2005 年 3 月 2 日 星期三 【乍寒還暖】

今日好凍呀~~~ 所以o係張床度碌碌下都唔願起身~~~ 但竟然o係我起身之後，阿峰就打嚟話好凍，唔想起身... 你應該早少少打嚟呢~~~ 咁我就訓多陣ma~~~ 都話左十一點前到，都係聽住先ga啦~

之後，出左去食 lunch~~~ 仲有手信呀~~~ 哈~~~ 第一次收到你o既手信咋~~~ 但個頭又真係剪得幾碎喎~~~ 食完 lunch，就去左自修室喇~~~ 但好眼訓呀~~~ 我冇食藥都咁眼訓，梗係俾你傳染到喇~~~ 小心身體呀~~~ 咪再病喇~~~ 唉~~~ 你真係一個藥煲~~~

我專程攞本 "150 cm life" 俾你睇ga~~~ 以後唔好再蝦人唔夠高喇~~~ 本書我真係感同身受ga~~~

聽日冇得去參觀.... 咁唯有o係屋企訓啦~~~ 唔起身喇~~~

>>March 3, 2005 at 2:35:17 PM GMT+8

2005 年 3 月 1 日 星期二 【雨】

都係返學放學~~~ 但今日食 lunch o個時真係好多人一齊去呀~~~ 有 d 同學仔仲係冇乜機會一齊食 lunch o既添~~~ 而出去食 lunch o個時就見到阿峰返學~~~ 啊~~~ 乜你唔係每日都返 9:30 o既咩??? 你走堂~~~ 壞學生~~~ 食完就返學校繼續上堂喇~~~ 但上 william 堂真係勁悶~~~ then 我地又開始做自己野喇~~~ 今日我同 michelle 就o係度玩俄羅斯方塊，呢個 game 都好耐冇玩過喇~~~ 就係咁，我地就玩左一堂~~~ 哈~~~~~

放學之後，就去左攞返部電話~~~ yeah~~~ 有電話用喇~~~ 唔使再玩失踪喇~~~ 之後，就返左屋企訓~~~ 我真係渴睡呀~~~

>>March 2, 2005 at 2:15:48 PM GMT+8

2005 年 2 月 28 日 星期一 【暴雨】

上英文堂實在太悶喇，結果我同 Michelle and 小黑o係度傾計~~~ 我地講鬼故呢~~~

放學之後，原本我地係約左 edmond 食飯~ 但約阿 sir o既 jojo 竟然冇返學~ then 就同阿 sir 傾左一陣就走喇~~~ 但我真係冇諗過阿 sir 仲記得我個名呀~~~ 之後，我地去左食 tea~ then 我同小 win 竟然返左學校，但咁樣返去一轉，小 win 就得償所願喇~~~

之後，就同小 win 去左旺角~~~ 返屋企o既時候，又o係巴士度訓到死左~~~

>>March 1, 2005 at 2:34:55 PM GMT+8

2005 年 2 月 27 日 星期日 【陰】

今日如常地返學~~~ 但今日唔知點解 d 同學仔竟然遲到，then 其他人又返得早喎~ 攪到我搵唔到位添~~~ 如果，係要坐o係阿新後面... 唉... 冇得揀... elaine 堂.... 依然係悶...... 上完呢兩堂，我地落左 canteen 食 tea，then 又要上好悶o既 william 堂喇~~~ 唉........ 但上堂o既時候，因為唔舒服，訓著左呀~~~ 但我訓o個時係o個頁，醒左都仲係講緊o個頁~~~ 唉~~~ d 進度真係..........

但好似每個星期都同明明有交易o既咁~~~ 總有 d 野要俾佢~~~ 要好好對待奇洛呀!!!

聽日就約左 edmond 食飯~~~

唔知今日阿峰 d 普通話點呢??? 明明都見到你著 suit 個樣，但我未見過喎!!! 可惡!!!

