2005 年 1 月 7 日 星期五 【微冷】

今日又遲到半個鐘 tim... ＞＜... 上堂先做個傳意功課~ 好煩呀...

lunch 去 library 執o左兩執今日晏晝 present 個 powerpoint~ 之後就出新城市食 lunch~

我地去o左 Delifrance~ 好耐冇去 lu~ 好好味呀!!! hehe^^ 食完就要返去上堂 lu~

一返到去就見 d 人 present 緊~ 個氣氛好凝重呀!!! 哈哈~ 攪到我勁驚囉... d人又賴勁咁 wor~

出到去都唔知自己講緊咩... 一早寫好o個d 都冇講到... 唉... 唔知發生咩事囉...

最尾o個堂仲派o左 law 卷 tim~ 今日放 5:30 pm~ 放學又出o左旺角...

同大肥豬佬去唱k~ 6點半度就開始唱 lu~ d k buffet 又係冇咩野食咁 gei~

o係度死唱爛唱囉又... 仲同我爭唱 tim... 可惡呀!!! 佢扮 "老頭子" 呀!!! 好似囉我覺得!!!

笑死人!!! 人地唱成日引人笑攪到人地唱唔到... 魚... 唱到 10 點幾就走 lu~

行o左一陣就返屋企 lu!!! 好眼訓呀!!!

>>January 8, 2005 at 2:45:32 PM GMT+8

2005 年 1 月 6 日 星期四 【颳風】

今日放 12:30 pm... 本來約o左肥娃瘦娃佢地打麻雀架... 但係最後決定一齊整野食~

咁我就返大埔搵佢地啦!!! 去百佳一齊買野~ 買齊就上瘦娃屋企啦!!!

佢媽咪, ma ma & 晴晴都o係度~ 好耐冇上過佢屋企 lu~ 我覺得佢屋企人都幾得意~

好好笑囉!!! 晴晴真係好可愛呀!!! 佢係一個三歲gei 小朋友~ 第2次見佢 ja~

一訓醒覺走埋黎同我講: 我以前細個得兩隻牙, 淨係識飲水~ 九唔搭八~ 哈哈^^

真係好好笑!!! 一w一" 又話要同我地一齊整野食... 我地今日整 "生菜芝士筒" & "咖哩角"~

簡直就係亂整~ 都唔知整o左 d 咩出黎... 個咖哩角變o左 "排骨咖哩角" ~ 救命!!!

好彩雖然唔係好好食, 但係都 ok jer~ keekee 一v一" 我地仲用淨o左 gei 薯仔整炸薯條^^

食完野晴晴教我地讀書~ 超好笑, 話平時自己讀得好大聲~ o係度示範~

仲有歌仔唱 tim 架!!! 到 5 點到 print 埋 個 廣告, 就走 lu~ 又去屯門!!!

今日大肥豬佬個爸爸生日, 全家人去稻香食飯... 我地o係吉之島行o左陣先~

買o左勁大 gei 立體 winnie the pooh & 叮噹 揮春^^ 好靚呀!!! 好野!!!

去到酒樓原來佢細家姐都o係吉之島買o左揮春~ 不過細 gei 又唔立體~ 呵呵^^

我o個 d 靚 d 呀!!! 個 12 人 gei 餐, 得 10 個人食... 好飽... 一n一" d 野食普通啦!!!

佢老豆一人派o左一封利是~ 到 10 點度就走 lu~ 好快就返到屋企啦~

>>January 8, 2005 at 2:31:05 PM GMT+8

2005 年 1 月 5 日 星期三 【晴】

今日要上返 e-commerce 個 tutotial~ 好煩呀!!! 未做又要 present~

咁我地就同呀 sir 講話冇帶啦... 到普通話堂我地冇上呀... 去o左食 lunch 先~

之後再去 library 做埋佢, 即刻 post 埋上 web CT... 好快就做完 lu~

1:30 pm 要 test OSA... 又唔係好識咁囉... 亂做~ haha^^ 但係又唔係難 gei~

到 3:30 pm 先放, 之後就搭車返太和 lu~ 約o左 Nicole 去食 tea!!! 好野~

咁我就拎o左好耐都未比佢 gei "野" 佢~ haha~ 一w一"

我地食完坐o左陣, 傾o左陣就走 lu~ 陪o左佢去買筆 & 耳針~ 買完就返屋企 lu~

做 Eng project 個廣告~ 都攪o左好耐下... 真係嘛鬼煩呀!!! 做完呢個都冇做 audio lu~

唔想做呀... 咁多... 之前做o左一個 ja... 唉~ 遲d先交啦... 之後就成晚o係度傾電話 lu~

>>January 8, 2005 at 2:05:05 PM GMT+8

2005 年 1 月 4 日 星期二 【颳風】

今日又放 11:30 am 啦~ yeah^^ 放學同雅然& inty 出o左旺角唱k~

好肚餓,去到死食爛食, 死唱爛唱, 唱到好似差唔多 5:00 pm~ 之後行o左一陣街...

