2005 年 7 月 23 日 星期六 【晴】

I am Back la !!!!

>>July 24, 2005 at 3:48:44 PM GMT+8

2005 年 7 月 22 日 星期五 【晴】

今日大家約左8點幾起身食早餐之後qt...因為10點我地有gathering~~
我起左身...換好晒衫...發現bowie 同阿茜仍然係瞓左係度~~
睇黎佢地之前個晚的消夜食得太勁~~又夜瞓...佢地2個就留係酒店休息下啦
我就join左其他人出去食野...去左食麵~~wow..d 麵好大碗下~~
之後ken, sally & emily 就幫bowie去左買mcdonald 早餐~~
其他人就返房qt~~
around 10點我地就join 埋一起~分享一下大家係南京生活的體驗~ (因為我地always 都各自分開行動....其實我都唔係最知佢地做左d咩咁..哈哈)
之後我地有一起祈禱的時間~~ 12點我check out之後又再一次各自行動
首先我地等左好耐好耐的士...去到集合地點時已差唔多1點...其他人已分開晒~~但我地又要3點鐘再集合去機場, 而我同阿茜, bowie & tim 就諗住一齊去南大買紀念品, 鹽水鴨同食lunch...於是我地又好趕急去我地想去的地方~
因為我地既集合地點係有巴士同的士做專去機場的生意, 而阿tim亦好醒見一早book 定4架的士去呢個機場~ (d 的士司機仲驚死我地會放佢飛機添)
當d的士司機一見到我地...就問我地去邊...話免費車我地喎 (因為我地幫襯左佢4架的士嘛)
實在太好喇!!!
(爭d唔記得....當日candy唔見左個銀包...但好在同證件分開放....於是個個的士司機都免費車左candy catherine等人去派出所)
我地有個專用司機車我地去南大...又話會等我地車我地走...最終3點前果然返到集合地點~~ 勁!!!
我地再影大合照之後就一齊坐車去機場
(去機場之前我以為自己唔見左個電話喎..好在...原來自己唔記得左放左係個行李箱..唔係放係自己個袋到...嚇死人咩~~)
去到係機場又影左好多相...之後我地就同阿龍分道揚鑣...因為想返佢鄉下住幾日咁
上到飛機.(6點9起飛)..估唔到唔係好多人坐咋喎...我地可以亂咁坐~~ 哈哈
我同gloria & emily 坐~~ 同佢地傾計好開心呢!!!
又同後面的阿tim 係度講笑~ 又食到飛機餐 (味道不錯!!)
好快就去到深圳機場~~(差唔多9點)之後simon 同阿ken就去搵車車我地去離境大樓....等左好耐...估唔到....係坐個d van 仔... 坦白講..有d似綁票個d車咁...哈哈~~
我地分左2架坐....差唔多開車時...阿tim收到catherine(佢係第2架車個度)電話..但阿tim聽唔清楚佢catherine講咩, 突然間車門好大力俾人打開~~ 原來係catherine...哈哈 佢嚇親阿tim啊~~因為阿tim 係住門口個個位...點解catherine 突然走過來呢?! 原來佢個面架車突然坐多左個人詰係帶路...就好迫...佢就以為我地呢邊多d位...(點知我地擺晒行李~~ 哈哈) 所以佢坐黎我地呢邊...都係好迫~~ 哈哈~~ 終於....我係夜晚11點返到黎hk 啦!!!! 好累呢....................

