Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2005 年 9 月 13 日星期二【晴】

選擇太多

Day Off...訓到兩點幾先捨得起身~
依然想出街...在尖沙咀定旺角好下...最後決定去旺角。

出到去,去左睇電話~
周旋o係unlock後買定係依家買好~
經好多人分析後...還是決定依家買。因為unlock後會at least貴1000大元。
一次過陶出幾千蚊買電話。買完好開心...哈!!!
期望兩星期後unlock~~^o^

買完電話...去食魚蛋麵。有十個好食,再加埋珍珠奶茶...一流!!!

去埋電腦廣場買printer墨盒。

之後就陪媽咪去尖尖剪頭髮。早知一早唔洗諗得咁辛苦去邊好=.='''
媽咪剪頭髮時,我就去左自己行街。
睇左好多野...最後因為太多選擇o既關係,我一樣都冇買到。
其實我好想買裙仔...但唔知買咩裙仔好。
還好...我可以慳錢~^o^

睇左LV袋袋....未買。唔知買唔買....有人送更好!!!哈......

食埋許留山就返屋企LU~食左小丸子...依然係機場最好食。
買埋無添加乳酪mask就返屋企lu。

放假o既時間過得好快=.='''''

>>September 14, 2005 at 4:03:35 PM GMT+8

2005 年 9 月 12 日星期一【晴】

代替迪士尼

今日個天好靚.....人o既心情都好D~^o^

有時間冇野做,又周圍逛下~
去左迪士尼士多,買左個米尼包包比表妹仔~好得意呀!!
買左個呔夾比師傅~^o^

十個開心。Lillian送我小飛象公仔。^o^

On Time收工~返屋企休息。明天day off~十個期待!!哈....

原來我好唔習慣。好唔習慣冇帶手錶。
經常不經意做出睇錶o既動作=.='''

整左一段時間....一個好簡單...一個充滿自己o既網頁...

==>Click Here!!<==

>>September 13, 2005 at 8:48:14 PM GMT+8

2005 年 9 月 11 日星期日【晴】

香港大曰子

迪士尼今日開幕啦!!!好開心~~~~^o^
不過未有機會去..

有DD肚痛...

又去左食牛肉麵,飲左士多啤梨珍珠....好甜甜甜甜........

收工比人拉左出去旺旺宵夜~
食左豬脛肉炒出前一丁~十個好味!!不過有我最唔鍾意o既菜絲同青椒~=.='''
7個女仔傾到成5點先走人~
還好...有的士返屋企。

天光先去訓~~~~

>>September 13, 2005 at 6:14:01 PM GMT+8

2005 年 9 月 10 日星期六【晴】

谷到行

人家見到呢個found item豬豬就說我好似呢隻豬豬...
同豬豬影相....十個可愛~哈!!!

今日做兩班維珍~Supervisor說要我快快上晒手...做熟晒~
但..我連system堂都未上...一直都係我自己去跟人做,自學~
今天卻要我試做control位...十個緊張~唔想爆獲~
以為200 light load先比我試做...點知201 full load都叫我做~好驚...
最後...冇事~但做完班201後有dd頭暈~=.=''''

其實都唔知係好事定唔好事....有幾個早過我入o黎做~
都未做呢個位置...怕怕~~~
不過我淨係知道,機會唔係個個有。我只係要做好自己要做o既野就夠lu~

Disneyland聽日開幕喇...好開心。
我覺得香港開disneyland...作為香港人都有d驕傲。
不過,我仲未有機會去=.=''

>>September 11, 2005 at 6:23:20 PM GMT+8

2005 年 9 月 9 日星期五【晴】

意外

好無聊好無聊。點解普通雨衣會變左夢幻雨衣....滴汗=.=''''

今日好似唔係好忙...但無解咁累o既~??

好開心。以為見唔到...又會見到。嘻!!!

聽左個電話好攪笑。
係一個男仔打o黎,佢係某公司o既人,又係打黎話比咩優惠我~
例牌我一定唔會聽佢講,就快快取話"我唔得閒呀,依家做緊野"...
其實我係食緊飯...吹緊水~~點知,佢都係繼續講...於是我就忟忟地話"哎呀,我依家唔得閒呀~"
咁佢就話....."唔...咁好啦,我聽日再打過比你啦"~~

好攪笑...講o個刻d語氣好似有d似男女朋友唔肯同對方講多陣,講得陣都嚴長氣咁~哈!!!

