2004 年 11 月 11 日 星期四 【晴】

<<好恐怖啊......>>.

今日返中一團契果時, 石婉望到我隻眼紅晒, 問我咩事, 咁我諗哩似似帶con都係咁, 但又唔痛, 咁應該唔係太大問題o者,點知....

石婉話係因為隻眼缺氧先固令眼入面d微絲血管澎漲, 如果持續係咁o既話好可能會爆同埋生多幾條血管, 咁樣隻眼就會盲ga喇......

好恐怖啊~~~~淨係諗我都好驚喇, 唔想隻右眼就咁冇左啊><~~~~

唔通我哩排都唔可以帶con?
天啊~~唔想戴眼鏡啊~
-----------------------------------------------------------------------------------------------------------

今日又聽到阿mo講話佢果度原來係可以借機, 雖然每次都只係可以借兩日, 但係都好好好過冇啊~~事關佢入面d機係好pro ga~~DV又點可以同佢媲美啊~

就係咁, 起哩個monment~我心中o既一團火~~要爆喇~~hahahaha
我想拍片拍片拍片拍片~~~~

>>November 12, 2004 at 3:25:06 PM GMT+8

2004 年 11 月 8 日 星期一 【晴】

暈...~暈....~暈死我喇~~

今日唔知點解一起身就覺得好暈, 攪到我想起身返學都唔得~~
起屋企訓下訓下~~竟然訓到4:00~~~死唔死~~~~咁樣訓法~~好浪費人生lei~

但係又突然覺得, 自己o既人生究竟係為乜?
好似~而家死左, 都冇咩問題咁~~唔通我有自殺傾向?( 應該唔係掛=__=..._)

依然係有d暈~~唔知聽日返唔返到學呢??
----------------------------------------------------------------------------------------------------------------

當生命似流連在摩天輛~~~哩句歌詞講得幾o岩
生活有起有跌, 當完成一件事野時又會到克服令一件的時間~不斷轉啊轉
就好似摩天輪咁~不過是否幸福,不得而知了

暈死喇~@__@

>>November 9, 2004 at 6:33:24 PM GMT+8

2004 年 11 月 4 日 星期四 【晴】

今日起身, 望一望個鐘~~死喇~~原來已經1點幾喇~但仲係好眼訓~~之後都唔係好夜訓o者~可能因為琴日踢完波~~好累頂喇~

話說琴日踢波都真係幾唔好彩, 3:30去到果度, 見到個埸水靜河飛, 咁住等陣可以有得踢, 殊不過左一陣, 殺左成班呈咬金出來, 佢地話打d咩社際比賽~~唉, ...攪到等左成個幾鐘先有得踢...不過都好好玩~~雖然身一次夾~~都覺得幾正,希望下次仲有得玩喇~(唔好又有呈咬金)

感覺上今日都真係冇咩做過o野~淨係齋起屋企睇電視,打機, 呼~~~好耐都冇試過咁free喇~~諗住d運氣返返來喇, 加上趙子話幫我download完隻三國志十, 仲唔有得玩, 點知拎到返屋企.....唉~~~~~~~~~~~~~~又再一次冇左喇~~天啊~~點解你要咁玩我啊!!!!

仲有....聽日要7:30起身, ....幫人補習....唉~~星期六o既周公啊~~~~~~~~~~~~~~~~~~~~~~~~!

-----------------------------------------------------------------------------------------------------
今日起醫貓到見到一篇文章:

讓你失敗，是為了讓你學到謙卑；
讓你受騙，是為了增長你的智慧；
讓你受傷害，是為了使你更堅強；
讓你受委屈，是為了砥礪你的人格；
讓你受打擊，是為了提醒你的缺點；
讓你失去，是為了教你懂得珍惜；
讓你痛苦，是為了讓你醒覺；
讓你絆倒，是為了強化你的雙腿。
現實即使是殘酷，
但是上天總是慈悲的，

咁~~~神讓我黑仔~~就是為了讓我明白好彩o既可貴呢!?
總之~~我明白到, 有好多o野並非好似表面咁悲ga, 神要你經歷就必然有佢o既目的

"祂總是為你好"

