2005 年 2 月 9 日 星期三 【微冷】

今日係年初二....可以睇煙花~~~
亦都係我地single retreat 的9第一天!!!
我就同埋michelle queenie一齊入大嶼山~~去到已見到佢地分左3堆人~
樓下就見到錫錫 冰冰 calvin ken 玩500分
二樓就見到阿茜 karen 阿朗等人係度打牌~
三樓就見到一班姊妹係度睇聖經~~
我去度settle down 之後就同左d姊妹入房傾計~~
哈哈~過左一陣佢地話要去沙灘玩...我緊係唔去喇...咁累....
我就坐係度打牌囉.....之後就同左winnie 同eric 玩德國喬牌....
好耐冇玩喇......但3個人玩真係好有難度
本來我嬴緊架嘛...去到最後個幾鋪...太多牌...已經唔識叫牌喇....唉...
7點半打邊爐....超多人一齊打邊爐呀!!!! 就係因為迫唔到埋去.....
我同winnie eric 阿朗又上左三樓打牌....成日既活動就係打牌囉~~~ 哈哈
打左一陣都係落返去食野....(唔係冇野食..) 同埋睇煙花~~(電視個d)...
又真係好靚架喎!!! 好可惜我不能現場睇到啦.....y.y
再夜d...好多謝michelle代我打牌...佢幫我輸了一鋪13么....勁!!!!!
唔打喇咁......之後我同daphne 去左阿賜個度食糖水( 原來佢地都黎左同一個地方去camp)
哈哈 daphne 仲被迫同佢地玩intense uno.....最後當時係daphne 被攻擊之下輸左...真係慘呀...
拎埋d糖水返黎都點幾2點.....阿鋒同錫錫都未訓...
我地就入左kitchen 睇住阿鋒整宵夜~~~一邊係度吹水.....
吹完水..食完野...成3點....要訓喇.....

>>February 12, 2005 at 3:01:10 AM GMT+8

2005 年 2 月 8 日 星期二 【晴】

今日係大年初一~~~同大家拜過年先!!
祝大家係雞年開開心心!!身體健康!!事業順利!!心想事成!!
今日既年初一既0時0分我係同michelle一齊過~~哈哈~~
我地上左household打牌...不過tim同eva 真係好眼訓咁~~~daphne直頭訓左~~
打左一陣牌~~就去左睇<<魔間行者>>
奇洛李維斯真的很有型~~雖然套戲應該係驚嚇的片種....但個人認為...呢部似係搞笑多d~~
特別係一開頭的<> (俾阿細估中呢度我係有笑!!)...加百列好似一個傻左既天使....奇洛上天堂時既手勢...等等~~都係令我係咁笑
睇完戲就去左行花市~~~ 有我啦, tim, fung, 冰冰, 錫錫~~
我買左一個風車同一個雞的手套公仔~~ 好kawaii 呢~~~
之後就搵左阿賜~~叫佢送我一棵桃花~~哈哈~~~
佢又真係有送~~呵呵~~ 真係好弟兄~~~呵呵
行完花市...就上左household~~見到阿細frankie同jonathan 係度打機喎~~
之後我地又係度打牌~~ 打到8點幾就去左食早餐~~ 成10點幾先返到屋企~~
雖然好累.....但3點幾就醒左喇...因為已有人黎屋企拜年...
同左我表妹個女一齊玩~~ 好得意架佢...雖然好少見到佢..但佢都記得叫我表姨~~
得5歲既佢成個小大人咁~~好明白我地講咩架喎~~ 哈哈
講野仲好伶俐~~好醒呀~~
我同佢一齊睇麥兜既<<菠蘿油王子>>~睇左3次!! 哈哈~~
其實佢應該睇唔明...但佢不斷要求睇~~ 咁未陪佢睇囉~~
我好鐘意入面的<<情迷海龜pizza>>
佢講野真係好好笑架~~例如:
情迷海龜pizza：你而家諗住去邊呀？
菠蘿油王子：我唔識路返屋企呀．．．
情迷海龜pizza：唔緊要．．．慢慢就學識架
菠蘿油王子：我又殺左個佬．．．（佬即係指中年男人的統稱）
情迷海龜pizza：唔緊要．．．咁仲有阿姑呀！！
睇完呢ｄ對話簡直好搞笑！！哈哈
真係好鐘意情迷海龜pizza！！！！

>>February 9, 2005 at 2:52:24 PM GMT+8

2005 年 2 月 7 日 星期一 【晴】

今日係年三十, 仲有唔夠廿四小時就係雞年喇!!!!
因為我係雞年出世....我覺得好特別呀....(俾人知道我幾多歲添...)
原來bt pair up 裡面, 得我一個係雞年喎.....好special 呀....哈哈哈
雖然今日我要返工....(仲冇得早放....)
唔緊要~~我仍然好期待今晚去玩..睇<<魔間行者>>同行花市~~~
好想買d野去慶祝我的雞年!!!! yeah ~~~ ^^
仲有...今日係winnie的生日~~~ 生日快樂 !!!!!! ^^

