2006 年 1 月 20 日 星期五 【乍雨乍晴】




雖然就快開學
但係我仍然未收拾心情準備返學
今日仍然全日係度睇片同打機

我發覺我今個sem break 比上個sem break 更頹廢
唔知係咪因為year 2 實在係辛苦過year 1 太多既關係
一有機會hea 就盡情hea
睇番放sem break 前自己訂下既目標
一項都冇實現到=_______________="
我就係一個咁樣既人
永遠都唔會follow 個schedule
呢個唔係一個好既態度
至少呢個情況唔係

後日就返學la
又要重新適應過返學既生活
雖然我今個sem break 真係hea 得好過癮
不過我寧願返學
起碼我覺得我每一日都過得有意義d


>>January 21, 2006 at 3:32:33 PM GMT+8

2006 年 1 月 19 日 星期四 【暴雨】




今朝睇左兩隻碟
分別係《Z高達 - 星之繼承者》同埋《冇炭用》
睇到三點鐘先有公仔麵食^^"

晏晝有一個人add 我
我唔識得呢個人ge
咁就問下佢係邊個la
點知原來係一個內地既女仔
佢都係一個大學生黎
主修生物
佢啱啱放假無聊無野做
所以就上網隨便add 個人同佢傾計
而我都係見自己無聊
咁就同佢傾下計la
雖然人地話係網上認識既人信唔過
不過我唔會亂黎ge
我相信自己有能力處理到


>>January 20, 2006 at 10:15:06 AM GMT+8

2006 年 1 月 18 日 星期三 【晴】




今朝抹抹下櫃
tim tim 打話俾我
原來佢啱啱in 完東亞份工
睇係上黎都應該過到HR個關
本來佢可以即日second in 架
不過因為個個department 既人唔得閒
所以要第日先in
希望佢second in 都成功la^^

晏晝出左去影印同買風筒
之後就同嫵媚娘做booking 睇牙醫
咁樣就冇左個晏晝la

今日kenny 打電話俾我
問一d 關於scholarship 既事
原先仲以為係佢有scholarship
原來佢係幫佢個fd 問
之後又傾左一陣近況la
哈
其實我地只係冇見兩個禮拜左右啫^^"


>>January 19, 2006 at 11:40:00 AM GMT+8

2006 年 1 月 17 日 星期二 【晴】




今朝係度抹櫃
因為就快新年la
唔抹乾淨d 地方點得ar
而且我發覺我間房開始愈來愈多野
唔執拾一下佢
我諗我唔夠位擺我d 野la

晏晝出左去
都係係黃大仙附近行下la
去到荷里活
就係「馬拉松」買左一對波鞋
新年嘛
當然要買d 新野過年la(一個揮霍既好藉口^0^v)
之後去左「美琪」買水樽
因為舊個個俾屋企人用左

返到慈雲山中心
發覺係「領匯」既帶動下
屋邨商場真係值得行左好多
以前係慈中真係唔會周圍行下睇下野
因為根本冇乜野好睇同好買
而家就唔同la
有d 舖頭真係值得入去睇下
買野都方便左好多
我唔係好明點解d 人會反對領匯上市
有冇人可以解釋一下俾我聽ar?

返到屋企
tim tim 打電話俾我訴苦
皆因佢答錯野^^"
今日廖創興銀行打電話俾佢
因為佢之前apply 左佢份temporary clerk
個銀行職員問tim tim 個expected salary 係幾多
tim tim 答$8500
收左線之後
tim tim 先後悔自己做乜咁快答左個咁高既人工
佢驚廖創興會唔俾機會佢去interview
不過同佢講講下
我同佢都覺得廖創興應該唔會因為個expected salary 高左d 而唔in tim tim law
一間公司請一個人
都只係想請一個做得野既人啫
唔in 過又點知佢係咪真係唔得喎
個expected salary 都只係做一個reference 啫

同tim tim 傾計個時先知
原來city 張accounting diploma 淨係offer 俾bba 既graduates
聽到之後我真係覺得city 好bull shit
呢d diploma 梗係留番俾d non-bba 既學生架嘛
人地靠佢搵食架嘛
何況我唔明點解佢要restrict 左個entry law =___________________="

tim tim 聽日就去東亞interview la
希望佢可以in 得成la^^

>>January 18, 2006 at 10:54:15 AM GMT+8

2006 年 1 月 16 日 星期一 【晴】




今日係reg sem 2 timetable 既日子
上面就係我個timetable
雖然幾乎我想reg 既courses, lecturers 同sections 都reg 到
不過美中不足既就係taxation 個科
如果我可以reg 到lo wai yee 個個section 就好la
咁樣我就可以有一日day-off 架la
原本我係lo wai yee 教架
但係因為鋒爸爸話simmons 教taxation 教得最好
所以我個時放棄左lo wai yee
如果我真係唔可以上lo wai yee 個堂
咁唯有希望simmons 真係教taxation 教得好la
仲有ar
我科audit 係俾我個advisor 教架
我第一次見佢個時對佢個印象麻麻
成日覺得我地好似溝通唔到咁
希望佢教得我明audit la...

