2005 年 2 月 12 日 星期六 【晴】

尋晚睇波睇到三點幾 太肚餓就訓左...朝早起身都成一點幾...

之後就刷牙換衫落街買野食...返到黎一路睇個套迷失帝國一路食...幾好睇

睇完就訓覺...D時間過得真快...訓醒幫老母通浴室條渠...整左勁耐...先通返小小...聽日仲要整

整完隻手勁累...抖左陣就沖涼...之後食飯...

超平淡的一天...訓→食→訓...聽日就情人節...

可惜我沒情人...◆

>>February 13, 2005 at 12:04:36 PM GMT+8

2005 年 2 月 11 日 星期五 【晴】

尋日踢完都係小小痛...今朝起身左右大脾都痛...行都有d問題...

食完早餐打左陣機 睇下電視 就2點幾...就同Father去左踢波

熱左好耐身先無咁痛...但係跑係上黎慢左好多...踢完尋日個場隻腳又軟...

今日比較差踢得...傳親波人地都拿唔得靚...可能無默契La...

踢完就返屋企換衫...因為有人係大陸落黎...所以今晚要出去食飯

去左紅磡個面食...食日本野...個到叫 <加太賀> 好鬼死似日本

佢地BooK左間房...超正...成班Fd約埋係入面點顛都得...爽

幾好食...不過都幾貴下...但係好有日本Feel 怪不得個陣成日有人去個度拍戲

有機會我都要同我第時個女朋友去食...!

今日落黎個幾個親戚我都唔識點稱呼...不過好玩得...成餐飯都聽到好多平時無機會知既野...正

食完走個陣有野玩...玩左個細公仔...俾左個表妹仔...唔知有無叫錯

之後就返屋企...睇到個套 <奇乜乜>...抄人抄到十足十咁...真係噢晒咀...又帶點無聊

仲以為會好得人驚...又或者好感人...再次俾無線呃晒...

>>February 14, 2005 at 7:02:56 AM GMT+8

2005 年 2 月 10 日 星期四 【晴】

朝早一起身 就打比老母叫老母買早餐...之後就換衫沖涼

食完之後坐下阿婆就入左黎...佢地今日入黎飲茶

去左華明飲...等左陣就有位...佢地黎到食完就上左屋企坐陣...

我自己就係度打機...坐左陣佢地就走Lu...打完機就落去搵佢地...

之後去買野食...等左陣 Father 落黎就起程去馬鞍山...今日有人約戰

原來 仿真草 可以著 釘Boot...真係呃晒=_= 三個傻仔係度嗌 "白鞋"!...

開頭去左人地個隊唔夠人去左佢地個隊到踢...踢左陣 人地齊人就換返人

之後等左陣就逐個換入...有一球助攻...之後開始體力下降...只好換人

完場比數 2:4...輸掉了...不過真係好好好好踢 d 仿真草...舒服過人做草 同 真草

之後就返屋企...沖涼時發覺兩個"波羅蓋"都好唔舒服...睇黎都係有D傷

之後就打機...差D輸俾電腦...真係無鬼用=_=...好在最尾都嬴到



◆ 做人要扲得起放得低...咁快無事...睇黎我又成長左XDDD

係時候 努力讀書...之後先再理呢d野la....


◆ To WinSon 試下唔好理佢地la...D狗男女...擺明想俾你睇架La D死人肉麻野

呢D人遲早俾人修...又得佢地開心下La...帶面具做人遲早俾人掀開

又唔係放唔得低...大把女爭住要La遲D...到時佢求返你 你慢慢玩下佢囉XDDDD

比心機讀書La..我都要為前途而努力Lu...會考加油!

★ 出自 迷你論壇★

男士心儀的對象，大都是靚女，但競爭對手如恒河沙數，不要說成功抱得美女歸，就算
成為密友以至首次約會都不易得到。有位自稱五呎九吋又不靚仔的鬼佬，自認數年前屢
戰屢敗，但今天可以輕易在交際場合約到任何靚女。原來他總結出十大追女仔錯誤，自
己不犯這錯誤，自然水到渠成。


●第一錯是太好人，太乖仔。靚女不會因男士好人和乖而被吸引，不少靚女身邊的「麻甩佬」，很多簡直不知所謂。
●第二錯是企圖說服對方去喜歡自己。事實上，女仔對閣下的感覺，不會因你的游說而改變。
●第三錯是做每件事都要得到對方的首肯和認同。當然我們不是和女士對著幹，而是希望每一步都等到對方點頭，但那是愚蠢和沒有必要的。
●第四錯是不斷送禮。男士們都認為女士喜歡名貴禮物，於是不斷送花束禮品，郤發覺女方身邊的男友，只送幾個麥當奴玩具，便贏得美人的芳心，於是忿忿不平。
●第五錯是太早讓對方知道你對她的感覺。讓她知道你的感覺並不會嚇怕她，但美女每天不斷被不同的男纏著，經驗豐富，你太早說︰「很喜歡你！」老套而不特別。
●第六錯是以自己的想法加諸對方，以為她會因某些因素而喜歡你，便想當然。
●第七錯是太早放棄。不夠富有、不夠高、不夠靚仔，其實都不必。
●第八錯是讓你的權力全交到她手中，自己變得軟弱無力。
●第九錯是沒有想過每一步應該怎樣。
●第十錯是不尋求專家意見。可能你已「名草有花」，但用於日常生活，上述錯誤理論也適用的。

