| 日記 | 日記主簡介 |
||||||||
2005 年 3 月 10 日 星期四 【颳風】 返學,跳舞,做功課,識新朋友,同新朋友交換 contact 方法(日後做cwk既好處) candy 又一個凌晨 call,同我講佢要 get married,suprised！ 同佢傾左一陣,冇諗過佢會咁快結,雖然成日將結婚哩兩個字擺係口唇邊 都知佢仲未真正 ready 好, feel 到佢唔係真係咁興奮.... 好似好有壓力,好緊張,時間好緊逼咁... anyway,恭喜你 ^^ 3月9號係大佬生日,都同佢講左聲生日快樂！ 如果佢係12月生日咪可以一齊過囉,不過都知你冇得揀, hahaha 比人煩左幾日,佢真係名副其實既一個"煩精" 點解會咁煩?同性格有關定係...... 冇人陪就唔好搵我陪啦,最憎最討厭o的咁長氣既人架 成日係度"nur",咩事呀,有野就同第個講啦,我唔係你既代替品 un 唔 un?? 同 karen 又 close 返o的o的,可能近排見得多左同傾得多左 好在大家仲未有 gap,如果唔係唔知以後點同佢溝通啦.... 同 wing 就以電話 keep contact 近排我已經開始 on diet n keep fit 計劃 yo,開始有o的成績啦,希望輕到我想要既重量 哩個重量聽落唔係好難減,但減落又真係有難度 只要有恆心.......... >>March 10, 2005 at 8:28:32 PM GMT+8 2005 年 2 月 23 日 星期三 【乍雨乍晴】 雖然落既時間唔長,但都唔係咁好 feel 今個禮拜玩左 boxerxise 同 dancercsie,以為 boxercise 係 mary 教 點知係 rachel,攪到我仲以為去錯 room 都唔緊要啦~佢教完o的 basic step 之後就係度玩大雜會 有跳繩,掗拎,有重量既鐵棒,拳套,sit up 墊等等 乜我唔係學 boxercise 咩,都唔知做咩要跳繩..... 可能真係要學我唔知啦,但上一次學都冇哩o的把戲 今日星期四, feel suprised n gloomy suprised 係終於收到 ada ng 個 parcel,等左成個月 裡面既野全部都係我想要, pyjamas,維c,魚肉大腸,cd 等等 gloomy 係今日去拎 result,唔係話意外........... 之後上 simulation,落堂我就同 froggie 講我要去跳舞,問佢 join 唔 join? then 佢 okie,一齊去食 town 食野 食完先番去 book 時間,大家都好老定咁覺得一定有位 又真係有位,仲要比上堂少人,我地跳完之後個堂就爆晒 番到去又好似嚴刑逼供咁,講真我唔需要交代一切 betty 好長氣咁問我個 result,我都答左佢啦,佢好似要我講晒比全屋人知先安樂！ okie 咁我就好大聲咁同佢講攞兩個A,哈哈,明玩野啦..... 唔知係煩定關心啦,好難接受哩種方式.... >>March 1, 2005 at 6:43:34 PM GMT+8 2005 年 2 月 16 日 星期三 【雷雨】 成日都訓得唔好,又好似唔係好多野諗丫 都唔知點解？ 番 simulation,開頭上個陣都好好地 之後就冇人有心機聽呀 ann 講野 佢教得都冇 karen 咁好,教得好死板,好悶........ 上完之後我以為 patricia 唔去 dance 點知佢等埋我先走,咁即係佢都跳啦. 我地去左 sport centre book 左時間先,然後去 lrc 係入面坐一個鐘,大家係度睇 news, check 吓野咁 o的時間過得唔算快,唔知點解部腦又成日 hang 開個 ie 又 hang,開個 page 又 hang,都唔知做乜... 好在霉氣既時間過得快,我地就去跳 dancercise 開頭都冇乜人,之後o的人陸陸續續咁入黎 我諗個 room 都有成20人啦,都幾逼下 sherry 教既唔係冇新意,但有o的 step 我之前都學過 不過我都幾鐘意佢教,覺得佢教新人舊人都係一視同仁. 唔會有黑面既情況,同埋見我地跟唔到佢就跳多幾次 跳完之後覺得幾舒服,出左一身汗 但我今日又係著得唔多衫,其實出面天氣都幾涼又落雨 我又冇帶頸巾,好在冇凍襯同冷病 好在 patricia 唔覺得悶反而覺得 okie 之後大家係 galleria 分散,大家行返屋企既路程都係差唔多 返到去 betty 煮緊飯,又係預埋我 佢次次同我講我煮左你飯預埋你架啦,我實會話"你地食啦" 但最終都係同左佢一齊食 n billy, fiona n jason 又係逃唔過洗碗哩一環........ 筋疲力盡 對腳完全提唔起,行步路都有o的辛苦 好似外八咁,行得有o的奇怪.... 有人問"點解你行得咁慢同埋我似好沉重咁?" 我話我根本行唔郁....