2005 年 4 月 13 日 星期三 【晴】

尋晚勁早就訓左...怕今朝起唔到身 因為約左佢地返學校睇野

去到見到得一個傻婆企左係度...成班人都遲到=_=

三條友去左食野...坐勁耐 食完佢地就出現-.-

返到學校上左去同Miss傾左陣計...就落左禮堂等睇Show

有 啤梨 E-Kids 戴夢夢 劉浩龍 同埋一個我唔記得左名既新人=_=

Aya 佢地都有份表演 仲出埋線 厲害!

劉浩龍唱歌真係好好聽 ...其餘個D人唔係好留意...

芷薇 識 E-Kids 個Alan...好似好怕俾佢見到咁...之後俾賴國捉開左隻手

Alan見到仲摸左佢塊面同個頭 ...之後佢仲俾左張海報佢 識人真好

睇完出左禮堂一陣...又入返去同啤梨影相...本來想同劉浩龍影 可惜無機會

咁大個仔第一次同明星影相...之後啤梨又打波又跳舞 影完佢要既相之後就走左Lu

佢走左之後小朋友班際就開波 節奏慢過大人班際好多

Billy 個班 要射 PK先嬴到...3F班又係射PK先嬴到

同譚國個D影埋相 真正告別校園 準備會考...希望有機會返黎讀La

返到屋企入埋D相就訓覺...起身食個飯又開始打機

夜晚聽收音機 訪問個度得勁短...上到去個討論區勁多低能仔

都係自己上下網好過...跟住執埋D相聽埋恐怖熱線就訓Lu

>>April 15, 2005 at 3:21:12 AM GMT+8

2005 年 4 月 12 日 星期二 【晴】

今日...人生最重要既一日 返埋今日學可能以學都無機會再著粉官校服

朝早出門口時落雨...返到去今日勁人齊 得兩個無返 -.-

頭兩堂 Miss派返D野俾我地 之後講左D會考既野俾我地聽

好快就過左 小息開始瘋狂咁影相 ...中文堂阿Sir 都一齊影埋...勁型

之後同鄺雞 何寶 蝦丸 開始一層一層影...好懷念以前讀既班a...

話咁快就畢業Lu 真係好唔捨得...上到七樓 D班 d人都係度影緊相...當然埋去影埋D要影既人la!

影完就落返去拿書包 去左地下...小息完要入禮堂聽講坐

又係升學個D ...算La 佢都係為我地好...聽完就去左食LunCh

成班去左飲茶...中五好多人都去左飲茶

位位20$ 食完玩遲到...仲諗住係學校門口影張...點知無人拿機/ - \

D 風紀姐姐又唔幫人...真係衰...上到班房 Miss都無乜野講...

數學堂睇人玩飛行棋...之後自己加入戰爭...無粗口版飛行棋

捉到一半放學...不如就相約 三十年後再戰吧!