>>February 11, 2005 at 6:22:09 PM GMT+8

2005 年 2 月 9 日 星期三 【晴】

朝早起身整好野之後同尋日一樣時間出門口...去到阿婆到都係十一點三...超早

去柒仔買野飲既時候見到表弟...之後同埋佢地一齊上去

上到去坐左陣就有得食飯...今日真係正...有得食有得笑...笑足成餐飯...

食完之後佢地就走Lu...我地坐多陣都返左屋企...返到屋企打左陣機就訓覺

今日都過得幾快...夜晚睇煙花...唉...又有一種寂寞感


◆寂寞地行花市 寂寞地看煙花 寂寞的情人節 寂寞的生日...

何年何月何日才有機會過沒有寂寞的日子...

嘆息奈何...

>>February 10, 2005 at 12:00:30 PM GMT+8

2005 年 2 月 8 日 星期二 【晴】

尋晚睇電視 睇到成2:30先訓...起身勁眼訓

今日係年初一...要去阿麻到拜年...整好晒野出門口之後去左火車站拿野...超重

之後就去阿麻屋企...去到食左小小野...就入左房坐...勁悶 今年拜年

佢地係咁問我有無女朋友 做乜唔帶佢出黎之類...可惜沒呢....

又無去睇賀歲杯...不爽之下只好訓覺...訓醒 坐下就返屋企...今年收得勁小錢...真係唔開心

返到屋企岩岩好 有賀歲杯睇...<<巴西 Vs 香港>>

森巴足球果然厲害...最後巴西大勝 香港7:1...都有入到一球...勁A 香港!

之後就等食飯...咁就一日 聽日又出去拜年...悶死

★ <可愛女人> → <浪漫時代>→ <黑色幽默> → <告一段落> → <講也不要講>...就這樣終結...

>>February 9, 2005 at 1:20:47 PM GMT+8

2005 年 2 月 7 日 星期一 【晴】

尋晚睇完 <<洪水狗肺>> 既 大結局先訓...睇幾多次都係咁好睇

朝早起身 整好晒野之後就去左交錢買野之類...整完返屋企食完野 就訓覺

超級悶既一日...起身都六點幾...本來約左吉吉出去行街夜晚...但係塊面好爛...都係算

夜晚食團年飯...真係好似好耐未試過成家坐係度食飯...

食完飯就幫老母吸塵...吸完條腰差D斷左...夜晚Icq List好多人On左...同佢地吹下水又一日

今日就係<龍族>陪左我過既第四個新年...今年佢都執Lu...我都要考會考

呢條片雖然係講RO...但係有玩龍族既人睇完...再睇返今日既<龍族>

我想信大家都會好有同感...http://reesion.cool.ne.jp/ro/etc/pictures/12.htm

套用入面既數句話: 夢始終還是要醒... 希望龍族能回到最開頭的一天...

龍族既各位朋友...俾心機讀書...俾心機搵錢...!! 有機會再出黎食飯聚一聚!

★新既一年...希望大家都身體健康 ...搵錢既就賺多D 之後請我食飯 A_A

★新既一年目標 : 上中六 踢好D波 打好D羽毛球 希望唔使過第十七個情人節 同 生日


★仲要係度多謝下D人先...Vam 敏 Winson 雞 Bar 標 吉哥 ...仲有好多好多人

係我唔開心既時候 陪過我既人A_A...好似有D婆媽 唔打咁多Lu

不過真係好多謝你地...係度祝各位

新年快樂!!

>>February 8, 2005 at 4:43:17 PM GMT+8

2005 年 2 月 6 日 星期日 【晴】

尋晚差唔多兩點先訓...朝早起身 都只係10點幾...仲諗住會訓晏D

起身 整完個頭就落街...拿咭...真係嚇一嚇 咁長氣龍...好在唔使排隊 拿咭

拿完之後就去左惠康買野...行到報紙廊個頭發現 有人嘈交...都唔知為乜嘈睇左兩眼就走人

買埋野食返屋企...食完執下屋...就打下機...之後就去左訓覺...超悶

訓訓下佢地打黎叫我落去食麥記...聲哥帶左阿嫂出黎...食完去左太陽神到坐左陣

就去左方樹泉...吹下水 踢左陣波就返左屋企...夜晚返屋企 發覺...人燥萬事煩

★★★★★★★★★★★★★★★★★★★★★★★★★★★★★★★★★★★★★★★★★

★許志安的講也不要講...幾好聽


不解釋　不補充　講也不要講

不捨得將這事幹擺進大染缸　

小家只不好看　情願別人敬重我病態的開朗

怎麼分開　或失戀　講也不要講

想關心的　建議你問我工作和近況

人大了自覺警覺　能在最難情況冷靜而硬朗...