可能重得濟啩... >>February 21, 2005 at 1:35:30 AM GMT+8 2005 年 2 月 13 日 星期日 【寒冷】 好自然既紥醒,本來想返星期三,但今日我又想做 yoga 咁就伸左幾個懶腰之後就起身 betty 以為我唔返冇叫我起,佢就好早出門口 返到去 lecturer 係度講 HRM,聽完之後去 sport centre book 時間 then 去 Mcd 食早餐,一個 cheese bacon n egg begal,harsh brown n orange juice 好耐冇食過,係食之際見到 karen 行過 咁就拉埋佢入黎,但佢唔食話 on diet start from today 我哩個 devil 都引誘唔到佢添,佢就係度望住我地食,慘！ 之後大家各自走，我同 karen 返學, betty 去 galleria 返到 U 我去 lrc,佢就上堂 係 lrc hea 一個鐘, 睇下 news,同 alvin, froggie 傾左陣 froggie 又比我叫埋去玩 yoga,咁有個人陪下我就唔使咁悶 因為大家都係第一次玩,所以大家都幾想學下,玩下.... 去到真係係咁拉筋,扯筋,拉筋,扯筋..... 我o的骨頭真係硬晒,有少少痛 個 instructor 就係度教我姿勢,我有好多都唔係做得咁啱 finish 之後去 lrc,同 betty 一齊走,佢話堂 lecture cancel 左喎 咁我地三個一齊去 asda 買餸,大家每人都買左塊三文魚 買新鮮個o的,唔係 pack 好個o的...但比我地見到o的魚鱗同魚皮 終於買到我要買既餅啦同豆奶,又買左 marble cake etc... 返屋企 betty 就整三文魚,要刮鱗.....哈哈 以為今晚會去某人屋企食飯,點知又比人放飛機... 煮左 congee,半夜又食麵 唔知點解近排半夜成日都會覺得好肚餓?? >>February 16, 2005 at 1:35:14 AM GMT+8 2005 年 2 月 11 日 星期五 【微冷】 未起身前就聽到一o的惡心既聲音,個o的咪就係嘔聲囉！ 咁我就冇咁早起啦,費事一起身就有麻煩...... 驚喜既就係收到張 v'day card 冇諗過咁快收到,都真係 in time 多謝你既心思,創意 ^^ Thanks kittyshug =.= >>February 16, 2005 at 12:16:32 AM GMT+8 2005 年 2 月 9 日 星期三 【颳風】 今日上 simulation,真係有逼爆既感覺 我諗o的人應該差唔多返齊晒 我坐最後個排都真係差o的睇唔到 返屋企就即刻煲湯,我都知有好多麻煩野啦 煲緊途中 fiona 黎左,我唔知佢地今日食海鮮餐 之後佢地係度洗野,準備晚餐 我就係 ktch 行黎行去,覺得好唔自在 o的湯差唔多好既同時, wing 打黎叫我過去食飯 話見吓 amor 個 bf,咁我就冇推到啦 都冇乜特別,咪又係香港男仔一個 唔知點解今日大家食飯有o的奇怪,o的氣氛好似.... 可能有個陌生人係度啦,同埋佢地都真係講國語既關係 飯後就帶佢地去我屋企參觀,佢地可能會續我地間屋 我就好似做左導遊咁,指屋企每一個角落 搞笑既就係佢地冇一個人除鞋,但一話睇我間房個個即刻除 又話要參觀全屋最得意間房--betty房 又話張床係 sofa,比佢地吹到澎澎聲！ 參觀完畢,送晒佢地走之後 betty 就話以為我係屋企 仲拎左o的 seafood 比我添,點知我又唔係度... 講起煲湯就炆,佢話 kaki 想飲,我冇所謂只要你出聲就得 佢就話佢唔諗住問之餘同埋話"畢"左我都唔知架啦 佢唔係第一次,俾面你係人地細佬,okie 飲完食完又要我跟手尾,又唔洗,我唔係鳳指幫你做 我唔係你工人,唔係你呀四. >>February 15, 2005 at 2:07:40 AM GMT+8 2005 年 2 月 8 日 星期二 【陰】 太攰 miss 左堂,我竟然聽唔到鬧鐘響 唔知係我禁熄左定係聽唔到,冇人知 之後同左 wing n 佢既 hsemate 去 oc 飲茶 好搞笑既就係大家都話尋日食得太多 所以今日一人只可以叫一碟 dim sum total 9個人,即9碟啦,咁係唔夠架嘛 之後又話唔知比邊個有特權可以叫兩碟,哈哈 我地去個陣都成兩點幾,但都仲有好多人 黎 dim sum 既時侯都係逐碟逐碟上 最終叫左兩 round 野,大家都食得晒 之後係入面個 supermarket 買餸,又去左 wing yip 7點左右先返屋企,咁我就 relax 左陣 其實今晚 dinner我可以有3個choices 一係同 karen 食, 一係係屋企打邊爐同埋去 wing 屋企 最後揀左去 wing 度,因為佢屋企多人o的,熱鬧同有氣氛o的 唔揀 karen 因為得我同佢兩個人 同屋就好隨意,冇諗過佢地會叫埋我,佢地最後得3個人打 餐飯都幾好,仲有甜品-果凍同凍柑 我間房盞燈壞左諗住叫 franky 幫我整,點知佢重整壞埋個 bulb 搞笑既佢話個 bulb 唔啱 size,仲叫我拎去 refund 但佢都整壞左點拎去 refund 先? 