2006 年 9 月 23 日 星期六 【炎熱】

　
　
２００６／０９／２３　土
（補）死黨之牛一聚餐

今日開三場， Joanna、嘉麗、靖雯。
詳情就唔係好記得喇，總之教完晒就出o左聯合，神擊 + 樹屋一眾已經o係度。
打o左陣機之後走下一個，走下又一個，
之後得返哀家同埋四號，行o左去始創中心，
行o左去 80M，見到一 Set 平到陣o既 CMB Olympian Series （中巴奧林比安系列）o既巴士模型，
＄１９８就有三架唔同款o既，都做得唔錯，
睇o黎哀家得閒又要行上去睇下有乜平o既巴士模型執喇。

之後，副四 A機都o黎o左，畀返o的o野畀四 A機。
總係覺得佢兩個o的關係重係好曖昧。
可能係哀家想過頭啦。
跟住副四 A機走o左，我同四 A機就去o左九龍塘聚餐。

今晚團友：海野、嘉、Ivan、四 A機、哀家。
食完之後再買三文魚食，今晚o的笑話真係多到……XDDDDDDDDD

多謝海野送畀哀家o既海獅電話插 + [才泵]骨器，兩樣o野結合埋一齊實在太歡樂喇XDDDD。
亦多謝嘉送畀我o既音樂用語 + 發音辭典，其實我差o的想買咖喇 ^^"。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

觀音衛（m音衛）
かんおんまもる
Kanon Mamoru

2006 年 9 月 21 日 星期四 【微冷】

　
　
２００６／０９／２０～２２　水～金
三日合體日記（其實只有一日）

呢幾日o既生活其實都幾多采多姿，所以又懶打 i||!orz
水、木曜日因為年代久遠，所以已經唔係好記得。

星期五，去返耀中合唱班伴奏，識到 Marcus，
個人認為佢十分之好人咁啦XD，不過班小朋友就真係嘈得好犀利 -_-|||。
當中有好多個上年哀家見過、甚至哀家冇印象o既小朋友重認得哀家。
o的正太蘿莉都好得意呀～～XDDDD

伴完奏之後就同四號一齊上o左二號o既宿舍參觀 + 搗亂XD。
玩o左陣DJMAX，吹o左陣水。
１７：１０（？忘了）上下就出去深水[土步]，水貨Ｖ３！
o的歌唔算太難，跟住打o左隻冇人打過o既 memories (TAKA)。

哀家成為香港第一個打 + 過 + S memories o既人喇（o卦）～～
XDDDDDDDDDDDDDDDDDDDD

跟住同四 A機去o左大家食食晚飯，今晚食淨韭菜餃。
就o係我食緊o既時候，o係我仰角５°一點半方位，小強麂ㄐI！！！！
暴走暴走暴走暴走暴走暴走暴走暴走暴走暴走暴走暴走暴走暴走（木亥火暴）
四 A機好々人咁幫我趕走佢^^"，但係命中失敗＝口＝|||||。
最後隻小強走o左去隔籬檯，哀家先可以繼續用膳。

跟住又返o左 Un Duex Trois，打o左一輪之後同堅仔又去o左大家食（土瓜灣），又係淨韭菜餃。
一晚二十粒韭菜餃。囧囧囧囧囧囧囧囧囧囧

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

基澤（基k）
もとさわ
Motosawa

2006 年 9 月 19 日 星期二 【晴】

　
　
２００６／０９／１６～１９　土～火
四日合體日記

我認我懶，不過點都要打日記o既。
呢幾日，又一次印證「有乜乜，冇乜乜」。
天氣比上兩個禮拜舒服o左好多。
教琴冇問題，雖然亦都冇起色。

又o黎１００問。

０１．　一生人以來第一個偶像：　　林子祥。
０２．　希望住怎樣的房子：　　自己買到屋已經偷笑。
０３．　天生是腸胃好的人嗎：　不賴嘛～～所以好肥。orz
０４．　覺得自己自私嗎：　　睇個勢點啦。
０５．　有誰曾經令你希望自己變成他：　　所有女仔。
０６．　對香港的感覺：　　希望在明天，因為今天沒希望。（聽日又會有人同我講同一番話。）
０７．　覺得自己會怎樣死：　　壽終正寢。
０８．　有沒有什麼事你好後悔當時作了這個決定：　　中六時決定唔向一位師妹告白。
０９．　有看過哪套電影令你久久不能平伏：　　牡。
１０．　你覺得你自己是一個偏向思想正面還是負面的人：　負面。

