| 日記 | 日記主簡介 |
||||||||
2005 年 9 月 17 日 星期六 【乍寒還暖】 個電話有咩好攪,我都唔識架！問我都冇用...... 12點凌 dad 又係度嘈,嘈到1點我逼於無奈起身 個人好閔又攰！bad temper to mum 根住冇訓過,等到5點幾出去同"friend"慶祝中秋節 夜晚癲完玩完傾完,又到2點 傾多陣玩多陣,4點左右訓左 >>September 25, 2005 at 8:38:05 AM GMT+8 2005 年 9 月 16 日 星期五 【暴雨】 晏晝食左好多 snacks,唔使去 rebecca 度 bbq 約左6點鐘同 fanny, joyce, vicky n jackie 去仙踪林食 dinner 8點半去到大埔香島學 yoga,啱啱學覺得 basic 都教得唔差 我諗之後個幾堂都應該幾好玩！back home 落左陣雨 大家係度傾聽日中秋節去邊度玩？最後都冇結果 back home 之際, chirsty 問我出唔出去食野 我覺得 okay 啦,可能一來唔想留係屋企,寶寶又出去 二來又想見下佢地,佢約埋 celia,借勢順便拎書 11點半後又出過去,佢地改地點去海皇,食完之後去欣盛苑 celia 上樓拎燈籠,我同 christy 係樓下等佢,傾下計 佢落黎 chirsty 又返屋企,隔左半個鐘潤先返落黎 大家都傾左陣,去7-eleven 買 drink n food 飲左少少酒,唔知佢有冇醉呢？有人食糯米雞,唔會唔食消夜囉！ 傾多陣,影多陣相, chirsty 就 back home celia 就冇返屋企,我唔會覺得對唔住你架！ 你知啦！你甘心情願既！我唔記得有冇逼過你啦！ 等到6點左右,有人驚比 bee dad 發現,所以係花都個邊兜左個圈 6點半去 mcd 食早餐,買完野等佢食完我先開始食 都唔係咁有胃口,食完睇下報紙,睇下雜誌,坐左兩個鐘 等埋 christy 過黎食早餐先走, hea 足一晚,好攰呀！ >>September 25, 2005 at 8:36:07 AM GMT+8 2005 年 9 月 15 日 星期四 【晴】 今日上 MO n ISM,返到屋企大概三點 諗住去欣盛苑拎野,最後我都冇咁做係因為我覺得自己無能為力！ 返到屋企唔想行多轉.....隔左陣 mum 返黎 哈哈,佢唔煮野食,我就諗住叫 dad buy take away 點知佢係個刻同我同一時間互打電話,怪不得大家個電話都唔通啦 ^^ 夜晚個餐都唔係食好多野,仲未落格,仲係頂住...... >>September 25, 2005 at 8:29:48 AM GMT+8 2005 年 9 月 13 日 星期二 【晴】 返11點半,今日轉搭青衣機鐵站,哈哈～ 都幾好丫,唔使兜咁耐,又可以快O的返學 冇遲到呀,仲早左少少添！ 放1點半,約 rachel 去 candy 度 係 kowloon tong 等左佢一陣,攰到訓著左 去坑口直上佢屋企,即場叫佢整野比我食,唔好意思添！ 哈哈～因為朝早淨係食左個麵包,去到佢個度都成3點有多 所以......大肚既你真係好 hyper！ 5點半落去7-eleven,跟住去旺角迎囍 有我, candy, rachel, celia, fanny n bie 食完落左朗豪坊既滿記食糖水,再傾多陣 then louis 又黎接老婆,bie 冇陪我地行 我地再行多陣,係 mcd 坐左陣,係 station 磅重 no sercet anymore！back home at around 12 sth >>September 25, 2005 at 8:23:48 AM GMT+8 2005 年 9 月 12 日 星期一 【晴】 都係冇遲到,上 contemporary business issues in china hum...教中文,一時間好難去適應,都好似幾難咁 放1點半, 一個鐘空閒,同 eunis 出左去食飯 其實都唔知大家可以有咩話題架,佢又唔係咁出聲 我地去茶餐廳食拉麵,哈哈！都係第一次...... 之後上2點半至4點半, back home go alone 都幾悶,但唔知點解我又可以訓到豬咁 真係唔到站都唔知要落車,可想而知...... 返去又係咁啦,上左陣網,同 dad n bobo 聊聊 夜晚出去同呀婆個邊食飯,又係食番星期日食既餸 悶唔悶o的呀？唔係食左好多,草龍 uncle 講左好多野 返去 prepare 聽日既野就去訓 >>September 25, 2005 at 8:19:08 AM GMT+8 2005 年 9 月 11 日 星期日 【晴】 嘩...take so long！第一堂上 principles of accounting hum...好耐之前學過,唔係話冇記憶,但問番我我實...... 