| 日記 | 日記主簡介 |
||||||||
2005 年 5 月 31 日 星期二 【乍寒還暖】 betty 過左 karen 度 print 野 攪到我地遲左成個鐘先出去 出面又落雨,去唔到 greenwich,去左飲茶 then 去解鎖,去 covent garden,去 superlover 我地一齊買左件同一款既衫,哈哈 ^^ 去 starbucks,去茶餐廳食飯 一碟飯,一碟麵,一碟雞,一碟菜 >>August 23, 2005 at 5:15:09 PM GMT+8 2005 年 5 月 30 日 星期一 【晴】 佢考IBF,咁一早煮左干炒牛河,冇訓過咁就睇左陣戲 之後洗廁所,成兩個月冇洗都真係好污糟！ 但係又唔會有人自動自覺做波 1點幾去lrc,4點走,佢一路行就一路傾電話 仲有係度大聲講 "我 finished 個 degree" then 去 asda,到比錢個刻聽到 betty 大嗌我個名 又見到呀 sa,之後同 betty 一齊走 佢勁多問題囉,好在唔係問我? 想訓晏覺但又訓唔著,之後同 teh 佢地去 fatty 食飯 食左兩個鐘, teh 車我地返去 沖涼後過 karen 度睇左陣宗藝 >>August 23, 2005 at 5:12:20 PM GMT+8 2005 年 5 月 26 日 星期四 【晴】 叫左 karen 帶枝蘆薈比我飲,我地又一齊行去 lrc 幫佢比個 drive jingyao,我地都冇 headphone,咁我又要係 lrc 呆 上左陣網,又訓左陣,同 jingyao 佢地傾吓計 咁樣就好快過左3個鐘,佢今日考 BF,應該出黎成績都幾好 見佢好興奮咁同 teh 講番o的題目,都知佢幾掂 但 teh 就好似考得唔係咁好咁,因為佢對哩科期望好大 宜家仲好有信心會拎到好高分又可以唔使點溫咁. 佢地傾到咁上下,就各自散,teh 自己返去先 我同 karen 就唔知等咩慢慢行,諗住趕12點9班車出 london 最後都趕唔到,之後去佢屋企換袋,執野,換衫 出到 london 差唔多2點,咁我地又要諗食乜 之後就揀飲茶,去丹桂軒淨係諗住食小籠包 點知唔好食,都唔係我想像中既味道,同埋其他點心都唔好食既 之後行左 covent garden,行左 selfridges,佢買左皮帶,裙同 gap 衫 then 去 starbucks 休息,佢想飲 light frappuccino mohca 但佢見我唔想飲又唔去買,咁我個陣都好已經飽飽地 算啦,大家等左一陣,見佢個衰樣又想飲又唔買 我咁攰都幫佢買,佢即刻"完形畢路"....哈哈....豬 then 休息左陣,晚餐去左食海南雞飯同貴妃雞飯 之後 back home,betty 又過左去 karen 度 print 野 又係度阻時間,之後我唯有係度影無聊相....... >>June 29, 2005 at 4:42:08 AM GMT+8 2005 年 5 月 23 日 星期一 【雷雨】 同 karen去 mcd 食早餐,個天又唔係咁好,成日落毛毛雨 行到 adsa,佢先知唔記得帶 cal,唔係花,咁重要既野都漏左 之黎以9秒9速度跑返屋企,我就已經跑唔郁,唯有徑步啦 then 係 mcd 我地一齊叫左 bagel 同 orange juice 佢就好緊張咁溫 EP,我就冇叫佢同我一齊等 我個包都等左好耐,我地食得都幾急 個包好多油,佢食到最後都要吸油 之後行番 dehavilland,我去 lrc,佢去考試 係 lrc 入面我淨係上網,訓覺,食 jelly,等左3個鐘 佢出黎個樣即係話比我知佢唔識 我都冇問咁多,等佢自己講,因為佢隻眼紅紅地 之後去左 asda 買薯片,買左四大包 都唔知佢點食, share 左4小包比我,之後 back home take nap 冇食過野,淨係整左個 mushroom soup 之後又同 betty 去 lrc photocopies 整到朝早6點先返屋企,仲去埋 asda 先返 >>June 23, 2005 at 7:00:08 AM GMT+8 2005 年 5 月 22 日 星期日 【晴】 半夜去 lrc 幫 betty photocopies 佢話唔係好多野,但點知差唔多 copy 晒成本書 copy 到隻手都揩晒... too bad 見到 jingyao 同陳震 一個整 SB file,一個讀 econ 野 緊住4點幾見天光就返屋企, betty 好興奮咁係條街度跳 佢話未試過一朝早可以係條街度自由自在咁跳喎 真係比佢激死,見到佢咁大個人都仲係咁"好炆"丫 返到去食左早餐,沖埋涼就去訓 >>June 22, 2005 at 9:30:11 PM GMT+8 2005 年 5 月 21 日 星期六 【晴】 jinyao 好興奮咁話去食 pizza,我同 karen 都冇問題 見佢咁興奮,難得我地又未一齊食過,咁我地就即刻應承佢 我地約左11點半,但 pizza hut 仲未開,咁我地去左 asda 買下野 本來 jingyao 唔想買住,想等我地食完先買,但最終都買左係因為 pizza hut 仲未開 我地好盡時12點去到,但咁樣又唔會有"電視框"既.... 