晏晝tim tim 打電話俾我
佢話今日收到東亞既電話
叫佢星期四去apm interview
睇黎都又要努力背網頁la...
另外
佢又問起嶺南色魔既事
佢話佢要打電話慰問佢個個住係北宿既fd 喎
呢度有一件事
不過唔方便講^^"
臨收線時
tim tim 問我之前問佢個條iq 題既答案
不過我只係俾多一個提示佢
冇將個答案話俾佢知
睇黎佢又有排諗la XDXD

>>January 17, 2006 at 12:58:43 PM GMT+8

2006 年 1 月 15 日 星期日 【晴】




話咁快就放左成個月假la
聽日就係reg sem 2 timetable 既日子
所以今朝早我除左打機之外
都要plan 下下個sem 個timetable
如果聽日真係可以reg 到我最理想既timetable 既話
咁我就可以有一日day-off
雖然會有兩日返九半
同埋星期二同四會上堂上到人都癲
不過點都應該試下唔同既生活模式ge^^"

晏晝tim tim 打電話俾我
佢今日要去deloitte interview
足足in 左成兩個鐘頭
佢話自己in 得唔好喎
佢講講下搞到我都緊張埋
事關係我收到番黎既資料當中
發現個d interview 真係好鍾意問一d 我唔多鍾意理會既野
雖然呢d 野係真係需要深入研究
或者最少都要有所認識同有自己既諗法
唔通真係要日日刨報紙、睇評論?!

自從睇左《梁祝下世傳奇》後
我又回復番之前咁
不斷聽《梁祝》隻碟既歌
真係愈聽愈好聽
愈來愈有feel ar
所以我打算介紹當中幾首我特別鍾意既歌俾大家
佢地當中有主打歌
亦都有隨時俾人skip 左既歌
不過我真係覺得好好聽架
得閒試下聽下ar...

汽水樽裡的咖啡

誰出錯將咖啡都裝進汽水樽 我覺得很有問題
如果我突然想溝鮮奶 我應怎麼控制 這是條懷疑上帝的問題

男人的粗獷身體 裝了女人心 我有否心理問題
如果我是誰 必需跟據 染色體的設計
埋藏內心的幼細 大概就要荒廢

我身體裝著誰人 兩歲半已定型了 早知包裝不太搭調
但我忍到那日 跟你初見面 才忍不了 砰砰碰 猶如暴漲浪潮
我的身該屬誰人 壓制到接近忘了 差一點將本我殺掉
但咖啡可注入這汽水樽 情感藏不了

如果你是蘋果汁裝進咖啡杯 似我這一個類型
何不也盡情湧出本性 別理裝的器皿
鹹甜或酸苦半世 亦照著你高興

我身體裝著誰人 兩歲半已定型了 早知包裝不太搭調
但我忍到那日 跟你初見面 才忍不了 砰砰碰 猶如暴漲浪潮
我的身該屬誰人 壓制到接近忘了 差一點將本我殺掉
但咖啡可注入這汽水樽 濃香藏不了

我身體裝著誰人 兩歲半已定型了 早知包裝不太搭調
但我忍到那日 跟你初見面 才忍不了 砰砰碰 猶如暴漲浪潮
我身體裝著誰人 我會說那是前世 跟今生的主角對調
但咖啡幽禁在這咖啡杯 同樣可使別人嚴重心跳
別怕軀殼外形全部錯了 潛質先緊要


十八相送

長橋行過 截停夜車 突然又想 一起坐船
航程完結 蕩回岸邊 又尋藉口 拖多半天
話長路短 走到那邊 又不想告別 再送遠點
在站前路邊 應該卻步了 還要坐進咖啡店

請准我護送 多十餘步 終點再三推遠
再會已講了十遍 都未疲倦 只嫌夜晚太短
回家這路線 好像情話 轉完還在轉
肯不兜圈 一早到了 何以 和你始終 兜兜轉

明明完了 別離在即 突然又想不需要完
如何留你 尚能望天 密雲夜空 等出雨點
經過士多 走過戲院 又不想告別 再送遠點
在大門入口 告別難避免 才說漏了背包 又原路 巡十遍
幾多個藉口 也仍然未夠 終點也是終點

請准我護送 多十餘步 分手再三推遠
再會已講了十遍 都未疲倦 仍在對方面前
回家這路線 好像情話 轉完還在轉
如果 一早想我走 不拖不欠
何事我 護送間 你又會 紅著臉