太好喇.....有人買我Bape Sta波鞋~又有十個開心呀!!!^o^

>>September 10, 2005 at 6:58:13 PM GMT+8

2005 年 9 月 8 日星期四【晴】

和最愛的一起

太無聊....等閂門拍下飛機~~

呢排o既廣告....每一節都一定有迪士尼o既廣告。太可惡...
人地好想去...但冇得去。=.=''''

其實我最想同最愛o既人一齊去迪士尼...
一齊去享受...一齊去感受o個種歡樂~一齊去睇煙花~~好浪漫...
呢個都算係我依家o既願望。就係同最愛o既人去迪士尼。

可惜...我沒有最愛。沒有機會去....
我想留返第一次去迪士尼o既機會同最愛o既人一齊去...

我會等呢一日o既來臨。

看到人地幸福...我會羨慕...一樣好想有幸福....

>>September 9, 2005 at 8:20:33 PM GMT+8

2005 年 9 月 7 日星期三【晴】

就是這麼簡單

好忙好忙好忙....
一返工到收工都好似冇點停過咁。

不過有十個開心~因為做VF...所以開心。就是這麼簡單。

晚餐跟Stella只吃了一餐簡單的星巴克。

>>September 8, 2005 at 7:15:52 PM GMT+8

2005 年 9 月 6 日星期二【晴】

味道

今日唔太精神....個頭好痛~>.<...
第一次做維珍做錯野...怪就怪在自己分唔到身,太忙~=.='''
打Report...好在supervisor對我唔差,冇簽到野~
做錯野唔太happy.....

因為Candy同Stella 生日,所以去左"野火"對食din din~
我淨係覺得D Pizza好味...
呢餐絕對唔平~仲要係discount左添~~~~~

收工後出左去打邊爐~
Wendy帶左個imm朋友出o黎~(點解又係imm o既人...=.='''')
傾落都幾好玩,佢仲話下次叫多幾個出黎一齊玩~哈...

搭的士返屋企...一上車就聞到一陣似曾相識o既味道~
一種味道會令人想起另一個人~
唔....其實我好鍾意o個鍾氣味(絕對唔係人o既體味^_*~)

>>September 8, 2005 at 8:09:06 PM GMT+8

2005 年 9 月 5 日星期一【晴】

回憶就是這裡(完)

一早訓醒(其實係被迫早起...勁眼訓=.=)~
搭巴士去左大三巴o個邊,食個早餐就開始今日o既行程!!

行到超熱。媽咪想去澳門博物館,但點知....內部裝修,暫停開放。
好熱,好熱....去左星巴克飲返杯~好爽!!
之後行多陣...又搭巴士返過去氹仔,因為要去食大利豬扒包。
憑住我少少o既印象...到達左目的地。十個叻!!
點知.....尋日開始...一連七日放假!!!>.<....好可惡!!!
報紙佬話隔離o個間d豬扒包都Ok~~咁就唯有過去食~都Ok o既~(因為我唔係好記得大利d豬扒包係咩味...哈!!)

食完包後...就去左澳門觀光搭。上左去200呎高空。望度去真係好高~好靚呀!!^o^
點知...突然間有d肚痛...竟然有幸o係200呎高空上面....哈哈哈哈!!!!(好白痴...)
係上面坐下...感覺好自由自在...好舒服。又諗起好多野...=.='''''

之後....唔知再有咩地方去。就搭車去左新八百伴行下...不過行左陣就走lu~
最後,去埋買手信...因為要買返公司比人食~今次買左好多野...
仲買左我最鍾意食o既原粒杏仁餅~

五星級推介...<鉅記原粒杏仁餅>~正!!!

買完野又搭巴士去碼頭lu~~咁就完結左兩日一夜o既澳門旅程。

今次去澳門好叻...全程都係靠自己盲中中咁去搭巴士。
上次就有熟人帶我地去玩,去行。今次靠自己...好叻!!!

>>September 8, 2005 at 8:03:38 PM GMT+8

2005 年 9 月 4 日星期日【晴】

回憶就是這裡(一)

記得上一次去澳門....原來已經係前年o既20歲生日。
去到呢個地方,我發覺原來帶起我不少回憶~
時間過得好快,然而....所有回憶都已成過。

夜晚6點幾先到,即刻就去check-in~然後去左氹仔間小飛象食din din~好味呀!!!
食左個好得意o既甜品,叫木糠布甸。
食飽後...去左條應該係手信街o既地方逛o下...wendy叫我一定要去o個度食大菜糕~
但係...唔知係咪我食o個個唔係咁特別呢!?有少少覺得被坤...哈!!!

食完之後...就搭巴士過返蒲京,今次揀左去金莎賭場~因為新開未去過。
入去玩老虎機...玩左一百蚊。結果..冇嬴。本來都有返本,不過最後都係冇晒.....哈!!!
財散人安樂....返酒店休閒~太累喇!!!

>>September 7, 2005 at 7:54:07 AM GMT+8