>>February 8, 2005 at 1:29:50 AM GMT+8

2005 年 2 月 6 日 星期日 【晴】

今天是年廿九.....我開始有點混亂新歷同舊歷...@.@
和一位同事食lunch~~~原來佢以前都係chaiwan ive讀書....都畢左業2年幾....輾轉間又返返黎呢度做...真係好奇妙~~~哈哈~~ 都好開心可以認識多一個朋友~~~~
放左工...去左causewaybay...諗住買野....點知咩都買唔到...就買左小小既花送俾阿儀...因為今 同佢慶祝生日呀~~d花雖然我唔知叫咩名...但白色細細朵...真係好kawaii呢...希望佢喜歡啦!!!
同佢慶祝完生日, 就同alvin 一齊過wanchai~~~佢就搵阿ben食飯..我就係同btpair up 食飯....超趕!!
雖然去到都未有得食住...但不得不讚賞daphne 同catherine ~~~真係好勁呀~~ d野好好食~~~ 仲有michelle 同candy 幫手~~~ 係呢度真係好幸福呀!! 呵呵 ^^ 一邊食飯..一邊係度吹水~~我一定記得係阿tim屋企鋪頭買既<<大成牌冬菇>>, <<大成牌髮菜>>, <<大成牌乾瑤柱>>...etc 阿tim 成晚都好hard sell 呀下...哈哈
食完飯....就同左winnie 慶祝生日呀~~ 希望佢今年生日都會過得開心啦~~~~^^
頂唔順...真的很累了....ZZzzzzzzzz

>>February 8, 2005 at 1:26:03 AM GMT+8

2005 年 2 月 5 日 星期六 【微冷】

今天sunday同整個sector的弟兄姊妹去看<<超人特工隊>> 真的很看呢~~~我很喜歡戲內的bb~~~好得意呀~~~完戲就同左阿茜& karen去睇聖經~~一睇就睇左3個鐘..雖然都睇左幾耐...但係都係好開心架~~~希望佢快d可以落水啦~~~~眕完聖經..就同埋錫錫去買飛同埋shopping~~~~最後錫錫就買左隻手錶同埋一個好得意的bb電話繩~~karen就買左件衫....而我...就咩都買唔到>.<
不過錫錫臨走個陣把聲都變埋...好似好唔舒服咁...take care 呀~~~

>>February 7, 2005 at 7:12:49 AM GMT+8

2005 年 2 月 2 日 星期三 【乍雨乍晴】

超眼訓........@.@<----熊貓眼
放左工同埋阿細&佢地d同學一起走....過左去causewaybay 見到阿jeff 同阿tom~~~咁就一齊行去new chapter 啦 途中又遇到anny喎~~~ 好犀利呀~~可以遇到咁多個弟兄姊妹~~ 去完new chapter 買完野就上左去酒樓喇~~ 因為今晚係同sector 弟兄姊妹食團年飯~~ 好開心呀~~ 同d married 的仔女影相~~同佢地玩~~真係好開心!!!
之後仲可以同kenneth 一齊坐喎~~ 仲特登揀左個位係可以睇到電視~~ 要睇<甜酸爺爺>~~因為要睇陳宇琛嘛~~呵呵
但最開心同最感激都係winnie 同daphne 送左一個阿jack的鐘俾我~~雖然佢地會覺得唔係咁好意頭..但我真係好鐘意~~好得意呀!! 最感動係佢地2個都好主動同好願意做我的好朋友!!!我覺得好感激呀~~~~唔知係唔係太過興奮呢...昨晚竟然訓唔到覺......係度諗其實自己都係唔值得被愛的人...因為我又粗心大意...講野又唔用個腦...成個細路仔咁...唔sensitive...又emotional....又唔係好識去明白人.....咁樣既人.....我見到都唔想愛.......但偏偏神就係咁愛自己......又諗返起自己細個成日寄人籬下....好insecure.....我記得自己中學個幾年暑假冇出街....除左因為自己懶...亦都因為好驚....唔知出面會有咩危險...好似屋企安全d..我又唔識同人相處....同朋友出街冇野講好尷尬架喎....整整下自己好似愈來愈自閉.......成晚就係諗呢d野搞到我訓唔到覺.......>.<