上兩個鐘,之後上 information systems management 都係上兩個鐘,同 eunis 熟左,我搭243m,佢搭249m 返到上水約寶寶,交埋電話費同問埋野之後 back home 沖埋涼過呀婆度打邊爐,去到佢地啱啱收台 但佢地一早 prepare 好晒o的餸,等薇煲熱煲湯就開始 得我地一家,薇同呀婆,哈哈哈,好耐冇打過啦 雖然唔係有咁多餸揀,但都食到好飽 之後約左你地兩個啦,我係遲o的,但好過冇到 西莉亞同米曹小姐,你地都食得好快啫 大家係度傾左陣,之後過檔去 mcd,唔食野又坐左陣 根住佢地兩個搭火車,我就行番去,都成12點啦 隔左陣就去訓啦,仲未好好適應...... >>September 25, 2005 at 8:03:03 AM GMT+8 2005 年 9 月 10 日 星期六 【晴】 夜晚同呀婆佢地一齊出去食飯 一張台16個人,有O的好經典既場面發生 eg 就係睇插水式洗手,做每個動作都快人10倍 哈哈！見到咁樣一來笑,二來覺得有o的恐怖 最後同康康切蛋糕,個蛋糕幾好食 栗子味加脆朱古力,食完傾多計就 back home >>September 25, 2005 at 7:59:53 AM GMT+8 2005 年 9 月 9 日 星期五 【微雨】 幾個 week 前約左去 beach,但最後都唔係好多人去 約左 christy,本來佢唔想去,覺得攰同唔夠訓,但我叫到.... 佢唯有唔訓多陣而同我去曬太陽 (佢成日都想曬太陽架啦) 咁今次有機會啦,但我地都唔識去,佢問左 dad 都落錯站 sigh～我地係碼頭落之後搭的士 去到都冇人係度,咁我同佢去晒太陽先,第一次搽油 哈哈！隔左陣 catherine 黎左,同佢傾左陣 唔知點解....o的黑雲飄晒過黎,小潤子你真係好黑仔！ 你明知去親 beach 都落雨咁你就唔好黎啦 哈哈哈,咁都好既,唔使灑咁耐,等我唔使出咁多點點 同佢地玩左陣數字球,本來約埋寶寶走,但覺得啱啱同佢地玩左陣 費事咁快走,之後玩到6點鐘,christy 同男送我出去 我行到三聖邨先搭巴士,約左 karen dinner 之後去機場,去接西莉亞,好似遲左少少咁多,咁就周圍搵我 又要比人話,冇陰公 > < 最後通晒天, good ^^ 有機會下次你自己返啦！同佢搭 A43 佢開 laptop 諗住比我睇相,點知個蝸牛電腦慢到...... 仲驚唔夠電用,點會唔夠電用先,一個鐘喎！ 唔知 A43去 fanling 條線係點,咁就兜大個圈 哈哈,下次話我知嘛！搭的士返去,同佢上埋樓就番屋企 一日既行程都好充實,都好攰,唔夠精力,no energy！ >>September 25, 2005 at 7:57:44 AM GMT+8 2005 年 9 月 8 日 星期四 【晴】 好悠閒咁執野,飲左杯橙汁,冇早餐食 > < 6點9出門口,去左買麵包,去上水廣場等278x 去到荃灣成8點3,點知243m啱啱走,等左3個字 成8點7先有車,番到 sbi 成9點,好多人排隊等"lip" 好多人睇個 list,上左10樓,個 ms 都 ok 之後去 hall 聽野, student guide 帶我地周圍行一圈 跟住解散,同 karen 係荃灣食 lunch 一次過講晒我頭先發生過既野,因為我之前太靜 哈哈哈～唔理佢聽唔聽,都一輪咀同佢講講講 有我講冇佢講,因為佢都唔肯講佢自己既野比我知 咩都要我問,唔通我續個 point 問你咩？你話係咪先？ 之後去千色,買左張 card,零食同香精 3點幾走,搭車返上水,實在太眼訓,成日掉魚 到上水個 round about 轉彎個刻,可能架車西一西 我即刻捉實隔離張椅,哈哈～嚇到佢地....... 佢地以為我做乜,落車又唔係行直線,差o的踩到o的垃圾 係咪真係咁攰先？去左廣場同新都行左陣 終於比我買到個燈籠,唔使去西田買 之後陪佢去明都買電話,同寶寶一齊返屋企 mum 又開聲啦, finally 開聲,都唔知佢係咪真係咁悶！ 食飯個陣得 dad 同 mum 食飯先,我地仲係度攤抖 大家都冇乜胃口,可能大家都唔想食飯 跟住成晚係度 d/L 舊歌,真係幾難搵,又要音質好...... >>September 25, 2005 at 7:52:59 AM GMT+8 2005 年 9 月 7 日 星期三 【晴】 飲完茶寶寶約左 frd,我同 mum 去街市買餸 哈哈～你同我一齊買會好慘架！ 我又唔比你買哩樣又唔比你買個樣,係咪唔想同我一齊呢？ 買左O的我鐘意食既餸,都好似買左好多野 番去執野,等 mum cook,dad 又唔知做咩出左去 等佢番黎先一齊食,好平靜既心情,好想早o的訓 但隔左起碼成個鐘先訓得著,nervous？ >>September 25, 2005 at 7:49:49 AM GMT+8
|
|
真係好耐無睇過你寫日記啦~ 仲要人氣: 25616
Design & Scripting by ShowHappy.Net