唉~~~ 依家心情唔多好... >"<

....... 由肚痛.... 變左做胃痛添............. =.="

>>February 28, 2005 at 2:50:55 PM GMT+8

2005 年 2 月 26 日 星期六 【陰】

今日本來o係張床度碌碌下，都唔想起身~ 但係阿珊打電話嚟，then 我就起左身上網喇~~~ 哈~~~ 你 d 補償又真係... 唉~~~

之後，就同阿爸出左去食 lunch and 攞左部機入廠喇~~~ 唉... 又冇機用... 又要玩失踪喇~~~ 咁大家就要打嚟我屋企 or 用 icq 搵我喇~~~ 咁我又唔可以周圍去喇，因為冇左部電話，總係覺得好冇安全感咁~~~

返到屋企，竟然又覺得眼訓... 於是就o係度午睡喇~~~ 開始懷疑自己有渴睡症~~~

教左阿峰成晚普通話~~~ 佔 30% ga~~~ 盡力啦~~~ 唔好衰俾人睇呀~~~

仲有今日係 Michelle 生日o既大日子~~~ 生日快樂呀~~~ ^3^ 送個 birthday kiss 俾你啦~

>>February 27, 2005 at 4:48:06 PM GMT+8

2005 年 2 月 25 日 星期五 【雷雨】

今日起身就同阿爸出左去食 lunch~~~ 但隔離枱坐左兩隻怪獸o係度 ( 我又冇口德咁話人係怪獸喇...)~~~ 呢兩隻怪獸，外型已經係怪，仲不停咁o係度爆粗~~~ 唉~~~ 香港人...... 佢地o係度不停咁問候人地阿媽，d 人都癡線ga~~~ 句句都有，仲要一句幾個字o既都重複問候人地阿媽兩次~~~ 每次我聽到 d 人係咁，我都會覺得 d 人好似 d 老翻咁，o係度不停咁跳線~~~ 其實，佢地有冇計過一日浪費左幾多口水、幾多時間去爆粗??? 唉~~~ 我討厭 d 咁o既人!!!

返嚟之後，就同阿爸睇 "功夫"~~~ 睇完就冇咩好做喇~~~

點解次次去睇戲... 都要為左張飛而苦惱呢...???

其實，唔使為左冇話題而擔心ga~~~ "話不投機半句多" 呀~~~ 啱傾o既就傾多句，唔啱傾o既咪算law~~~ 冇可能同每個人都咁好傾ga ma~~~

今日睇報紙，睇到奇洛唔舒服... 仲嘔添... 心痛呀... take care... >"<

今晚無線開始播 "鋼之錬金術師"~~~ 但我覺得 d 配音好怪呢，可能係因為我睇左日文版吧~~~

>>February 26, 2005 at 3:18:26 PM GMT+8

2005 年 2 月 24 日 星期四 【雷雨】

好悶呀~~~ 唉~~~

今日出左去一陣，返嚟o既時候，隔離o既小朋友行左出嚟~ 佢都幾慘ga~ 但我都唔知有乜野可以幫到佢~~~ 唉...

晏晝o既時候，小 win 打嚟，原來佢地睇到 SAO 有一個露營，去一次就有7分咁多~ then 佢地就即時心動喇~~~ then 就梗係搵埋我一齊去啦~ 就係咁，我就報埋名喇~~~ 哈~~~ 但我都係第一次去露營咋~~~ 好緊張呀~~~~~ 不過佢地就唔夠錢俾，仲要周圍問人借，好好笑~~~

尋晚睇明珠台，講英國有一對夫婦生左 15 個仔女~~~ 嘩~~~ 好驚呀~~~ 佢地仲話要生夠 20 個~~~ 好驚嚇呀~~~ 但我好佩服個阿爸，一個養咁多個~~~ 勁呀~~~~~

>>February 25, 2005 at 1:05:00 PM GMT+8

2005 年 2 月 23 日 星期三 【陰】

今日又開始每星期o既大假~~~ 好悶呀~~~ 起身之後，諗住睇碟啦~ 點知.... 阿爸打電話返嚟話依家同 d 朋友入嚟~~~ oh~~~ 咁我即係睇唔到碟啦~~~ 唉~~~ 真悲哀........ 人地出去就冇人嚟，唔出去就有人嚟~~~ 之後，就只好對住部電腦喇~~~ 悶死人喇~~~ 等到所有人都走晒，終於可以再睇返隻碟喇~~~~

悶! 悶!! 悶!!!