１１．　現存最「古老」的記憶：　　面試入幼稚園o既記憶。
１２．　曾經自己一個人做過些甚麼事：　　好多啦。食飯、沖涼、打機……
１３．　有邊個明星你欣賞他但又稱不上是你偶像：　　尹光。
１４．　有哪個明星稱得上是你偶像但其實你都不是覺得他有太多地方值得你欣賞：　　牡。
１５．　討厭自己哪些性格：　　多囉。不過最討厭自己o既少爺脾氣。
１６．　試過看什麼戲/電視劇看到哭：　　牡。
１７．　喜歡結識新朋友嗎：　　鍾意。
１８．　一件最近想擁有的奢侈品：　　銀憛C
１９．　希望退休後有甚麼生活：　　太長遠，未諗過。
２０．　對上一樣令你忍不住講出一聲「好好味」的食物：　　一磚＄８o既日本製豆腐。

２１．　小時候對世界有過些甚麼誤會：　以為畀張信用卡畀售貨員姐々睇，買o野就唔使畀錢。
２２．　首個令你有性幻想的明星：　楊思琦。
２３．　對隆胸有什麼感想：　　只係僭建o既一種方法。
２４．　好多人都說你不應該做，但你沒有後悔的事：　　成為御宅。
２５．　數得出一堆你願意更加珍惜他們的朋友嗎：　　一班死黨。
２６．　很多人你對他有過好感，但後來感到有點後悔：　　你想問乜？
２７．　遺傳了家人的甚麼特質：　　口才。
２８．　喜歡的遊戲：　　音樂遊戲、模擬電車遊戲、H-GAME。
２９．　有做過一些令你自豪和回味的決定：　　牡。
３０．　幾時開始清楚自己喜歡男仔還是女仔：　　中六o個陣知道自己兩樣都唔鍾意。剩係鍾意假o既。

３１．　相信輪迴轉世嗎：　　唔信。
３２．　愛情、友情、親情。請排序：親情→愛情→友情
３３．　甚麼讓你最恐懼：　　o係香港呢撻地方冇錢。
３４．　有堅持使用那種牌子的產品嗎：　　有，筆。Mitsubishi uni-ball 黑色。
３５．　有哪些朋友你覺得／希望可以跟他熟一點，但實際上又不太熟嗎：　　梗有啦，為數重要唔少。
３６．　幾歲時第一次喜歡異性（或同性）：　　小五。
３７．　曾對怎麼的生活有憧憬：純愛遊戲式。（最好附加A_A劇情。）
３８．　較喜歡媽媽還是爸爸：　　細個o個陣係爹，而家兩個都鍾意。
３９．　甚麼讓你感到尷尬：　　呢份１００問o的問題都令哀家幾尷尬。
４０．　用十個字眼來描述近來的生活：　　上網、教琴、補習、打機、搶圖。

４１．　現在回想會不明白自己為什麼當時會做的事：　　中六點解要揀工科orz
４２．　曾經最深愛／敬愛過的三個對象：　　婆々（敬）、孫中山（敬）、はるな（深。我 File 上o個個。）
４３．　在網絡上有甚麼財產（例：日記、網頁。）：　　就日記同網頁，重有我o的歌。
４４．　你有沒有一些「特異功能」：　　打機o個陣你唔會見到哀家郁。
４５．　有沒有一個你以為實現，但其實不能實現夢想：　　出一隻自己o既純音樂專輯。
４６．　喜歡的品牌：　KONAMI（係佢重燃哀家對音樂o既興趣。）
４７．　你願意花時間學習些甚麼東西：　　日文、音樂、畫漫畫。
４８．　最喜歡看異性的哪些部位：　　頭髮、大腿至腳踝對上、扎起頭髮時頸後髮腳位置、耳背。
４９．　你會選擇一腳踏兩船嗎：　　到我有得選擇先算啦。
５０．　有沒有懷疑過自己的性取向：　　中六之前有。