大肥豬佬出旺角搵我... 咁我地就走 lu~ 我地買o左d野食行o左一陣~

佢買o左個暖包, 都搵笨 gei~ 熱得o個一陣!!! 佢又買o左鏡比我... hehe^^ 好靚~

之後呢就去食飯 lu~ 佢話要去大家樂... 都唔知點解咁鐘意去... 一n一"

我仲買o左好多化粧品~ 好開心呀!!! 有禮物送, 不過又冇$$ lu~

買完野仲伸請o左 hello kitty 信用卡~ 好靚呀~ 幾時先有張卡呀?!

最後打o左一陣機就走 lu~

>>January 5, 2005 at 9:19:32 AM GMT+8

2005 年 1 月 3 日 星期一 【乍雨乍晴】

今日開始又要返學 lu~ 1返到就要交功課啦... 真係煩呀~

隻碟又唔知做咩開唔到 wor~ 千其唔好冇晒d野 tim 呀~ 又黎一次就慘啦...

inty 借o左佢o個d比我~ 咁就當交o左lu~ 我自己o個d都未做晒 gei~

上完2堂 OSA 就 lunch lu~ 今日都唔肚餓, 因為食o左早餐!!! 咁我就同 inty 買o左1樣 gei lunch~

都係腿蛋治+熱朱古力~ 我地冇做到 e-commerce 功課, 但係又要 present wor~

但係我記得 ar sir 話唔洗上架 wor~ 咁我地決定成組走堂囉...

上 CBP 同 Qubbe, Ling & Inty 鬼o個d~ 講到毛管"洞"~ haha^^ 好恐怖呀!!!

之後就到 e-commerce 堂 lu~ 真係唔洗上 wor~ 即係唔洗走啦... 繼續o係度狂講...

講o左兩堂... 3:30pm 就去上 ENG 堂, 仲諗住佢會講星期五 present d 野~ 點知做問卷~

仲要早放 tim~ 早知 1 早走啦!!! 蝕晒 tim~ 一n一" 放學就返屋企 lu~ hehe~

洗完澡澡開電視有叮噹睇呀!!! 但係有字幕 gei~ 好怪呀!!!

約o左 inty 聽日放學去唱 k~ 好想唱好想唱!!! 快d到聽日啦~

>>January 3, 2005 at 7:01:59 PM GMT+8

2005 年 1 月 2 日 星期日 【乍雨乍晴】

今日冇出到街... 聽日要返學啦... 唔想返呀... 咩咁快放完假架...

訓到 12 點幾起身, 諗住睇洛神, 冇得睇 wor~ 之後先諗起今日係星期日!!!

食o左熱狗同咖啡~ 好味呀!!! 晏晝就做o左小小功課... 其他諗住返到學校先算囉~

想做死我咩... 一n一" 夜晚食糯米飯~ 好暖呀!!! hehe^^ 都冇電視睇 gei 今日~

同大肥豬佬上網打機!!! 又唔讓人!!! 絕交呀下~ 哼!!!

到 12 點幾去訓覺~ 又訓唔著 wor~ 好耐都冇試過咁早訓 lu~ 到唔知幾多點終於訓著 lu^^

>>January 3, 2005 at 11:44:09 AM GMT+8

2005 年 1 月 1 日 星期六 【乍雨乍晴】

2005 年啦! happy new year 呀^^

今日o係大肥佬度訓到 12 點幾先起身... 佢開頭叫我今日同佢d fd去睇戲, 我話唔去架...

因為驚住會凍死咁囉, 之後又好屎忽鬼咁想去... keekee...

起o左身就好趕咁刷牙洗臉換衫, 過去廳食野, 食食下又打o左陣邊爐~

尋晚食淨好多野呀~ 之後呀朗車我地出市中心個巴士站, 我地搭巴士出沙田~

去到o岩o岩好, 冇遲~ 佢fd 買o左 3 點飛, 睇功夫~ 入到去見到有部自動售賣熱飲o個d機~

"gum" o左杯熱朱古力~ 好暖好好味呀^^ 點知佢地又買爆谷 wor~ 攪到我有兩杯野飲...

