2005 年 2 月 20 日 星期日 【乍雨乍晴】

今日終於有學返喇~~~ but 我又唔想返喎... 因為 d 堂實在太悶喇~~~ 唉~~~~~每個星期，我都只係期待 raymond o個堂~~~ 但今日上 william 堂o既時候，小 win 畫左一幅巨作o係我份 notes 度~~~ 哈~~~ 超好笑~~~~~ 我會幫你搵下有冇咁o既人ga喇~~~ ^.^

放學之後，就攞左部電話去睇醫生喇~~~ 咁我就有幾日冇電話用喇~ 我要玩失踪~~~ 嘻~~~~~

呢兩晚用左由上海帶返嚟o既暖毯，好暖呀~~~ >///< 但真係冇諗過今年會有機會用，冇諗過仲會凍呢~~~ 張暖毯好有用呀~~~~~

今個星期見唔到添... >"<

*********************************************************************************************

o係網度睇到呢段文章，寫得好好呀~~~

曖昧是, 比朋友再親一點, 但比情人遠一點;

曖昧是, 有一點兄妹情誼, 但卻不敢以兄妹相稱, 大家都暗暗的明白, 這段關係不可能簡單如兩兄妹.

曖昧是, 你會常常在ICQ等他online. 你會設定他online之時, 系統會有online alert, 你也會把他的名字floating on. 每當你沒有見到他online, 你會有些掛心.

曖昧是, 你會不時去他的info看看有沒有更新; 而且你會留意字裡行間, 他對你有沒有什麼暗示.

曖昧是, 有感覺, 然而, 這種感覺不足以叫你們切切實實發展一段正式的關係.

曖昧是, 明白人生有太多無奈, 現實又有太多的限制. 你知道沒有可能, 卻又不捨得放手.

曖昧是, 有進一步的衝動, 卻沒有進一步的勇氣.

曖昧是, 他不是你的情人, 但似乎他比你的情人更關心和了解你.

曖昧是, 你會編一條頸巾送給他, 但你們還是原地踏步.

曖昧是, 雖然他不是你的情人, 他卻會對你說"你對我是十分重要的"

曖昧是, 你病倒了的時候會有一個晚上打電話給你, 特意提醒你要定時服藥, 蓋好被了早點兒睡的普通朋友.

曖昧是, 當你遇到問題解決不了的時候, 想到的都是他. 然而你找不到他, 你才會想你的起另一半.

曖昧是, 當他說到他的另一半時, 你會有萬箭穿心的感覺.

曖昧是甜膩膩同時又酸溜溜. 從來都是未得到, 便患得患失.

曖昧是, 別人以為你在攪地下情, 你會沾沾自喜.

曖昧是, 別人問到你是否談戀愛, 你會有失落的感覺, 因為他還未開口.

曖昧是, 你見到他的時候會心如鹿撞, 不見他的時候會掛念萬分.

曖昧是, 你們約會之時, 懸空的一隻手, 總是感覺無奈; 但又希望兩人的手可以相碰, 因為那種感覺叫你留戀一世.

曖昧是, 你會回味"中箭", "愛與情", "友誼萬歲".

曖昧是, 兩人會互相猜測, 他是不是已經暗示了什麼, 你是否已經錯過了一個機會?

曖昧是, 每天都ICQ, 互傳短訊, 無規律的約會.

曖昧是一扇門, 你只可以停留在門外, 因為你知道那扇門永遠不是你的終點.

>>February 22, 2005 at 1:36:58 PM GMT+8

2005 年 2 月 19 日 星期六 【乍雨乍晴】

今日都係訓到好晏先起身~~~ 哈~~~ 訓晏 d，就唔使起身之後咁無聊 ( 呢 d 到底係乜野理論呢...??? 我自己都唔知啊~ ) 哈~~~ 起身之後，就同阿爸出左去食 lunch，then 就返左屋企 online and 睇尋日買o既碟喇~~~ 就係咁，就用左一個下晝~~~ good~~~

今晚睇 " American next top model " ~~~ 我鍾意o個個終於都出左局 lu~~~ 不過都一早知道 lu，因為 win 左o個個係 Eva~ 但我唔鍾意佢呢~~~ 唉~~~~~

>>February 20, 2005 at 1:41:54 PM GMT+8

2005 年 2 月 18 日 星期五 【颳風】

一星期放四日假真係好悶呀~~~~~~~ =.=

今日起身之後，就o係度睇阿珊借俾我睇o既 " the notebook " (忘了, 忘不了)~~~ 睇到最後，真係幾感觸，想喊添~~~ 哈~~~~~我都好想有一個咁愛自己，會守護自己一世o既人~~~ i am waiting for you~~~~~

