2004 年 12 月 4 日 星期六 【晴】

ZzZz...起身都12點...今日無去到踢波...休息下...

食左陣野之後就再訓過....起身以經日落西山...起身就同吉吉係度玩棋－﹏－

食完飯就再整隻藍牙...愈整愈燥...都唔知部機問題定乜 整極都整唔到...他媽的

又要溫書了


＊呢排愈打愈小野咁開始行吉吉條路

>>December 5, 2004 at 12:28:30 PM GMT+8

2004 年 12 月 3 日 星期五 【晴】

一早起身就有兩個小姐打黎...傾左陣佢地就出街

我就再訓過...醒左就換衫同吉吉去買野...搞左勁耐...之後落左嘉福搵超仔...吉吉俾野佢

俾完去左火車站等人...變成三人...宏仔 我 國舅...去到太和 變成六人...龍龍 大口 阿ya

齊人就去左搵媽婷 同 小龍女...變成八人...入到去...Gd野...個度超正...D人叫佢去又唔去浪費晒

開始起爐...搞左好耐下先開始燒得...今次食左幾多野下...傾左勁多野...係度想當年

原來大家諗既野都係差唔多...嘿嘿...又討論某人既奇怪行為...

小小姐打來...當然陪她la...傾左無耐佢收左線就再同佢地傾la...佢今日買左幾多野下...變得可愛左

最衰唔可以通頂...唔係今晚真係有排顛都似...返到屋企都成兩點幾沖個涼就訓Lu

>>December 4, 2004 at 7:20:32 PM GMT+8

2004 年 12 月 2 日 星期四 【晴】

爽...今日放假 訓到勁晏...起身同吉吉 傾左陣計就係度睇野

全日都無乜野做...整個E-Mail 整到煩...5點幾有人打黎叫我落去踢波

落到五人場...有條友好熟面...睇清楚原來真係慈航D人...仲要個次面對面過幾次

之後同佢地踢...踢到7點幾就返左屋企...如果尋日好似今日咁就好la...咁就一定唔會輸波la唉

隻腳踢完痛到爆...返到去無食飯沖個涼就係度睇野...跟住同大吉係度玩象棋

原來我同佢d棋力差唔多...嘿嘿...不過佢勁過我...

>>December 3, 2004 at 1:40:16 PM GMT+8

2004 年 12 月 1 日 星期三 【晴】

嘩好緊張...朝早起身到出門口之前都唔係好想出聲...今日踢班際...

返到學校上會計訓唔到...可能太緊張...數學又訓唔到...係度睇報紙-_-笑到我肚痛睇佢地玩

上中文...哈...原來神父講既野咁好訓...本來想小息都訓但係要拿書...跟住跟埋佢地落左操場

唔記得無晒銀仔買野...返到上去又唔係咁想訓...係度聽書...上經濟教既野好鬼深...要早d溫先得

Lunch想來同肥發食點知佢地唔見左人見到阿水就同佢去食...行到去牽情間見到宏仔

早知叫埋佢la但係頭先搵唔到佢算...咁就買左野返學校食...上左班房唔使係下面同人迫

係度傾馬Be D野發覺佢愈黎愈唔掂...食完同宏仔落左操場行...肥發加入變成三人組

係度尋人...夠鐘返班房上商業...今堂出奇地返齊 加 無人訓覺...有D噢咀...

班主任堂要落操場...聽什麼舒緩壓力...愈聽愈燥....快d放la我要出去睇波

換完衫...今日第一場7A Vs 6B...呢場唔提無我地份...最後賽果3:0...

到我地...5C Vs 4D...衰人迫人打龍...唉輸1:4...極度無奈+超級燥底...順手做埋輸波罪人

中場換左人...勁燥超想打人...D人仲要係度阻住晒...點知愈急愈輸...唉

真係諗緊仲踢唔踢波好以後/_\...第三場 4A Vs 4B...聲仔領軍...輸0:1...

最後一場...又係我地...5C Vs 7A...踢得幾好呢場...都話發仔一早就應該打龍...可能上一場唔使輸

先落後一球...跟住5C之寶朱玲就追返一球...其間小弟剷人時整傷左...唔錯第一次就殺到個波

中場入返黎覺得自己好似無左道火咁...踢踢下無乜氣以經...

勁驚害左佢地...唉...比人追返2:1...唔可以咁快氣餒...完場前...5C之寶再入一球!...GOAD!!!!!!!

2:2!!!! 和波!!!!....超興奮...0完場...嗌左聲5C...超開心...之後返屋企...嘿嘿嘿...和波A_A!!

返到屋企沖個涼...今晚要休息下...傷左了...

>>December 2, 2004 at 10:22:25 AM GMT+8

2004 年 11 月 30 日 星期二 【晴】

夜晚訓覺時家姐傾電話超嘈...兩點幾醒左真燥之後訓返

朝早起身無乜精神...差d遲左出門口...好在我唔係最遲

返到學校上堂無乜野發生都係睇佢地串某個人...中文作文...作黎作去都係d小學生文章...

