2006 年 3 月 11 日 星期六 【晴】

<<拍片>>

哈哈~~~今日星期日~~~琴晚勁夜先訓到, 今朝一早就要返202...真係累死我lor~~~啊劉sir話叫我幫佢cut片, 講真...真係好難lor (唔係話唔識cut片) 因為個電腦hard disk愈來愈少位lu, 都唔知有冇位cut...好想換自己部notebook cut lor~~唉~~

之後就約左威仔返學校拍片喇, 好幸運地牧師俾我地去新office度拍片lor~~keke~~~而我地拍o既片都係要為左福音雙週而拍o既, 希望有幫助喇。

之後拍完就即刻cut lu~~~~真好, 可以一日攪掂晒(心諗真係..平時d片都應該係咁喇!!)

幾滿意o既作品, 因為終於可以用road show個op喇~~keke(即係"你睇緊o既係...")

而且, 哩套片唔係為左三五行拍o既, 因此...冇咁落力~~~kekekekekeekekek

--------------------------------

re : Brain

thx a lot lei~~~
多謝你的關心, 小弟定必加把勁搵到哩個方法
或許真係一種樂趣~~keke^^

>>March 12, 2006 at 1:58:08 PM GMT+8

2006 年 3 月 7 日 星期二 【晴】

<<.....點?

真的想一走了之...

近排總會有這感覺, 好迷惑+煩惱。

不知道怎去想, 也冇心情用心想。

在games同comics中活埋了自己算了。

喜愛打機是何解? 我真的不懂

漫畫ma, 也一樣。

有誰可以分享為何自己喜愛打機同漫畫呢?

有時, 應該係常常,

在打機睇漫畫時都會覺得自己好浪漫時間。

因為沒有可以用時間的地方? --> 絕不是

萬事都提不起勁, 怪怪的。

愈來愈覺得自己很差.......

心裡總是想, 若女朋友離開自己, 是正常的。

因我自己也不喜愛自己=_=.....

「真想一走了之」這想法只是懦夫的行為。

我...大概是吧, 但我想否認...

有甚麼事, 可令我提起勁嗎?

真的不喜歡上學所學的東西......但人生總有你所不喜愛的東西要你做吧?

逃避, 不是解決的方法, 面對是方法的來源

那...有人可教我,

從逃避轉向面對的方法?

我...真的不愛神...

或許不知何謂愛...

最後, 連所愛的人...都不知...是否愛著...

對不起...

--------------------------------------------------------------------

Eason 又出左碟lu~~(都好耐)

最強主打:「最佳損友」

但我最愛o既係...落花流水!!!

玩在送上歌詞同background music~~keek


落花流水

作曲：Eric Kwok / Eason Chan｜填詞：黃偉文｜
編曲：Eric Kwok / Jerald｜監製：Eric Kwok / Jerald / Eason Chan

流水　像清得沒帶半顆沙
前身　被擱在上游風化
但那天經過那條提壩
斜陽又返照閃一下　遇上一朵　落花

相遇　就此擁著最愛歸家
生活　別過份地童話化
故事　假使短過這　五月落霞
沒有需要　驚詫

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
淡淡交會過　各不留下印

流水　在山谷下再次分岔
情感　漸化做淡然優雅
自覺心境已有如明鏡
為何為天降的稀客　泛過一點　浪花

天下　並非只是有這朵花
不用　為故事下文牽掛
要是　彼此都有些　既定路程
學會灑脫　好嗎

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
命運敲定了　要這麼發生

講分開　可否不再　用憾事的口吻
習慣無常　才會慶幸
講真　天涯途上　誰是客
散席時　怎麼分

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
淡淡交會過　各不留下印
但是經歷過　最溫柔共震

>>March 8, 2006 at 4:43:14 PM GMT+8

2006 年 3 月 1 日 星期三 【乍雨乍晴】

<<笑死>>

好耐冇打過日記lei (又係哩句開場白...-_-) 哩幾日都真係幾凍下lei~~~都唔知咩事, 又回寒...攪到我今日又遲左起身喇>__<........不過羅生都係一樣, so都係咁返左去lor, 之後去到12:30, 又回家了, 事關阿勇叫我幫教會油漆油。

點知返到去, 一望...嘩, 點會咁ga, 阿勇都呆左, 原來之前有人已經急不及待油左喇, 而且仲,,,,好唔掂lor....真係.....

