2006 年 3 月 11 日 星期六 【晴】




今朝好早就出左門口la
因為我參加左Friends Unlimited 既步行籌款
地點係山頂
我實在太耐冇去過山頂la
所以要預早出發
我覺得我係一個幾prudent 既人
個event 九點半開始
我八點五十分已經到左^^"

我地十點左右正式出發
caroline 話呢條路一d 都唔難行架
佢之前參加左渣打個個馬拉松
練習個時都係黎山頂跑步
所以我一d 都唔擔心自己要提早退出^^"
正如caroline 所講
行呢條路真係一d 都唔辛苦
我地傾下傾下就行完左la
真係似行街多過似行山

今日認識左caroline 個朋友victor
佢係係deloitte 度做架
佢本身係讀engineering ge
之前係england 做野
後來返到黎香港就係會計師樓做la
佢話就算唔係accounting major 既人都可以係accounting firm 度做
因為做野同讀書始終係唔同
雖然non-bba 既staff 要讀番一d accounting 既野
不過做野所需要既知識同技能
就唔係讀bba 讀返黎ge
所以即使唔係讀bba 既人
都可以嘗試下向accounting firm apply

晏晝我又去左荷里活la (又係荷里活=.=")
因為尋晚見到有舖頭話搬遷大清貨
不過我入到去睇
發覺雖然佢話大清貨
但係我唔覺得佢d 貨品有幾平
好多時平個d 都係d 款式超舊既服裝
反而普通既貨品就唔見佢有減過價
最後我冇係佢度買到野
因為我去其他地方買仲抵過佢

雖然我冇係佢間野買到野
但唔代表我空手而回(笑~)
因為荷里活有間新開既「運動家」
入到去睇下
發覺d 野原價都唔算貴
仲要所有貨品
無論新舊都有九折
可能係因為新舖開新既關係la
最後我都買左「少少」野la ^0^v

夜晚七點幾就訓左lu
本來呢個weekend 已經冇乜點做過野
夜晚實在唔應該咁早就訓架
但係我真係好累la
最後都係敵唔過周小姐既勾引^^"



上個星期五
我睇左一篇文章
個題目係「愛講求雙贏」
我覺得幾有意思
作者話一段真正的戀愛
係能夠令男女雙方同時進步架
只懂苛求或者盲目犧牲都唔係健康既行為
譬如一對學生拍拖之後
學業一落千丈既話
佢地呢一段肯定唔係戀愛

作者話好多人唔識得分「喜歡」同「愛」
我深有同感
記得中學個時同同學討論過點樣界定「鍾意」同「愛」
當時既結論係程度上既不同
「鍾意」係程度較淺既「愛」
我諗用"Inferior Love" 表達會較易理解
但係作者話其實「喜歡」同「愛」根本係唔同既野
「喜歡」只可以維持一段時間，有長有短
但係「愛」係永恆ge
而且你喜歡一樣野
當你見得多，用得多呢樣野
你就會慢慢對佢失去興趣
即係俗語所講既「睇厭左」、「冇哂新鮮感」等
但當你愛上一樣野
你會愈睇愈鍾意
愈睇就愈覺得佢好
因為「愛」會reinforce

有d 人當戀愛係一場遊戲、一場賭博
呢d 人根本就唔明白愛的真諦
絕對有資格同人談戀愛
「愛情是沒有贏家的
當你自以為是贏家的時候
其實你已經輸了自己」

>>March 13, 2006 at 1:18:42 AM GMT+8

2006 年 3 月 10 日 星期五 【晴】




今日晏晝去左city 同karen, iris and jason 傾fm project
我覺得個進度好唔得ar
其實打從一開始
我地根本都唔知道自己應該要做d 乜野
係最根本既問題上已經出現左分歧
而且我地實在唔應該做準備功夫做得咁少
好多野其實我地都唔知道就話去做
結果只會愈做愈唔知道自己做緊乜
希望星期一大家都可以了解清楚呢個project 既要求la

離開左city 之後就同tim tim 食飯la
其實我地都唔係一早約好ge
只係我今日打過電話俾佢
當佢打番電話俾我個時
剛巧發現原來我係city
咁咪一齊約埋去食飯law
其實佢去左浸會返工咁耐
雖然大家咁近
但係我從來都冇同過佢一齊食飯
今次都算係第一次la

今日食飯tim tim 講左好多關於library 既野
我覺得自己似library 既MT^^"
不過見佢講得咁起勁
我都唔好意思打斷佢la
何況知道多一d 平時少接觸既野都係有益ge

tim tim 話四月頭就知道有冇u 會收佢讀個張accounting diploma
我真係好希望中大或者poly 會收佢
雖然我唔係話一定要tim tim 做accountant
但係我想佢可以對自己更加有信心law
如果除外open u 之外冇u 收佢
佢既自信又會進一步下降架la
到時佢個人會仲灰架la

同佢係地鐵站分手後
我就搭地鐵返屋企la
點知諗諗下原來我唔記得幫stephen 拿書
於是又要打番電話俾tim tim 叫佢等我
我覺得好搞笑
我地呢兩條友一係就唔見面
一係就一日見兩次^^"

