2007 年 5 月 22 日 星期二 【晴】

上星期六, 新工上了2天後回家
晚飯後眼皮敏感, 初初以為冇事, 點知訓到12點幾, 突然好痕
下床一看, 嚇到半死.......

點解一雙手一雙腳加身, 頸都出左一大堆又痕又紅的癱
急忙叫醒媽媽....媽媽話呢d係風癱....

好可怕, 我第一次係咁, 唔知咩事敏感
文綺叫我即刻去威爾斯打針
去到醫院, 好彩只係等左一陣就到我
好乖咁打左針就回家

到了星期日早上, 癱完全的退了, 以為冇事
告了早堂的假, 接著還有小組, 組長組及組員婆婆的安息禮拜~~

回到家, 又發返了
結果媽媽帶了我到浸會, 又打了針.....

星期一早上依然未好, 一對小腿仍是長滿了癱, 情況比星期日晚還要嚴重
媽媽聲聲的苦口婆心教導同責罵
令我更難過....因為, 我知道是自己沒有好好休息, 星期日下午復發沒有到威院取藥, 也沒有打電話告訴她.....令她擔心我了

尋日一天食住藥先控制得住, 晚上十時小腿又起起地癱
幸好, 今早沒大礙, 只是眼皮位仍是紅紅爛爛似的

很可怕. 好似唔食藥唔得咁.....
究竟係咩事敏感呢?

風癱呀風癱, 你快d離開我呀~~~


*特別通告: 如冇必要, 呢個星期的一切放工後的活動, 晚飯將取消或押後, 請各位見諒, 也為我禱告!

>>May 22, 2007 at 1:22:20 PM GMT+8

2007 年 5 月 17 日 星期四 【晴】

悠長假期終於要完了
足足放了三星期, 但似乎不太夠, 其實, 應改為小休假期
還有很多事想做, 很多人未約~~

明天進入新工作, 怎樣也不得不感謝天父的安排, 盼望是好的地方!

最後一天的假期, 出了旺角跟文軒食個早lunch
提起有車四處遊玩非常好
那買架巴士的概念, 的確不錯
阿女十分支持! kekeke

下午與小云相聚一刻, 食tea傾偈行街, 好捨意
為假期劃上很圓滿的句號!

*****

恭喜edith明天也上新工, 天父著實很奇妙!

+++++++++++++++++++++++++++++++++++++++++

昨晚打了個mail
用了很長時間, 也附加不少眼淚
思考了很久, 決定了, 是抽身的時候

"離開", 總是不容易的, 2號人還要努力學習"唔關自己事"
擺上了很大的勇氣, 連往後收看大家的mail, 也一口拒絕了......

相信要一段時間適應星期日多睡半小時及在台下敬拜
沒有回祈禱會的隊友, msn及電話中也親口的交代了
謝謝大家的回應與支持, 妹丁很不捨得大家呢~~

但願天父喜悅我們這裡的服侍~

>>May 17, 2007 at 9:31:43 PM GMT+8

2007 年 5 月 15 日 星期二 【晴】

請看看阿麒日記
http://diary.showhappy.net/?id=189086

+++++++++++++++++++++++++++++++++++++

星期一晚上一上msn
玨明及麒就分別的問我星期二晚有什麼做
大家真的很好, 有得玩就想起我

3個圈 + 10 mins 賽車
有看的份兒也就最滿足了
因為我相信我駕馭唔到呢個玩意, 同埋, 太貴了~~~

有車係今天最大的恩典
一時話去深井食lunch, 一時話去蝴蝶灣
最後去了黃金海岸

12時正午, 曬到正, 但有風又一d汗都冇
見到個海灘, 很舒服, 好想跳落水!!




我相信我應該黑左唔少.....

回家還可小睡一會, 多謝天父!

>>May 16, 2007 at 8:01:00 PM GMT+8

2007 年 5 月 14 日 星期一 【晴】

預定了的今天, 要外出悠閒一番
放假後變了電視迷
每天追看11點幾那套劇
看完望望個天
很熱很曬
最後, 結伴通勝 & charles 一個嬲字去了唱k
講起都真係嬲嬲地
2點半唱到4點半就cut晒人地d歌
4點5先order 第2杯野飲
又唔係有人等, 都唔俾人唱
結果, 3個人拿住杯野飲,坐著傾偈傾了一小時,才捨得走~~

晚上首次跟charles女朋友一起食飯
整體來說, 也不錯的

為免悶親大家, 我滔滔不絕的講野
走之前, 我問何啟康, 會唔會悶到kari, 又或者, 會唔會講得太多野

charles 回應了kari的一句
"呢個係唔係你話是溫柔的阿璇呀"

.........................

我自覺我的溫柔是與嚴厲並用的
應該唔係人人會明白, 哈哈

+++++++++++++++++++++++++++++++++++++++++++

為同路人守望, 加油加油!