>>February 3, 2005 at 1:48:39 AM GMT+8

2005 年 2 月 1 日 星期二 【乍雨乍晴】

昨天約了michelle 同ceci 行街spent time...點不知原michelle 約左winnie佢地一起喎....唔緊要啦~~
認識神明白神緊要d !!!
之後我就同左ceci食飯~~傾左好多野~~都係好開心架~~~不過黎緊佢要返大陸....oh....起碼個幾2個星期見唔到佢喇....希望佢會打電話俾我啦~~~我會好掛住你架......
昨天都成10點先返到屋企.....超眼訓....但又好想睇<大長今>喎....咁就睇埋先啦...點知睇完之後有宣明會既特輯....見到好多小朋友都缺乏基本需要....例如物質...讀書...家庭.....而呢d野都係我地視為理所當然既野.....係佢地眼中就係好似鐨石咁難得.....又會諗返其實hk都有好多小朋友都係咁架喎...例如新移民的小朋友....佢地雖然可以讀書...但係物質都仍然係好缺乏.....佢地心靈上就更加有需要喇....但我地有好多時都只會記得而家興咩衫...興玩咩....其實我地真係要好感激~~~亦都好感激hk都仍然有好多人關心呢個社會~~~~亦都感激我都可以出一分力~~~
今日同dept 既人食飯....我真係一d都唔識其他的lecturer...我只係坐係度聽佢地講野....我自己冇我想像中咁insecure喎...哈哈~~~原來d lecturer 都係幾鐘意<城市論壇> , 聽多d我又可以識多d啦~~ 嘻嘻

>>February 2, 2005 at 7:27:28 AM GMT+8

2005 年 1 月 31 日 星期一 【乍雨乍晴】

唉....又病了.....咳完2個星期...終於唔咳....但又傷風了.....what happen ?????>.<
昨天不用開會....但去了和karen 睇聖經....成日有個錯覺以為昨日星期二...今日星期三.....奇怪奇怪
昨天同karen看了門徒生命.....自己都好耐未試過同人睇到咁後了......唔單至幫karen 明白門徒訓練..都叫自己更加有信念去被教導同埋教導身邊人.....真的很想最後大家都可以係神present perfect !!! 好感激有人為自己的靈魂時刻警醒!!! 如果唔係因為神~~我相信冇人會願意咁緊張我的生命!!!!
同karen睇完聖經...返到屋企都11點幾.......超累.....但好開心可以收到阿聰的電話~~~雖然只係傾下閒計~~但都係好開心喎~~~ 話晒佢係澳洲唔知點架嘛.....等你返黎打邊爐~~打冷~~食大排檔呀!!!!!
今日睇腓立比書, 入面講"我 靠 主 大 大 的 喜 樂 、 因 為 你 們 思 念 我 的 心 、 如 今 又 發 生 ． 你 們 向 來 就 思 念 我 、 只 是 沒 得 機 會 。
我 並 不 是 因 缺 乏 說 這 話 、 我 無 論 在 甚 麼 景 況 、 都 可 以 知 足 、 這 是 我 已 經 學 會 了 ．
我 知 道 怎 樣 處 卑 賤 、 也 知 道 怎 樣 處 豐 富 、 或 飽 足 、 或 飢 餓 、 或 有 餘 、 或 缺 乏 、 隨 事 隨 在 、 我 都 得 了 秘 訣 。
我 靠 著 那 加 給 我 力 量 的 、 凡 事 都 能 作 。
" 無論在甚麼景況都可以知足....好似好易.....但都唔係一件易事......可能我未去到物質缺乏個樣野...但反而當我唔開心...有感受....呢d situation...我會唔會都係好知足~~好感激神呢?? 我知自己未去到埋怨神...但我會想用自己的方法去控制環境......原來paul去面對佢既tough time係因為佢好focus佢既神~從當中得到力量去面對~~ 呢樣野都會係我要時常記得!!!當我面對我既困難..灰心..失望...我仍然要記得我要focus 我的神~~我要記得我的purpose!!今日已經係2月喇~~~期望2005年既我地~~會係一班好有影響力的弟兄姊妹!!!!!

>>February 1, 2005 at 2:02:04 AM GMT+8

2005 年 1 月 30 日 星期日 【乍雨乍晴】

昨日去左開btlm~~~ 都俾candice 既信念inspire ~~佢share 左matt 25:21 "The master was full of praise. 'Well done, my good and faithful servant.
You have been faithful in handling this small amount, so now I will give you many more responsibilities. Let's celebrate together!"
呢段經文都係remind自己係咪係小事上/basic 野上面對神好faithful !!!我發現自己都係好易因為環境同要做既野而冇左個focus~~都好想學candice 咁....從最少的事上面忠心~~~我好希望自己的時間表會更加discpline~~令自己的qt 同prayer time 係更好~~同神的關係更close!!!好想黎緊既時間係呢方面都係對神忠心!!!!

>>February 1, 2005 at 2:02:14 AM GMT+8

2005 年 1 月 27 日 星期四 【颳風】

明明hc個晚都好返好多架......點解昨日又係咁咳架.....我幾時先好得返.....
唉....終於都要再屈服去睇醫生...今次去睇中醫....d藥真係好難飲......>.<
不過飲完之後訓覺又真係冇點咳喎......但係飲一次又邊會得架......我一起身又係咁咳喇...
睇黎今晚仲要飲多次.......真係慘呀........就黎2個星期喇.....唉
今晚會同karen 去睇聖經~~ 希望佢可以快d落水就好啦~~~
睇完聖經仲要趕返屋企食團年飯~~~~唔覺唔覺...又就快到新年.....
昨日先俾我阿婆哦我買新衫新鞋....我都想...不過冇時間呢......
有邊個得閒陪我去買野呢??

>>January 28, 2005 at 1:38:48 AM GMT+8