2008 年 5 月 23 日 星期五 【晴】

滿了一年合約
bonus 了7天大假

不如, 去個旅行.......!


=============================================

四川人的確很堅強
災難後才十日就著手災後重建

對於某些急忙逃離現場的人
相信....他們都是很無可奈何的離開...



離開, 或許也是好的....
留下來, 大概, 為著那一點點的情吧

到底, 重建重整, 談何容易?!






我要放個大假.................

>>May 23, 2008 at 6:07:51 PM GMT+8

2008 年 5 月 16 日 星期五 【晴】

我
破了產...

>>May 16, 2008 at 9:19:03 AM GMT+8

2008 年 5 月 7 日 星期三 【晴】

一切都似乎回復正常
除了......我的體溫

由上上星期六發燒後
上星期至岩岩星期日....時不時就微燒了
唔駛太高, 99度幾至100度
一唔食住藥, 就黎.......

星期日晚晚上, 吃了退燒藥
臨睡前探一探, 又竟然得返98度, 退又退過了頭~

星期一早早回家就睡
半夜又冷醒了

星期二在家睡了一天
keep 住食藥, 6點幾都仲係99度幾..
那一刻, 好氣餒.....
我的免疫系統發生了什麼事...
而家d菌係唔係真係咁勁..
探熱針是否壞的...攪咩家中的東西樣樣都好似傻傻的...!!!




看了lica 日記, 我忍唔住也想講....
我星期一晚拿了家用給媽
媽媽星期二就用了一大筆去買燕窩
買了5000蚊..


哈哈, 真係賺左都補唔返~~~ (重點仲係...我唔係賺好多..!!)

---------------------------------------------------------


昨晚晚上終於有時間跟媽媽唱詩歌
一切歌頌讚美....
下一句係咩呀...

"哈利路亞.."


哇哈哈!!! 很好笑....冇一個音係準的, 但很欣賞媽媽
媽媽還說下月開始要在婦女組帶遊戲!



頴欣....我知道你又病了, ...因為我媽今晚又跟我說下午在街市撞到何媽
我媽說我女病了, 何媽又說她的女病了..


哈哈, 你要小心身體呀! 家陣d菌真係好惡呀!!! 但我地要叻過晒佢地~~

>>May 7, 2008 at 8:41:52 PM GMT+8

2008 年 5 月 4 日 星期日 【晴】

event終於完了...
幾分鐘就響一次的電話
不停有問題要處理, 的確, 令人很exhausted~~~
合作的中學同事, 教育局....等等, 都覺得是"幫我做野"..
呢個感覺, 真係..............

不過將心比己, 我是老師, 在培中教書已經很辛苦
教學以外的事, 會defense, say NO, 唔想理...是可以理解的~~~

很多個電話收線後, 我覺得對方是會破口大罵
如姐姐說, 只好想...他/她是罵這個制度, 不關自己事
到底, 我已經做了要做的事了

埋單計數, 盼望是個value added 的project

===============================================

上星期日, 看了詩84
整個星期也是詩84

今天, 文綺敬拜也有詩84
文綺說, 要輕看地上的一切.........沮喪, 不開心, 失望...

「耶和華未嘗留下一樣好處, 不給那些行動正直的人」



我還是未學會...
原來
不開心是可以講出來, 寫出來的
唔開心極....很有限~!!

>>May 4, 2008 at 8:37:49 PM GMT+8

2008 年 4 月 29 日 星期二 【晴】

晚晚上, 竟然聲沙~~~
急忙再乖乖食藥!~


=======================================

近來鮮有的打了個咁長的diary..
應該把大家嚇壞, 哈哈~

放心, 我呻完就冇事, 好ok呀!~
學習危機應變
下次處理得要更好






忘記背後, 再努力面前
今天唔得, 下次都可能唔得, 再下次, 再再下次...
總會得既!


hey dears, 我地都要加油啊!!

>>April 29, 2008 at 11:21:47 PM GMT+8

2008 年 4 月 28 日 星期一 【晴】

又上了一課 - 擺款的主任

5月1-3 連續3天events
上星期四會上中學校長說要預備落雨用的雨傘袋

回到公司, 一問清潔阿姐, 公司有幾多stock, 企圖拎住公司的去用住先...
打算唔會咁黑落雨掛.

阿姐第一句叫我唔好郁佢d貨..
我回了一句, 那你幫我去買..

後來帶了我到她的地頭, 數了500個給我
還交帶 "唔用要還返俾我..."


天文台今天說未來幾天有機會下雨
今天回到公司, 叫阿姐幫忙買多幾百個回來

她叫我俾錢佢..
同事說上年的價是$15/ 100個..
我拿了200給她, 她一邊就說, 你唔好以為咁易買啊, 今年都唔知買到幾多.可能加晒價.

我話, 就算佢加左價, $30/100個, 呢度都夠買.
她說盡買回來給我..我說冇問題



她買完回來, 給了我一張寫著$195的單
我問, 即係幾多個, 幾多$

她就找了我$5
我再問....呢度$195有幾多個...

她說, 你咪數下....我回答, 下, 你買左幾多個都唔知架咩..

就係呢句....一觸即發...
我一邊講緊個電話
一邊她就會逐個逐個拿出來數..
也完全沒有理會我講緊電話...

我個電話都未講完, 佢又衝入黎. 拎住間鋪頭個電話叫我打電話去, 問下幾錢一個遮袋...

我心知, 出事了...
收線後, 追上了pantry..

已經見到她又掟呢樣又掟果樣...
喊晒咁話自己做左7年, 連校長都沒有向她發過脾氣...