>>July 30, 2005 at 2:50:30 AM GMT+8

2005 年 7 月 21 日 星期四 【晴】

終於到了星期五....今日的行程是2點係<<南京大屠殺紀念館>>門口集合...之後6點鐘有我們的交流會~~其餘時間是free 的~~
我, bowie &阿茜本來計劃去紀念館之前去一趟總統府
今天大概9點幾起身, bowie 同阿茜就落街買早餐回酒店吃...到吃完及預備好可以出門*都差不多12點了...(*可以出門意思是換好衫, 塗lotion、防曬、蚊拍水, 每朝指定動作!!!!!)
好像不夠時間去總統府...(實在太可惜了....)我們決定去東南大學祈禱及遊覽一下~~
去到祈禱完都差不多1時~~ 我們找了一位學生替我們拍照, 本來想係圖書館影就算...至少証明我們來過嘛~~
不過那位學生說最有代表性還是行入dd的building~~於是我們一起行入去影左張相~~ ^^
之後很趕急地坐出租車去<<南京大屠殺紀念館>>, 途中出租車司機還跟我們傾計, 他說他很喜歡廣東歌..特別是舊歌, 仲即刻唱 "浪奔~~~浪流~~~" wow...勁!!!
去到<<南京大屠殺紀念館>>, 心情真的很沉重...不要說是甚麼國籍的人...而是一個人怎可以這樣對另一個人呢..為什麼不會愛惜生命呢?...看到相片, 文字, video...真的令人很沉重......可能今天沒有戰爭....但不愛惜生命的事件每一天都發生....自殺、謀殺、虐待....何時才會明白愛及懂得愛呢?
去完<<南京大屠殺紀念館>>, 每個人都冇點樣講野...返到酒店...我們又為夜晚的交流會作準備...
我們買了東西回酒店吃, 之後就著手預備..大家都食得好急...因為時間不多 ~(終於都吃到鴨血粉絲~~正!!)
到左7點半到...就正式開始我們的交流會!!
首先由阿ken同sally 為我們hold了1個game~ 就係"人生拍賣場" 起初都不是太多人競投, 到後來大家唔理係咩都晒冷投返樣野返去...最後緊係笑料百出啦
之後有simon&eva預備了一個聖經故事討論
最後就分組討論, 討論一下現今的大學生應該追求甚麼而實際上又追求甚麼
真的很不同呢~~當地的大學生大多希望可以貢獻國家, 但首先他們都認為由自己做好自己個part 做起~~ 我覺得佢地真係幾mature & sharp mind 架喎~~~ 知道點樣start同知道自己想要d咩野~~都真係幾犀利~~
完左討論我地仲有refreshment & fellowship... 大家都係好唔想走咁..係咁傾計同影相~~
計下計下..我地都請左18位大學生黎呢個交流會~~ 明白左兩地大學生的文化多左好多~~ ^^
返到房已經好累...估唔到阿sai & bowie 仲好有精力..佢地行左出去買宵夜!!
我就頂唔順....睡了...