最後 wing 比左佢間房多餘既燈比我頂住先 >>February 14, 2005 at 3:51:24 AM GMT+8 2005 年 2 月 7 日 星期一 【暴雨】 一早比 wing 約左去中國城食飯,咁我同佢一早就出左去 london 佢去 register 同拎 id,我就冇咁早出,因為未起身 成1點先出到去,咁我地逐間 chinese restaurant搵 睇吓邊間有位,可以同我地o的時間 match,真係好多人預早 book 定 o的經理真係幾識做生意,我地諗住大概7點左右 佢就話咁你6點半黎我地可以比位你地先,正所謂先到先得 我都好明白有生意點解唔做多o的呢? 咁我地就 book 左兩間,等 wing o的 hsemate 揀 之後我地就去左食 kfc,好耐冇食過啦 我諗對上個次都有半年啦,同埋我記得上年年三十都係食 kfc 係 wing 比我揀,更何況身邊既人成日都食,我又好耐冇食過,所以..... 食完之後就去 shopping,佢好似做陪襯咁,又唔揀喎 大家就行吓揀吓,咁又過左半日啦 好在大家都買到心目中想買既野,都唔算係白出 到左食飯時間,佢地都好準時到 chinese town 咁我地就一齊上樓,好在唔係我留名 book 位啫 如果唔係成晚實比人玩,佢地成晚既話題就係朱小姐同冰川社長 係點餸個段時間我地拖左好耐,所以食到最尾比人趕咁濟 o的餸菜都算係幾應節,其實o的人 serve 得算係咁 大家既氣氛都唔係咁差,但最後好似有人想扯火 咁大家就有少少不滿咁走 之後我地周圍行,諗住去 london eye 個邊 但行行吓大家又好似冇左件事,所以最後就係 wing 屋企倒數 大家都攰,所以都冇乜點飲酒 咁就開左枝荔枝酒,每人都飲左少少 同 wingwing 傾左陣就返屋企休息 同佢好耐都冇咁傾過啦,可能宜家大家都唔同學校 但唔知點解仲唔會有陌生感覺,可能我尊重佢啩同埋大家都幾啱傾 >>February 14, 2005 at 3:00:00 AM GMT+8 2005 年 1 月 31 日 星期一 【颳風】 決定出去 london 行一行,順便同 wing 一齊出去 register 去完茶餐廳就係 covent 行左陣,佢又好似好急要去 reg 咁 咁就第一時間陪佢去,我出黎至在行吓所以冇咩特別地方想去 同佢去到 middle sex 見到既人全部都係黑色既 好少中國人同 asia,唔知點解比我既感覺就係唔係咁好 好似都有少少壓力咁,但唔知佢點諗啦,因為佢宜家都冇得揀 9月開學佢唔揀等到宜家,係咁架啦,再唔揀就係到拖一年,無謂啦！ 係個度等左成個鐘,係入面等等到訓著左,因為太 warm 啦 宜我又唔夠訓,一朝早比人嘈醒,因為有個同屋返左黎,之後又一個電話 係等既期間我好似比人當 monster 咁睇,訓覺有咩咁出奇丫? 雖然今日咁攰,但我都買左個 massage ball 同埋去左 china town 入貨, 買左o的麵咁,屋企咩都冇 成9點幾先返到屋企,食野執野同預備第二日返學既野 >>February 12, 2005 at 6:24:38 PM GMT+8 2005 年 1 月 23 日 星期日 【晴】 真係唔知自己諗乜? 唔想係正常時間訓抑或係有其他野做,唔知道...... 考完試都冇乜點出過街,成日留係屋企,只可以講長期哺蛋 今日亦唔例外,唔想出去,點知...... 因為 betty 既一個要求,我就要出去 town 唔鐘意佢咁遲先同我講,以為我實會借比佢 冇錯結果我都係借左比佢,因為我唔想睇住佢死,唔想佢再衰落去 我唔知佢有冇 plan 過問我借,但佢哩招都幾絕,根本冇得比我諗 只係要我一句 yes or no??? 之後係 asda 買餸,唔經唔覺又行左一個鐘 買左o的好想煮好耐既餸,成日都冇買係因為自己一個人唔知可以食幾耐 係 jingjing 買番o的公仔麵比呀鵬,自己又買左包酸辣味既鍋頭邊 返到去就食唔停口,哩期肥左好多......唉唉唉唉唉唉 希望遲o的會好o的,跳番舞,行多o的,唔係食飽就訓訓飽就食 自己都覺得係訓覺個陣個胃好頂 由加拿大返黎體重開始直線上升,我諗重左最少3kg,唔誇張啦！ 係哩個情況下我都係開始節制下,唔容許自己再係咁重,行得唔夠快...... >>January 30, 2005 at 12:56:06 AM GMT+8
|
|
真係好耐無睇過你寫日記啦~ 仲要人氣: 25616
Design & Scripting by ShowHappy.Net