2006 年 4 月 7 日 星期五 【陰】

　
　
２００６／０４／０７　金
正常開工日

作《神打》，冇乜頭緒，所以去o左整理神打。
原來要寫篇介紹文，重要人o地睇得明o既，真係好難 Orz。
ガンバレ～～

夜晚去o左教嘉麗同小妹々，一切如常。

篇日記好似短得滯o添^^"

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

流水
リュースイ（りゅうすい）
(Liu Shui) Ry聦sui

2006 年 4 月 6 日 星期四 【晴】

　
　
２００６／０４／０６　木
香港人……

今日晏晝返孵卵雞春算數班，
因為聽日要常測，所以幫佢o地溫書。HCF 同 LCM 就留返下堂先教。

放o左工之後去o左 UnDuexTrois，有一次證明o的人好鍾意蝦o的貌似打得差o既人：

１．入錢。
２．揀歌。
３．pot-pourri d'marmalade [ADV]
４．開工。
５．身邊跟機位多o左好多一蚊。
６．Full Combo，97% Perfect + 1 粒 Good。（費事影相，咁會太串嘴）
７．o的一蚊唔見o左一堆。
８．跟住畀班三唔識七o既人朝拜。

「土瓜灣※人」唔個名唔係浪得虛名o既，Full ＬＶ５１都畀人叫「※人」，問你吹唔吹脹？
我心諗，你班人都未見過真正o既犀利，佢o地打o的SS歌ＬＶ８０幾９０，
酌量我都只係打得中規中矩。
只係我打o個陣可以打到好似唔郁咁可以令我覺得有少々自豪。
香港人就係咁，望高拜，見低踩。

今日ＳＳ戰績：（Level 順）
Believe in Love、暲鰴氾糬魽BJet World、Mint Candy ☆ Citrus Drop、Real L Size Dream、DOKI☆DOKI。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

一皇
いちおう
Ichi稭

2006 年 4 月 5 日 星期三 【晴】

　
　
２００６／０４／０４～０５　火～水
動力？

搵工o既，好大，大得好緊要，但係力不從心。
作歌o既，都好大，而且奮進中，不過未寫落紙或者打入電腦。
重有冇其他呢？
打機o卦，呢個就反而冇乜，有時只係無聊過下手癮。

有少々無奈，都係努力搵工啦。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

神原
かみはら
Kamihara

2006 年 4 月 3 日 星期一 【晴】

　
　
２００６／０４／０３　月
懶打日記日XD

發覺自己開始食辣食上癮，而且比以前食得辣o左，
好彩依然唔鍾意食鹹。

搵工，返工，加堂，今日冇心情打日記o既原因如下：

上月敗家戰績


水銀燈電話繩，月頭買o既，
四月一號出去再睇發覺已經升o左成＄５０。


一幅令神原最「萌」o既ＣＧ，
終於畀我諗到用一個咁o既方法收藏。


三分厚o既玻璃 Orz。

三月份敗家戰績在此，快o的撳我～～（好似o的ＸＹＺ廣告咁XD）

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

驕騎
おごおり
Ogo-ori

2006 年 4 月 2 日 星期日 【陰】

２００６／０４／０２　日
有驚無險的大地震

話說昨晚「中和人民共和國」某省份發生大地震，
波及其他省份，幸好有良好溝通，否則傷亡慘重。

暫時冇事。晏晝[目訓]晏覺都[目訓]得舒服o的。此外今日冇大特別。

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

北和
きたわ
Kitawa (Northal)

2006 年 4 月 1 日 星期六 【雨】

　
　
２００６／０４／０１　土
愚人節敗家快樂

今日發生o既事好多壞少啦，不過壞o個單真係壞得好緊要……
朝頭早去小妹々屋企教琴，因為o係我冇打日記o個排，
有一日佢請o左假，所以補返一堂。
精神就係精神喇，不過就係精神得滯，就上走落，
好彩有佢爹親幫我鎮住佢XDDDD

之後去o左石籬教靖雯，兩個禮拜冇見，已經練好晒o的琴喇，安慰。
不過佢整縐o左我本 "HANON" (/‵皿′)/︵ ┴─┴
教完之後，出o左去油麻地同好耐冇見o既小新食o左個 Afternoon Tea，
＄２６咖，貴過係任何一餐平日o既晚餐XD

旺角大敗家戰紀：
１．＄　１５　おーじ Postcard
２．＄　５３　Rozen Maiden 水銀燈 Notebook
３．＄１００　Rozen Maiden 膠海報訂金
４．＄１５０　Shuffle Figure 乙套
５．＄２８８　西又葵同人誌連墊板

好窮（|||囧TZ）

夜晚再去教 Joanna，返歸。
心靈富足，荷包乾塘（砰！砰！砰！　※Or2，撞豆腐死罷XD）

𩖸～θ(^0^ ) θ(^0^ ) 一緒に歌おう：「水色の～　玉響ぞ～～」( ^0^)θ ( ^0^)θ～𩖸

和北直道（和北大通り）
わきたおおとろり
Wakita Ultimax

2006 年 3 月 31 日 星期五 【晴】

　
　
２００６／０３／３１　金
工作是錯誤的選擇？

話說琴晚 Joanna 娘親想我幫 Joanna 報考５級鋼琴，
原來佢教開佢o個個老師一直都冇叫佢報名，好彩重未截止。
係唔係o係琴行教o既老師通常都係咁冇o黎搭颯o既呢？
結果早o左少々出去新蒲崗食o左個早餐，跟住就交表，
可能太早，所以預計中好多人排隊o既場面冇出現到。