仲要杯可樂勁大囉, 成杯冇飲過咁濟呀~ 套戲都幾好笑 gei~

我鐘意o個個獅吼功o個個包租婆呀... 唔記得叫咩... 好好笑呀^^ 笑死我啦!!!

睇完又去打機, 打完佢d fd就走 lu~ 我地就去冒險樂園玩... 勁掟彩虹, 不過都冇大獎~

玩完就去o左m記食野~ 食新o個個餐, 有薯圈呀^^ 好開心呀!!! 食到好飽好肥~

食完就返屋企lu~ 睇電視~ 四葉草同頒獎禮, 古巨基好勁呀喊得~ 呵呵^^

好凍呀, 唔打住lu~ 聽日再打啦...

>>January 2, 2005 at 2:11:06 AM GMT+8

2004 年 12 月 31 日 星期五 【乍雨乍晴】

今日又係訓到 12 點幾起身~ 醒o左都唔想起... 咁凍~ eeeeee~

起身又係睇電視, 食公仔麵, 飲咖啡~ hehe^^ hai下hai下就 3 點幾 4 點 lu~

要換衫出去啦~ 又去大肥豬佬度!!! 一w一" 攪o左好耐呀~ d衫件件都咁薄... 煩死人~

幾經辛苦終於都攪掂出得門口 lu~ 凍到我丫, 又洗頭又洗臉... 搭到去總站先落車呀今日~

因為同佢爸爸&媽咪打邊爐~ 我咪諗住同佢一齊買野囉... 但係我遲o左...

我去到佢已經買好晒丸呀o個d lu~ 仲勁多tim... 咁我地就去百佳買野飲, 薯片, 雲吞o個d~

唔記得買o左咩tim... hehe^^ 買完就搭的士返去 lu~ 佢家姐同呀朗又人唔打, 點知1人打1陣~

之後出o左街... 好無奈囉!!! 慧慧仲未走呀~ 1路打邊爐, 1路睇電視, 1路同慧慧玩^^

我地無沖到涼呀... 哈哈!!! 打完就返房 "come" 住被打機~ 打打下大肥豬佬話倒數...

點知佢房個鐘壞 gei... 過o左 12 點啦... 又好無奈... ＞＜" 是但啦... 但係好好笑 一v一

冇出去倒數好似冇咩氣氛, 但係唔洗迫, 又唔洗咁凍~ 同埋個感覺都幾好丫^^ keekee~

>>January 2, 2005 at 1:52:56 AM GMT+8

2004 年 12 月 30 日 星期四 【晴】

前日出完街之後都再無出街 lu~ wahhaha^^ 超唔願意囉... 一n一" 咁凍~

真係想凍死我咩?! 死人陳家諾勁叫我去唱k~ 我係唔會就範架!!! 哈哈!!!

呢兩日o係屋企勁歎呀~ 又狂煲d雜誌~ 睇 vcd 同埋錄o左未睇 gei 電視~ 都未睇晒... ＞＜"

同埋勁食囉!!! 蘿蔔糕 , 蕃薯湯丸糖水, 朱古力 pan-cake, 薯片, 蝦條,朱古力...

仲有咩呢... 都唔記得lu~ 淨係知係咁食囉... 肥死啦... 點點點算?! 一w一"

頭先晏晝諗住做功課架... 但係呢隻手凍到唔想旭... 無做到... 哈哈^^ 其實都唔知有咩做...

淨係知好多囉... 一d都未做過... 都唔知點... eeeeeeeeeeee~

呢排夜晚睇烈火熊心, 瑤瑤真係好得意囉~ 尋晚講佢同老豆嗌交... 笑死我呀!!! 好好睇呀^^

晚晚一路食宵夜一路睇... 真係幸福呀!!! 好快就可以 1000 磅啦~ 痴o左線!!!

好似好快就要放完假咁... 唔好呀~ 好驚呀~ 唔好呀!!! 唔想咁快返學呀...

