2003 年 2 月 7 日 星期五 【晴】

今日買左個咪，方便玩cs時鬧人，
今日有個唔熟ge街坊拍門俾利是，好神奇！
仲要係50蚊封、一共兩封！正呀！！！

>>February 9, 2003 at 6:16:33 AM GMT+8

2003 年 2 月 6 日 星期四 【陰】

今日又回復番一天平常的日子，在家中無聊、無聊再無聊………
打cscscscscscscsssssssssssssssssssssssss………
好悶悶悶………
但仍然冇心情做功課，可惡！
聽日一定要做ga啦，唔係就死得人多=.=

>>February 7, 2003 at 6:06:44 PM GMT+8

2003 年 2 月 5 日 星期三 【晴】

今日一早起左身，俾人嘈醒的，醒後得知要去拜年，開心的不得了，
不要覺得出奇，因為今年今日係我第一日出去拜年，真是……唉……
十二點幾出門口，一點左右就去到觀唐的姨婆家中，
我媽與她不斷吹水，吹到兩點幾，期間聽左好多家族歷史，
很有趣，可能好多人覺得好無聊，但我就不同，因為我只在新年會接觸親戚，
其他時間極少搵佢地，所以對家族的事完全陌生，有點失敗。
所以每年一次聽下老人家講：「想當年……」我都覺得好有趣的。
聽佢吹下水，又可以學到一些做人道理，真的好過番學。

兩點幾就開始搭車去將軍o，兩幾去到，食左m記之後就去我的表姑媽度拜年。
我表姑媽係眾多親友中最冇野講的一個…
所以去佢度，通常都係食下野，睇下電視，頗悶的。

六點幾我與家人便搭地鐵去九龍灣，因家人話未肚餓，所以就行左一陣，
行左四間電器店，頗有趣，看到好多有趣的東西，最為令我有印象的是一個會焗蛋糕的電飯煲
我真的好想買番個，雖然我唔識榻野食，但我覺得o個個設計真係一流！好諗頭，好正！

睇完後就回程番新港城，去一間十年都唔會去ge鋪頭：pizzar hut。
叫左百幾蚊野食，真的唔錯。

(後記：今日賺的錢不多，賺到的是開心和老人家歷史。)
(後後記：仲有兩年先買得六合彩，在呢兩年要做資料統計，睇下邊個number中的機會大！)

>>February 7, 2003 at 10:31:50 AM GMT+8

2003 年 2 月 4 日 星期二 【晴】

今日多麼的悶、無聊、無奈……
今日大事：打cs、裝photoshop、聽歌、食杯麵、沖涼、玩icq與食飯。
真係十隻手指都數得晒，
我的人生多麼的無聊、悶，無奈……
好彩聽到阿媽話聽日有街去，咁都好好多，
好過在家悶、無聊、無奈……
希望聽日賺番d錢啦、但機會很微，
今個新年真係慘。。。。

>>February 5, 2003 at 6:34:32 PM GMT+8

2003 年 2 月 3 日 星期一 【晴】

今日好開心，終於唔駛留在家中無聊，
今日去左新港城睇新鐵金鋼之不日殺機，真係好鬼好睇，
o個d動作特技，我睇港產片下世都做唔到，
同埋招牌ge床上戲，真係好掂，佢d車又靚，成套野都冇乜悶場，
好鬼好睇，佢ga車識隱形，好鬼神奇，o係套戲裡面好似樣樣野都識引爆C4咁…
好鬼正，香港幾時先拍到一部有佢一半水準ge動作片呢？我好期待…
我唔想次次睇呢d片都要睇字幕呀！搵一套係講中文你話幾好呢~
聽日又唔知有咩好做，都係盡快諗o下個網點整仲好……

(後記：今日又好似冇左o個d feed，可能我係雙子座，三分鐘熱度……)