５１．　只可以用一個詞語形容你自己的性格，你會用什麼詞語： 　人格分裂。
５２．　對上一件由衷感到感動的事：　　小六唱「友誼萬歲」o既時候。
５３．　曾經約會過不算熟絡的網友出來見面嗎：　　有，一大班。
５４．　希望死後火化還是怎樣：　　天葬唔該。
５５．　最近最煩惱的事是：　　搵工，冇錢。
５６．　有沒有一刻如果你做了另一個決定，就會大大影響了你的一生？
　　　　　有的話是甚麼事：　　有，中六揀錯科。
５７．　承上題，受到這件事影響，你估計你的人生有什麼不同：　　而家可能o係 Office 返緊工。
５８．　愛過的人中有些甚麼不堪的性格：　　蠢。
５９．　希望將來住在哪兒：　　札幌。
６０．　有什麼事你一遇到就會覺得好噁心：　　小強。

６１．　從事過甚麼工作：　　教鋼琴、教樂理、補習。
６２．　有什麼人你好感激他，但不好意思跟他說：　　娘親。
６３．　有曾經俾人偷過東西嗎：　小學o既時候畀同學偷閃卡。
６４．　經常講大話嗎：　　你不如問「經常廣真話嗎」會好o的XD。
６５．　覺得自己傾向是實際還是不切實際的人：　　不切實際。
６６．　最希望看到哪兩位藝人結成一對：　　蔡卓妍 + 鍾欣桐呢一對應該掂。
６７．　親友怎樣形容小時候的你：　　肥仔。
６８．　算是怕悶的人嗎：　　我唔怕悶。
６９．　你算是一個吝嗇給予別人讚美的人嗎：　　好就讚，衰就彈。絕不留面。
７０．　初次接觸電腦是何時：　　小學二年班。

７１．　由細到大曾經希望過從事什麼職業：　　一勞永逸o既位。
７２．　最有恆心做的一件事：　　作歌。
７３．　曾經想過加入誰的 Fans Club：　　近o黎想o既，葉佩雯。
７４．　曾經希望過自己出生於哪個國家：　　瑞士。
７５．　常依賴人嗎：　　好少依賴。
７６．　數出三個令人厭惡的人：　　何文匯、李浩林、崔建邦。
７７．　有跟明星的合照：　　牡。
７８．　有幾多經常提及的香港地方你是從未去過的：　　你又唔講邊o的地方經常提及。
７９．　有什麼「古怪」的習慣：　　廿幾歲佬都重要有公仔陪住[目訓]。
８０．　人生當中暫時有哪些稱得上是轉捩點：　　中五升中六，副學士第二學期尾。

８１．　父母曾經為你的甚麼而感到自豪：　　令佢o地自卑o既應該會數到好多畀你。
８２．　有什麼經歷到現在還經常給長輩提起：　　細個o既時候將「小白兔」誤讀作「史別鞘」。
　　　　　　重有「四順」攆車爆鞋事件。
８３．　有沒有甚麼東西你的朋友都不喜歡、只有你一個喜歡：　　研究語文。
８４．　有沒有甚麼東西你的朋友都喜歡、只有你一個不喜歡：　　カラオケ。
８５．　有哪個地方你去完聲稱以後都不想再去：　　尖沙咀河內道機舖。
８６．　發生甚麼特別事會第一個找的朋友：　　音機報分。
８７．　有特別喜歡的幾個中文字：　　神、翱、翔、中、和。
８８．　慣於「明戀」還是「暗戀」：　　暗戀。
８９．　印象較深的電影對白：　　我唔睇戲咁滯。
９０．　有嘗試過訓練自己的非慣用手：　　牡。

９１．　想變成另一個性別嗎：　　極想。
９２．　印象最深的小學同學：　　佘儀芬。
９３．　ICQ多數用什麼mode：　Online。而家通常唔On。
９４．　哪些地方令你有愉快的回憶：　　孵卵、ＢＵ、屋企、長沙灣。
９５．　哪些地方令你有不快的回憶：　　晨曦、ＢＵ、屋企、西貢昂平。
９６．　有什麼事你一遇到就會有莫名的厭惡感：　　一o的口若懸河（即係口水多過茶）o既人。
９７．　數出十樣最喜歡的東西：　　海狗仔、ＡＣＧ、冇人o既屋企、齊人o既屋企、はるな、
　　　　　家人親友、死黨、ＫＭ家族、神原家（暨神打音擊團）、自己。
９８．　第一張擁有的ＣＤ：　　BEST '97 (Avex Trax)
９９．　曾經迷戀過哪些明星：　　歐倩怡、楊思琦。
００．　最近有什麼口頭禪：　　囧、哀家、整你個掣。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