英文又係作文...搞掂放Lunch同肥發 & 宏仔 去左金仔到食...都唔知點解次次都係我叫既野最遲

返到學校睇班際籃球...睇完上班房...咁快就搞聖誕d野...其他班一陣黎破壞就煩了-_-

上數學係度傾班既秘密...聽日用...放左學諗住去練羽毛球...點知教練無黎打左陣就走人

出左去睇社際籃球...0 No...行社差小小就嬴文社...輸一分

到女子社際...笑到肚痛...愈打愈好笑好似係度走出黎引我地笑咁a"a

之後朱玲出場...0 無野睇Lu 最後嬴大比數20:6...勁...

睇完係學校到玩UNO...有個傻仔輸兩次...我就嬴左次...嘿嘿...玩完就返屋企

返屋企條路唔係好長...但係我地玩左勁耐...笑到咀都痛...

今晚要早好好好好好多訓聽日班際!

>>December 1, 2004 at 10:28:57 AM GMT+8

2004 年 11 月 29 日 星期一 【晴】

今日朝早都無乜野...同平時朝早一樣

上商業派測驗...嘿嘿 全班最高分不過吉吉仲未加晒分...要再努力d先得

數學同吉吉&黑雞傾計...想訓覺兩個衰人係咁係度攬...訓唔到

英文堂訓左陣小小姐打黎...之後成個人醒晒...吉吉想訓但係唔得佢阻我訓我要阻返佢

Lunch買返黎食因為要睇班際籃球...5B Vs 6A...6A嬴

上到班房吉吉好似好燥咁原來發生左d野...上P.E唉無得踢波

走去左玩數字球...俾人"頂"屎忽...真拿命...放左走左上去睇人變魔術

厲害...睇完去睇女子足球...真係幾得意佢地踢波

睇左陣噢學校趕人...返屋企換件衫落左去打羽毛球...隻手傷左勁痛-_-...

打完返屋企食飯...隻藍牙要後日先有得用...雞...

>>November 30, 2004 at 1:08:59 PM GMT+8

2004 年 11 月 28 日 星期日 【晴】

尋晚溫書溫到成兩點先訓...返到學校上地理又係度溫

上中文俾人整醒...小小野又係度搞大佢...真係麻鬼煩...

英文又係度溫書...食Lunch去左金仔食...食飽返學校睇波...7A Vs 5A

阿水加油但係輸左...對方有姚明...水水個班輸兩分

上到班房上經濟...家姐訓訓下覺 暈左...不醒人事...要落去叫人

放學測經濟...本來幾驚下以為好深...哈哈原來咁鬼易...測完同吉吉係度講佢都話好易

測完落左操場企...企左陣就走人...小小姐同大小姐罵交...過左陣就無事

返屋企換件衫就落左去搵佢地...唔係好想落迫人落和興\﹏/...忽然來電原來今晚有波踢

去古洞...入到去以為去錯人都無...等左陣有人...又係同黎輝個隊波踢

9點踢完就返屋企...隻腳唔知做乜忍忍作痛/﹏\...今晚終於都有得抖下

>>November 29, 2004 at 2:03:05 PM GMT+8

2004 年 11 月 27 日 星期六 【晴】

...呢排都好似唔係好記得寫日記...都係小小姐提我我先記得寫

今朝起身...病病地咁...食完野就再訓左陣..

起身無奈小小姐話好眼訓想上黎...但係我要出去溫書幫唔到佢...對不起>3＜"

整下個頭跟住就出去搵吉吉　去自修室溫書 ...溫得一個鐘就要走今日收五點

周四行左陣就去食野...再去買野...我頂...隻藍牙唔識用...-_-...真係On99...

之後去左一個地方俾人趕返出黎...再去第個...搞掂...送埋吉吉搭車就返屋

鐘亮跌左張身份證...佢呢排好似好黑仔咁...返到去搞到愈黎愈燥用唔到隻藍牙真係燥

書都未溫聽日都係仆街.../_\

>>November 28, 2004 at 2:07:05 PM GMT+8

2004 年 11 月 26 日 星期五 【晴】

朝早起身訓訓下小小姐打黎...原來佢俾人嘈醒左...之後打黎搵我

陪佢傾左陣就換衫落街買野食...食陷家樂...之後小小姐黎左華明

就去左麥記請佢食野...食完佢地就上左我屋企...真係衰係咁偷睇我d野...

愈玩愈顛...夠鐘就落去搵佢地出街...先行尖咀後行旺角...今日買左個袋

返屋企個時燥燥地...過一晚就無事la我諗...

返到屋企個頭小小姐叫我落和興...廢事la...燥燥地一陣再發脾氣就死...

今晚早d訓聽日狂溫書

>>November 27, 2004 at 2:37:58 PM GMT+8

2004 年 11 月 25 日 星期四 【晴】

寫返呢兩日d野先...出左兩日街都無乜時間開機

呢日返到去都係做下講波佬...傳導下性經...同周公玩下之類

食個飯就返學校睇班際籃球...上中文就再同周公過招...放學...大限將至...要去睇牙醫

真係嚇鬼死...睇完返屋企換衫就去搵巴打...去阿婆到食飯

其間聽到一d好嚇人既野...聽完真係噢晒咀...不過都多謝佢睇得起我先

返到屋企同小小姐佢地傾電話...就訓左Lu..ZzZz

>>November 27, 2004 at 2:33:42 PM GMT+8