>>February 5, 2003 at 6:24:31 PM GMT+8

2003 年 2 月 2 日 星期日 【陰】

今天與昨天一樣，在家中食風，好慘呀！
好彩仲有得玩o下 cs，冇咁悶，雖然係咁，但見家傑日玩、夜玩，睇佢都會就快上報紙頭條：
「一名中學生於家中狂打機，突然暴斃！」唉~~可憐可憐~~
點解今年會咁悶ga，但又唔想番學，唉……問可帶我出這困境，好慘呀我！
仲有數日就要番學，而家對番學有恐懼…點算呀？
要想一下法子解決呢個問題！

>>February 3, 2003 at 6:00:35 PM GMT+8

2003 年 2 月 1 日 星期六 【晴】

今日係年初二，o係我一生中，第一次在年初二會一個人在家中，
多麼的孤單、寂寞、可憐....唉.....
我會記住呢個可惡的新年，今年唔番大陸，利是少一半都唔企…
我就命名就個新年為「lonely新年」。
救命……搵人陪下我出街啦，好慘呀我／_＼
假期要面對寂寞、假期過後又要面對學校，都唔知放唔放假好……
但呢d野都唔到我決定，都係「亦」來順受吧！
盡力改善現狀，係我ge目標！

「從孤單學會獨立」係一net friend教我的，我會盡力學！
我信生活在富裕家族的人不會俾生活在貧窮的人堅強，
我要活得俾任何人精彩！o！

>>February 2, 2003 at 4:10:34 PM GMT+8

2003 年 1 月 31 日 星期五 【陰】

今日，神奇的起了身，原因俾人叫醒，醒後得知「而」媽今日會來我屋，
雖然唔知點解，但年年佢都會o黎的。起身時11點幾，一個鐘後佢上o黎，
一會兒後食飯，食完就各有各活動，我有我入房攪機，老母洗碗，
「而」媽在廳似訓唔訓咁o係同老母講野。就係咁，攪左一陣機都有點兒眼訓，
想睡之際，往窗外一看，下雨了！

幾個星期冇落過雨，落一落雨感觸良多，落雨時令我想起小學的生活，
多麼的懷念唷~那時我成績不是太好，唯一勁的是我入左中樂班，吹笛叫做吹得唔錯，
(現在可能連點吹都唔知lu~)間中在學校表演，有時出去表現，有去過國際學校表演
(唔得記o個間叫咩名lu~)有一次學校慶祝活動我也有份演出，在一間大酒樓，在台上表演，
那時的感覺我還記得很清楚，很回味^^！ 講起小學，一定要提提我的....
heee唔講你聽~ ．我永遠都唔會忘記佢的，佢叫虹‧

如果有一日我失去所有野的話，但願這個日記板能留住我的回憶，直到永遠！
(後記：今日好神奇呀，家傑send左舊野俾我，攪攪下俾我玩到CS1.6呀，好開心唷~)
．防暴盾，型呀．

>>February 1, 2003 at 6:12:40 PM GMT+8

2003 年 1 月 30 日 星期四 【晴】

今日是平常的一日。由於尋日三點幾訓的關係，起身時已經係一點正，
我如常的一起身就開電腦、播歌、睇日記、去mp3網睇新歌、開icq......沒什麼特別，
平常的日子等於沉悶，尋晚阿媽留左飯，所以飯都唔駛出街食，令我冇晒出街的動機。
突然的一個電話，令我的出街動機重現，那就是霆鋒的來電，佢叫我出新港地城食野，
我就食左，所以出去都係睇佢食，但好過在家中對住部腦，對得多電腦，好易變冇腦。
同佢食完野佢就話睇手機，好神奇，佢想搵關心妍廣告o個部，但搵極都冇，
o個部法國野一點乜唔靚，搵極都搵唔到，所以終於放棄左。
當我經過CD店時，我突然想起我有一隻CD好想買，就係「THE POWER OF LOVE」，
我原本諗住o個隻野要過一百蚊，點知只售$88，我覺得超值，所以就買左，
其實買之前我已經downlaod晒裏面d歌，但我覺得播mp3同CD o個種感覺係好唔同的。
至少我覺得唔買的話我一定會遺憾，所以我就買左。聽落同mp3真係好唔同，好似好聽d，
唔知係唔係心理作用呢，無論如何，呢隻都係一隻低買的CD，真的好低。
聽住隻CD，好舒服，好好聽~