之後做左成日, 都係修補之前o既問題....唉~~~~~~勁煩lor, 好彩都有班兄弟幫手, 不過都做到死死下。

時間到左七點, 就同阿勇, sobi 加阿雲哥, 去老地方食o野, 食完之後, 好笑o既事開始發生......

阿勇話抽星鬥士o既蛋。阿勇話星矢好難抽到, so我好想抽lor...第一隻係...阿信....之後, 再抽...竟然係.....抽唔到lor!!!!

之後阿姐開機整, 我地就話不如直接俾隻星矢我算喇, 好彩阿姐都好好人, 就咁我就如願以償, 而雲哥見我地抽得好好玩, 佢都抽埋一份。

入左三個五蚊,抽到o既係好難中o既星矢啊~~hahaha 佢好lucky lei, 而阿勇提議去其他地方度抽, 咪去lor, 去到, 都係雲哥抽, 佢話會唔會又抽到星矢啊, 我地緊話冇可能喇, 點人....佢一抽就係星矢(=_="") 我地即刻笑喇, 雲哥就緊係唔開心喇, 不過到啊sobi想抽喇, 但中途來了個程咬金, 哩位哥哥, 入了三個五元, 抽到o既.....又係星矢,....我地心諗(唔係咁好彩啊) 之後果位哥哥好似唔死心咁, 就再抽多次喇, 點知...................又係星矢, 我地都忍唔住笑喇...kekeke

阿sobi哩刻都入左錢喇, 我地心諗唔會又係星矢o既時候, 抽到o既竟然係令一隻, 哩個時候雲哥就緊係同sobi換喇, 而sobi都好好人肯換, 正想走o既時候, 雲哥又起了再抽之心....佢再入左三個五蚊, 再抽....大家都應該知道, 結果當然咪又係果個星矢lor~我地果刻忍唔住又笑到走左, 估唔到咁o既事都可以發生.....

就係咁我地好開心咁就走左lu~~keke

>>March 2, 2006 at 4:59:44 PM GMT+8

2006 年 2 月 14 日 星期二 【晴】

<<一週年>>

今日起我同美人o既一週年紀念日啊~~>___<~~~好開心lor~~, 話快唔快, 話慢又唔慢, 咁就一年喇, 諗起上o黎真係好覺得哩一年好奇妙lei~~~>_<~~~多謝小小你陪我咁耐啊T__T~~~

好開心咁過左情人節同一週年, 當中真係擔心左好多o野lei~~~例如諗節目喇, 禮物等, 講真, 在下真係一個好失敗o既男朋友啊>_<~~~但好彩有個咁好o既女朋友, 過得好開心啊~~keke~~^__^

如琴日同今日都豪食哩個日本o野lor~~今日仲食到想嘔....=_=~~點解? 睇相喇

<>

成呎厚o既三文魚魚生啊...@___@~~~食死左我同小小><

食完飯後, 就睇我期待左好耐o既Eason Chan 演唱會啊~~keke~~唔單止第一次一週年lei~~仲係我第一次睇演唱會啊><~~~~

算話得喇~~Eason, 一週年都俾你做嘉賓啊, kekekekekek~~~

睇下我地開show前o既情況喇~~^_^

<>

美人生吞紅氣球啊~~kekekeke~~

<>


型男紅氣球望遠鏡~~haajjaja

循例都俾大家睇下eason chan o既舞台喇~~kekek

<>

<>

<>

<>

成個演唱會, eason 一直唱, 一直唱, 一直唱...真係冇停咁lor~~~我估唱左都有40首歌以上...好恐怖啊~~><~~

哈哈~~~就係咁, 我地o既一週年就隨著encore聲結束lu~~~~不過講起上o黎, 美人送左好多禮物俾我lor~~~~~首先係食銀包啊~~~><~~多謝啊~~舊果個...破了。之後就係佢整o既cheese cake 啊~~睇睇片喇~~