搭搭下地鐵又想去行下街喎
所以就搭多個站去荷里活la
係BGW 睇中左一個袋同銀包
個袋可以方便我出街裝野
而且個size 唔係咁大，幾方便^^
而個銀包就係新番既貨
個desige 都唔錯，幾好睇
最重要亦係個size 唔係咁大^^

返到屋企沖完涼
tim tim msn send 左d 石門圖書館地盤既相俾我睇
呢個將會係tim tim 工作既地方la



如果你肯鼓起勇氣
嘗試踏出第一步
衝破心理枷鎖
幸福有何難

>>March 11, 2006 at 4:19:53 PM GMT+8

2006 年 3 月 9 日 星期四 【炎熱】




今日晏晝同fanny 姐姐, 阿mon, flora, stephen
同埋好少會一齊食飯既polly 去中菜廳食飯
原來嶺南真係臥虎藏龍
繼stephen 呢個大智若愚既高人外
polly 同仲康都係深藏不露
唔聲唔聲
突然話俾你聽佢有獎學金
真係嚇你一驚^^"

之後上audit 堂
我覺得而家好左好多
唔知係咪因為個mid-term 迫我去睇書既原故呢?
不過karen 同學依然唔係咁鍾意shafer^^"

落左堂就去左做taxation exercises 當溫習la
但係我做邊一條錯邊一條
真係錯到我都冇哂心情再做落去la
夠鐘就去test la
同預期一樣
我兩題數都唔識做=______________="
就咁就抄左個值20%既mid-term la
最得人驚既就係連jackson 兄都話test 得唔好
我諗可能係未達到佢接近滿分既要求而己
jackson 又點可能會test 得唔好呢

mid-term 左四科
有兩科ok
但有兩科抄左
仲要抄自己既主科
其實我係咪唔適合讀accounting 架?

>>March 10, 2006 at 3:34:55 PM GMT+8

2006 年 3 月 8 日 星期三 【炎熱】




今朝十點就返到學校la
因為我想係學校溫account

晏晝同fanny 姐姐食
我覺得好搞笑
我地傾傾下竟然學術起來
不斷係度講自殺、責任、人權等問題
好似係度上緊ethics 咁^^"

今日ism 堂教access
我覺得好似學緊excel 咁
不過我覺得excel 比較general d
access 就可以配合唔同既需要

上完ism 就到account 1st mid-term la
我覺得d 問題好長ar
做左冇幾耐已經覺得自己一定唔夠時間做
三題long questions 70分
基本上冇一條係完全做對ge
睇黎我真係對自己既account 太有自信
我係尋晚先開始正式溫account
老實講我真係覺得準備得好唔充足
某一d conceptual 既地方我唔識得答
好對brossa 唔住添

坐係我隔離既jackson 兄
做呢份卷都仲有成25分鐘淨
足夠佢check 卷check 兩次
我真係覺得自己冇資格坐係佢隔離
我同佢實在有太大既對比la

聽日要test taxation
不過我又係今晚先正式開始溫
account 都test 先咁
taxation 就更加唔駛講la
唉~
今晚同聽日努力d la, account 小bb~

>>March 9, 2006 at 11:25:45 AM GMT+8

2006 年 3 月 7 日 星期二 【炎熱】




今日上pth 堂
終於都到我做個人短講la
雖然今次個題目我準備左唔係好耐
不過turn out 出黎都算ok ge
起碼孟老師話我講得尚算流暢^^

之後去左library 溫account
兩個鐘都只係睇左一份notes
仲有兩份notes ar
好驚今晚睇唔哂><"

今日上fm 堂唔係幾在狀態
聽左成堂都唔係好明阿kent 係度講乜
今日只係星期三
我已經開始頂唔順la
無論點都要熬過星期五ar
熬過左個taxation 就可以休息一下架la

本來應承左friends unlimited 既joey 星期二寄 d cheques 同bank-in slips 俾佢
但最後都要係星期三晚先寄出
真係好對唔住ar



難道我真的做錯了?! 令你遺下我一個人......

>>March 8, 2006 at 1:55:25 PM GMT+8

2006 年 3 月 6 日 星期一 【陰晴不定】




今朝早要上ism
唔知點解今日遲到既問題非常嚴重
其實今日suppose 要準時同present
因為今日要做case study
我覺得dr. yeung 講既野同我既諗法有好大既出入
唔通我真係唔適合讀ism?!

今日好忙碌ar
都冇時停ge
真係好辛苦ar
好彩今日audit 只係派卷
如果佢教書既話
我一定會訓著^^"

brossa 今日教contributed capital
我覺得呢課好悶
可能因為佢太重視concept la
如果唔係好一早備好課
相信今日一句說話都唔會聽得入耳

係library hea 左一陣後就上taxation la
我覺得自己尋日浪費左一日時間ar
因為我個三條taxation questions 全錯=.="
冇一條既result 係acceptable 架
咁既樣點樣係星期五test taxation ar?!