★★★★★★★★★★★★★★★★★★★★★★★★★★★★★★★★★★★★★★★★★

好想 和你一起返學放學...小息LuncH形影不離

好想 和你分亨所有快樂...失落時有你作倚靠

好想 和你去行街睇戲 靠在你身旁 靜待時間的消逝

好想 和你在雨中漫步...或在海旁散步 令旁人妒忌

好想 和你去影貼紙相 每次拿出來細看回味

好想 和你一起去燒野食 在天氣好的日子一起數星星

好想 在聖誕節送禮物給你 在除夕和你一起倒數

好想 在情人節和你在街上亂逛 過一日只有我和你

好想好想好想好想...

還有好多好多 好想...可惜 夢想 和 現實總是不同...



　　　　　　　　　　　　　　　　　　　　　　　　　　　　　　希望你會很快找到快樂＊

>>February 8, 2005 at 1:08:54 PM GMT+8

2005 年 2 月 5 日 星期六 【晴】

朝早起身...都差唔多11點...食完野沖埋涼換埋衫 就 坐左係度睇電視

睇睇下訓著左...起身坐下佢地就打黎叫我出去...同宏 & 聲 去旺角

今日行D小去D既地方多...去左朗豪坊...宏 睇中左件波衫 我睇中左件 T

之後大家都買左心目中既波衫...班馬兵團既11 + 9 ...有機會影出黎俾大家睇

聲哥今日買小小野都用左勁多錢...果然係有錢仔...食完野行完街都成 11點

返到屋企 收到神秘電話...傾一D國家機密...希望唔會發生世界大戰La...

>>February 6, 2005 at 4:12:43 PM GMT+8

2005 年 2 月 4 日 星期五 【晴】

無聊的假期開始Lu...不過假期D時間要拿黎溫書應該唔會好悶

朝早遲左起身...仲諗住去拿野 落到去見到咁多人都廢事排隊就走左

買左野食就返屋企...諗住買書睇 點知差1$...幹 買左份報紙就算

返到屋企食完野坐下就去左踢波...成個星期無踢 踢一陣以經址晒氣...好在都有波入

仲幫人地製造左兩次機會...不過就仆街黎...好在都係損左小小...

踢完去買埋本書同食既野之後就返屋企...返到去沖完涼 係咁易執下野

之後就去扮豬ZzZz...訓下醒下...

夜晚執埋個電腦枱同埋吸埋間屋....整到條腰差D斷咁滯...真拿命...

>>February 5, 2005 at 2:12:09 PM GMT+8

2005 年 2 月 3 日 星期四 【晴】

朝早出到門口勁大風...即著返件褸...返到學校個八婆話唔俾著要俾佢Keep

之後問佢點解個班人著得...佢話人地個D叫厚褸...真係睇唔出佢邊到厚過我

之後無俾到佢就走左...好在有帶袋裝住入去...頭兩堂上商業...勁眼訓 愈聽愈悶...

聽唔入耳...第三四堂上中文...要測驗...一拿到就即刻訓覺...一訓就兩堂...爽耶

訓醒之後英文訓唔著 係度對住媽婷唱歌...唱到落堂...去食LuncH...去食日本野...

今日賴國生日...可能係咁今日特別多人一齊食...成16人...坐得超迫要

食LuncH個時係度傾起D 野...個個都覺得好嘔心...今日自己睇返佢個日記

發覺佢係一個超級九唔搭八既人...狗屎垃圾放埋一齊就話係英文...仲要錯漏百出

好心佢打之前就用個腦諗清楚先打La...又整到成地都係毛粒...唉 真係嘔心坐佢後面

食完就係我地食完既時間 又華潤玩到返學校 上到二樓佢地諗住捉Aya

點知有人保護佢...入去點完名就上數學...整左塊板 諗住佢地唱個時舉

之後玩下UNO就落堂...超快...落左堂交完野就去左禮堂搵定位坐 睇比賽

先獨唱後合唱...媽婷 唱得幾好聽...不過佢拿唔到獎...之後唱合唱

阿水個班唱得幾好...仲幾好玩...朱玲同擴雞 唱<<香港地>>超好聽 又好笑 佢地拿左亞軍

Aya 同 翠翠 唱<<4 In Love>> ...超好聽...又感動...拿左冠軍...唔使俾個四條白痴拿

比完賽之後就 去左禮堂後面幫賴國慶祝生日...係度 祝 賴國生日快樂先!

之後食完蛋糕放完野就走人Lu...仲諗住今晚會有節目...點知個個都唔得閒 只好擱置

咁就放假...真係好唔想放假...好鬼悶...愈黎愈小日子有得成班好似今日咁顛Lu

>>February 4, 2005 at 10:46:35 AM GMT+8