>>July 29, 2005 at 6:42:58 AM GMT+8

2005 年 7 月 20 日 星期三 【晴】

今天整個早上都在酒店裡 qt & 食早餐, 休息一下
那些湯包真的很好吃~~ (但我不為意有湯...一吃湯就濺出來...弄髒了我的衣服...>.< 未出街就要換&洗衣服.....)
到了11點,我, bowie & 阿茜就去了南京師範大學祈禱~~之後和當地的朋友一起食lunch
她們帶了我們去南京大學附近的食店吃東西 (2間大學需要走10至15分鐘路程)
她帶我們吃一個鍋, 好像是一個細鑊, 裡面煮了一些雞肉, 上面再鋪了一層類似薄餅的餅, 有一點麻辣, 雖然很好吃..但我受不了....嘻嘻
那位朋友叫尤瑋, 很outgoing, 很sharp! 她聽得懂我和阿茜的普通話..真的很厲害!! 哈哈
食完我們一起步行返回南京師範大學, 一起吹水聊天(當地當然沒有吹水這2個字)..亦都知道她的家是怎樣的~~
之後我們分別時, 她突然追住我地, 然後送了一個她從北京買的手信給我們~~ 真的很感動啊~~^^
很想一直和她keep contact 呢~~~
之後我又由南京師範大學行去南京大學....很累....
南京大學真的很大啊~~ 但我們3個已走不動...一直問人有咩地方可以坐下又可以涼冷氣...答案是有的...但只有圖書館而我們又不能進入.....唉...
但因為問人過程...我們認識了1個南大的學生...她很好人...她本身是要去圖書館的, 後來就帶我們去兜個圈及帶我們去看南大的紀念品~~ 而且她還在今晚join我們去夫子廟~~ 實在太好人了....
之後我們又認識了1個說廣東話的學生, 她帶我們去南大一些有特色的building 拍照~~ 她說可以跟我們講廣東話實在太好了~~我們也是一樣啊....
去完南大我就回酒店等一個朋友叫小燕來找我們吃晚飯...她真的很可愛~~ 很爽朗~~
可惜時間很少....我們又要趕去師範大學接朋友一起去夫子廟....惟有用email keep 住和小燕contact喇...
去到夫子廟..原來有很多人已到了....simon 哥哥就將我們分組....在限定時間之內用5蚊買最多不同種類的東西....哈哈~~為了達到目的....我們全買了很多"唔等洗"的東西....如絲帶, 飲管, 過期報紙等等....
但最終..我們都是輸了..哈哈..但玩得真的很開心...(腳卻很累....)
輪的那組(ken 組) 當然要罰啦~~就罰他們唱歌...哈哈~~
之後大家好像不捨離去, fellowsip 拍照.......最終都要走了....
大家都很依依不捨, 因為有些朋友不能再見了....
我們回到酒店, 一起商量明晚的交流會...大家都很興奮...預計有廿多人參加~~
希望神會保守一齊..叫我們預備得最好~~

p.s. 夜晚的時候很肚痛.....是不是因為吃了麻辣呢....>.<

>>July 29, 2005 at 2:58:54 AM GMT+8

2005 年 7 月 19 日 星期二 【晴】

很累...但亦要一早起床~因為今天早上我們會一起去中山陵
我們去了mcdonald 食早餐 & qt...差唔多10點時, 我地就同埋catherine的朋友小敏一起去中山陵
中山陵就係孫中山的墳墓~~要成$ 45 入場費(都幾貴)
入到去...我地先分開祈禱...我跟了angela一起祈禱~很開心!!
之後我們在牌坊等齊人一起行上去...只係在牌坊...已影了很多相...-.-"
入到去....原來要走很長的樓梯....真的很累呢....但上到去...望返我地之前行的樓梯...原來風景真的很美!!!!
入去墳墓之前...我們看見孫中山提出的三民主義....行入裡而..見到他的白玉像 及 他的棺木
之後去了墓園的後花園, 看見他的生平及如何興建這個中山陵~
看完了我就想孫中山真的是一個很偉大的人物!
他真的很想為中國人做返d野...真的很有影響力!
參觀完中山陵都差不多1點了...我們就乘車去了南京大學附近找東西吃 (因為當地的lunch hour已過...很多食店都休息了..) 最後我們找了一間食店肯額外為我們provide 食物~真的太好了
我們一起吃, 一面用普通話說笑話及玩iq 題 (因為有當地朋友在少,故不得不說普通話...哈哈)
ken 真的提供了不少笑話給我們...氣氛很開心~~那朋友也提供她知道的iq題及笑話給我們~~哈哈
之後我就跟bowie & 阿茜去了師範大學找一位朋友, 她帶我們南京最大的書店~
我買了不少書啊...因為真的比香港便宜~~ 其中一本是<<與成功有約>>的簡體字版~~
之後一起吃餃子(始終吃不到鴨血粉絲....) 和那位朋友傾左一陣計....之後要趕返酒店有HC
但一直找不到計程車....最後....竟然我們坐了三輪車.....但三輪車的座位只夠2個人坐....最終我要坐在bowie 大脾~~哈哈~~真的很搞笑...好像在遊街~~ 雖然坐得很辛苦(只有我), 但真的很舒服呢~ 哈哈
我們有我們的HC, 弟兄姊妹之間分享了這幾天的行程~~也有弟兄為我們分享信念;
夢想是需要有柔軟的心及要做1個每日也有夢想的人!
他的分享真的令我很感動~ 我是否和神一樣"不願一人沉淪"呢?
身邊發生的事是否我已經盲目呢?
不論在甚麼地方,我的心是否仍然沒有變呢?
完了hc 跟阿龍fellowship一會兒~
之後去了吃遲來的晚餐...但我不舒服..就跟了emily 他們回酒店休息....
回到酒店就不斷發短訊給當地朋友約食lunch
很累但很開心的一天呢......