>>December 30, 2004 at 7:46:56 PM GMT+8

2004 年 12 月 28 日 星期二 【乍雨乍晴】

今日 10 點幾就起o左身 lu~ 約o左雅然去街街^^ 入元朗~ 好凍呀今日 一n一"

一去到我地就去食野 lu~ 去o左元綠!!! hehe^^ 叫o左超級多野呀~ 食到都再食唔落 lu~

好好味呀~ 今餐我請當補祝佢生日啦... 雖然遲o左 d ~ keekee 一w一"

食完就行街~ 我行o左成日都買唔到野呀... ＞＜" 好慘呀~ 雅然就買o左靚裙裙~ 唔制呀...

行極都睇唔o岩~ 點解會咁架... 可能今年冬天就咁就凍死啦... T__T"

到 6 點度就去大肥豬佬度~ 嘩一夜o左仲凍囉!!! 去到食飯... 佢媽咪同慧慧 (BB女) 住到 1 號先走~

食完飯就同佢玩... "捐"o左入波波池玩~ 哈哈^^ 個波波池我同大肥豬佬買架~ 玩返夠本~

笑死我咁濟!!! 個波波池大到可以 3 個大人入去玩都唔迫o個隻囉~ 笑到肚痛呀^^

睇完功夫足球就返房打機~ 到 11 點幾就走 lu~ 費事第日先走啦... 個肥野又要返工~

又係超快就返到 lu~ 半個鐘度啦~ 沖完涼就睇烈火熊心~ 好睇呀!!!

睇完即刻 "捐" 返入 "被豆" ~ 凍死人啦!!!

>>December 29, 2004 at 1:08:21 PM GMT+8

ｉ ｌｏｖｅ ｙｏｕ 廣告 讀者留言 |  路人留言   | 喂~有人好懶AR~ <br>唔打 >>October 29, 2005 at 10:27:49 PM GMT+8 我冇所謂呀~日日都得架啦~ <b >>July 31, 2005 at 8:07:12 PM GMT+8 下WEEK搵你一齊食好唔好~ < >>July 30, 2005 at 4:01:31 PM GMT+8 嘩!好呀!!!幾時呀?! <br >>July 20, 2005 at 8:19:50 PM GMT+8 我尋日去左樹仁interview >>July 19, 2005 at 11:53:09 AM GMT+8 返工始終係悶左D GE~ <br >>July 17, 2005 at 11:16:59 AM GMT+8 我報0左團先知自己個回鄉証過0左 >>July 13, 2005 at 10:37:50 AM GMT+8 係你已經愛上我呀^^成日亂講~ >>July 6, 2005 at 8:07:26 PM GMT+8 我發覺你已經愛上我la~ <br >>July 6, 2005 at 2:26:14 PM GMT+8 下... 你唔好咁講啦... < >>July 3, 2005 at 8:33:18 PM GMT+8 SORRY呀€原來你一早想搵我傾 >>July 2, 2005 at 11:26:04 PM GMT+8 Re: 肥娃 <br> <br> >>April 16, 2005 at 5:05:19 PM GMT+8 我又要去玩~!!! <br>我考 >>April 16, 2005 at 12:42:06 AM GMT+8 Re: Nicole <br>我 >>April 14, 2005 at 9:38:17 PM GMT+8 我考完a level就可以玩ga >>April 14, 2005 at 11:51:31 AM GMT+8 咩黎架?! <br>你都唔打比我 >>February 8, 2005 at 12:56:56 PM GMT+8 ｉ　Ｂｕｙ　ｓＴｈ　４　ｕ　ｒ >>February 6, 2005 at 12:07:59 PM GMT+8 要食四次壽司.... <br>多 >>February 1, 2005 at 11:15:16 PM GMT+8 哈哈!有冇咁嚴重呀?! <br> >>January 28, 2005 at 12:44:30 PM GMT+8 我依家黎同你講遺言ar~ <br >>January 27, 2005 at 8:09:50 PM GMT+8 咩咁多日呀?! <br>邊有呀? >>January 25, 2005 at 4:23:01 PM GMT+8 咁多日唔寫日記 <br>去左邊喥 >>January 23, 2005 at 6:22:56 PM GMT+8 Re:Nicole <br>下. >>January 2, 2005 at 12:53:57 AM GMT+8 哎呀~點會有1000磅ga~傻左 >>December 31, 2004 at 5:46:47 PM GMT+8 你實在太肥了......你幾時減 >>November 21, 2004 at 11:02:23 PM GMT+8 >_<............. >>August 31, 2004 at 9:26:48 PM GMT+8 大肥豬肉 >>August 10, 2004 at 9:52:26 PM GMT+8

人氣: 7535

Design & Scripting by ShowHappy.Net