深井氜
ふかいど
Fukaido

2006 年 9 月 14 日 星期四 【晴】

　
　
２００６／０９／１３　水
無聊日

今日冇太大特別。
朝早打機，晏晝四 A上o左o黎我屋企睇クソ圖同埋 Flash，
跟住落o左 Un Duex Trois 打o左陣，閃 Hi-Hat，頂～～。

跟住出o左旺角行一陣，冇收獲。
夜晚去教完 Joanna 同埋小翹之後，o係條街百無聊賴之後就返o左歸。

２００６／０９／１４　木
自「沉」煩惱

哀家自問中文唔弱（雖然亦都唔係好々），絕對唔會寫錯「自尋煩惱」。
今次o既「沉」，包涵o左「尋找」同埋「沉淪」o既意思。
今日睇返之前錄起o既「９／１１」，呢套係一套半紀錄片，
因為佢除o左o的現場鏡頭、事件倖存者訪問之外，
亦都搵o左一班演員重演返２００１年９月１１日當日o既情景，
係就係有o的譁眾取寵，不過又的確幾令人心中暗寒。
百幾層樓擲落o黎，竟然有人死唔去。

五年後睇返當年一幕一幕o既情景又歷歷在目，
可能真係o係正我生日之前，我記得２００１年９月１２日
有同學幫我慶祝生日我都推o左。

此外，今日只係補o左一場習。

不愧係哀家其中一個鍾意o既音樂人，泉　陸&�螉既歌真係好扣人心弦。

《神打》暫停一陣，o係呢度送上一首歌，
等大家諗下我o地呢個社會究竟有o的乜o野問題。
「我們都不活在天國，這個是充斥過失的世界；」
「但我想信每個人、都有一個天國藏於心底。」


Title: HEAVEN INSIDE
Vocal: Stephen McKnight
Lyrics: Y.Uehara
Composition: Izumi Mutsuhiko（泉　陸&�諢^
BPM: 155

The Day, every channel
The Day, every program
The Day, crying for the bitter blow, The Day
And I couldn't believe
And I still feel the pain
I can't close my eyes and make it go away
"What for?" We never know why it must be this way
So many have died, but tell me who will win?

We don't live in Heaven
This world is full of mistakes
We don't live in Heaven
Madness, crimes, and fights
We don't live in Heaven
This world is full of mistakes
We don't live in Heaven
Still I believe
We all hold a heaven inside

Sorrow, anger and hate
fear and confusion
We wander in a never ending maze
But I want to believe
We'll find a way to the truth
Someday, somehow we know we will get there
It's never too late! never giving up!
So many we have lost, but we don't cry in vain

We don't live in Heaven
This world is full of mistakes
We don't live in Heaven
Madness, crimes, and fights
We don't live in Heaven
This world is full of mistakes
We don't live in Heaven
Still I believe
We all hold a heaven inside

We don't live in Heaven
This world is full of mistakes
We don't live in Heaven
Madness, crimes, and fights
We don't live in Heaven
This world is full of mistakes
We don't live in Heaven
Still I believe
We all hold a heaven inside



この曲は人種、文化、宗教の違いを超えて世界の人々が平和に暮らせる世界が㷧ることを願った歌なんです。
這是一首超越人種，文化，宗教的差異，祈求世界所有人能在和平的世界中生活的歌。

こういう𧅥大なテーマの曲を歌えるのはスティーブンしかいないと思い今回お願いしました。
我想會唱這樣雄壯的歌的就只有Mr. Stephen McKnight，所以今次拜託了他。

期待通りのパワフルなボーカルでこの曲の良さをさらに引き出してくれました。
和預期一樣，Stephen 雄壯的聲音把這首歌最好的地方發揮出來。

泉　陸&��
和亂來翻譯的神原霧翔

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

輕曇（倌銵^
かるどん
Karudon

2006 年 9 月 12 日 星期二 【晴】

　
　
２００６／０９／１２　火
哀家誕生二十三周年慶典

唔好誤會，其實今日係異常平淡o既一日。
自從九一一事件之後，哀家決定每年生日正日都盡量要自己過得平淡。

原來除o左張國榮冥壽之外，今日亦都係姚明生日。
敵視你落完一周年，入場遊客人次不達標，慶祝典禮縮剩５分鐘，天有眼。
海洋公園萬歲～～XDDDDDDDDD

話說今日全日放假咁滯，所以o係屋企打 FFXII，過o左o既流程唔多，不過就練o左 Level，
由於 FFXII 冇「與你一起成長」系統，所以o的角色o既 Level 嚴重錯配XD。

