2006 年 9 月 16 日 星期六 【晴】

............被點名了........><....
點名遊戲規則：試說明5項你最想要的生日禮物or Christmas presents和點名7名網友，不能有重覆，順道去他們的blog留言，告訴他們被點名了。
１. N73 或者3250 o既nokia 手機
２. 一部可以cut到片o既電腦, 最好係apple ga喇~
３. 任天堂新主機 wii + zelda 一隻
4. 吉他仔~~~好想要
5. 一部for自己用o既DV機

1. 傳給你的人是誰？ "量角器"
2. ''他'和你的關係？ 舊同學~~真係好舊~kaka
3. 寫出你對''他'的5個好印象
一. 恐怖(成日睇恐怖書籍)
二．鍾意畫公仔(同我一樣~~kaka)
三．冷靜掛...都算~=_=
四．外國人~~~真係去左外國lor~
五．無聊(成日講無聊話題~~迫我諗><~~kakakakakak)


4. 他對你做過最深刻的事？ 粒聲唔出起我table畫公仔
5. 他對你講過最深刻的說話？ 唔~~唔多出聲wo~~~有都唔記得喇~~kaka
6. 如果他變成你的情人，她有甚麼令你愛上他？ 男仔唔o岩我, 我有女朋友~~~問題免喇
7. 如果他變成你的情人，他有甚麼要改？ 性別
8. 如果他變成你的敵人，你會對仔做甚麼？ 串佢~~~串死佢~~keke\
9.如果他變成你的敵人，他有甚麼令你憎他？ 太過cool 掛~~~~成日都唔參加我地o既活動( 因為人在外國~~~明屈)
10. 現在你最想他對你做的事？ 去澳洲佢果度住~參觀外國~~~
11. 對傳這份卷給你的人的印象？ .......我唔知啊~~~~都唔知問咩
12. 你覺得周圍的人認為你是怎樣的人？ 太過active, 唔悶得~~~~乜都要玩~~~
13. 自己喜歡的個性是？ 型、爆、潮
14. 相反的，討厭的個性是？ 太理想化~~kaka
15. 自己想成為的理想類型是？ 無束縛, 去到邊做到邊o既生活
16. 給關心自己、喜歡自己的人大喊一句吧！ 對唔住!!無咩俾你地關心><

傳給 為免像某人搬陷害人~~我決定唔俾人~~keke

>>September 17, 2006 at 10:38:58 AM GMT+8

2006 年 9 月 10 日 星期日 【微冷】

工作

終於, 我都開始了工作的生涯了, 真的, 讀書時總對工作充滿住瞳景, 覺得工作就是有賺錢的能力, 能自立的能力。

然而到了工作的時候, 十有八九的人, 都會想過能回到讀書的時侯有多好。我也不例外, 不過人是要向前行的, 再回想以往的開心也是沒有用的, 以往已成為老土, 自覺自己有幸讀書20載, 以甚感欣慰, 再作奢求只會固步自封, 失去向前的原動力。

美國, 經歷了九一一後, 是否又能重新振作呢?
在下不得而知, 只知到從一本屬靈書籍中, 見到九一一前的美國, 以遠離神的旨意甚遠。

人總會進步, 無論從人的成長,中外歷史中, 都知道---沒有一個人能返老還童, 沒有一個國家會返回原始。 進步, 似乎是天經地義的事, 人總是沒有能力使時間倒退。

然而, 這有是否代表神的道是老舊的思想, 是可放棄的信念呢?

工作, 總有令自己透不過氣的時候, 但神總會在你身邊, 你求, 祂就應允你, 我願往後的日子, 能再加把勁, 為神做大事!