我係相信ga!~hahaha

>>November 5, 2004 at 5:38:02 PM GMT+8

2004 年 11 月 2 日 星期二 【晴】

今日....又冇上英文喇~~
據聞有好多人都冇返(返得果6個人~~~hahah) 因此都冇上到, 好彩冇返o者~~
原本又諗住逃下學ga, 點知啊馬吉斯琴晚打o黎叫我記得聽日book左visual room打機, so都返左去, 點知佢條友仔仲遲過我, 算喇~~咁諗住一齊打下winning喇, 點知......得一個手制, 兩個joystick.... 結果~~hahaha~~~好難玩lor~

之後上BIS 堂果時, 阿Francis 教frontpage~~好玩啊整網頁, 不過佢好攪笑,話因為我地test覺得難, 就諗住擴大考試範圍俾我地知....<---哩句o野好明顯犯左前後矛盾喇~~當場成班都笑, 其實啊Francis成日都攪"get" , 有時覺得佢比區仔更加勁~~ghahah
------------------------------------------------------------------------------------------

今日聽到阿ken哥講, 話讀大學都唔知讀左d咩, 全部都係靠自修先識, 仲話晒成三萬幾蚊換o黎
o既係只係d notes同埋library o既冷氣機...佢又講得o岩o既, 真係好懷念以前中學o既日子, 好掛住d阿sir miss o既教學方法, 大學真係一個self-study system......喂! 教育處又點解唔諗下咁只會令d人係咁逃學~~~~~~在下就係一個活生生o既例子~
-----------------------------------------------------------------------------------------
re : 就20o既"女仔"

講得冇錯!!! 我地要重整三五行~~~要買機拍片啊~~!!!!!
你d演技都應該到左爐火純青o既境界喇~~下套片搵你拍~ha(雖然一套都咪拍過~唉=__=)

下次有錢~搵你幫我換style喇~~fashion 界o既未來紅人~^^
-------------------------------------
═════════════════ ╥══════════════
balance c/d afiavea bonbe csicx ║ rational use ethereee fonfe
tutorial incomw aonae bzebro czecro ║ paid tp loan dtwdo ezeero fzefro
║ balance b/d dthdrede eeieghet ffifivfe

>>November 3, 2004 at 6:24:12 PM GMT+8

2004 年 11 月 1 日 星期一 【晴】

yayayayayayaya~~好無聊啊
唔太likely十一月的日子, 假期又冇, 試又冇得考,書又要照讀, 玩又冇得玩, 唉~~~~好無聊啊!

溫書溫書溫書溫書溫書!!!!!!!
我要溫書啊~!!!
0-----------------------------------------------0----------------------------------------------0------------------------0

寒冬漸近, 突然間好想去買衫, 真係從來咪試過咁想買衫, 唔知係咪因為返大學著便服o既關係, 好多時都想改一改形象, 你知喇, 著來著去都係果個款, 你唔睇厭我都著厭, 因此好好好想有錢買衫, 奈何欠債累累呢~~~>____<

其實上左大學, 用o既錢應該係比以前返中學少左(皆因學校d飯真係幾抵, 味道可接受)而且都多左d零用ga, 但又係唔知d錢點解好似跌晒咁一蚊都冇剩啊!~~~天啊~~~~~

決定喇~由而家開始每日keep一個record~~咁就知d錢何去~何從喇
balance b/d=afiavea bonbe csicx (都係唔好俾人知有幾多錢好d)

0--------------------------------------------------------------------0-----0---------------------------------------0------

每天一早笑一笑, 人都醒晨開心d~~
笑笑我要每天笑一笑!!!!!
----------------------------------------------
re: red~~

鬼咩~~冇左你我就真稱霸為靚仔~hahahahah
記得返教會啊你!!!

>>November 2, 2004 at 3:19:36 PM GMT+8

2004 年 10 月 29 日 星期五 【晴】

Test Test tESt!!!!

今日有好多test啊~~但係得好少係識做, 做果時真係好唔想再讀書, 因為讀o既自己唔鍾意o既o野(商科...=__=) 做又不知所謂......