誰可以救救我ar...

>>March 7, 2006 at 2:07:38 PM GMT+8

2006 年 3 月 5 日 星期日 【陰】




今日全日都用黎做taxation 個三題數
冇錯
係做左三題數咁大把
都唔知自己星期五點樣mid-term taxation la =____________________="

呢個禮拜非常忙碌
所以大家係呢個禮拜度
又會係嶺南度發現到一條喪屍la
記得唔好問呢條喪屍太難答既問題
譬如你account 溫成點
taxation 識唔識等問題

每個sem 都會遇到一科唔鍾意既科目
究竟係自己真係黑仔成咁ar?
定係只係自己既心理作用呢?

今日係jackson 兄既生日
不過我都係半個鐘頭前先同佢講生日快樂
仲要只係icq send message
希望jackson 兄唔好見怪la^^"

>>March 6, 2006 at 3:24:48 PM GMT+8

2006 年 3 月 4 日 星期六 【颳風】




我覺得自己浪費左今個weekend
因為本來諗住做既野
好多都冇做到
其實我唔應該hea 左呢個weekend 架
因為今個禮拜比上個禮拜更多野做
除左兩科mid-terms 外(暫時仲未溫過=.=")
又要收齊d donation and 寄番俾Friends Unlimited
之後又要做ism case study
仲要搵定fm project d 資料添
我都仲未計搞summer course d 野
吼~
就快發癲la~

尋日明明已經訓左好多個鐘
訓左兩個鐘晏覺
八點幾個時又訓左一個鐘
夜晚十二點訓
訓到第二朝八點幾
但係唔知點解我仍然覺得精神唔係幾好
嫵媚娘同老媽仲話我個眼袋同黑眼圈好大添
我係咪俾人落左降頭ar?!

雖然呢排好忙
suppose 應該唔會留意到呢個問題
但係我仍然察覺到自己有d 失落
因為我失去了控制紙鳶的軸線......

>>March 5, 2006 at 3:30:31 PM GMT+8

2006 年 3 月 3 日 星期五 【晴】




今朝早食完早餐之後
我就去左滙豐入錢la
係滙豐見到阿mon
我就上前叫聲佢「張敏婷小姐」
張小姐見到我之後嚇左一大跳^^"

有張小姐既幫忙
我好快就入好錢
張小姐真係非常之pro
真係唔係親身見過都唔知道原來真係有咁多客人會問張小姐問題
不過張小姐好快就解答到佢地
此行除左睇到張小姐既工作外
仲令我見到我冇見過既銀行運作模式
同埋識得用入數機^^

之後見無聊就去荷里活行下
不過原來荷里活好多舖頭都要十二點先開
咁我唯有走去佢間機舖睇下la
見到有人玩《三國志大戰》
我諗呢隻game 應該幾難玩
因為我睇左成半個鐘都唔係好明佢點玩
而且玩呢隻game 應該都要用好多錢
因為你需要買好多款卡片

晏晝訓左兩個鐘
就同嫵媚娘整pan cake
雖然最後完成左五個賣相唔係幾好既pan cakes
不過話哂第一次整
加上我地又唔係用左好多資源
我諗應該係咁上下la ^^"

本來諗住今日睇下書同做下assignment
不過我又hea 過左
乜野都冇做過lu...

>>March 4, 2006 at 2:01:03 PM GMT+8

2006 年 3 月 2 日 星期四 【微冷】




今朝四點半就起左身
因為我要重溫番尋晚溫左既野
本來諗住背埋professional ethics
但係背左一半已經背唔入腦la
所以只係背左前半部份

早餐去左海皇粥店食
好懷念我最鍾意食既艇仔粥
如果嶺南附近有粥舖就好la
早餐可以有多d 選擇

fm 堂今日派卷
成績比預期中較好
不過整體成績就比上個sem 差好多la
唔通finance stream 既人真係勁得咁得人驚?!
難怪jackson 兄fm 都a 唔到la

lunch 同fanny 姐姐, stephen and 仲康食
唔知點解
我地傾傾下計
竟然由性教育扯到去文理科出路大比併
不過我認為無論係讀文科抑或理科
老闆都只係會請做得野既人
佢先唔會理你讀d 乜野
係學校d 成績有幾優異
今日先知道原來fanny 姐姐會考maths 有b
真係估都估唔到
fanny 姐姐你都幾「真人不露相」喎XDXD

晏晝就要quiz audit
本來已經抱住必死既決心
不過做做下又發覺自己好似死唔去
皆因shafer 好似因為今次係第一次test
所以將d 問題既難度調低左
雖然兩條long questions 我都好似答錯+ 漏野
不過overall 都ok ge
應該唔會又below mean 掛......

晏晝同karen 去搵fm project 既資料
雖然好似乜野都冇做過
不過總算對呢個project 有少少概念
希望我地呢組「黃金組合」可以再創佳績la^^

>>March 3, 2006 at 2:18:25 PM GMT+8