<>

仲有我個名ga~~kekekekekekkeke~~~^___^

最後, 令我好感動o既一年集啊~~~真係好感動lor~~差d眼淚都流出o黎啊~~~唔知美人花了多才心思, 先整到出o黎>__<~~~~!!~~~睇著睇著, 真係覺得, 一年, 真係經歷了不少, 妳我的成長, 就起當中裡面睇到, 字裡行間所流露o既, 係悲喜的交集。~~~感謝妳啊~~~~~~小小><~~~

期望encore 聲後, 係令一年o既好開始~~^__^~

感謝神啊~~給我一個如此好o既女朋友!!~~^_^

>>February 15, 2006 at 5:07:07 PM GMT+8

2006 年 2 月 8 日 星期三 【微冷】

<<..怪..>>

天又開始轉冷, 出街也著多了衫呢, 冬天都差不多完了, 究竟, 自己做過d乜?

「哩個簽名同果個唔同wo, 少左個勾勾o既, 廉煩你返去再簽過啊」一句令我浪費左我$20.6及兩小時o既說話。

搭火車o既時候, 望著出面d風景,真想走走。

回到家, 又係四面牆, 吃了個粉又睇下漫畫, 又咁就一日。

一個人起屋企, 不知試了多少次, 還記得小時, 長兄幼妹均讀下午校, 媽媽又出去打牌, 獨自在家中的我, 不斷砌模型, 不知是喜歡還是納悶, 砌完總是拿來當故事玩, 很開心lei, 最記得買齊了一套BB戰士的系列, 模擬了一場很有張力的戰爭, 長兄幼妹回來, 第一句說話是:「無聊」

或許我是一個怪人, 玩這幼稚的遊戲, 不過一個人在家中看電視看得久了, 總會悶。或者係咁, 起屋企o既時候都好少講o野。

大了, 問題依舊存在, 如今, 又令到人因我而唔開心。



那可恨的小姐, 一句說話令我又要去多次深水涉。但都好, 留在家中都只會浪費時間打機。

>>February 9, 2006 at 3:07:37 PM GMT+8

2006 年 2 月 4 日 星期六 【微冷】

<<生活在星期日的我>>

好耐好耐冇打日記喇, 整個年假都沒有一天打過日記, 真的有點兒對不起呢...>_<, 算了, 這句說話我究竟說了多少遍呢? 真的有點忘了, 呵呵呵呵呵。

今日係星期日, 好開心一早就約了大班朋友去踢波呢, 但係志成兄竟然約到在下咁早....真的有點兒納悶啊......=_=

踢完了, 球技生疏到自己也不相信的地步了,,,,,,還是我從根本就是如此的不濟呢?? 哈哈哈哈。發覺自己能做的都不少, 但沒有一樣是精的...真是不要得>_<

就是如此, 星期日就咁就過左一半了, 接下來都是看從漫畫店借的<>,此書我也不記得看了多少次了, 但當中的情節真是精彩呢!!! 當中所講關於人性, 真的是恐怖....原來人生命中的弱點是能夠被人利用...縱使你沒有軍隊武器, 都可以毀滅世界.......真係配服我國孫子呢, 一早就懂得攻心為上...keke

之後去了開三五行的會議, 總覺得沒有甚麼工作可以給對下那班成員做呢...真的不好意思><, 我想來年會有更多idea可以讓大家大展拳腳!~~hahahah

如是者就到了現在, 整天的生活就此完了, 到了明天又要上學去了~~~~~~重覆...又重覆...忙碌又忙碌, 生活總要找到剌激和安靜~~wahahhahahahaha, 期待未來的日子~~haha

-------------------------------------
miss. angel 妮妮

剛剛才發現你給了答案呢....=_=,.... 死火, 還向你追答案.....
如果可以的話, 真的希望你能send給我呢, 拜託~~^__^

>>February 5, 2006 at 1:54:30 PM GMT+8

2006 年 1 月 21 日 星期六 【乍雨乍晴】

<<藝術展>>

今日好好訓lei, 訓到2點先識起身, 好凍啊~~得12度喳, 新界又例牌低兩三度喇, 如果唔係要去火炭果個"伙炭" show, 真係冇4點都唔起啊, 事關今日真係好鬼凍lei~~kekeke

如是者, 一行六人就去左哩個火炭睇展覽, 事實上在下絕不認為自己係識睇藝術, 所以睇左好耐, 都講左好多無厘頭o既意見, 但佢地就好似睇到好多o野咁, 在我看來, 睇到o既果d藝術好多都好似有缺憾咁, 好似一個意念上o既表達不完整, 可能就係咁喇, 因為咪係完整, 所以就多d空間俾人去諗o野掛, so哩d 就叫做藝術喇~~whahahaha



哩盞係燈o黎ga, 我覺得好得意



其中一間studio o既名, 哩間o野係玩燈ga, 個名好得意lor



各位係咪覺得好似好熟面口lei?