不過, 我依然有力量去讀, 因為神既然叫我讀, 就自然有佢o既旨意, 其實只要自己肯出下力去溫下書, 點會唔識啊! 加油啊~自己!
----------------------------------------------------------------------

今日10 月30日, 有好多人生日lei~~今晚就去左三水屋企同阿小棣慶祝, 好耐咪試過打邊爐lor~雖然冇咩調味料, 但係都好好食, 事關最開心係一大班人一齊食啊ma。希望阿小棣來年15都可以保住青春, 免得做左阿嬸。hahhahaha~~

之後去到吉之島, 就去幫阿肛慶祝喇, 其實想走ga~因為聽日早起, 但係都俾佢拉返入去, 要幫佢果組o既一個姊妹慶祝, so就去左, 然後就同啊so bi傾左一陣計, 嚇然發現佢成熟左好多啊, 諗o野果方面, 希望主會照顧佢!!!
---------------------------------------------------------------------

之後同阿勇送佢地返屋企, 其間講左好多好好笑o既o野, 不過見到d唔應該見到o既o野先至有d驚訝! 諗諗下其實對好多人而言,返教會係為左咩??

---------------------------------------------------------------------
「甚願你賜福予我, 擴張我的境界, 常與我同在, 保佑我不遭患難, 不受艱苦。」代上四:10

>>October 30, 2004 at 5:47:17 PM GMT+8

2004 年 10 月 27 日 星期三 【晴】

今日~~~命名為TV-game national day!

我真係咪試過一日打左成十七個鐘機啊~~=__=
唔知點解好想自暴自棄下~~/__\

-------------------------------------------------------------

超現實-----即係脫離現實喇
我想入去試下~~~~~~~~~~~~~~~~~~=_=
-----------------------------------------------------

有冇計~可以令一個人型d同成熟d ga?
-------------------------------------------------

今日得出o既結論係:
日記其實冇咩o野好寫
因為冇咩o野值得去用文字記低

何時可以有力量去改晒我d壞習慣呢????
--------------------------------------------------------------
聖經中間的中間的中間係咁講
「相信上主比相信人更好。」 詩篇118:8

我都係人~因此我唔可以太信自己, 而應相信神!

>>October 28, 2004 at 7:35:14 PM GMT+8

2004 年 10 月 25 日 星期一 【晴】

今日~~~都唔記得左發生過d咩事~
唔通.....我有老人痴呆~~~
-------------------------------------------------

問世間~情為何物?
情---愛情
冇人真正知, 但冇人真係完全唔知
每個人都有, 但唔係每個都會擁有

作為一個基督徒, 對愛情自然就有多一份的要求---->要和信主的人一齊
聖經都有講:「不可與不信主的人同負一軛」
..........................................
起我身邊都有好多人為著哩句說話而傷痛
但, 我都相信, 若然違背了神的旨意, 繼續去行的話
不久, 你便不會掛念神了, 教會生活也隨之遠離。

「若是右手叫你跌倒, 就砍下來丟掉。寧可失去百體中的一體, 不叫全身下地獄。」(太 五:30)
任誰人也忍受不了與自己所愛的人分離, 但若是這種結合令你在神面前跌倒, 就當砍下來。

手被砍了, 誰不叫痛?
可是, 不要因為眼前的痛而忘卻耶穌昔日釘身十架的痛....

「因為愛情如死之堅強, 嫉恨如陰間之殘忍, 所發的電光,是火焰的電光, 是耶和華的烈焰。愛情, 眾水不能息滅, 大水也不能淹沒」(歌 七:6-7)

愛情就是如此狂熱...猛烈...
好想可以避免, 但不可以避免....

儘管如此~~~你都要加油啊!! 唔好咁易就心軟~!
----------------------------------------------------------------------------------------------------------------

好想好想~~有一日可以攤起郊外的草地上, 伴著清爽的涼風, 睡一個午覺.......

10月26日~~生日快樂啊, 雖然你未必會睇到.......
-----------------------------------------------------------------------------------------------------------
成日都只係會做d 100%可以成功o既o野

1%?10%?50%都未必去做

但係...都咁大, 係時候丟低d %喇!!!!
儘管是零, 我也應該嘗試
讓我有勇氣去飛。
--------------------------------------------------------------------------------------
前路不可望 後路不願看
只想徘徊原地躲一躲

停留在此處 尋覓內心處
獨自嘆氣無力再上路

電光與火石 形容一瞬間
時間分秒不留落泊人

給予勇氣 突破零的界限
讓我堅信 壹...是會來臨

讓我當海上的鳥兒
不再有一刻的停留

-----------------------------------------------------------------------------------
RE:堅持

邊係啊~用詞粗糙~~冇人會睇ga
不過話時話~~~who are you???

