2006 年 4 月 10 日 星期一 【晴】




今日上完ism 之後
我就去左BU220 print 野la
不過唔係print 我要用既notes
而係嫵媚娘d past paper =__________________="
佢print 左我成三十蚊T^T

之後上audit 同account
audit 堂派mid-term
原本以為今次會考得差過上次
點知全班overall 竟然好過上次
呢d 野真係冇得算ge
而上account 堂之前
brossa 問我EY個邊in 成點
我就答佢英文個part 唔係幾好
佢好似想安慰我
話雖然我覺得in 得唔好
可能個interviewer 覺得好呢

落左堂去左BU一陣
tim tim 就打電話俾我la
原來佢已經返到黎嶺南
咁我就返hall 搵佢la
見到佢仲未換好衫
就叫佢嗱嗱聲去換
tim tim 咁鬼姿整
唔預多d 時間俾佢佢一定會遲到^^"

去到會場
我當然不斷搵人同我影相la
難得我有機會出席呢d 場合^^
最好彩既係我真係可以同tim tim 坐埋同一張枱
雖然我唔係坐係佢隔離
不過都已經好好彩架la

基本上今晚都係食、傾計同影相
我同到好多我夢寐以求想同佢影相既人合照
真係太開心la
有我尊敬既校長la
又有我覺得好英既陳增聲
仲有好nice 既黃國彬教授
教緊我ism 既楊永樂
我既偶像高錦
咁當然唔少得既係靚仔tim la
第一次見佢著suit 個look 咋^^

去到九點幾就走la
我同tim tim 一齊搭西鐵
本來tim tim 係搭巴士ge
不過因為最近屯門公路出左事
所以我建議tim tim 搭西鐵
係西鐵上
tim tim 講左呢段時間佢最煩既野
就係佢驚四間u 既accounting diploma 都唔收佢
咁佢到時就真係唔知點算la
無論點都好
我希望四間u 會有一間收佢
我真係唔想見到tim tim 成日為左呢件事而愁眉深鎖
tim tim 叫拜託我去問既野
我一定會問brossa ge
anyway
god bless tim tim~

>>April 11, 2006 at 4:37:29 PM GMT+8

2006 年 4 月 9 日 星期日 【晴】




有d 憎我自己添
一過左個audit mid-term 就hea 哂
今日全日差唔多都用左黎訓覺
本來plan 好要做既野
結果一樣都冇做到=_________________="

>>April 10, 2006 at 4:05:57 PM GMT+8

2006 年 4 月 8 日 星期六 【陰】




Andy 哥哥，生日快樂呀~
希望係新既一年你會開心d la
also 祝你每一日都夠訓 XDXD

我今日過左一個好hea 既上晝
本來諗住可以睇哂acct 書同做埋exercises 架
不過因為太hea 既關係
所以只係備左課咋
聽日一定唔可以咁hea 先得
其實我之後都仲有好多野要做架
唔可以咁快就有holiday mood 架

>>April 9, 2006 at 4:09:44 PM GMT+8

2006 年 4 月 7 日 星期五 【晴】




今朝早接到karen 既電話
佢剛剛in 完份internship
雖然佢有一題答得唔好
不過我認為只係一題答得唔好係絕對唔會令人地唔請佢ge

晏晝同嫵媚娘去左旺角
首先當然去食野la
之後就陪佢去大眾買SBA既書
而我順便申請大眾既會員證
買完書我就去左izzue 睇野la
睇中左一條褲
不過要等好耐先有得試
算la
買正野當然要花d 時間同金錢ge
跟住我地就返番去荷里活睇電話、相機同燙斗
買完燙斗同燙衫板就返屋企lu

夜晚去左沙田大會堂睇dram soc 既annual performance
戲名叫《天使的理想與黑色帽子》
我覺得套戲算ok 架la
話哂一班戲劇新鮮人
第一次嘗試做一齣個幾鐘既drama
有咁樣既成果真係已經唔容易架la

睇完戲就同andy 哥哥and 佢班fds 一齊去KFC食野
食完野就各自返屋企la
係歸家途中
我突然有感而發......

今日晏晝嫵媚娘問過我一個問題
佢問我鍾意同一個同我一模一樣既人一齊
定係同一個同我完全唔相既人一齊呢?
我個時答完全唔同既人
但係經過左今晚
我發覺我諗野真係太膚淺同簡單la
我淨係諗我同個個人之間既野
但係我完全冇諗過仲有其他既因素

今晚基本上除左andy 外
我同其他人講唔夠二十句野
原因無他ge
我同佢地根本就唔熟
而且大家既距離好似好遠咁
我完全唔知道可以講乜
因為有咁樣既經歷
所以我係車上好認真咁重新思考嫵媚娘既問題
最後我得出既結論係：
長遠黎睇，我仍然鍾意同一個同我唔同既人一齊
不過我仲要考慮埋其他因素