拖這樣遠 都未情願 親口說改天見
你大概知約會 這曖昧同伴 甜蜜卻不自然
回家這路線 只是緣份 某條延續線
兜多幾圈 終於會斷 這雙愛侶 差一點 卻未算


勞斯‧萊斯

勞斯和萊斯 都是花樣男子
勞斯原是個校隊的優秀種子 萊斯只喜愛讀書
偏偏他倆 早見晚見 每日著住同樣純白襯衣
羅曼史開場於 相鄰的桌椅 不過二人 不敢放肆

能成為密友大概總帶著愛 但做對好兄弟又如此相愛
旁人會說不該 忘形時搭膊自有一面退開
暗裡很享受 卻怕講出來 兩眼即使移開轉開 心裡面也知這是愛

男子和男子 怎能親密如此
勞斯難面對卻跟她勾過手指 萊斯偏偏那樣癡
終於一次 她撲過去 四目對望然後除下襯衣
迷惑中的勞斯 此時先至知 一向沒當 這好手足女子

能成為密友大概總帶著愛 但做對好兄弟 又如此相愛
旁人會說不該 純情何時會讓這悲劇揭開
他真的很意外 想起相識以來 一起溫書逛街聽歌看海

日日也親暱如情侶 底牌終揭開

為何還害怕若覺得這樣愛 尚在計算他又是誰可否愛
旁人哪個接受這種愛 明明絕配 犯眾憎便放開
永遠的忍耐 永遠不出來 世界將依然不變改
只會讓更多罪名埋沒愛 可要像梁祝那樣愛


做好準備

我需要 紙巾與回程票 還預早 將最黑 黑眼鏡 帶備了
事先將 一枝酒飲掉 營造微笑 認清出口 急時逃掉
苦戀你 結果吉時便揭曉

需要預備 情緒有預備 至將真相 慢慢揭起
迎頭被痛擊一記 也會避 給當場來回絕 都可救自己
如何難受都有預備 為失戀預備 排練好 即使送死
也試著 平平 靜靜 淡淡 慢慢去蓋起
彷徨 絕望 憤慨 別為你 太自卑

我想試 必輸我仍然要試
還預早 翻了本 戀愛心理鉅著
心碎的 防範措施

需要預備 情緒有預備 至將真相 慢慢揭起
迎頭被痛擊一記 也會避 給當場來回絕 都可救自己
如何難受都有預備 為失戀預備 排練好 即使送死
也試著 平平 靜靜 淡淡 慢慢去蓋起
彷徨 絕望 憤慨 傷悲

需要預備 提早去預備 至敢跟你 現在說起
長期扮你的好友己太膩 想坦然承認 忠於我自己
然而其實 早有預備 為失戀預備 情願斗膽的送死
也拒絕 逃逃 避避 白白 靜默至老死
垂頭 自願 放棄 問亦不敢問你


小淇

沒有他 為何沮喪
若我真的愛他
旁人若更配他 不要來擋駕
攔路的人被點化

蝶與花 為何一對
若有些花愛花
情形像我與他 不退讓一下
留住他能幸福嗎

沒有了他 不算是失去
若我真的愛他
旁人若更配他 不要來擋駕
攔路的人被點化


化蝶

墳前沒有花 容我撥開沙土用眼淚種些吧
牆內是你嗎 何似未講一聲就撇下我 回答吧
上次匆匆一別還約了 結伴去共你遇上那道橋
約定了 該不了 縱使到此時你的心不再再跳
共你快將相會了 重回那一秒

如何回到當時 猶如情侶熱戀的那時 記憶可以
幻作一對蝴蝶飛舞在時光深處 荼薇紅過都變枯枝
血肉之驅會沒法保持 唯獨春天可以給記住

樓台又架起 含笑洞悉生死越過另有天地
長年沒有喜 時間若推不翻就化蝶去游故地
六尺封土之下還有你 約定了 下世共我共傳奇
最後那 一口氣 吐出 我當時未講的一句
愛你 頓覺遍體輕盈會飛

如何回到當時 猶如情侶熱戀的那時 記憶可以
幻作一對蝴蝶飛舞在時光深處 荼薇紅過都變枯枝
血肉之驅會沒法保持 蝴蝶苦戀化那魂魄也願意

如何回到當時 拿回時間逆轉的鑰匙 記憶可以
縱使此際誠心不已 亦曾經春至
凡人無法聽見的詩 縱在心中萬劫不移 我知

如何回到當時 猶如情侶熱戀的那時 記憶可以
幻作一對蝴蝶飛舞在雲海深處 荼薇紅過都變枯枝
血肉之驅已沒有意思 靈魄也可共處

>>January 18, 2006 at 1:10:18 AM GMT+8

2006 年 1 月 14 日 星期六 【晴】




可能因為呢幾日玩得太喪la
搞到今日差唔多全日都係度訓覺

夜晚睇左「2005年度十大勁歌金曲頒獎典禮」
唔知係咪因為叱咤d dj 口才好d
我覺得無線無論係司儀定係嘉賓都係比較爛^^"