好得意o既公仔~~keke



令一個好得意o既公仔~~hoho


去完之後, 我地又去左沙田沙角村一個好有大排檔特色o既地方打邊爐, 露天ga重, 不過好正lor, 個feel真係好好, 好耐咪試過咁有feel咁食o野lor, 而且又唔貴wo, 任飲任食都係$49而已, 如果唔任飲仲只係要$40~~wahahhaa~~大家如果想去o既話好簡單喳, 搭火車到沙水圍(唔係沙田啊!!) 落車,就會見到ga喇~~~kewkekekeke
-------------

好開心啊~~~美人送左件我估唔到o既禮物lei~~~whahahahaahhahaha開心死我, 哩個冬天都真係多得你lei~~~wahahah ^__________^

>>January 22, 2006 at 3:40:34 PM GMT+8

2006 年 1 月 18 日 星期三 【晴】



好開心呢~~~~雖然時至今日我都仲咪試過起度旅館, 但今日可以起每個區域都有兩至三間屋, 真係開心死lor~~仲賺唔少tim啊!!~~~~

眼見stephen chan 窮到要割地還債, 真係抵佢ga, 如果早日同我合作, 除左可以令該區o既收入提升多一倍之外, 我又唔會收佢租wo, 而且仲俾40%佢收, 唉!~~都怪佢, 睇present value睇得咁重~最後差d破晒產~~~心想, 其實萬七蚊, 轉過彎就咩都冇喇, 加上馬先同羅生分別起愉景灣同馬己先道加咁鬼重租, 險些俾佢地兩個monopoly左lor, 同我合作, 起碼可以挫佢地一筆啊~~唉。哩個故事話我知, 做人唔可以咁短淺, 睇住佢最後連銀包o既錢仲多過自己o既captial 時...真係有d心嗡~~wahahahahha

就係咁, 由哩個一點半到到四點鐘, 四個傻佬就起副大富翁渡過左難捱得時光了~keke

<<我係中國人>>

今日返早, 點知果個jason話唔返就真係唔返, 兩堂唔駛上~~~唉~~~咁早起身就同左羅生去print o野, 之後上哩個中文時, 再一次俾阿sir果一番說話感到我, 一個身為中國人的我。

我地有冇為個自己係中國人而驕傲? 應該問...有幾多個香港人肯承認自己係中國人呢?好可悲o既係不少在港人仕都只願話自己係香港人.......中國文化真係如此不值得我們去認同、驕傲? 絕對唔係喇! 阿sir話我地中國o既文化何止5000年啊? 根據湖北省起幾年前發掘出o黎o既文物發現, 我地中國文化至少有一萬一千年啊!!!! 當時歐洲起邊啊?? 美國更加唔知喇!! 我地中國人o既根有一萬一千年之久, 卻俾個新文化運動將我地o既根斬斷左.......而家o既中華文化...連一百年都冇, 換來o既係我地崇洋、甚至崇日...一個有一萬一千年文化o既國家, 若斬左自己的根, 何能向別人學習呢?

阿sir講左一個例子, 佢話一個留學生, 去到外國感覺得好可惜, 原因係d外國人不斷問中國係點, 中國o既禮儀係咩, 易經論語左傳資治係講咩......不要講果個留學生, 我都唔知喇! 我地講英文, d外國人好開心, 因為佢地覺得我地係佢地o既學生, 因為我地有雄厚o既中華文化卻不用,但無知地去學習西人文化...中國人...你是否真的這麼不值得欣賞的一個民族嗎?

當古時o既小學生已經背誦四書五經、論語時, 我地卻只有小明、小強、小美陪伴整個小學生涯....你說古語冇用...但你學中文幹嗎? 你若然懂得四書五經加論語, 何需要小明小強教你甚麼叫中文??