>>July 29, 2005 at 2:33:30 AM GMT+8

2005 年 7 月 18 日 星期一 【晴】

今日係我生日~~ yeah ~
但係....眼訓到呢...我完全冇咩好興奮的心情about我的生日
同左simon tim sally emily sai bowie 去mcdonald 食早餐 & QT
之後就去左南京師範大學祈禱
入面都幾大架喎~~ d building 仲好古色古香添~~
但我地又唔識路..惟有問d大學生邊到有水買 (simon 話唔飲水會中暑)
我地識左個大學生叫張蓉芳.係1個研究生 ~ (好勁!!)..普通話聽落去就同b嫂個名差唔多音...阿sai第一時間就話"b嫂?!"
真失禮..-.-"..哈哈
傾左一陣我地就發現左....原來呢度的食飯時間係好早架
canteen 供應早餐的時間係7點幾至8點幾...lunch 係11點半開始到1點到啦...夜晚5點幾6點就食飯...如果係咁..未好易餓死我地?! 哈哈
個大學生好好人..話俾我地知點樣行點樣行..又話我地知南京有咩好玩呀咁...可惜佢呢幾日都唔得閒帶我地去參觀..所以我地交換左電話保持聯絡
我地繼續係呢個校園參觀~~ 問左人先去到個canteen...但係呢個canteen 同平時去的唔同..問左個女學生先知原來先要買代用卷先可以買野食....我地就同呢個女學生傾左一陣計~~都好開心喎..佢肯帶我地去書店逛下~約左第2日的4點鐘~ 實在太好喇..唔洗自己搵!!!
之後就join 返simon 哥哥佢地一齊食lunch....canteen 果然係canteen 野食真係平d..但都唔係真係好好食囉......
之後simon 哥哥話lunch hour 之後的2~3個鐘都係冇咩人...如果想同呢度學生交流的話...都唔會有好多人...
咁我同阿sai & bowie 就諗住去派出所~~ 點解?? 因為bowie跌左個電話係架的士度..保險公司一定要我地報警拎左紙証明先可以有得賠...我地行左好耐...搵到1間派出所..點知佢唔係負責呢方面既野...要去第2間...再行再行..有d唔對路咁...就問下人啦...咁就識左個東南大學的大學生~~ 雖然佢都唔知派出所係邊...但係佢好好人~~好nice 咁叫我地問下其他人...咁我地又交換左電話諗住遲d再出黎食飯~~~我地再行既時間...好奇蹟咁俾我地見到一間派出所~~ thx god ~
入面d冷氣真係好涼呀~~ 個公安都好nice 好有耐性咁treat 我地...但都搞左好耐..因為我地只係跌左電話而唔係俾人偷左...只會當求助處理而唔會有任何收據..咁我地係好清楚自己係跌既...冇得話係俾人偷架嘛....最後個公安都肯幫我地寫d野...唔算係正式收據囉但係..anyway...試下啦..冇得賠都冇計喇.....
之後我杜再返返去大學諗住join 返simon & tim~等佢打電話俾我地啦...係呢段時間識左1個女仔叫范一璐~~ 佢好好人咁帶我地參觀佢學校...傾下計咁...仲約左第2日食lunch ~~ 呢度d大學生都真係幾nice架喎....呢個時間...原來阿tim 佢地已經走左....oh.....惟有自己返酒店喇~~ 但又唔識路....問左1個讀法律的女仔....佢超級outgoing 又靚~~ 真係好開心識到佢呀~~當然都約左佢食飯啦~如果唔係星期6走左唔知幾時可以再見到了......
返到酒店累到訓左係張床到唔願起身.... 但都要食飯架~~我同bowie 就去左搵eva angela 同gloria食飯~~eva識左2個南京朋友帶左我地去食餃子..真係好好食喎~~ 不過食唔到呢度好出名的"鴨血粉絲"...唔緊要....聽到bowie 向其中1個女仔share 佢生命點樣俾神改變...好激勵啊~~ 我一定要學好普通話...唔係都好難講到俾人知我係點樣俾神改變自己...嘻嘻
返到酒店已經好累......沖完涼洗完頭...諗住訓既時間...
ken 拎個蛋糕入黎喎..仲有simon tim 龍 emily eva catherine candy gloria angela sally sai lily bowie入黎同我唱生日歌...每個人仲share1個佢地欣賞我的地方~~~我覺得好感激呀 (雖然我有d唔記得左佢地share我咩野...嘻嘻) 但真的可以去到南京已係god bless ~~ 生日對我黎講只係大多1歲..多個名出來食飯~~ 可以同弟兄姊妹有好close 閞係.有唔同人愛自己已經係好大好大的禮物
出左黎做野almost 1年...我知道神用呢d時間去拆掉我一d唔好的性格~ 希望黎緊的時間係唔同人身上 (特別係阿茜身上)學到更多~~ 都好希望karen lee 快d成為我地既姊妹~~
感激不盡!!!! ^^

