2005 年 6 月 2 日 星期四 【酷熱】

好耐冇打日記啦... haha^^ 之後先打返之前 d 日記啦...

今日終於都考完個 final exam 啦~ wahhaha~ 好開心呀!!! 今日考 legal~

份卷都幾易咁啦... 我覺得係咁多科裡面最識o個科黎架啦... 因為份卷真係易...

做o左一個鐘多 d 就做完份卷 lu~ 去 locker 拎返個鎖... 成年都冇用過個 locker~

之後呢就搭車去屯門搵大肥豬佬... 同佢屋企人飯茶~ 我地買o左飛今晚睇戲先...

恐怖蠟像館, 9:30pm... 飲完茶就去行o左陣吉之島, 行完再上百佳買野...

返到佢度都 4 點幾 lu~ 打o左陣機... 好眼訓, 就訓o左一陣覺... 佢屋企 d 狗成日o係度吠吠"共"~

訓o左陣就要起身食飯 lu... 食完飯就出去睇戲... 好變態呀套戲... 嚇死人咩想...

睇完 11 點幾... 返屋企 lu~

>>June 3, 2005 at 3:35:14 PM GMT+8

2005 年 5 月 26 日 星期四 【酷熱】

今日呢考 e-commerce... 又係遲o左少少, 又係已經開始o左考...

呢科真係唔識囉... 好似全部都係作咁... 唉~ 但係又唔係冇溫 wor~ ><....

考完就返企 lu... 買o左個飯盒返屋企同媽咪食~ 睇再生綠~ 林"峰"簡直係呢個世界上最蠢 gei 人~

晏少少出o左旺角, 上o左 angela 屋企, 睇佢去旅行 d 相~ hehe^^ 一陣就走o左 lu...

因為約o左大肥豬佬~ 落勁大雨囉... 痴線架!!! 行o左陣就去元綠 dinner~ 好味^^

食飽飽行多陣... 又擰蛋... 今次終於擰到白雪公主啦!!! 好野!!! 不過o個間野個人勁賤囉!!!

仲擰o左個好得意 gei baby post pet~ 之後去o左打機!!! 打完個肥仔話要食薯條, 就去o左買...

一路搭車一路食真係曳呀!!!

>>June 5, 2005 at 12:44:39 PM GMT+8

2005 年 5 月 23 日 星期一 【酷熱】

今日係 final exam gei 第一科... CBP, 即係中國商貿~

我成日覺得好似讀中史咁... haha^^ 考 9:30am, 遲o左少少, 一返到去已經考緊 lu...

份卷唔咪識又唔咪唔識咁... 我諗合格 gei~ 考完同 wendy 去元綠食飯~ hehe^^

好味~ 食到好飽呀!!! 食完野行o左陣就去見工... o係火炭所以咪去囉...

好快就見完 lu~ 返到屋企即刻沖涼... 熱死人啦!!! 之後就睇返尋晚 gei 電視啦諗住...

點知冇錄到!!! 激死我啦!!! ><... 之後全日都冇溫書 lu...

>>June 5, 2005 at 12:31:21 PM GMT+8

2005 年 5 月 21 日 星期六 【酷熱】

今日呢 9:00 am 就起o左身 lu~ 因為又入屯門搵大肥豬佬...

我地一早就計劃好今日做 d 咩架啦... hahahahahaha^^ 不過竟然被破壞o左... ><...

入到去 11 點多d~ 我地諗住去買飛睇戲先啦... 點知間死戲院未開囉... waste my time!!!

等o左一陣咁啦...買o左 2:30pm 非常青春期~ 之後就去食野啦!!! 去o左o個間印度餐廳...

第一次o個 d!~ hahaha^^ 都幾好 gei, 同埋幾平囉!!! o個度 d 人係印度人黎架 bor...

個死肥豬一路食一路睇馬... 買埋就走人 lu~ 行o左一陣就夠鐘去睇戲 lu... 買o左爆谷~

一路睇竟然一路聽馬囉... 今日好 lucky, 都係多得我先贏咁多咋~ 套戲就一般啦...

睇完再行街... 買o左件衫... 二百幾蚊冇帶張 VIP card tim... 蝕o左~ hahaha^^

買完就搭車返太和, 同爸爸 & 呀妹去商務買野, 因為匯豐信用 card有折...

買o左小說咁啦...

>>June 4, 2005 at 2:59:42 PM GMT+8

2005 年 5 月 18 日 星期三 【酷熱】

好熱呀好熱呀!!! 今日要返學呀~ 8:30am 返去上 audio, 話派卷~

晏晝 1:30pm 要 e-commerce present~ 咁呢一早就起身返學啦 bor... 好眼訓呀... ><...

去到火炭 MTR station 見到 coby & 雅然... 咁就一齊行返去啦... 行行下 ryan 打比雅然...