>>February 24, 2005 at 12:46:04 PM GMT+8

2005 年 2 月 22 日 星期二 【晴】

今日返學放學都遇到怪人~~~ 嘩~~~~~ 返學o既時候，o係地鐵站見到一個衣著好恐怖o既女子~~~ 佢身穿白色衫，同小 win o個日畫o既差唔多，都係有花邊o既~ 仲著住一條超短白色裙，短到郁下都會走光o個隻~~~ 仲著住深啡色絲襪，再加一對白色短襪~~~ 仲有一對白色高踭鞋~~~ 嘩~~~ 我一見到就幾驚嘆~~~ 嘩~~~~~

今日有 raymond o既堂~~~ raymond o既堂果然係最有用ga~~~ 今日又知道多左一 d 野喇~~~不過，以阿 sir o既抽籤方法，我就去唔到超級一號貨運站喇~~~ 唉~~~ 算啦~~~ 都冇辦法啦~~~ 之後，我地去左食米線~~~ 好耐冇食過喇~~~ 好味呀~~~~~~~~~~~ 食完之後，我地就返去上勁悶o既 william 堂喇~~~ 阿 sir 用左半個鐘講書，then 就冇野做喇~~~ 勁悶呀~~~ 大家都係o係度上下網，傾下 icq 咁~~~ 真無聊~~~ 呢個半鐘真係難過呀~~~ 放左學就搭車返屋企喇~~~ 咁我又開始放大假喇~~~ 一星期有成四日假，真係可以去下旅行~~~ 可惜... 我冇錢..............

今日食左由上海帶返嚟o既上海麵~~~ 真係好食啊~~~ 早知就買多 d 啦~~~

>>February 23, 2005 at 12:38:08 PM GMT+8

2005 年 2 月 21 日 星期一 【乍雨乍晴】

尋晚訓得好差呀....... 差唔多每兩個鐘頭就醒一次......... 好辛苦................. =.="

今日起身覺得好凍呀~~~ 仲凍過之前o個兩日，一 d 都唔想起身返學呀~~~ 但都冇得揀.... 唉...... 個鼻仲唔知做乜，係咁流鼻水~~~ 唔知係我鼻敏感丫，定係 d 感冒未清呢~~~ 又或者係個課室空氣唔好，我每次入o個個課室都會係咁~~~ d 空氣真污濁.............

返到學校，覺得好似冇屋企咁凍~~~ 但都差唔多夠鐘上堂，but 竟然連一個人都未返到~~~ 嚇死我喇~~~ 幾驚係 cancel class 呀~~~ 好彩唔係咋~~~ 之後，仲俾阿文話我冇得救添~~~ 哈~~~ 都係ga~~~ 但俾 d 時間我啦~~~ 話放棄就放棄咩~~~

d 同學仔計畫復活節去 camp~ 地點係東堤，咁就要諗諗先喇~~~ 哈~~~~~ 人多都唔怕o既~~~

放學就返屋企，o係巴士度好暖ga~~~ 但一落車...... 嘩~~~ 好凍呀~~~ 其實一入到屯門就開始落雨，但冇諗過會咁凍呢~~~ 凍過學校好多呀~~~~~ 好凍呀~ 好凍呀~~~~~

返到屋企，就訓左一陣~~~~~ yeah~~~~~ 終於都訓得好喇~~~~~~~~~~~ 但今晚會唔會訓唔著呢...???

好想睇下小 win 個頭呀~~~ 到底剪成點呢???

今日仲諗起以前上 HR o既情況~~~ 都幾開心ga~~~ 仲幾好玩添~~~ 但我地冇錄影底就真係有 d 可惜~~~

>>February 22, 2005 at 12:50:34 PM GMT+8