放學去左四圍搵人影相...好多人都肯影 真係好...多謝晒咁多位

玩到入廁所...俾基佬周捉到正 真係麻煩死基佬

跟住影埋D 相就走人Lu...好唔捨得...同佢地分左手之後就去左晒相

好多相a...晒完返屋企換衫就去左踢波 踢到死今日 勁小人

有D抽筋 無熱到身...返到屋企食完飯就開始整D相...都無乜心機打機

係咁Sd 相俾人...中五咁就差唔多結束...呢句我諗幾好 『美夢己逝 惡夢來臨』



＊唔捨得個班房 5C的同學 自己張枱 窗外既高樓大廈風景

唔捨得 中英文堂拿黎訓覺吹水...數學地理變左性經堂

唔捨得 上經濟商業自己咁專心 上會計俾人老屈 / - \

唔捨得 上P.E成班人一齊係度玩

5C既回憶好多好多...中四好似覺得自己入錯班咁

但係讀讀下又唔係一回事...識左好多朋友...知道左好多新事物

既都係5C班入面知道乜野叫團結...乜野叫團體精神

乜野叫做『革命尚未成功同志仍雖努力』...既都知道我地班好豪氣

又發覺成班一齊玩既時間係過得特別快 都知道了什麼叫互相幫助

5C經歷左都風雨...既都嬴左好多冠軍 雖然足球拿唔到...但係遺憾都係一種美

係5C我地更加識到一位 我呢人生最好既 MIss --郭太

雖然我地班有既人唔係個個都咁Fd 但係能夠係同一班上堂就係有緣份

因此我們要珍惜...大個左唔知仲有無機會 成班一齊吹水 捉粗口飛行棋等

出黎工作後個個都剩係勾心鬥角帶假面具...能夠好似E家咁成班一齊玩一齊吹水

就更加無咁既可能...希望大家會珍惜...

雖然我地各散東西/ - \...唔知幾時先會有機會再聚埋一齊

就算幾多唔捨得... 我地都要各散東西 因為我們長大了

好感慨...好唔捨得...但係能夠讀畢5C班...死而無悔...

>>April 13, 2005 at 3:20:32 PM GMT+8

2005 年 4 月 11 日 星期一 【晴】

沒有電腦的日子 - 四

呢幾日都開始痴咁滯...望住張電腦台但係部電腦唔係度...真係心狶

頭兩堂商業 做M.C 做做下同黑雞傾計都無做到 最衰都係黑雞!

數學堂睇人玩魔術 &拿左吉吉部手提黎打機...打打下俾人叫左落去做外賣仔

等左勁耐D外賣都未黎...校工出手幫拖 ...就開始我地既<派撻之旅>

A房>B房>C房>校務署 自己竟然無食到...有D唔開心/ - \

英文堂打下機訓下覺好快就過 LuNch去左魔幻廚房到食

本來最尾兩堂上P.E 點知落雨無得上 唔開心/ - \

成堂都係睇人玩 粗口飛行棋 行一次都更有一句粗口係你左近

放學開始捉人影相...今日捉左都唔小 有D都估唔到會肯影...聽日要影爆佢先得

之後就返左上二樓拍野 ...拍完聽下佢地講謝師宴D野之後就返屋企

返屋企換衫就去左打羽毛球 很累A...打完同媽媽去左椰林閣食

食完返屋企沖個涼就入左錦田拿返部機...都唔係好耐來回都係半個鐘到

終於都結束長達四日既沒有PC的日子/ - \...

>>April 12, 2005 at 4:26:39 PM GMT+8

2005 年 4 月 10 日 星期日 【晴】

沒有電腦的日子 - 三

今日終於都可以返學La...就黎顛La ....

頭四堂上地理同中文都係吹下水好快就過

英文就拿左黎訓...Lunch去左花都食麥記

返到去最尾兩堂經濟Miss派埋D野就同我地傾計

上性教育... 落左堂之後就四圍去搵人簽名...

跟住係班房拍野...勁難忍笑...拍完就去左和興同佢地打羽毛球

打左陣都無乜心機...打完就去左買雪糕食...個陣開始勁眼訓

返到屋企坐左陣就訓著左...起身>食飯>訓

>>April 12, 2005 at 4:28:11 PM GMT+8

2005 年 4 月 9 日 星期六 【晴】

沒有電腦的日子 - 二

今日更加無聊...起身 食飯 訓...

可以望住條街望成粒鐘都唔悶既人 應該叫做仙人

睇黎我都到達呢個境界Lu...

夜晚好在有電視睇... 粉紅救兵+第五元素

唔係既話我諗我真係會悶死....

>>April 12, 2005 at 4:28:47 PM GMT+8

2005 年 4 月 8 日 星期五 【晴】

沒有電腦的日子 - 一

發覺自己既忍耐力好低 -.-忍左四日唔上網就差唔多顛咁滯

補返呢幾日先 朝早食完野就拿左部機去俾人整

部機一唔係屋企就剩係識訓...食 訓 食 訓...好似坐監咁

本來話去踩單車...跟住有D人又唔得閒之類 太小人就88左...