睇完套戲之後，我就開始發呆喇~~~ 悶死人喇~~~~~~~~~~~~

之後，就同阿爸出左去食飯~ 仲買左幾套戲添~~~ 咁聽日就有 d 野睇下喇~~~ 但睇完都係會悶... 唉...... 食完飯返到屋企，就o係度睇 " 殘酷一叮 " and " 行運超人 "~ 我仲記得呢套戲係我同阿珊 and 阿峰去戲院睇o既呢~~~ 我地睇完仲要o係度扮佢地講對白~~~ 哈~~~ 不過唔知你地仲記唔記得呢 ( 我諗阿峰一定唔記得lu )~~~

>>February 19, 2005 at 3:24:06 PM GMT+8

2005 年 2 月 17 日 星期四 【颳風】

由新年假到依家，得今日係全日留o係屋企冇出過街咋~~~ 好悠閒呀~~~ 仲可以訓到成點先起身~~~ 嘻~~~~~ then 起身睇 " big fish "~ 買左返嚟咁耐，我終於都睇佢喇~~~ 都幾好睇ga~~~ 但跟住就要開始做 year project 喇.............

尋日話過你，今日好似有 d 進步喎~~~~~~

仲咳緊.... 乜都唔食得..... 好慘呀....... >"<

>>February 18, 2005 at 2:19:31 PM GMT+8

2005 年 2 月 16 日 星期三 【晴】

今日都仲係好熱呀~~~ 行左一陣就一身汗... 真辛苦........

今日訓到十點幾就醒左喇~~~ then 就出左去自修室喇~~~ 之後，阿峰終於都出嚟喇~~~ 咁我地就去左食飯喇~~~ 但你好似係話兩點ga喎...??? 又遲到.... 今次遲左 25 mins.......唉~~~ 如果罰錢就好喇~~~ 咁我就成日有人請食飯喇~~~ 哈~~~~~

除左o個十個 points，仲有其他ga~~~ 下次話你知~~~~~

唔知點解... 今日都仲係好呆... 好眼訓咁............

>>February 17, 2005 at 1:48:58 PM GMT+8

2005 年 2 月 15 日 星期二 【晴】

點解會咁熱ga??? 依家先係二月咋喎~~~ 熱死人喇~~~~~~~~~~~

今日要補課，本來放兩點半，但今日要成四點半先放......... 而今日o係上 william 堂o既時候，我完全冇聽佢講書，只係o係度趕埋份功課~~~ 哈~~~~~ 我地仲做埋三個星期後先交o既功課添~~~ 真係好快啊~~~~~~ 但係今日食左藥，o係 raymond 堂o個時訓著左............... 嘻~~~ 但阿 sir 都唔理我 lu~~~~~

仲有要多謝阿文~~~ 我好返好多喇~~~~~ ^.^

>>February 16, 2005 at 12:33:03 PM GMT+8

2005 年 2 月 14 日 星期一 【晴】

尋晚咳到訓唔到呀...... 好辛苦...... 所以今朝一早就去左睇醫生~~~ 就係因為咁，我就走左英文堂喇~~~ 返到嚟，知道分組出左問題.... 唉...... 其實我都係知道有問題先返嚟咋...... 好彩最後都攪掂左咋~~~

但今日食左藥... 所以成日個人都好呆..... 哈~~~ 今日上堂仲要搭條橋，都唔係好想用腦去諗喇..... 不過最後我地o個組都 win 左~~~ yeah~~~~

今日o係學校仲見到明明，我問佢攞利是，但佢竟然答我 " 我未嫁呀~ " ~~~ 哈~~~ 好好笑~~~ 原來佢係女仔嚟ga...??? 嫁o個時記得話我知喎~~~~~

放左學，就同小 win and sharon 去左旺角行街~~~ 我地仲去左 pizza hut 食 tea~~~ 點知........ 今日仲未有 tea 食......... 我地就係咁迫住食左個餐喇~~~ 咁我就坐o係度睇住其他都係諗住落嚟食 tea o既人，發現今日冇 tea 食會點喇~~~ 大家都係會死都唔心息咁睇本 menu~~~ 真係冇乜機會會咁認真咁睇個 menu 呀~~~

之後，我地就等埋 miu miu~ o係朗豪坊行左一陣~~~ 就去左食壽司，我地要慶祝生日呀 (因為今日係人日 )~~~ 本來話食韓烤ga，但我同 miu miu 都病，食韓烤就等如自殺~~~ 食完之後，我地就返屋企喇~~~ 食左藥，o係巴士上面訓到死左o既咁~~~ 但就俾小 win o既電話叫醒左喇~~~ 放心啦~~~ 我唔會俾司機留o係度唔理o既~~~

>>February 15, 2005 at 2:31:49 PM GMT+8

2005 年 2 月 13 日 星期日 【晴】

又係一年一度o既情人節~~~ 但對於冇拖拍o既我，呢個節日都幾討厭~~~ 每年我都好怕過情人節 and 聖誕~~~ 我總係覺得特別寂寞~~~ 所以每年都會好努力咁搵 d 會得閒o既朋友仔陪自己~~~ 但第日連你地都唔得閒o既時候，我就慘喇~~~ 但當然我都想你地好啦~~~ 嘻~~~ ^.^ 唔知幾時先會有男朋友仔陪我過呢...??? 好灰........