我真的呆了, 連返解釋, 我只係想知道, 買左幾多個
心諗....咁我都要預返個數架....
佢已經唔聽, 不停叫我走...仲話我唔好持住自己係主任

灰到爆, 我話, 由第一日返工, 我幾時當過自己係主任呀

阿姐說" 我做過手術唔拎得重野, 咁辛苦買完返黎.
唔該同多謝都冇句, 就質問佢買左幾多$ 幾多個, 我而家乞你的嗎...."



我真係呆晒..........



然後, 我又一觸即發...
喊到唔收得聲.....



同事叫我唔好嬲, 佢係比較敏感, 一場誤會jei....
呢排同老公攪緊離婚, 叫我體諒下佢....

我本來都可以控制一下, 但由於近來真的好辛苦, 結果, 喊左好耐..
好委屈







這星期也在想, 實在把太多責任都放了在自己身上
當一個擺款的主任
無不好處...

只少...
同事交功課時, 留下一句, "我比較唔小心, 我知你比較忙, 你要睇緊一點..."
又有同事會跟我說, "event 很大壇, 很大壓力...."
"我近來都好frustrated, 呢個比賽........"

凡事向好一點想, 縱然我懷疑為何同事可以這樣的跟上頭對話的同時
我會想.......應該是他們當我是朋友, 所以不怕跟我sharing..
但我交給他們的事情, 未能做好, 放下一句, 我比較唔小心, 我近來很frustrated
我..........還是要包他們底..


如果, 我是個擺款的主任, 大概他們只會跟附近的同事說
"岩岩阿璇俾野我做, 我好大壓力..."

哈哈~~~


acting 校長開完會回來, 跟我了解事情
我說, 我不是不體諒, 但實在很過分
我已經有道歉, 叫佢唔好理我細佬女唔識野..
但她似乎以為自己岩晒, 轉個頭仲教訓我
叫我要是想坐耐d 個位, 唔好企住d 細既...


我開始後悔向她道歉, 是縱容了她.........


想著想著, 冰封三日
一定係平時, 她開工時間去覆診, 講一句要去睇醫生
我問返一句, 咁幾時返呀..(都係預返佢幾時返..)
但阿姐以為我check 住佢....

學校外借場地....佢話做唔切清潔, 要求請個part time
我問了, 那其實是多左幾多野做...
佢又以為我check住佢係唔係偷懶
我一feel到佢敏感, 已經解釋我都要清楚知道有幾多野, 先可以向校監增加人手架..


我問校長, 我夠overload 啦, 係唔係我就可以要求請人幫我..
我都做得好辛苦, 係唔係全人類都要多謝同唔該我...

每個人有不同的做事方法, 我明白

但呢個係工作的地方, 我地呢度已經好有人情味~
我未必每句說話都加句唔該前唔該後, 但至少從沒有鬧人

就算我近排講野冇尾音, 唔係成日笑
那...個問題在哪裡??!! 呢度係返工的...

acting 說, 阿姐都曾經鬧過佢......
佢都好唔開心, 不過當是做好事, 她背景很慘....


唉.....冇la la 俾人開刀...
我都仲未病好, 真係冇陰公...


好, 明天開始
我是個擺款的主任~
(我今天只是msn 加上呢2句....阿老師叫我唔好嚇親d 同事.............結果, 我delete了..
原來........連發洩一下......都唔可以在msn...只可以在diary.....!!!!)

>>April 28, 2008 at 10:48:04 PM GMT+8

2008 年 4 月 22 日 星期二 【晴】

昨晚是期待已久的區長會
卻因為要監工, 不能出席
contractor 的人工應要分一部分給我-__-

乘車回家時, 很累, 也很不開心
大家還是很努力的趕、病了也來聚聚......卻是我來不到........


好可惡呀!!

------------------------------------------------------------------------------



還是未學會...

>>April 22, 2008 at 7:05:02 PM GMT+8

2008 年 4 月 20 日 星期日 【晴】

記下一星期的感受
．子祈出世了
．5年的緬甸分享會
．阡陌禾田

很感動也很激動!




美中不足, 有了個要工作至9時的星期天....



>>April 22, 2008 at 6:55:18 PM GMT+8

2008 年 4 月 15 日 星期二 【晴】

尷尬的時間..

前進~~


---------------------------------------------------------------

上星期
清心的人有福了, 因為他們必得見神。(太5:8)

晚上看詩篇
神實在恩待以色列那些清心的人。......(詩73:1)

多謝!



PURE IN HEART!

>>April 15, 2008 at 11:18:40 PM GMT+8

2008 年 4 月 6 日 星期日 【晴】

情感主導

近來情緒失常了
有點失去理智

IQ、EQ都被大大的考驗



今天nelson 敬拜中問了一句, 你這個星期有什麼想不明白, 想要問問上帝的?

我問了
How to be a good team player?!!

由於情感主導, 有時, 在一件十分簡單的事情上, 我可以有很極端的反應
情緒, 就這樣被拉下去了..........

一次兩次三次
我不是需要一個我的答案
只是一個回覆, 一個回應, 那怕它是一個"不"的回應

沉默, 令人窒息, 令人感覺很冷~




學習平衡情緒
不要變成滿口苦毒的人

對神對人對事
若有天不再有情緒的時候, 那就是等於跟我很沒關係的了
那....其實很糟!


敬拜最後唱了這一首

「走 走走走
別讓心門上了瑣
不要因為路途難走
就要放棄堅持的夢.......」



start with enthusiasm, end with commitment
要尋回起初那個熱忱, 努力, 走下去!



我想我近來很麻煩, 多謝陪伴及聆聽!

>>April 6, 2008 at 6:20:50 PM GMT+8