話原來今日係唔洗上 audio gei... 超級無聊囉... 個 miss 話佢 post 錯o左個 date...

其實係想 post 聽日... 嘩!!! 頂~ 玩咩... 勁多人都返o左去囉呀姐仔!!! 我地就去買報紙 & 雜誌~

之後返圖書館睇... 真係有聊啦~ 同雅然o係度睇馬... 痴線架!!! wahhaha^^

lunch 同 coby 去o左 spaghetti house 食... 之後就返去 e-commerce 啦...

放學 wendy 陪我o係沙田行o左一陣~ 之後就入屯門搵大肥豬佬~ 去o左 m 記買o野返去食...

打機, 睇馬 & 睇電視~ 我同雅然o個兩埸都輸o左呀... 1,4 & 3,4~ 痴線架!!! 激死我啦!!!

大肥豬佬就贏o左... ><... 到 11 點度就返屋企啦...






>>June 4, 2005 at 2:45:51 PM GMT+8

2005 年 5 月 16 日 星期一 【晴】

成晚都冇訓過... 到成 7 點仲眼光光... "蚊" 死我啦!!! 個頭超痛囉...

12 點幾佢老豆煮o左炒飯... 我拎 d 童星點心麵攪黎食!!! 真係好味呀~ hahaha^^

打打o下機個頭痛得濟頂唔順就返屋企 lu... 返到去 4 點幾 5 點度啦...

入房想訓一陣... 但係個腦全部都係 e-commerce project d 野... 一訓著就猛o係我個腦閃過...

救命... －︿－ 點解會咁架... 過o左一陣爸爸就叫我食飯啦... 我見訓唔到咪出去食囉...

食完又繼續做 e-commerce 個 project... 個頭真係超痛囉... 11 點度就入房想訓...

但係根本痛到訓唔著... 都唔知做咩... 出廳食o左粒 panadol... 咁唔知幾點終於都訓著 lu...

>>May 19, 2005 at 4:13:05 PM GMT+8

2005 年 5 月 15 日 星期日 【晴】

今日本來約o左雅然出去做 e-commerce 個 project 架... 但係最後都冇去到~

o係屋企喪做o左 6 個半鐘... 真係未試過... 做到隻手有 d 唔知點 gei 感覺...

可能我 gei 姿勢唔o岩掛... 到 6 點幾就換衫去大肥豬佬度~ 去o左市中心先~

食 delifrance~ 好耐未食過啦!!! 不過我叫o左新o個個唔係咁好味囉... －︿－"

之後行o左一陣... 想買 anna sui o個支香水呀!!! 最後又去百佳掃貨... 咩都買一餐...

之後搭的士返去睇浪漫滿屋... 佢唔鐘意睇就狂咁話要打機... 真係肥胖^^

夜 d 佢個死肥仔竟然整折斷o左我送比佢條水晶手鏈!!! 激死我啦!!! 哼!!! 好男女力!!!

>>May 19, 2005 at 4:01:17 PM GMT+8

2005 年 5 月 13 日 星期五 【酷熱】

今日訓到 11:00 am 起身~ 煮公仔麵食... 一路食一路睇電視~

有再生緣睇 wor... 不過葉漩個樣好似怪怪地咁 gei... 媽咪買o左 monday 返黎...

又睇o左一大輪... 晏晝又上o下網咁啦... 搵野整 e-commerce 個 front-page~

都幾煩惱~ 成日都要對住部電腦... 好厭呀!!! 6 點度出去... 大肥豬入黎大埔...

我地就行o下街先啦~ 佢買o左件 adidas... 其實我覺得佢揀o個件唔係好靚~ hehe^^

咁佢鐘意就 ok 啦~ 之後我地就去 dinner lu... 食飽飽就再行街... 佢o係萬寧買o左牙線...

wahhaha^^ 仲有 d 糖 & 朱古力咁啦... 我都唔輸蝕, 買o左件衫仔 & 牛仔褲~

經過夾公仔o個 d~ 我地用o左 $3 夾o左隻 melody 返黎... 真係好呀!!! lucky~

之後去o左打機... 打完就返屋企 lu~

>>May 14, 2005 at 2:54:25 PM GMT+8

2005 年 5 月 12 日 星期四 【酷熱】

今日較o左鬧鐘 10:30am 起身... 睇o下去唔去見工好~ 我打比媽咪...

佢話當 interview o下咁囉... 咁我就決定去啦~ 又冇咩緊張 gei 感覺 bor...

仍然係覺得好遠囉... o係北角架... 真係亂黎架!!! haha^^ 咁我食 d 野就搵衫執野啦...