而今晚，就同阿珊、阿峰、智成去左食飯~~~ 但我同阿珊到先~~~ but 只係得情人節套餐咋~~~ 我好似係一家人嚟喎~ 情人節套餐好似唔係咁啱喎~~~

食完之後，就去左睇戲~ 我地搵埋 pizza 輝就入戲院喇~~~ 真係最準時今次喇~~~ 今晚睇左 " constantine "~~~ yeah~~~ 有奇洛就梗係好睇啦~~~ 佢點睇都係咁好~~~ 嘻~~~~~~ >///< 但成場戲我都o係度狂咳..... 就死喇......... 我諗我真係同 constantine 一樣，需要止咳藥水喇~~~ 但我咳左成晚，阿峰都冇發現~~~ 唉~~~ 心淡喇~~~ =.="

今日仲係阿文o既生日~~~ 生日快樂呀~~~

>>February 15, 2005 at 2:11:02 PM GMT+8

2005 年 2 月 12 日 星期六 【晴】

今日一早起身就同屋企人去飲茶~~~ 終於都收到利是喇~~~ yeah~~~ 我終於都 feel 到 d 新年o既氣紛喇~~~ 哈~~~ 之後，都係去左收利是~~~ then 就返左阿婆度喇~~~

今期o既 milk and monday 真係有奇洛呀~~~ yeah~~~ >///<

>>February 13, 2005 at 1:34:39 PM GMT+8

2005 年 2 月 11 日 星期五 【晴】

呢幾日o係上海，依家補返 d 日記先~

2205 年 2 月 8 日 星期二 (雨)

一早就起身去機場~ o係飛機上面，睇到 d 雲好靚呀~~~ 而且 d 雲好厚，由香港一直到上海都係雲~ 勁呀~~~

去到上海，竟然落雨~ 之後，我地就去左搭磁浮列車~ 嘩~~~ 真係好快呀~~~ 佢最快可以開到 700 km/h~ but 個距離太短喇~ 只可以開到 431 km/h 咋~~~ 但都已經好快喇~ 我仲俾對面o個班嚇親添~~~ 哈~~~ 但因為咁樣一搭，我地返去就遠左喇~~~

返到去，一開門，就見到一個好可愛o既小妹妹~~~ 佢真係好可愛呀~~~ 我好鍾意佢呀~~~ 佢好鍾意笑，又唔怕人喎，仲好好奇添~~~ 但我就做左人阿姨喇~~~ 之後就食飯喇~~~ 食完飯，我地就去左行超市，o個度 d 超市真係好大間，間間都係超級廣場，而且 d 野又賣得好平，好抵呀~~~ 呢日係年三十，周圍都有人放煙花~~~ 好勁呀~~~ 但我地行過就好驚喇~~~ 我覺得好似人地打緊仗咁~~~ 好驚呀~~~ d 車o既保安都響晒~~~ 勁呀~~~

2005 年 2 月 9 日 星期三 (雨)

朝早一開電話，就收到大家o既 sms，大家都新年快樂啦~~~ 仲有一個 voice mail，但我要返嚟香港先聽呢~~~ 咁我就o係度估係邊個打俾我估左幾日喇~~~

而呢日都係落雨..... 唉~~~ 我地去左阿叔屋企，但我地發現o係上海係唔興派利是ga.... 唉..... 失望~~~

之後，我地就去左城皇廟，但呢度我都嚟過幾次 lu~~~ 今次係因為阿姨未嚟過，我地先去呢~~~ 而且人多加上落雨，超難行~~~ 好迫呀~~~ 我地今次仲入左去豫園 ( o係城皇廟入面，要俾錢入，so冇乜人)，間屋好大呀~~~ 之後，我地真係坎左去食小籠包，超多人呀~~~ 癡ga~~~~ 我地足足等左成個鐘先有位~~~ 食完仲要覺得不外如事~~~

行完城皇廟，就返左阿叔度食飯~ 嘩~~~ 一餐有成廿幾碟~~~ 我淨係食冷盤已經飽喇~~~ 但我就發現，o個度都仲幾傳統~~~ 男人o係度食飯，女人就一路o係度煮~~~ 真辛苦~~~ 好彩香港唔係咁啫~~~ 要我咁，我真係睬你都傻呀!!!