晏晝寫o左陣歌，但係我發覺自己要做o既o野仲有o的未o係預期進度之中，
阿囡，對唔住呀，我諗我要再遲o的先可以畀到份譜你，
如果你趕的話，唔使唔好意思，就催一催哀家啦～～^^

由於今日係哀家「誕生二十三周年慶典」（舍弟改o既名零舍有氣勢XD），
所以晚餐由哀家發板，見好耐冇食過麵（唔係指即食麵），所以就提議。
娘親見天氣都唔錯（←啥？XD），所以都應承o左哀家。
而舍弟就o係 Citysuper 買o左兩舊１５幝既豆腐返o黎慶祝，
哀家果然係一個好鍾意食人豆腐o既「K目人間」XDDDD
一個冇生日蛋糕，但係令我頗滿足o既牛一就係咁過o左。

之後去o左領翹屋企補習，話說今日都係好似平日咁叫佢做「丁小妹々」，
但係佢好似覺得個名太長，所以就叫哀家幫佢改一個短o的o既花名，
結果佢幫自己改o左一個令我有少々囧o既花名，「小翹」。

哀家：你知唔知乜o野係小翹（喬）啊？
（佢娘親笑o左一下，睇o黎佢知我問乜。）
小翹：（疑惑地）o下？有乜問題呀？
哀家：（放下心頭大石）咁冇o野喇XD
小翹：o車～～講啦～～
翹娘：你佢搵下三國演義「赤壁之戰」，就會知邊個係「小喬」喇XD

平淡而令哀滿足o既生日。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

中盛
なかもり
Nakamori

2006 年 9 月 11 日 星期一 【晴】

　
　
２００６／０９／１１　月
牛一之前

o係正我生日同埋生日之前都冇好o野發生，灰。
今日係九一一事件五周年，可能o係正我生日前，
而且事隔五年，呢見事依然撼動好多人o既心，包括我在內。
所以今日全黑示人，以表哀家少々哀悼之心。

今日可言無幾，雖然今日做過唔少o野。

We don't live in Heaven. This world is full of mistakes.
We don't live in Heaven. Madness, crimes, and fights.
We don't live in Heaven. This world is full of mistakes
We don't live in Heaven.
Still I believe, We all hold a HEAVEN INSIDE.

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

曇毀
どんこわす
Dokowasu

2006 年 9 月 7 日 星期四 【晴】

　
　
２００６／０９／０１～０７　金～木
沒有開學的日記

上個月總共有五篇日記，可能打日記o既熱誠有少々冷卻。
但自問我又唔係一個三分鐘熱度o既人，究竟發生緊乜事？
可能身邊打日記o既人懶o左？　　抑或係自己懶o左？
人o地o既日記越o黎越公式化？　　抑或係自己日記越o黎越公式化？

其實又唔可以賴人，唔打日記，可能係自己想逃離現實。
始終哀家都唔係好鍾意活在現實中。

開學冇我份o既日子並唔難過，搵唔到工o個下先陰功。
琴行一開學就冇晒學生，其實開始懷疑o的學生點可以學得切，
呢種咁密集o既教學方式，需要小朋友用好多時間練琴先得，
剩係靠假期？……
睇o黎我都係搵定另一間會好o的。
要做返大學生殺手，搵補習。

經濟好o左，點解有o的學八級鋼琴搵老師o既學生家長會出到「２４０憓陸鞳v咁低Ｘ？

ＤＭ又有o的驚喜，終於畀我Ｓ到 Centuar，
另外再Ｓ多一次 Concertino in Blue [ADV]，
Full o左 Get Ready、Getaway、Get it All，三隻 Get 字頭都畀我 Full 晒喇～～XDDDD。

