2005 年 7 月 8 日 星期五 【清涼】

今日開始要 7:00 起身返工 lu... 返 9:00am, 我要攪成個鐘先出得門口...

o係 MTR 見到個同事... 同佢傾計佢話我個住流失率勁高... 唔知我會唔會做一陣就唔做呢?!

成日都係聽電話 & 落單... lunch 又叫外賣, 今次食車仔麵~ 好味呀!!! 仲好平添呀!!!

我食o左沙爹牛肉 + 紅腸油麵 $13, 再加個可樂 $3~ 好抵呀好抵呀~ 仲好大碗架!!!

我食o左九個字都未食到一半就倒o左 lu... 我今日 6 點多 d 就走 lu... 因為約o左大肥豬佬~

又去旺角, 想買o個對涼鞋呀... 不過都搵唔到~ 我地去o左 pizza hut 食~ 叫o左個 2 人餐...

食到勁飽... 仲淨返勁多... 拎走o左 pizza~ 人地 pack o左我地差 d 唔記得拎~

食飽行多陣就走 lu... 好支力呀!!!

>>July 10, 2005 at 6:47:13 PM GMT+8

2005 年 7 月 7 日 星期四 【清涼】

今日 9:00am 已經起o左身啦... 因為要去見工... o係荔枝角見~ 11:30am...

我 10:00am 就出o左門口 lu... 搭 KCR & MTR 都成個鐘先去到~ 不過都早o左好多呀...

見完佢話請問我即刻返工定聽日先返... 咁老闆同我都話今日返~ hahahaha^^

o個度 d 人都幾後生架 bor... 朝早學下野, 過o左一陣就 lunch lu~ 叫o左外賣...

係好難食 gei 炸菜雲吞麵... 救命~ 真係可憐呀!!! 晏晝又學野,之後就要做野 lu~

跟下 d 單, 聽下電話o個 d 囉... 落單, 寫執貨紙... o個 d no 真係煩到嘔... ><.....

6 點半多 d 先走... 其他人全部都未走~ 好忙好多野做咁... 返到屋企即刻食飯 & 洗澡澡...

>>July 10, 2005 at 6:29:45 PM GMT+8

2005 年 7 月 5 日 星期二 【清涼】

今日好似訓到 11 點幾起身... 煮o左個茄汁炒烏冬... 簡直就係亂黎~ haha^^ 好彩冇食死~

之後又上o下網, send 下 d application letter 咁囉... 4 點幾又出旺角~ 同大肥豬佬去街~

一落火車, angela 打黎話一齊睇戲, 佢知我今晚睇龍咁威2話一齊睇... 咁佢就買飛先... 9:45pm 龍咁威...

我同大肥豬佬行o左陣新世紀, o係 wellcome 買o左格仔餅食, 好好味呀!!! 好耐冇食過 lu~

我地都買到野呀, 我買o左條褲, 佢就買o左兩條褲 + 一件衫... 竟然多過我... ><... 之後我再買多支指甲油...

買完野就去o左麥當勞食野... 見到個傻佬呀!!! 食完又行o左陣, 不過都買唔到野... 去o左打機...

周圍都勁多人呀!!! 都唔知有冇攪錯架... 我地到夠鐘先同 angela & dickson 會合...

套戲淨係得個笑字囉... 睇完都 11 點半 lu... 返屋企...

>>July 6, 2005 at 8:23:07 PM GMT+8

2005 年 7 月 4 日 星期一 【清涼】

今日 8:00am 就起身 lu~ 因為要去 interview!!! 好熱好曬呀今日... ><...

食o左個早餐, 換好衫就出去 lu~ 見 10:00am, 我 9:10am 就出門口 lu~ o係大埔工業村見~

今次冇搭的士 lu... 因為o個個人話o係巴士總站對面, 咁就搭巴士去啦~ 不過架巴士冇冷氣好熱呀!!!

一落車就見到o個度 lu... 去到又係填份 form, 之後 interview~ 全程都係用普通話...

佢話個老闆係台灣人, 合作o個 d 都係台灣人~ 下次要 second-in... 唔知去唔去好呢?!

點解唔一次過呢?! 真係難為晒!!! in 完又搭返巴士返屋企... 煮o左個五香肉丁公仔麵...