夜晚同老母去左人地屋企食

好得閒既一日zZzZ...返到屋企睇埋兩場波 就訓

>>April 12, 2005 at 4:29:01 PM GMT+8

2005 年 4 月 7 日 星期四 【晴】

今日倒數第三日返學 頭兩堂數學 搏命搵人影相 一人一張人人有份永不落空

跟住拿左件波衫俾人簽名...勁靚A_A

地理堂係度研究 性經...學左好多野 A_A

英文就訓覺...Lunch 去左南翔食...食完去左玩扭蛋...

最尾兩堂中文...狂影相...放學之後又係影相+搵人簽名

我估都簽左70幾人以上...星期一再簽過A_A

4點幾就返屋企 返到去訓左陣就起身食飯

食完打左陣機就去左踢波...踢9:30 今日踢個班超勁...好屈機Feel

踢完就返左屋企.. 我諗今日應該係會考前最後一次既日記La如無意外

因為部機有D問題 ...加上都要開始溫書...所以應該都要等會考完先會再On...

希望各位唔會望記我La /0\ ..溫書個排應該會熜埋電話/ . \

記住唔好唔記得a各位/ - \

本來想俾件波衫大家睇 不過都係等簽晒先La ...最怕係俾佢Del左個日記

有緣再見 各位

>>April 8, 2005 at 3:58:23 PM GMT+8

2005 年 4 月 6 日 星期三 【晴】

今日係Last Day前最尾個五日 都可能係呢生人最後一次唱校歌既早會

不過我自己就無唱到 係度擔天望地

上到班房 頭一堂上中文...阿Sir都無野講 俾我地係度傾計之類

跟住三堂會計...成班吹足三堂水...今日好頭好尾...都有訓導上黎 XD

跟住兩堂經濟講卷 Lunch去左椰林閣到食...食完去左黃金樂園搵佢地

Lunch之後兩堂英文...勁好訓 放左學係班房拍野...機鵬哥 我俾你笑死

拍完之後落左去睇班際...小朋友班際D速度好鬼慢 同 大人班際差好遠...

睇完就返左屋企...睇埋場波

Ac好波 又勝一場 aoa嬴歐聯 嬴聯賽aoa!!

夜晚問雞拿返隻藍牙 終於都用到A_A! !

>>April 7, 2005 at 3:04:00 PM GMT+8

2005 年 4 月 5 日 星期二 【晴】

好耐都未試過正常返學Lu 朝早起身都唔係好眼訓

返去上到班房都唔係好多人無返 上兩堂會計...暴龍儲夠憤怒值 向我地開火

叫左訓導上黎...訓導都唔係好想理佢咁 真係麻煩

數學堂聽下歌 中文堂吹下水好快就過晒 ...小息個陣發生左樣野

佢地玩柔道...整到入左院...落去拿野都唔夠2分鐘...真係有d無奈

經濟堂派卷...嘿嘿 長題90M.C 37 A_A兩份都拿晒全班第一 爽耶

商業兩份都唔係最高...俾 頭皮怪 小0.4分...真係燥

中文作文全班第一aoa 但係無溫課文...址低左 -.-

LuncH 同佢地去左食金枕頭 ...係咁俾人串 干炒牛河 同 涷華田 真係

食完同佢地去左影相 ...我都要帶部機去影先得

上到課室 Miss 早退左 點完名開始做自己野 同佢地傾下計好快就過左d時間

放左學就去踢波 勁多人-.-甲乙丙都有 不過幾好玩 ...

踢完返屋企即沖涼訓覺...勁累...好耐都未試過打咁長既日記咁

>>April 6, 2005 at 1:47:00 PM GMT+8

2005 年 4 月 4 日 星期一 【晴】

今日係假期最後一日...可能係人生最後一個學校假期

朝早未訓夠 就俾人捉左去飲茶...落去等車時勁多人入黎拜山

搞到勁耐都無車...XYZ...去左上水既客家好棧同D親戚飲

飲完就返左屋企 訓覺...勁眼訓 ...訓醒都食夜晚

之後又打機...聽日開始溫返D書先

>>April 5, 2005 at 1:19:51 PM GMT+8