>>May 15, 2007 at 12:47:28 AM GMT+8

2007 年 5 月 13 日 星期日 【晴】

母親節快樂!!
小組改了星期六, 完了崇拜就回家等埋姐姐
舉家入了元朗
行行, 逛逛, 食食, 很自在, 很自由~

是姐姐約入元朗的, 一心以為她是今天導遊
點知, 姐姐一句, 我唔認路的, 大家四圍行就可以
即時爆笑, 哈, 好一家人
漫無目的的行行走走

5點細佬仔由宿舍出來join埋
無聊的在街玩自拍
四姊弟妹真是很夠無聊
我們的笑容很一致. 單是對黑眼圈就包保失散了也不會認錯

晚上簡單的吃飯
送禮物, 相信媽媽很喜歡, 爸爸也很開心

由於媽媽腳痛, 細佬整天拖著媽媽行
難怪媽媽說自己老來從子
而我覺得, 異性相吸是永恆的定律~


下次post返d 相

>>May 14, 2007 at 11:52:09 PM GMT+8

2007 年 5 月 12 日 星期六 【晴】

星期三文軒小區組長組, 很開心, 有新成員加入
正如文綺所說, 大家都是來玩玩而已
輕鬆愉快的開一晚組
期間有反省, 有分享, 有笑聲, 仲有甜品, 很滿足了
要大大感恩~~~

+++++++++++++++++++++++++++++++++++++++++++

上星期跟今個星期都分別見了兩份工
明明say 晒no 的一份工, 竟然話覺得我很適合
幾個電話來回之後
仍然要邀請我去2nd in, 我覺得很好笑
組員話, 可能係份工冇人做, 要呃我呢個傻婆~~~

哈哈哈, 我唔想再入了黑店, 真係要小心選擇!

++++++++++++++++++++++++++++++++++++++++++

星期六下午跟文綺tea一tea
文綺的說話永遠都叫人很窩心
而且, 是充滿力量的!

真的很powerful!!

+++++++++++++++++++++++++++++++++++++++++++

晚上飲了中同中的第一餐
其實跟這位男同學不是太熟
熟只是因為他跟我較要好的女同學拍拖
但也不是在他倆拍拖時
反是因為他們分手而熟了

今天看到他找到真正的幸福
感覺很好!

向前看, 真的很好!!

>>May 13, 2007 at 9:47:15 PM GMT+8

2007 年 5 月 8 日 星期二 【晴】

思行走了, 繼續專心做2份功課
好唔容易, 完成了一大半, 要努力!!

++++++++++++++++++++++++++++++++++++

前2天環保署舊同事打來
很久沒有聯絡
原來........她似乎將會做了我工總的位置
她對於公司的現況有點晴天霹靂
不過, 我還是直話直說, 同埋祝她好運~~

++++++++++++++++++++++++++++++++++++

deputy manager 不停的打來問我有關公司的事
每次我都很客氣及詳盡的回答
不過可能給她太有賓至如歸的感覺, 以至, 她隔天唔夠又打來....哈!

++++++++++++++++++++++++++++++++++++

今晚去了看spiderman3, 多謝 :)

>>May 9, 2007 at 11:22:49 AM GMT+8

2007 年 5 月 6 日 星期日 【晴】

今天很感恩~
青三大旅行有好合宜的天氣、好好玩的遊戲、好正好投入的青三人
感謝天父!!

orientation要鬥智鬥力
高質素之餘又好抵死
一路爆笑, 一路急步行, 一路玩玩玩
小組今天人不多,
但看見組員很投入的玩
很開心~~
要讚下文豪的智慧, bay 的機動及勇於嘗試, 同埋阿琪的鼓勵性說話...
但我想強調, 阿琪是跟我一黨的! =p

++++++++++++++++++++++++++++++++++++++++++

青三今天也算多人
很多面孔, 有些識, 有些不識
期望一區人的感覺更強, 大家彼此更了解!

+++++++++++++++++++++++++++++++++++++++++++

今天樣樣野都好高質素, 恰到好處
但略嫌沒有集中的風........
風箏放極都唔起~~~

++++++++++++++++++++++++++++++++++++++++++++

最後的水球大戰, 很刺激
是看得很刺激!!
回程有旅遊巴, 很體貼, 雖不是很累, 但可以一車人咁走, 很完滿~~
心裏也有個感恩禱告, 謝謝天父今天的同在!

除了天父, 最後很想高過讚揚牧養小組的安排, 很厲害, 有十個叻~




>>May 6, 2007 at 9:47:30 PM GMT+8

2007 年 5 月 5 日 星期六 【晴】

相信留言者應該係一齊做"藍天行動"的戰友們
我估唔係數字同事
係字母同事~~

哈哈, 謝謝妳呀 ^^

沒有工作, 找天來跟你們食lunch~~

*如果估中, 有沒有獎?
如果估錯, 唔該你話我知, 你係邊個丫

>>May 6, 2007 at 10:53:10 PM GMT+8

2007 年 5 月 4 日 星期五 【晴】

思行5．1又回了港
2號到了我家住到星期日
我開始懷疑機票係唔係咁平~~

每朝早, 思行唔駛再問我可唔可以告日假同佢玩
因為我已不用返工, 最開心應該係佢!

這2天, 打麻雀, 打籃球, 行街街...
加埋黎緊星期日青三大旅行
很多運動量
也好, 不然食飽訓, 訓飽食的生活, 遲早變大肥豬~~

>>May 4, 2007 at 11:52:46 AM GMT+8