>>September 11, 2006 at 1:01:12 PM GMT+8

2006 年 8 月 24 日 星期四 【雨】

原來...又好耐冇打個日記lie~~~~~睇怕哩個日記都要level up變成月記喇~~kakakakaka><

今日好好咁可以去唱k~~~好開心lei, 好耐咪試過去唱k喇~~~一行人有我, 華女, 區仔, 阿邦, brain同吳東, 六個人浩浩蕩蕩就去左哩個旺角o既創興唱lu~~~

唱完又行下街咁, 返到o黎就開組, 感覺不錯lei~~~好耐都冇試過咁有節目咁過一日啊><

因為待業o既關係, 日日都係起屋企hea, 講真, 我好佩服d 隱蔽青年點解可以頂得順起屋企冇o野做成幾年都得......我真係會死lor~~~~~~~><

人唔可以冇目標咁去行ga, 就好似你出街, 都要知自己o既目的係買衫, or window shopping咁, 如果冇目標, 人都真係癲lor=_=

好希望神會快d安排我去一個合佢心意o既工作啊, 雖然哩d o野唔係我話急就得, 可能神覺得我係一個唔太識得忍耐o既人喇, 所以今次叫我一等等足幾個月~~kakakakaka

不過唔緊要, 凡事相信, 凡事盼望喇, 神一定點條光明路俾我行o既~keke^__^

>>August 25, 2006 at 4:58:55 PM GMT+8

2006 年 8 月 7 日 星期一 【晴】

好悶lei...

成個月冇寫過日記了, ~~~~真係唔知點解哩排就係冇咩心情去寫日記, 其實打幾隻字仔o者, 點解就係冇咁o既心呢?

近來生活真係好頹, 琴日約了做守望, 立定了志向去改過自新, 第一個難題....就係要將我儲左好耐o既漫畫賣掉......嗚~~~~講真, 當執o既時候真係想喊lor, 大大話話都都陪我好耐喇, 最早果本甚至係我form2果時買o既tim...都有成7,8年喇...

諗起o黎真係好可惜, 不過算喇, 再係俾哩d o野綑綁住我o既生命, 一定會死...

第二樣o野就係將常陪我左右o既psp game俾晒石婉keep....唉, 仲有部ps2唔係唔好, 但係玩一個鐘都冇就唔想玩lor.......~~~

結果今日我就係睇屬靈書中渡過, 我的心啊~~你何時才歸向主呢?

我要從神入面得力, 加油啊3lix!!

>>August 8, 2006 at 9:49:29 AM GMT+8

2006 年 7 月 6 日 星期四 【晴】

煩..煩..煩

點解會咁?
有冇人話我知...

where is my eden...

>>July 7, 2006 at 5:17:37 PM GMT+8

2006 年 5 月 21 日 星期日 【暴雨】

雨..

吉野家的雞牛雙拼飯真的不錯, 差不多每次光臨到都會點, 不知是否快餐廳的關係, 總覺得它們所作的飯每次都一樣。 是一樣味道、一樣的材料、卻是不一樣的師傅。

出了店外, 正下著濛濛細雨, 立時想起母親的一句提點:「出面會落雨,帶把傘啦!」 沒加理會的我招致在簷篷下避雨...

不知怎的, 悲從中來...沒人陪的下午就是如此無聊。

呆望良久, 見天都不讓步, 急性子的我又有何可能等到雨停呢?

跑著行著, 迎望的人群竟個個都是撐傘子的, 忽見自己一個抱頭亂跑, 又後悔不聽母親一言。

天空的雲, 雜亂的人群, 地上的我...都因雨連為一線。五月的黃梅天, 給我的只係落泊、悲涼、厭煩。

每年總會有這個時候, 雨下得不大, 毛毛的雨打在身上總使人感到悶熱。 每年都是如此,每年都有五月, 一樣的天氣、一樣的雨、一樣的我、卻是不一樣的心情。

我, 真如一碗雞牛雙拼飯。

>>May 22, 2006 at 5:34:50 PM GMT+8

2006 年 5 月 2 日 星期二 【晴】

冇電

今日又係在家渡過o既一日lu~~~哈哈哈哈, 但係一件好不幸亦都係一早就知o既事, 就係今日由11點開始成棟大廈就冇晒電。

阿媽叫我去飲荼, 都諗住去o既, 但一出門口先發現一件出乎意料之外o既事--部life都冇電...>_<有冇攪錯啊? 仲要住成31樓...諗落都係留起屋企度算lu, 古語有云, 在家千日好, 但現代化o既今日冇電在家真係慘到冇人有...我家裡連應有o既乾糧都冇,,,迫於無奈又起屋企入面炒冷飯, 唉...早知唔好咁早起身喇, 好不容易挨到1點, 電依然沒有, 自己一個在31層的「高空」之上...出街又唔想行咁多, 屋企又冇電視睇同電腦玩.....