係車上我已經決定左
如果andy 哥哥問我下年同唔同佢住
我一定會答：「不」。
andy 哥哥同我的確有好多地方唔相同
但我相信我同andy 住唔會發生好大既衝突
因為我知道佢會盡量遷就我
而我亦會盡量配合佢
只係問題在於我根本融入唔到佢既生活圈子
我同佢玩開個一班死黨實在差得太遠la
我地既差距大到連相同既話題都冇
試問我又點可能成為佢地其中一員呢?
我突然諗起自己讀中化時既一條問題：

「你認為結婚和談戀愛是兩個人的事嗎?」

以前我真係好相信戀愛只牽涉兩個人
但我而家完全推翻哂以前既想法la
無論你同另一個人點樣夾
或者點樣投契都好
如果你過唔到佢身邊既親友呢一關
呢段感情極有可能冇結果
你對方既心裡
你一個人係絕對填唔滿佢既世界ge
只要佢心中有其他人既存在
你地難免會收到其他人既影響

但點解我仍然鍾意同一個完全唔同既人一齊
因為......似我並唔係一件好事
我係講真架!!!

p.s. 我今日要特別多謝karen
因為佢幫我reg 科
thanks~

>>April 9, 2006 at 1:28:21 AM GMT+8

2006 年 4 月 6 日 星期四 【雷雨】




今日上fm 堂
唔知點解硬係聽唔明阿kent 係度讀乜
真係點樣努力聽都係聽唔入腦
睇黎我都係盡快溫書會好d

落左堂就去BU220 la
本來係諗住傾fm ge
但係唔知點解最後都係冇傾到law
我同karen 掛住print notes 同reg hall
iris 就同其他人唔知傾乜
搞到jason 好無奈^^"

晏晝同karen 食飯
同佢傾左一d 野
當然內容要保密la

食完飯就上audit
見到「莽張飛」李敦
我當然要審問佢尋日做乜唔等我地la
點知佢話係jackson 趕時間叫佢唔駛等
佢地兩個果然係兄弟
不過我直覺覺得李敦同學解釋完之後
嘴角微微翹起呈偷笑狀
所以我覺得jackson 講既野比較可信

放學左之後返到屋企
乜野都唔想做
一攤係張床度就訓著左
夜晚都係睇下now.com
過住d 好hea 既生活^^"
不過我相信自己都只可以hea 一、兩日
因為好快就要交fm project
而下個禮拜就要mid-term account
之後就係ism 既present 同written report la
一定要好好咁完成哂呢d 野先得!!!

>>April 7, 2006 at 2:42:00 PM GMT+8

2006 年 4 月 5 日 星期三 【酷熱】




今朝去左中環IFC interview
原來Ernst & Young 個office 都幾靚^^
個interview 其實只係半個鐘
所以好快就過左la
至於我in 成點
我覺得真係好難講
我認為自己中文對答個part 應該冇乜太大既問題
不過英文個度就唔係咁好
一來我自己d spoken english 唔係咁好
二來英文個d 問題超級難
譬如係你認為你咁耐以黎遇過最大既難處
如果EY同Deloitte 同時俾offer 你
你會揀邊一個? 為甚麼?
你想做taxation 定auditing?......等

EY個internship 其實真係好吸引
因為如果你係internship 期間表現良好
佢會俾一個conditional offer 俾你
即係話當你畢業之後
你唔需要再經任何既籂選EY就會請番你
當然
我又冇諗到咁長遠
最起碼都要做到個internship 先得la

今日ism 同acct 都冇乜特別野發生
但係taxation 堂就出事la
唔知點解今日個個都發癲
係taxation 堂成日搞笑
話說jackson 入到課堂
俾linda 提醒佢張櫈唔好坐
佢竟然諗都唔諗就話換俾李敦同學坐
佢地兩兄弟既感情真係「好好」ar^^"
不過呢樣都唔係最搞笑
最搞笑既係臨落堂個時
李敦同學係度"un"櫈
點知karen 擺左隻腳埋去
karen 雖然好痛
不過佢話佢俾面李敦同學
所以先至唔大嗌喎
跟住我靈機一觸
幫karen brainstorm 到一個strength
之後我就同karen 講
話佢可以同個interviewer 講佢俾人整痛隻腳都可以忍住唔嗌
非常堅忍，直情達到克守婦道既地步
之後karen 同李敦同學笑到前俯後仰
karen 就話平時動不動就傻笑je
點知李敦笑得仲誇張
我完全諗唔到李敦同學會笑得咁得意
需知道見到一個黑黑實實笑得咁可愛係一件好令人意外既事黎架^^"

落左堂就諗住同karen, 李敦同學同 jackson 搭西鐵走la
點知個天好似想落雨喎
咁我就唯有去AM拎遮la
出到黎jackson 同李敦同學已經唔見左
佢兩隻野真係激死人
早走都唔打個電話俾我地
仲要我打俾jackson 個時
jackson 個電話飛左去個call 台秘書
但karen 打俾佢個時佢就接電話喎
佢擺明係guilty la .\/.