>>July 26, 2005 at 2:48:00 AM GMT+8

2005 年 7 月 17 日 星期日 【晴】

今日就係出發去南京的日子!! 好興奮呀!!!
約左阿sai 同 bowie 11點半係kln tong 火車站等
我9點就起左身...落左去大家樂qt & 食早餐..再去百佳買鎖仔鎖行李
之後返到屋企..我阿媽同阿爸都好唔放心我自己去深圳機場...
最後我阿爸就同我一齊去.... 我諗如果唔俾佢跟我去...我出唔到屋企門口~~哈哈
感激alvin 黎送我地車喎~~~
我帶左一個斜揹袋+一個細行李箱就出發了!!!
我地一齊搭火車...途中阿sai不斷問bowie d 普通話點講...我就係側邊聽...都幾搞笑...
去到黃崗..食左d野...全部都係我爸爸俾錢~ 哈哈之後就過關...再坐的士去機場
當然我阿爸送到我地去到黃崗就走了...但都係好感激佢...如果唔係3個女仔都幾危險既
坐的士坐左好耐..好累...
阿sai 開始頭暈...bowie 的病又未好番..我就開始頭痛...
3個病住病住咁去到機場....係機場都搞左一輪..因為bowie 的機票有dd 問題..
好彩最後都上到飛機~~
係飛機都係有不少笑話!!! 例如bowie 唔知原來d 窗係可以拉落黎..佢仲要搵件衫遮住d陽光~哈哈
見到架餐車行過...bowie 就同阿sai講 "原來有野食架" 阿sai 說 "下?! 架車走左喇?" 其實未走既...只係d野食由頭開始派o者..-.-"
坐左1個鐘50分鐘的飛機...到了南京機場!! 之後諗住去坐的士..但都幾貴...打電話去問阿tim 話坐左120...但d 的士司機一定要140....擾攘左一陣...都無其他司機"兜搭"我地...惟有好樣衰咁返去坐個架的士...架的士就要有dd殘....大家都係好唔舒服咁..又坐左1個鐘頭先到酒店
由11點半開始去...要到7點先到酒店....7個幾鐘呀....散晒~~
不過好感激有阿tim 黎幫我地拎行李....simon幫我地搞房間d野...原來candy 同gloria 都係到左冇幾耐....我地3個實在太累&唔舒服..我地就去左阿tim房坐一陣....之後我地再放行李到我地間房..再出去食野~~~
我地去左1個地方叫"獅子橋"的地方食野..雖然個度好多人..但係d野都幾好食...有羊肉餃子呀咁..都係好平喎~~ 之後佢地就share 下黎左南京生日覺得掂呀咁..黎緊行程又會係點呀....其實..我都差唔多冇精神聽下去...真係好頭痛...返到酒店就食左藥沖涼諗住訓覺...點知 hku campus 黎搵我地喎~~ 好開心見到佢地呀~~ heymans 曬黑左好多好多喎~ 哈哈..andrew 好搞笑~~ 雅文同我地玩心測...都幾準呀...但我就開始眼訓喇.....
成晚都訓得唔係咁好...好易醒...可能生保地方喇.....