在12點幾時家傑打電話俾我，我就叫佢出街，點知真係出得成，就係咁就出左去，
去到新港城撞到葉、林、鄧等人，跟住泡左陣7-11，之後出左海皮，坐左陣，好悶，
之後去左網吧，一打就打到4點，番到屋就4點半，而家就快五點，我就死啦，要訓。

>>January 31, 2003 at 8:43:36 PM GMT+8

2003 年 1 月 29 日 星期三 【晴】

哈哈~~今日整個晨早都係用o黎整網，用一個早晨整網換內一個有目錄，冇內容的網。
但個目錄已經靚到令我為佢而驕傲！ 一個似windows桌面的目錄。
接著下來的整個下午都在家中度過，一邊無聊開歌，一邊期待著今晚的節目。
期待的同時由於太悶，所以訓左陣。
黃昏時，老母回家，神奇地冇買「送」，就因這樣，我便要去大家樂買野食。
當時六點左右，由於太早，食物種類不多，唯有是但叫個慢魚飯，食落又唔錯，值得推介。
食食下有兩個aunti級路人經過及坐在與我同一張桌。天阿，那兩條友又口臭又粗口.....
(女人講粗口...怪怪的...=.=)
就是這樣，我就食完我個慢魚飯。

食完之時只係七點。等呀等，等到八點幾先有人話九點鐘去新港城...為何會這麼夜先去....
去到新港城就搭681，搭左應該有個幾鐘，途中竟然冇人發覺搭錯車，他媽的...
聰明的「魚」說：「好似要落車喇喎。」當時眾人恍如大悟，落車後證實搭錯車，
各人爭先推卸責任，最後由無辜的家傑食左隻死貓。 行呀行，不久就到了維園，
「人多」二字夠形容整晚情況，雖然人多，但總好過在家中人少...
行呀行，不斷行、不斷睇，有些想買的東西，但心想：「下個round先買。」就是這樣，
什麼也買不到，但是想買的真是不多，今年花市的東西真的不太有趣，希望下年有機會再去吧
不知不覺已經點幾鐘，眾人再商議搭咩車番屋企，我、「魚」強烈要求搭地鐵，
易、葉卻要搭巴士，在原因不詳的情況下，佢地終於屈服，一齊去地鐵站。
到站後，突然聽到廣播：「本站即將關閉。」........可惡，又要搭巴士，平生人最憎搭巴士，
因為我好驚巴士那些膠味，嗅到就會頭疼......。到巴士站，不久就有架新巴到左，
但是竟然要$24.6(他媽的.....竟然有巴士要這麼貴)，在各種原因(太夜驚冇車)下，終於上左車，
不出所料，我真的很頭疼，「魚」就說她有點想吐。就是這樣，搭左差不多一個鐘就回到耀on
之後眾人(除左易雅婷)就去左OK買野食，家傑和「魚」買左包薯片，我就買左杯面，
回想一下，我n年冇o係OK食杯面，食落真係同o係屋食唔同，真係別有一番風味，
食緊ge時候，我就提出2月2日一起去睇煙花，但好似冇乜人想去，係得「魚」想去，
我覺得一年一次煙花，唔睇會遺憾，唔知幾時開始，我唔想再令自己的人生中有遺憾，
我唔想七老八十先去同人地睇花市、倒數、睇煙花。吹完水，食完野，葉話講完鬼片後好驚，
所要我同家傑陪佢，之後送埋「魚」走，家傑送我，之後佢自己走。
佢好神奇，日日放學，佢都會陪左我番屋先自己走，真的好怪。

(後記：今日行花市時，俾「魚」知道我係雙子座後，佢二話不說，就講：「雙子座花心喎」
我心想.....我都唔係好花心o者......)

>>January 31, 2003 at 12:18:36 PM GMT+8