>>October 30, 2004 at 6:06:03 PM GMT+8

2004 年 10 月 23 日 星期六 【晴】

seven vs eleven!!!!

你有冇試過踢波?
有o既你都應該知正常o既比賽係11vs11 ga喇~
但係今日~~我地就打左場7.11比賽啊.....>_<

事源係好耐之前南哥話有比賽~~叫我參加~~但唔知幾時開始, 咁我當然玩喇
點知琴晚突然打o黎話今日要比賽~~嘩~~~咁少時間~~點準備啊~~
因此有好多好似我咁o既情況o既人就唔去~~~而去o既就只有7/16....

十六個人得七個人去啊!!!!!!仲要有d係好少踢波~~~簡直係雜牌軍~~~不過~~算喇~~咪踢lor
因此~~人生o既第一次不公平比賽就開始喇~~最慘o既就係見人地打打下去換人,,,,,,而我地,..,,,,

0:6~~~~就係不公平o既結果~~~~算喇~~我覺得自己贏左ga喇~~~hahahaha

不過............最慘o既係~~約左d人返教會練結他卻冇去到~~有兩個人因為通知唔到因此返左去~~
對唔住啊~~T_______T~~~~~

而家~~仲要面對哩個LAW o既assignment~~~~唉~~~~
希望可以交到喇聽日喇~~~~
------------------------------------------------------------------------

re: 石婉

今次唔會比人delete ga喇~~我肯定~~ghaha

re: rain

唔好唉啊~~唉得多會有縐紋啊!!
得閒笑多d啊~~hahahah

>>October 24, 2004 at 11:03:23 AM GMT+8

2004 年 10 月 21 日 星期四 【晴】

SPORT DAYS!!!

今日係教會第一屆的運動會~~~區仔期待左好耐好耐~~而我當然都有喇~~hahaahahahaha
一開始果時諗住好多人去喇(因為有好多教會一齊攪)但最後都係得返自己教會係最多人~~唉

不過都唔緊要喇~~都係想玩下之ma~~~點知~~
組織好混亂(成日等好耐先有下一場比賽)
唔跟時間表(因此之前o既因素所引致)

因此玩到過左時都咪完晒所有比賽~~~因此有d好好玩o既比賽都冇左~~~

不過~~為神攪o既運動會~~當然有佢o既意思喇~~hahaha

講返自己參加左o既比賽~好正啊~~100m可以破左自己o既紀錄, 先係初賽可以有12秒24(簡直係嚇左自己一跳, 好在之前有祈禱啊^^) 之後就立刻飛左去玩跳遠, 但跳左兩跳就要去跑四x100......可惡啊~~因為猜輸左所以冇得同區仔佢地一隊,好彩後來亂o黎搵人都拎到第三(haha),然之後就立刻到100m決實...其實果時好累~~咩力都冇晒,加上超多人俾壓力(則邊果d) so~~諗住跑第尾ga
起ready o既時候, 我又祈禱喇, 估唔到真係好好好好好有效啊~~~跑果時去到中段~~只係輸俾一個人~~差唔多到終點果時, 突然間唔想輸~~而叫左出o黎~~身體就有多份力量lei~~~最後~贏左!!

好開心啊~~可以贏到~~而且仲破多次自己o既record~~~11秒69!!!!!! 我都有d唔相信~~~但真係突破左啊~~~好多謝神lei~~^^

之後o既重頭戲----->10x200~~~~好正啊~~我地組o既大合作~~阿mike,panda,bell佢地唔多鍾意運動都肯參加~~~而嚇一跳係佢地原來好快ga~~hahaha
不過~~都係輸左~~~~但係好好好開心lor~~~下年有o既話一定玩多次€~~^^

今次o既sport day真係好正~~^^

之後成組人去海濱o野餐~~~可憐o既so記要去練話劇~~佢咁就走左~而好攪笑o既係, 我地係咁傾以前發生o既攪笑事~~~笑左我勁耐~~好正lei~~~

總之~~今日好累~~但好正~~~~hahahahaha

>>October 24, 2004 at 10:49:07 AM GMT+8