>>July 26, 2005 at 2:15:57 AM GMT+8

2005 年 7 月 16 日 星期六 【晴】

今日一早起身...因為係outdoor sunday ~~ 遲左要自己搭車去黃金海岸了....
好開心呀~~肥哥哥同阿偉都有黎到~~
雖然佢地好夜先訓...但都好準時 !! 感激感激 (聽返阿偉講話玩得好開心呀~~ 哈哈~~ )
但係超級熱呀今日....35度....溶喇溶喇....塗左好多好多防曬....好彩..都冇曬黑度
eric帶我地唱左好多首歌~~之後我同karen 祈禱...聽到佢的prayer 入面對神同埋對身邊既人都有好多的感激....希望佢可以快d做到我地姊妹喇!!
lunch 個陣有bt pair up 幫我同林+石慶祝生日....好感激喎~~
有阿sai winnie 同daphne 整的愛心蛋糕....妻係好靚同好食啊!!!! 整左1本好靚好靚相簿俾我~~入面有好多相我都冇..有佢地寫的特別對白...而且仲有佢地的鼓勵...真的很grateful 呀!!
而且遲d仲會有web cam...感激你地每1個人啊!!!
返返去沙灘玩左陣frisbee 就要出返去...好趕啊...因為趕住去同alvin fion ryan stephen pandora fung 冰冰 楊大口夫婦食飯...點知...因為outdoor sunday的關係...大家都遲到了....不要緊啦~~
最想都係同到fion & stephen 一起慶祝生日嘛~~~
楊大口夫婦愈來愈合拍呀~~ 勁!! ryan都愈來愈風趣喎~~ 哈哈~~希望鼓勵到fion 同stephen啦 ^^
返到屋企好累...但仲要執野.....好眼訓呀.......ZZZZZZZzzzzzzzzz

>>July 26, 2005 at 1:56:32 AM GMT+8

2005 年 7 月 15 日 星期五 【晴】

今日要返工...放左工之後就去左尖咀同大karen, sai, fion cat唱k ~~~ 好開心呀
唱國語歌真係唔係好掂呀下...>.<" 哈哈
之後去左coffee shop 傾左d野就返左屋企
諗住執下野預備星期一走~~
夜d就出左去同阿捷, 阿儀, 阿明同阿賜食日本野~
好耐冇見過阿捷喇...風趣幽默左喎~~ 好感激佢請我食飯呀~
之後去左唱k (又唱?! ) yeah ~~生日嘛我~~呵呵
返到屋企almost 1點了...但好開心!!!!

>>July 26, 2005 at 1:38:19 AM GMT+8

2005 年 7 月 14 日 星期四 【晴】

這幾天我的老闆不在......由另1位老師暫代其職....
很奇怪的是他說他只負責去開會...而不會簽任何文件....
但下星期要派成績表喇....現在整疊hold住左....要打長途電話俾我老闆...
又有幾份文件未簽......真的有點麻煩.....
其他同事對佢有點微言........咁但係又可以點呢.....
我d同事就同我講叫我唔好咁易俾佢點......
真的很難做啊.......
點解佢會咁奇怪架?? 佢代得呢個位....佢當然就要負責架喇....
而家咩都話唔簽.....怕負責任.....真的很麻煩呢!!!
搞到而家要打去倫敦問老闆點做.....唉

>>July 15, 2005 at 6:39:53 AM GMT+8