呢排成日食呢個~ 好肥架 bor~ 晏晝勁聽歌 & 傾電... 本來要去火炭 in 另一份架... 但係唔去 lu~

haha^^ 又係咁... 到 5:00pm 就同 nicole 落樓下打壁球 lu... 打o左一陣就已經支力到要死啦...

仲話減肥, 但係我地仲一路打一路飯汽水... 可能仲肥 d 添呀!!! 打完返去即刻洗澡澡...

dinner 完又係睇電視囉... 一路睇到 11:30pm, 就傾電話 & 聽 radio...

>>July 5, 2005 at 1:01:08 PM GMT+8

2005 年 7 月 3 日 星期日 【清涼】

今日 11 點幾起身... 飲o左杯咖啡, 之後就洗頭&換衫出街啦... 約o左兩個 "+0"~ 家玲(nicole)&嘉齡~

一點鐘o係大埔墟火車站等... 去旺角... 嘉齡話要買衫見工~ 咁就陪佢睇衫啦~ G2000 又 discourt 啦...

我之前買o左 $230 既衫衫依家都係 $150... 總之全部都 discount 啦!!! 成日都係咁... ><...

返屋企同呀 woo講... 佢竟然話 "特價貨唔o岩你"... 我滴晒汗... 明明係同一樣野...

行行o下就去o左元綠食野... 呢排真係成日都去~ 不過都唔知點解自己食唔厭架囉~ 食到超飽啦又...

次次都死叫爛叫~ 之後又再行... 我同 nicole 就買o左眼影, 有 65 折呀... 好開心呀^^ 買o左兩隻色~

之後仲影o左貼紙相... 好靚呀!!! hahahaha^^ 差唔多 7 點就返到屋企 lu... 食飯... 睇電視~

今晚要早 d 訓架... 因為聽日 interview~

>>July 4, 2005 at 2:03:21 PM GMT+8

2005 年 7 月 2 日 星期六 【晴】

今日訓到 12 點幾先起身... ><... 訓到隻眼腫晒~ 唔知想點囉... 訓得太多啦~

食o左 d 野就上o下網咁, 又練下打字~ 好似兩點幾同 nicole 落o左樓下... 我地諗住 book 埸打壁球~

但係一落到去我地竟然唔記得o左去 book... 第一時間去o左食 tea (大家樂)~ 食o左好肥既奶醬多 + 珍珠奶茶~

好味呀!!! 但係超級肥囉... 我切d 比 nicole 食~ 佢竟然話唔食... 話好肥 wor~ 我即刻覺得好滴汗...

個心諗... 死啦今次肥死啦, 連佢都唔食... wahhahahaha^^ 食完就去 book 埸 lu~ book o左星期一 5-6~

之後再去影下印咁啦... 影完就返上去 lu~ 夜晚就睇電視, 上網, 打字, icq & 傾電話...

4 點幾先訓... 黑眼圈中...

>>July 4, 2005 at 1:49:33 PM GMT+8

2005 年 7 月 1 日 星期五 【綿綿細雨】

我地訓到 11 點度就比人嘈醒o左啦... ><... 好眼訓好眼訓呀!!!

佢家姐o係佢間打電話過黎問我地去唔去飯茶... 話呀珊(佢呀嫂)去搵位... 咁唯有起身啦...

由於太痴 "立立"... 又沖o左個涼~ 攪到佢地上晒車等我同大肥豬佬... 好似等o左好耐咁~

去到都未有位~ 等o左一陣咁啦... 飲完就行o左一陣咁啦... 買o左 anna sui 支香水啦^^

好香呀~ 不過真係好似好淡咁... 我同大肥豬返去先... 因為個商埸太多人啦, 頭都暈...

仲有呀珊同 BB 都返去食飯, 架車又唔夠坐... 我地買完香就搭的士走先~

返到去就打機囉... 到 5 點度我就返屋企 lu... 點知返到去六國大風相... 痴線!!!

同我呀妹嗌交... 好唔開心囉... 完全係無理取鬧架!!! 我做家姐囉... 我要讓佢... 早知唔返去住~

叫o左大肥豬佬出黎陪我~ 好彩有佢咋... 之後都開心返 d~ 真係 thank you 晒!!!