食到2點,冇去 lrc 搵 betty,返屋企 hea 吓 緊住屋企又做左二手店,有幾個叉叉黎買野,大部份都係電器野... 佢地係度都攪左兩個幾鐘有多,我就賣左部 printer then 食番o的 pizza,之後去 karen 度食三份一個西瓜 真係超飽,全部水份野係個肚度,難為佢食左半個都未必覺得飽 睇下綜藝,傾下計,11點凌先返過去. >>June 22, 2005 at 6:45:45 PM GMT+8 2005 年 5 月 15 日 星期日 【暴雨】 去 asda 買野食,之後返 lrc 一早就好多人,全部木台都冇晒 jingyao 已經到左,佢地逼住去張大木台度 我就去另一邊 area 最後衝刺 karen 佢地兩個傾計多 佢 lazy 左好多,同上年相差太遠 好似玩多過讀,但我知佢讀每一科都好認真！ 係考試前兩個鐘真係有o的 stress 好自然就驚...考試恐懼症？ 考完出黎都真係成個人鬆晒！ 不過出面又落雨....又凍.... 個一刻又俾人寸 "你咁快考完,好殘格丫" 真係咩都可以攞出黎講 好似比人屈咁,我根本就冇咁既意思！！ 不過算啦,佢地都係想發洩吓啫... 夜晚同 karen 煮雪菜肉絲米 我地食既份量真係幾驚人,佢仲話減肥喎... >>June 6, 2005 at 2:27:23 AM GMT+8 2005 年 5 月 13 日 星期五 【晴】 因為遲起,karen 佢地開會,咁我自己一個係二樓先 之後 jingyao 先上黎, 後 karen, then teh 一黎到就係到 show 尋日買既薯片同糖 食到大家覺得漏,但仲要係食晒為止！ 每人5包,我每包食少少...糖又係... 但最后都好似差唔多食晒,因為有人包底...好肥丫 ^@@^ 溫到5點,4點凌 Karen 已經停左係度唔睇唔溫 又要我陪上陪落 return book. 大家就係度傾吓計咁,係咪真係有講唔完既話題呢?...... 返屋企 Hea 吓,食吓野,好早就訓左 >>June 5, 2005 at 10:13:46 PM GMT+8 2005 年 5 月 12 日 星期四 【晴】 karen 一早到左,買左 mcd strawberry fruit jelly 俾佢食 之後 jingyao又黎左,佢地又係度傾計 我就冇乜點講野,因為.....難溝通......哈哈 then 6點走,jingyao 同我地一齊去中外天食飯 係去 sky 前我地去左 asda.... jingyao 買餸,我地兩個買薯片...係咪好肥呢? 行左半個鐘左右啦,之後慢行去 sky 叫左半隻鴨,通菜,魚香茄子肉片同琵琶豆腐 我地全清,不過o的餸唔係好大碟 但都係食到好飽,少少頂啦..... then jingyao 自己返屋企,我同 karen 返 >>June 5, 2005 at 8:32:08 PM GMT+8 2005 年 5 月 5 日 星期四 【晴】 點解唔等埋我返黎先結呀??你又唔開心,我又係覺得好遺憾!! 不過唔緊要啦,冇左我, celia n hody 係度,都仲有好多好朋友仔同你分享 由 F.1識到你宜家,你成日都將結婚擺係口唇邊 恨嫁恨到出晒汁啦 ^^ F.1開始大家都成日誤會我地兩個,好可憐哦! 我地個名又咁似,身形同高度亦都好似,可能仲有其他野都好似? 所以佢地分唔清我地兩個我都覺得好正常! 咁又十年啦,大家都經歷過喜惱哀樂 (成長期) 好在大家都做到 best friend 特別係我過左黎讀書之後,投契左好多 可能大家心態又唔同左...你去搵銀兼搵"老襯"...哈哈 而我就放眼望世界.....發覺哩個世界真係有好多好多新奇事物...... 亦有好多唔同種類既人,識左唔少奇怪人,好多 say hi n bye friends... 但亦都有幾個好朋友...佢地都幫左我唔少.... 都知你哩排好趕又好急咁搞哩個婚禮啦,同你傾電話都聽得出你真係好開心既 一黎聽到你把 high voice,二黎你咁忙都抽時間同我傾 不過佢地話同你傾都唔夠十句,咁我就覺得同你傾左好多好多 新婚後既你應該同平時冇乜分別,得閒同你傾吓計啦 係咪一個幸福少奶奶樣? 我就唔知,得你先知,返黎實同你見面 唔好話好忙?? 當然會盡量就返你o的時間啦... 不過我返到黎到時你都搬左,歡話去你度 bbq 喎！ 祝新婚快樂！ >>June 5, 2005 at 2:04:15 PM GMT+8
|
|
真係好耐無睇過你寫日記啦~ 仲要人氣: 25617
Design & Scripting by ShowHappy.Net