我唔要神原家成為翻版，Ffに！
未確認情報ひとつである。何故神偽⑶孼Uひとりが𢘜落だか？

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

晴巒
ヘアマイン
Haremine

2006 年 8 月 31 日 星期四 【酷熱】

　
　
２００６／０８／２６～３１　土～木
懶惰的日記

講返呢幾日大約做過o的乜。

２００６／０８／２６
好正常o既教琴日，教完之後出o左去旺角極微型敗家。

２００６／０８／２７
今日出o左去ＣＷ同人即賣會，因為有消息o個度太多人，
所以一大班人o係德福Vitual Zone，打o左一輪先過去展貿。
去到o既時候冇想像中咁多人，不過依然係好多人……囧。
今日買o左１９８敺唭Q品，比我想像中小o左o的，
另外，今年涼宮ハルヒ氾濫，雖然我都好鍾意，
不過見到o的麻甩仔走去 Cosplay 涼宮ハルヒ真係有點兒那個。
今日副四號機激嬲我 A__A，下次唔好咁喇。
夜晚都係去德福食飯，點知好多地方都好多人，
結果去o左 BistroDelifrance，坐低睇o下個餐牌，先發現自己入o左黑店。


奉勸大家以後唔係大時大節的話都唔好去 BistroDelifrance。

不過我會繼續支持 Delifrance。
另外買o左個木架，o的Figure 開始進軍哀家張床喇。

２００６／０８／２８～３０
呢幾日都係好普通o既開工日。

２００６／０８／３１
o的學生開晒學，所以冇乜人去學住。
今日只係教完 Joanna 就可以返歸，點知原來今日有聯合聚，
而且三 A機山長水完出o黎，所以就去捧場。
打到１２：４０就返歸。
大昏迷。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

亞歷山德朗
アレッサンドリオン
Alexandrion

2006 年 8 月 25 日 星期五 【晴】

　
　
２００６／０８／２５　金
神跡：單日日記。

今日難得可以放半日假，所以打返個單日日記。
今日只係要教兩場，一場係朝早o既 Joanna，另一場係傍晚o既嘉麗。

夜晚出o左去睇《日本沉沒》＋神陘p聚。四 A機竟然唔記得約� A機……囧囧囧囧囧。
搭車去o個陣個天落雨落到呢……總言之就係ＤＤＤ（Down Dog Dung）。
　※　整體上感覺好睇過之前o既 "Day after Tomorrow"，但係感覺上又有少々似睇緊 "Volcano"。
　※　《日本沉沒》拍人與人之間o既感情比較多，反而個人主義、英雄主義拍得比較少。
　※　最深刻o既望見滿佈火山同埋殘缺不堪，散到一忽々o既日本全境真係好靚。
　　　（此無任何種族仇視，只係用一個欣賞特技o既角度而言。）
　※　福田麻由子（真人版櫻桃小丸子【チビまるこちゃん】o既家姐。）好得意呀～～（轉）
　※　終於見到超正經o既草霅鞈漶CXDDDD
　※　後段草霅閫諵U引爆信管o個一下亦都o係我腦中留低好深o既印象。
　　　令我諗起美國佬投下原子彈o個一刻，同草霅閫諵U引爆信管o個一下真係好似。
　　　不過美國佬o個一下係殺人，草霅鋌個一下係救人。
　※　雖則話特技災難片有o的偏離常理，不過戲中有唔少位偏離常理，而係偏離常識。

睇完一齊去o左食飯，四 A機＋四 A副機行開o左好耐，
其他團員都不斷揣測佢兩個o係度做緊乜 A_A。
之後過o左聯合打o左陣，Fairy Tales 開頭障々小姐一件，765 Combo，所以我當自己已經 Full o左。

返到屋企上網搵一下，原來真係有一套小說＋戲《日本以外全部沉沒》，
日本仔右翼份子自慰「堅い膠」作。

[目訓]覺o個陣竟然發惡夢……膽小的哀家。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

紫
むらさき
Murasaki

2006 年 8 月 24 日 星期四 【晴】

　
　
２００６／０８／２１～２４　月～木
諗唔到標題

今日係星期四o既晚上，
終於可以畀我霸到電腦，打到日記喇。

但係偏々坐o係度２０分鐘，我又諗唔到有乜打……囧

呀～～諗到喇。
經過 Grade 5 慘烈o既一役，o係基本上只係識彈二又四份之三首歌o既情況之下，
６５分應該走唔甩（１００分先係合格），
Joanna 娘親終於做o左一個非常正確o既決定，
就係唔學觀塘o既優細杰（經諧音處理）o個堂琴。

另外敗家深淵就真係……

神擊新加o左兩位新成員，分別係副四 A機同埋九 A機。
不過我都重未係好記得佢兩個o既大名。

基本上記得咁多。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

扉又
ひまた
Himata