今日好開心ar
因為阿詩得到兩個獎ar
呢兩個獎都算係大獎黎ge
endy 都有一個獎
可以見到佢一面^^
至於最大個五個獎
差唔到都估到哂架la
只係諗唔到金曲金獎會係《無賴》啫
仲以為係《夕陽無限好》添

基仔、阿詩、千嬅、endy, stephy, 側田同ivana
下年要再努力ar^^

>>January 15, 2006 at 3:55:26 PM GMT+8

2006 年 1 月 13 日 星期五 【晴】




今日晏晝同嫵媚娘出街
因為佢有好多野要買
成個晏晝都不停咁係旺角穿梭
雖然今次我最主要都係陪佢買野
不過我都有d 收鑊
就係我終於搵到《古巨基05勁歌金曲演唱會》既dvd la^^
得閒一定要買埋佢隻拉闊^^

買完野返到黃大仙
我同嫵媚娘就去左「創藝坊」買野食la
有一檔野賣「炸雪糕糯米糍」
我地以為$2一粒
點知係$15兩粒
食完又唔覺特別好食
有少少俾人搵笨既感覺......

連續出左三日街
我真係覺得好累ar
不過呢三日又真係玩得好開心
今個sem break 比上一個好玩^^

夜晚睇睇下《梁祝》既時候
tim tim 打電話俾我
原來佢今晚出左去旺角
佢想去影貼紙相
但係已經成十二點幾la
我叫佢去「新之城」睇下la
佢又會咁夜都仲係旺角ge...

>>January 14, 2006 at 4:38:01 PM GMT+8

2006 年 1 月 12 日 星期四 【晴】




今日起身唔算早
食完早餐都已經成十點
跟住就要填好張internship 既form

晏晝同嫵媚娘出左去長沙灣個間壽司舖食壽司
食得非常飽
之後就去左旺角la
因為我要買袋
嫵媚娘就要買煎pan
最後我買左個le coq sportif 既袋
嫵媚娘都買到佢要既煎pan

夜晚同好耐冇見既阿壽、紫菜興、so on and 林家豪打邊爐
不過我地去個間「好運」唔係幾好
d 職員既服務態度真係好嚇人
而且好多時都要diy
雖然佢既價錢真係ok
不過我都唔會再去呢間野食野

今晚好開心
因為見番好耐冇見既朋友
而我今次又知道左佢地既近況
睇黎佢地成日都有gathering
得我一個困係屯門好似坐監咁~_~
其實我係嶺南都好開心ge^^

食完野就去左m 記傾左一陣計
主要係傾下新年個時去camp 既問題
不過我覺得我地傾左好多唔係好相關既野
而且林家豪又講左佢以前去camp 既事
不過我地覺得佢講既野既可信程度真係相當低^^"
到左十二點半我地就散band lu...

>>January 14, 2006 at 12:09:25 PM GMT+8

2006 年 1 月 11 日 星期三 【晴】




今日九點幾就出左去旺角
因為我約左阿傑去潘家威家姐屋企玩
順便取回我之前借左俾阿傑既account 書同notes

我同阿傑去到紅磡後
就去左一間大家樂食早餐la
食完早餐傾左一陣傾就去左american pool 等潘家威
潘家威黎左之後
我地就直剷去佢家姐屋企

差唔多成個晏晝我地都係度玩n64
打左好多場大亂鬥
大家都有贏有輸la
不過真係玩得好開心
間中我地都有玩007
不過因為太耐冇玩
而且玩玩下又覺得好頭暈
所以玩左一陣就冇再玩過去la

等潘生個姐夫返左黎之後
我地就離開左佢家姐屋企la
當潘生係度提款既時候
tim tim 打電話俾我
不過佢冇問我今次考成點
淨係問我地班女仔有冇人入到dean's list
因為我暫時仲未知佢地既成績
所以我答佢暫時未知有
點知tim tim 話我地呢班人怪
竟然男仔既成績好過女仔
佢又唔諗下自己上個sem 個成績~_~

tim tim 打黎之前
仲康都有打電話俾我
聽佢既口吻
佢似乎有做accountant 既念頭

我地去左機舖打《風雲》
好耐都冇打la
雖然第一次玩連第一關都過唔到
不過第二次玩就打爆機la
我隻馬超仲獎埋第二條命添^0^v

打完機就去左一間叫《一本》既日本料理店
d 野真係幾好食ar
而且價錢都唔算太高
幾抵食^^

後來又去左american pool 打機
不過都只係打左一陣
我地就各自返屋企la

>>January 12, 2006 at 4:14:01 PM GMT+8