>>April 6, 2006 at 4:50:59 PM GMT+8

2006 年 4 月 4 日 星期二 【酷熱】




真係好耐都冇試過過d 咁hea 既生活la
呢個朝早基本上我冇做過任何有意義既野
只係不斷係度睇《勁歌金曲》同《15/16》

晏晝就係度做account 功課la
本來諗住可以用兩個鐘頭就做完
點知一做就做左三個幾鐘
睇黎我真係唔應該咁高估自己=oo="

做完account 就到taxation la
我地仍然係對第一條題目唔了解
雖然已經聽dr. lo 解釋過條題目兩次
但係而家再聽再interpret 個時
又覺得自己好似有d 唔明咁
希望我地可以係星期五之前解決到呢個問題la

夜晚主要都係準備聽日interview d 野
不過我覺得自己準備得太少
聽日要in 成半個鐘
真係唔知自己會in 成點
究竟奇績會唔會發生係我身上呢?

>>April 5, 2006 at 3:34:41 PM GMT+8

2006 年 4 月 3 日 星期一 【酷熱】




今朝好早就起身溫audit
由於尋晚太夜訓
所以朝早真係唔想起身
但係諗到今次個mid-term 咁多野讀同咁難
再唔想起身都要起身溫架la ~_~

溫到七時就返學校食早餐^^"
係canteen 遇到vincent
咁就同佢一齊食la
vincent 介紹我讀global culture and citizenship and statistics in modern society
正好我都想讀呢兩科
不過我可能要係sem 1 讀哂兩科
希望唔會有乜野差池la^^"

上完ism 就去左bu220 做audit mc la
tim tim 打電話俾我
問我如果SPACE開accounting diploma
咁佢揀嶺南好定SPACE好
俾我揀當然揀嶺南la
話哂都係大學
讀SPACE硬係覺得認受性唔高
而且d 質素都好令人懷疑
我真係寧願讀open u 都唔讀SPACE law
and tim tim 決定左下個禮拜二返嶺南
希望佢今次唔會又臨時甩底la
我真係好想見下佢

今日audit 個mid-term 比上次個個難好多
essay 都仲可以
但係d mc 真係好難
保守估計我答對三分二
當我essay 答對九成
總分大約都係得七十幾左右
希望我唔會真係錯咁多mc la

account 同taxation 都冇乜特別野發生
只係account 堂d 人好嘈
嘈到brossa 都忍唔住要出聲
而taxation 就有得早放
羅慧儀有時真係太lenient

夜晚同stephen, kenny, fanny 姐姐and 阿mon 食飯
食完就同佢地打麻雀
今日我都算係幾好彩
有食過糊，又有自摸(麻雀術語)過
自己都只係出左兩次沖^^"
玩到十點就同阿mon 一齊走la

係西鐵度
lydia 打電話俾我
問我關於reg 科既野
咁我就將我呢兩年所知既野話哂俾佢知
一代傳一代嘛
希望佢可以reg 到自己心儀既lecturer and 時間la^^

其實我今日真係好眼訓架
但係test 完audit 之後成個人都鬆哂
好想好想同其他人玩
所以再眼訓都依然玩到咁夜
不過聽日就要做番好多野
god bless me~

>>April 4, 2006 at 4:57:50 PM GMT+8

2006 年 4 月 2 日 星期日 【酷熱】




今朝早繼續溫audit
唔知點解
呢幾課真係溫極都溫唔入腦
真係有d 「炆」

晏晝要見advisor
臨出門口個時
karen 話registry cancel 左international accounting
我真係俾佢吹脹
點解會冇international accounting 讀架?!
唔通grace 下年唔再係嶺南教?!

返到去嶺南就去搵shafer la
我同shafer 都有同樣既感覺─見advisor 好無聊
其實佢cut 左咁多科
都已經冇乜野好揀la
咁又點會揀錯呢? ~_~

之後就參加award presentation ceremony
不過stephen 聲稱佢病所以唔出席
而仲康又話要上堂定係唔知點
所以得我一個人去陳德泰集合
採排到一半就出左去招呼我HKICPA scholarship 個donor Mr. Bob Cheng
原來佢份人都幾nice
同埋唔係想像中咁古板^^"
我直覺地覺得今年d scholarship 好似特別多
竟然有兩個人可以分別有五個獎學金
仲要好多人有兩個獎學金或以上
我覺得係嶺南得到過獎學金既人
可能仲多過去過exchange 既人^^"
個ceremony 完左就走人la
不過我發覺原來我冇影過相
有d 失望呢
我仲未同我個偶像高錦影相ar ><"

夜晚繼續溫audit
真係唔知自己溫唔溫得哂......

>>April 3, 2006 at 4:45:47 PM GMT+8

2006 年 4 月 1 日 星期六 【晴】




今朝睇acct 書
原來呢課真係好鬼難
我睇極都睇唔明
硬係覺得有d 地方miss 左
而且書同notes 既做法又唔同喎
搞到我真係無所適從~_~

晏晝本來諗住背audit 架
點知hea 下hea 下又hea 左一個晏晝
結果係一d 野都背唔到
如果今晚背唔哂就唔駛訓lu ~_~

聽日要返學校見advisor 同參加award presentation ceremony
又會浪費好多時間
我真係有d 擔心會溫唔哂audit...

>>April 2, 2006 at 11:00:49 AM GMT+8