我地去o左新開o個間富山食野~ 好味呀!!! 但係等位都等o左成粒鐘... 等等等等等... 等到餓死~

不過呢o個度有 d 特別既壽司, 小食 & 飯o個 d 囉... 同埋真係幾好食架!!!

食飽飽就行o左陣... 去o左冒險樂園玩~ 掟彩虹^^ 今次掟唔到公仔添... ><...淨係得 d 野食~

之後夾到個 "e唷" 公仔呀不過^^ 好野!!! 10 點幾就返屋企啦... 真係唔想返架... 但係又好支力...

nicole 又訓覺, 本來諗住搵佢傾下計架... 返到去睇雜誌... 到 12 點幾睇返今晚既電視...

開頭驚冇錄架~ 因為我都冇講... 好彩有咋... 煮o左個公仔麵食~ 本來係好飽架...

自己發自己脾氣, 成個食晒... 睇完都成 3 點... 唯有訓覺啦!!! 支力死...

>>July 2, 2005 at 5:56:45 PM GMT+8

2005 年 6 月 30 日 星期四 【綿綿細雨】

今日唔記得自己幾多點起身 lu... 好似都係 10 點幾~ 起身煮o左個公仔麵食...

之後上網搵下工咁囉... 真係要搵工啦~ 玩o左成個月 lu~ 同埋好窮呀!!! ><...

之前有幾份人地打黎叫我去見工都冇去到... 根本就唔想見... 唔可以再係咁架啦 bor~

到 5 點幾就出屯門搵大肥豬佬... 我去到佢都未黎到!!! 好可惡呀!!! eeeeeeeeeee~

因為去o左幫我買蚊怕膏, 仲買o左雪條 & 加送... 成日都掛住食~ 真係好肥囉...

我地o係度食雪條... 竟然比o係巴士上面 gei 呀朗見到... 瘀皮o左添...

返到去打o左陣機就食飯 lu~ 原來第二台o個個 "非常唔知咩生擒唔知咩" (唔記得個名) 都幾好笑架~

一路食飯一路笑到差 d 死咁濟呀!!! 一路睇到 9 點幾就要出去 lu~ 同佢細家姐 & 呀朗打羽毛球!!!

佢家姐 book o左 10:00pm~ 我地成 9:45pm 先出去... 呀朗渣車, 所幾趕得切~ 仲有時間淨添~

都幾好玩架 bor... 不過真係打到成身都散晒咁濟呀!!! 手又痛, 腳又痛~ 真係可憐呀!!!

開頭仲話 book 兩個鐘, 好彩 book 唔到咋!!! 如果唔係命仔都冇... hehe^^

打完呢我地就去o左元朗 B仔食宵夜~ 好味呀!!! 我第一次去咋... 打完波又食... 肥死 lu~

食飽飽就返去 lu~ 我同大肥豬佬爭o左洗澡澡先!!! keekee~ 佢地等到 1 點幾先有得沖...

有 d 唔好意思架!!! 我有架!!! @_@

>>July 2, 2005 at 5:34:35 PM GMT+8

2005 年 6 月 29 日 星期三 【綿綿細雨】

今日又係 10 點幾起身~ 煮沙爹炒烏冬食!!! hehe~ 真係煮得好好味呀!!!

晏晝又係上o下網, 睇o下雜誌咁... 仲睇o左小丸子 vcd~ 係我呀妹買返黎 gei~

有一個故事叫做 "欺負妹妹的姊姊"... 之後佢猛咁話我... ><... 我被欺負就真啦!!! haha~

到 5 點度又出旺角... 同大肥豬佬去街街!!! 佢竟然學人食蘋果批~ 真係好肥呀!!! 又增加豬肉!!!

我地行o左一陣新世紀, 之後就去金魚街行~ 買o左魚蛋食!!! 真係好味呀~ 佢就辣到差 d 死~

我地睇o個 d 魚, d 魚成日都好呆滯咁... ><... 好蠢呀~ 我想要一條 mo 仔呀!!!

中途又發生大戰... ><... 好可惡呀~ 到 7 點幾我地去o左大家樂 dinner... 食o左新o個個... 都幾好味~

食飽飽就行街... 買o左條短牛仔褲 & belt~ 都幾靚... 諗住聽日打羽毛球著... hehe^^ 好野...