故然傳統有不少惡性的因素, 以致我國於18世紀開始沒落, 但係這些都是中國文化的錯? 中國強如盛唐之時, 鄭和下西洋的艦隊, 據估計歐洲自少要到第一次世界大戰時才可匹敵, 你說中國弱是因為文化? no way! 西方冇弱過ma? 中古羅馬大帝國, 歐洲慘遭迫害, 但時至今日, 佢地都冇放棄過自己國家的文化,why? 因為文化係前人對後人所累積的人文知識財產啊!

詹瑞文冇講錯, we are a poor generation!

起來啊, 中國人!

中國的賽先生已經成長喇, 火箭都已經可以載人喇, 中國已經唔再起由滿清統治喇, 我們的軍事已經強大了, 不少外國人都話, 21世紀係中國人的時代, 中國的巨龍已經酥醒, 但我們的文化呢?假若我們空有軍事科技卻無人民素養, 會如何?

當街上o既人不斷話增取民主、普選時, 你有冇諗得深入d呢? 假若中國攪普選, 結果係咩啊? 非漢族o既地方( 西藏、新彊、內蒙等) 必會先後獨立, 之後富裕o既廣東省( 阿sir話佢佔中國o既gpa百分之五十左右) 都會獨立, 然後台灣不在話下, 之後會如何? 仲有邊個省叫做中國啊? 中國...將會成為過去的名詞...不要一股作氣講民主...你睇下台灣o既民主點? 阿sir話, 諗o野要深一點, 遠一點, 先叫想!

當家不成家時, 歐洲美洲要侵入...有幾難? 這下你明白, 何解美國成日叫我地獨立了! 難道你要讓中國的巨龍再一次沉睡了嗎?

>>January 19, 2006 at 4:51:03 PM GMT+8

2006 年 1 月 11 日 星期三 【晴】

<<0�?>>

講你都唔相信, 我地教會o既足球隊竟然可以踢到入去中國比賽lor~~而且仲雲集左好多o既勁旅lor~~冇lala, 咁就成隊人去左抽籤lor~~~不過話分兩頭, 點解抽完仲會有中國菜食o既?? 心入面諗, 如果小小識得整咁好食o既中國菜就正喇~kekek~~(可能真係識lor其實)~~

抽完就各自散lor~~~之後無lala得返自己一個wo~~志成果d又走晒~~唉, 冇人陪我食飯, 哩個時候緊係諗住搵美人喇, 點知打極俾佢都唔聽.......算喇, 十成十訓緊喇,......不過天都黑齊喇, 仲訓? 起我好失意咁自己去買左個通粉沙律同埋明太子飯團後~~~哩個<<愛沒有左右>> o既mp3鈴聲就出現喇~~靚女打o黎喇~~~我同佢講我得一個人食, 叫佢陪我食o野喇, 佢話你係我邊個啊, 我做咩陪你食飯啊? 我緊想話你係我女友喇, 正當我想講o既時候, <<男子組>> 響起喇, e.....點解聽緊電話都有電話響, 當我聽o既時候, 石婉問我:「你訓醒咪啊?」

.....有冇可能....咁真啊?

>>February 15, 2006 at 5:23:41 PM GMT+8

2006 年 1 月 5 日 星期四 【晴】

<<合皮new year>>

2006年第一篇日記~~~wahahahahahaha, 其實都唔值得咁開心, 只因自己懶先到而家打日記, 望見諒。

新的一年都不過六日, 我就已經通左兩晚頂lu~~~好開心lei~~可以通頂唱k, 不過d時間就真係完全顛倒晒lor >__<""

經過連日來o既頹廢生活, 就o黎都要返學喇...唉!! 唔知點lei, 哩一年都真係幾重要ga, 事關係要做o野ga喇, 仲有好多問題都咪去解決...點好呢??

不過又係唔到我理o既, 神會幫我攪掂ga喇, 只要信, 不要怕, 咁就咩都唔駛驚喇~~keke

new year lor wo~~就緊係更加起神入面發夢喇~~^^~~~good night lor~~zzzzZZZZ

>>January 6, 2006 at 12:07:11 PM GMT+8