>May 26, 2006 at 3:44:06 AM GMT+8 我o黎果科係聽日19號(星期五) >>May 18, 2006 at 3:26:01 AM GMT+8 你都大把因緣啦~haha~ >>May 17, 2006 at 2:13:18 PM GMT+8 喂~你o地去玩塔羅叫埋我oY~ >>May 17, 2006 at 7:13:58 AM GMT+8 嘩...妳唔洗o下o下撻全躲嘛~ >>May 9, 2006 at 7:22:30 AM GMT+8 =_="""" <br>原來你生 >>May 7, 2006 at 3:04:47 PM GMT+8 我來耶~~~ <br>你個xan >>May 5, 2006 at 9:38:28 AM GMT+8 唉～～君君份禮物我都有份的～～你 >>May 4, 2006 at 4:31:38 AM GMT+8 哈~多謝你無show到我O咀o個 >>April 13, 2006 at 6:49:51 AM GMT+8 o_o""發生什麼事了? >>March 16, 2006 at 7:55:36 PM GMT+8 ^o^ >>March 4, 2006 at 4:14:54 PM GMT+8 嘩...你...竟然賭波!!! >>January 15, 2006 at 7:31:53 PM GMT+8 wow~~果個係你媽媽嗎?好似樣 >>June 19, 2005 at 7:50:38 PM GMT+8 我有睇你diary架~~咁你又知 >>June 13, 2005 at 8:01:58 PM GMT+8 太耐冇開icq..都唔知你有個d >>May 22, 2005 at 8:28:39 PM GMT+8

人氣: 16085

Design & Scripting by ShowHappy.Net