行行行... 好支力呀!!! 未夠 11 點就返到屋企啦好似~ 我呀妹唔知點解今日夜晚要返學...

我返到佢都未返~ 夜 d 就睇返今晚 gei 電視~ 之後就聽絕情谷...

>>June 30, 2005 at 3:20:28 PM GMT+8

2005 年 6 月 28 日 星期二 【乍寒還暖】

今日 10 點幾就起o左身 lu... 自己o係度整 pancake 食... d 粉唔同o左之前o個隻...

佢係咁發大... 佢一路發我就一路好開心~ wahahah~ 痴o左線!!! 晏晝同 nicole 去o左沙田行街~

我地行o左好耐都買唔到野呀... ><... 好可憐呀!!! 到 3 點度就去o左元綠食 tea~ 好味呀...

又食到好飽... 我地都咁鐘意食~ 真係唔肥都唔得 lu... 食飽飽又再行過~ hehe^^

臨走先買到野呀~ 買o左背心仔, 都幾靚架^^ 我地未夠 6 點就返到屋企 lu...

>>June 30, 2005 at 3:00:49 PM GMT+8

ｉ ｌｏｖｅ ｙｏｕ 廣告 讀者留言 |  路人留言   | 喂~有人好懶AR~ <br>唔打 >>October 29, 2005 at 10:27:49 PM GMT+8 我冇所謂呀~日日都得架啦~ <b >>July 31, 2005 at 8:07:12 PM GMT+8 下WEEK搵你一齊食好唔好~ < >>July 30, 2005 at 4:01:31 PM GMT+8 嘩!好呀!!!幾時呀?! <br >>July 20, 2005 at 8:19:50 PM GMT+8 我尋日去左樹仁interview >>July 19, 2005 at 11:53:09 AM GMT+8 返工始終係悶左D GE~ <br >>July 17, 2005 at 11:16:59 AM GMT+8 我報0左團先知自己個回鄉証過0左 >>July 13, 2005 at 10:37:50 AM GMT+8 係你已經愛上我呀^^成日亂講~ >>July 6, 2005 at 8:07:26 PM GMT+8 我發覺你已經愛上我la~ <br >>July 6, 2005 at 2:26:14 PM GMT+8 下... 你唔好咁講啦... < >>July 3, 2005 at 8:33:18 PM GMT+8 SORRY呀€原來你一早想搵我傾 >>July 2, 2005 at 11:26:04 PM GMT+8 Re: 肥娃 <br> <br> >>April 16, 2005 at 5:05:19 PM GMT+8 我又要去玩~!!! <br>我考 >>April 16, 2005 at 12:42:06 AM GMT+8 Re: Nicole <br>我 >>April 14, 2005 at 9:38:17 PM GMT+8 我考完a level就可以玩ga >>April 14, 2005 at 11:51:31 AM GMT+8 咩黎架?! <br>你都唔打比我 >>February 8, 2005 at 12:56:56 PM GMT+8 ｉ　Ｂｕｙ　ｓＴｈ　４　ｕ　ｒ >>February 6, 2005 at 12:07:59 PM GMT+8 要食四次壽司.... <br>多 >>February 1, 2005 at 11:15:16 PM GMT+8 哈哈!有冇咁嚴重呀?! <br> >>January 28, 2005 at 12:44:30 PM GMT+8 我依家黎同你講遺言ar~ <br >>January 27, 2005 at 8:09:50 PM GMT+8 咩咁多日呀?! <br>邊有呀? >>January 25, 2005 at 4:23:01 PM GMT+8 咁多日唔寫日記 <br>去左邊喥 >>January 23, 2005 at 6:22:56 PM GMT+8 Re:Nicole <br>下. >>January 2, 2005 at 12:53:57 AM GMT+8 哎呀~點會有1000磅ga~傻左 >>December 31, 2004 at 5:46:47 PM GMT+8 你實在太肥了......你幾時減 >>November 21, 2004 at 11:02:23 PM GMT+8 >_<............. >>August 31, 2004 at 9:26:48 PM GMT+8 大肥豬肉 >>August 10, 2004 at 9:52:26 PM GMT+8

人氣: 7540

Design & Scripting by ShowHappy.Net