如是者好無聊o既我就起阿妹間房度睇者, 見到本"會考零分與神奇小子", 正切合而家在下的處境( 當然唔係考零分喇) 睇下睇下, 哩個作者讀書差,經過多番波折, 終於在20歲先升到預科, 25歲起大學領埋個frist honor, 在5年後, 就以經係學校阿sir喇...

不由得從心裡面感到折服。當中作者影響最深及作出改變o既, 就係祖母o既一句說話:「不可再做一次」當做錯了事, 只要不再錯, 便是成功的開始, 很厲害呢!!

而我, 又是否一次又一次咁去重複做錯同一件事呢? 不斷去逃避、不願面對...不可再做一次!
願主能帶領我.^_^.

>>May 3, 2006 at 12:55:28 PM GMT+8

2006 年 4 月 25 日 星期二 【晴】

還是哩個好...

久久冇check e-mail, 先發覺又收到哩個刪除日記o既警告!!~~~~好恐怖lor, 如果突然部腦壞左咪死?? 我仲要睇返之前打過o既o野ga!

近來要面對o既o野有好多, 亦都有好多事自己唔想面對, 原來真係受不了壓力呢, 真係煩...=_=

點呢? 好想快d轉變自己現有o既生活模式, 好多不如意事一次過出晒o黎...唉...=_=

太頹, 都唔係辦法, keke~~~成日都諗住自己點失敗, 就真係失敗落去~~~so 要3轉轉角度諗。

諗到,,,,,,就好lu~~~^^

>>April 26, 2006 at 3:42:35 PM GMT+8

2006 年 4 月 8 日 星期六 【晴】

...珍惜!...

琴日一見可怕o既事發生左啊~~~~>________< 我唔見左部電話啊T____T

好慘, 又一次唔見左, 自己真係好冇用啊, 成日都咁樣......突然覺得世界沒日lor, 因為哩個世代冇電話係好好好好好慘ga, 加上又唔知點同父母講...唉, 好煩lor

就係咁, 好冇心情lor成日, 乜都唔想做o既時候, 偶然記得阿妹話有套<一升的眼淚> 好好睇, 見佢都有齊晒咁就睇下喇...點知, 睇完一集, 就好易想追落去喇, 一路追一路睇, 我諗如果屋企冇人o既話, 我一定喊足咁多集lor...套戲真係要迫你喊足一升lor我懷疑。

哩套戲係真人真事改編講一個十五歲o既女仔患上左一個會慢慢冇晒神經系統o既病, 患者開始會成日跌倒, 距離感下降, 之後會行動困難,............................ 到最後連講o野都唔得, 睇睇下我真係覺得自己而家真係好好好好好好好lor, 只不過係唔見左電話而已, 就已經係咁失落, 但主角亞也卻不斷努力在一個根本不能治好o既病...

好正, 極存推介哩套電視劇, 唔係電影啊, 係電視劇, 好難想像電視都有咁好o既劇情同質素, 而且女主角亞也又係一個大美人, 哈哈, 我要加油~~kekek~~

一升的眼淚, 絕絕絕不能錯過!!

>>April 9, 2006 at 12:46:04 PM GMT+8

2006 年 3 月 27 日 星期一 【晴】

<<病死>>

由上星期五開始, 不知怎的, 身體總是有很多毛病, 先係咳,之後係發燒,到今日又眼敏感+咳+頭痛+喉嚨痛.......唉....上個星期總起度話自己咁耐都冇病過, 真係咒自己咁..嘩~~~~~~~~~

本來都冇心情寫日記喇, 耐可一check e-mail先知原來收到個警告話我起十四日內仲唔寫日記就幫我cut左佢咁話lor~~~~>___< 對唔住啊日記仔, 咁耐冇o黎打你~~hahahahah~

希望快d好返喇~~~kekek

=====================

re 美人

我唔係pig!!~keke^^

>>March 28, 2006 at 11:29:10 AM GMT+8