要著套 suit 真係慘呀!!! 好熱呀今日!!! －︿－" 見兩點半, 我 1 點度就出o左門口 lu~

落去影埋印先~ 去到 2 點 3 ~ 填o左份 form 先... 之後就 typing test~ 中英文都有呀...

好似打得好慢咁呀... 之後就等 interview... 都係問埋o個 d 野啦...

佢最後比o左評語我... 話我都 in 得幾好~ 咁都好 d... in 完已經差唔多 4 點半 lu...

返屋企... 開頭想行街架.. 但係套衫實在太熱啦~ 完全係忍無可忍!!!

大肥豬佬今日練波~ 話成兩個月冇踢~ 真係誇張呀!!!

>>May 14, 2005 at 2:43:08 PM GMT+8

2005 年 5 月 11 日 星期三 【晴】

唔記得自己幾多點起身 lu~ 食完野就諗住睇 o下 e-commerce 個 project 有咩做...

打比 d group member 冇人聽 gei... 最後同雅然做個 web site~ 我驚做得唔靚...

因為呢 d 野我唔叻... 傾傾o下我地又講馬... 好爛賭呀!!! －︿－"

到晏 d 出去大肥豬佬度~ 佢話肚子痛... 都唔知做咩... 唔知係咪有o左 bb~ haha^^

佢老豆煲o左粥比佢食, 佢話食白粥今晚冇 $$ 贏~ 痴媽根!!!

我地都係睇電視, 打機 & 馬... 冇咩第 2 d 野好做... －w－" 無聊~

有個人打黎叫我聽日去 interview ... 都唔知去唔去好... 因為好遠呀!!!

佢洗澡澡, 之後煎餃子比我食... 好味呀呢隻!!! 下次再買先~

到 11 點幾就返去 lu...

>>May 13, 2005 at 2:37:18 PM GMT+8

ｉ ｌｏｖｅ ｙｏｕ 廣告 讀者留言 |  路人留言   | 喂~有人好懶AR~ <br>唔打 >>October 29, 2005 at 10:27:49 PM GMT+8 我冇所謂呀~日日都得架啦~ <b >>July 31, 2005 at 8:07:12 PM GMT+8 下WEEK搵你一齊食好唔好~ < >>July 30, 2005 at 4:01:31 PM GMT+8 嘩!好呀!!!幾時呀?! <br >>July 20, 2005 at 8:19:50 PM GMT+8 我尋日去左樹仁interview >>July 19, 2005 at 11:53:09 AM GMT+8 返工始終係悶左D GE~ <br >>July 17, 2005 at 11:16:59 AM GMT+8 我報0左團先知自己個回鄉証過0左 >>July 13, 2005 at 10:37:50 AM GMT+8 係你已經愛上我呀^^成日亂講~ >>July 6, 2005 at 8:07:26 PM GMT+8 我發覺你已經愛上我la~ <br >>July 6, 2005 at 2:26:14 PM GMT+8 下... 你唔好咁講啦... < >>July 3, 2005 at 8:33:18 PM GMT+8 SORRY呀€原來你一早想搵我傾 >>July 2, 2005 at 11:26:04 PM GMT+8 Re: 肥娃 <br> <br> >>April 16, 2005 at 5:05:19 PM GMT+8 我又要去玩~!!! <br>我考 >>April 16, 2005 at 12:42:06 AM GMT+8 Re: Nicole <br>我 >>April 14, 2005 at 9:38:17 PM GMT+8 我考完a level就可以玩ga >>April 14, 2005 at 11:51:31 AM GMT+8 咩黎架?! <br>你都唔打比我 >>February 8, 2005 at 12:56:56 PM GMT+8 ｉ　Ｂｕｙ　ｓＴｈ　４　ｕ　ｒ >>February 6, 2005 at 12:07:59 PM GMT+8 要食四次壽司.... <br>多 >>February 1, 2005 at 11:15:16 PM GMT+8 哈哈!有冇咁嚴重呀?! <br> >>January 28, 2005 at 12:44:30 PM GMT+8 我依家黎同你講遺言ar~ <br >>January 27, 2005 at 8:09:50 PM GMT+8 咩咁多日呀?! <br>邊有呀? >>January 25, 2005 at 4:23:01 PM GMT+8 咁多日唔寫日記 <br>去左邊喥 >>January 23, 2005 at 6:22:56 PM GMT+8 Re:Nicole <br>下. >>January 2, 2005 at 12:53:57 AM GMT+8 哎呀~點會有1000磅ga~傻左 >>December 31, 2004 at 5:46:47 PM GMT+8 你實在太肥了......你幾時減 >>November 21, 2004 at 11:02:23 PM GMT+8 >_<............. >>August 31, 2004 at 9:26:48 PM GMT+8 大肥豬肉 >>August 10, 2004 at 9:52:26 PM GMT+8

人氣: 7539

Design & Scripting by ShowHappy.Net