2005 年 2 月 10 日 星期四 (晴)

嘩~~~ 呢日終於都好天喇~~~ 一起身，仲見到地下有好多雪~~~ 但我地起身已經落完喇~~~

之後我地去左周莊 and 朱家角 ( 有放生橋o個度 )~~~ 兩個都係水鄉~~~ 但去到周莊就俾人跟住~ o個度有 d 人o係度話要做你導遊，then 就收你錢，我地就梗係唔要啦，要佢嚟都冇用，但佢地真係一個接一個咁跟住，好煩呀~ 而o係我地行入去o既時候，我地見到一架三輪車跌低，上面仲有一個婆婆添，跌親個頭，仲流血添，但o係內地真係冇辦法.... 幫佢唔到.....

呢日係我覺得最凍o既一日，可能我地去左好遠，o個度應該係屬於蘇杭，呢日 d 風吹埋嚟，凍到我冇晒表情，塊面彊晒呀~~~

呢晚姐姐請食火鍋~~~ 但個火鍋湯底有藥材 and 呢幾日食左好多味精 (上海人煮野好鍾意落... 食得我好辛苦... 食得多，我會唔舒服...)~~~ then 病左..... 唉.......... 真係弱呀........

2005 年 2 月 11 日 星期五 (晴)

呢日起身食尋日o係朱家角買o既粽~~~ 好味呀~~~ 我都係鍾意食上海粽，d 廣東粽太多豆啦~~~ 我唔鍾意~~~ 食完之後，我地就去左蒲東 and 南京路~~~ 嘩~~~ 好多人呀~~~ 點解咁多人ga??? 但全部都係本地人喎~~~ 點解 d 人係新年先出嚟行街ga??? 每次去到，我地都會去張小泉度睇下刀~~~ 我地今次買左一個刨~~~ 個刨應該幾好用~~~

之後，我地行左出外灘~~~ 嘩~~~ 超超多人呀~~~~~~~ o係度影相超難~~~ d 人完全唔會理你係咪影緊相ga，佢地都係照樣行過，而且o個度 d 人係唔會讓人ga，佢地係咪都會撞埋嚟，唉.... 我諗呢 d 生活都係唔啱我... 我都係放棄移民返去喇~~~ 但o係度兩日，我就決定左唔理人喇~ 見人就撞啦~ 唔理人係咪影緊相，照行啦~ 我又o係度自暴自棄喇~~~ 哈~~~

行完外灘，我地就返左屋企食飯喇~~~ 食完拿，我地仲再去左超市買野~~~ 我買左個暖水壺~~~ 哈~~~ 我由第一日去到，已經想買喇~ 因為 d 水真係好熱~~~ 好似好勁咁~~~ 於是，我就咁遠都攞左一個返嚟喇~~~ 仲買左兩張一年先用得幾日o既電熱毯~~~ 哈~~~~~ 但o係o個幾日，呢張毯就好有用~ 因為我對腳凍就訓唔到，至少要幾個鐘對腳先暖~~~

2005 年 2 月 12 日 星期六 (上海 朝 : 雪 then :晴 ; 香港 : 熱 )

嘩~~~ 今朝有雪呀~~~ 我終於都睇到雪喇~~~ yeah~~~ 就係因為落雪~~~ 阿爸阿媽一叫，我地就起晒身喇~~~ 於是，我地就落左街影相~~~ 好開心呀~~~ 嘻~~~~~~ 每次我都睇唔到雪，總係o係我嚟之前 or 走之後就落，等我仲以為我得罪左 d 雪添，但今次睇到喇~~~~~

今朝去左食豆漿、浆飯~~~ 好味呀~~~ 但我就食左好多野喇~~~ 我食左三個小籠飽、一杯豆漿、八隻上海雲吞、一條浆飯、一啖鹽豆漿、仲有一隻不知名o既餃~~~ 食得好辛苦呀~~~ 但姐夫話 " 你們要到兩點才上機，要多吃一點 "~ 就係咁，我就食左咁多野喇~~~ 呢餐足足飽到今晚都未想食野呀~~~

食完我地就返左去執野~~~ o係呢個時候，上海人熱情好客o既一面又出現喇~~~ 我地又要迫住攞好多野走~~~ 哈~~~ 所以我地都唔敢亂話 d 野好食，因為走o個時就知，佢地會買好多俾我地攞走，今次當然唔例外~~~

今日，兩點鐘就由上海飛返嚟 lu~~~ but 今程我對耳好痛呀............ 好辛苦................

返到香港，終於都知道邊個留言俾我喇~~~ 原來係阿文~~~ 哈~~~ 新年快樂呀~~~ 但我未睇奇洛呀~~~ 因為我去左上海呢~~~ 我走o個日先上畫~~~

返到嚟，好累呀~~~ >"<

>>February 12, 2005 at 3:05:24 PM GMT+8