話說暫時仲未搵到工，所以今日晏晝唔使出去，
所以o係屋企好々[目訓]返一覺，等夜晚可以精神o的去教人，
嘉麗今日冇乜問題，唔講。

想講o既係 Joanna o個度，
話說佢爹親係煙民，所以周不時都會拎住支煙o係屋企行o黎行去，
況且佢知我唔介意佢食煙，所以有時佢都會擔埋支煙入房睇下我點教，
又或者睇下小妹々彈琴。
所以教完琴之後點都會有o的煙味，況且今日我重要
咁夜嗎々教完琴就梗係想早o的返屋企咖啦，
所以練行帶跑走返去，點知就係咁樣出o左事。
嘈o左陣，不過唔詳細講喇。

╮╯v╰╭╮╯v╰╭ 我乜都唔知咖，我只係分隔線咋XD ╮╯v╰╭╮╯v╰╭

瑟色
サッセージ
SuseJ

2006 年 3 月 30 日 星期四 【晴】

　
　
２００６／０３／２８～３０　火～木
冇心情打日記日？

標題講到好大件事咁，其實只係「懶」XD

※ＧＦ上o左９００分喇～～\(^o^)/，未打 Non-Stop 咖XDDDD
　但係９００分紀念曲竟然係「十大乞哀家憎之歌」之一，
　Desert Rain，世事真係諷刺 ._.。原本唔想用呢首上，不過同一個唔識o既人夾機，反對不能。
※木曜日孵卵雞春算數班新沼對付，唔鬧人喇。
　份糧真係睇醫生都唔夠，所以話o左兩次唔聽之後，
　臉黑→抄→問保險問題「有冇問題？有冇唔識」→做自己o野。
※肥仔o個度唔使再去喇，又要努力搵學生喇。
※由於 Joanna 太多日要學琴，太多歌要練，但係佢娘親又唔肯炒減一個，
　所以哀家要求小妹加堂，成功。

╮╯v╰╭╮╯v╰╭ 我乜都唔知咖，我只係分隔線咋XD ╮╯v╰╭╮╯v╰╭

豊年菊
とよしきく
Toyoshikiku

2006 年 3 月 27 日 星期一 【晴】

　
　
２００６／０３／２７　月
好消息？壞消息？

由於死肥仔就讀學校有官方強制功課輔導，
所以我個飯碗就係咁監生畀人搶o左去。
之前唔知係官方強制o既，我重以為我做得差所以畀肥仔他媽炒o添。
只係返埋星期三，又要努力搵工。
只係返到星期三，努力幫肥仔溫埋呢兩日書。
我唔會因為明知冇得做就放軟手腳o既人o黎o既～～

１７：３０，肥仔他媽打電話o黎，知會我學校o既安排，
o係我印象中，佢o係１０分鐘o既電話裏面，講o左不下３０次「對唔住」。
其實又唔係佢專登要炒我，佢講咁多次我反而有o的唔係幾好意思^^"。
以下係肥仔他媽對我呢四個月o既工作所下o既小々結論：

１．做事有交有帶
　　　　　最主要係每次出糧之後我都會寫張便條畀佢講聲多謝，
　　　　　同埋每次我出完畀肥仔做o既工作紙都會連埋o的學校通告一齊
　　　　　擺o係肥仔他媽o既檯面等佢放工返o黎覆核。
２．整齊，過份地整齊，整齊過女仔，整齊過佢工人！！
　　　　　（乜原來，整齊＝女仔，我就唔係好信喇XD）
　　　　　之前肥仔o既一棟八個櫃桶亂到七彩，
　　　　　不過我只係用o左八張Memo紙就另到佢o的櫃桶又亂葬崗變做人間天堂XDDDD
　　　　　o個八張紙分別係：
　　　　　「中」、「英」、「數」、「常」、「普」、「工作紙」、「其他」、「校簿」。
　　　　　加上我o的工作紙基本上全部都o係佢電腦出，
　　　　　所以一定整齊。
３．責任心重
　　　　　呢個我其實有o的唔同意，
　　　　　同我傾得最多o既三 A機同四 A機應該知我o係補習o既時候會幫肥仔做o的乜XD
　　　　　肥仔他媽話因為o係呢四個月，係肥仔出世畀人鬧得最多o既日子。
　　　　　平均一個星期三次。想當年我日々籐條燜豬肉啦XD
　　　　　佢話肥仔咁多個補習老師裏面，
　　　　　從未有一個老師會拎肥仔o既功課返去出 Exercise 畀肥仔做云々，
　　　　　我心諗，我都係想睇下佢學校o的程度去到邊，方便我出畀其他人做咁o者XD
４．手字好靚 + 中文恐怖地強
　　　　　我諗呢個係おまけ（即係 Bonus），
　　　　　想當年我手字都令人不堪入目XD。可能我呢輪練過下毛筆字咁啦XD，
　　　　　不過中文強我就真係唔咁認喇……會考讀本Ｆ，中文強極有限╮╯v╰╭
　　　　　佢個仔畀我訓練到唔寫被動句喇～～XD

╮╯v╰╭╮╯v╰╭ 我乜都唔知咖，我只係分隔線咋XD ╮╯v╰╭╮╯v╰╭

塵
こつち
Kotsuchi

2006 年 3 月 26 日 星期日 【雷雨】

　
　
２００６／０３／２５　土
請假放假日

考試季節又o黎喇，一個二個都請假，
我o的糧期呀～～T_T
今晚只係教o左 Joanna一場，跟住就返o左歸。
好耐都冇咁清閒過。
聽日拜山？乜我唔知o既@@"

２００６／０３／２６　日
失驚無神拜山日
話說琴晚爹親忽然話今日要去拜山，好彩冇調到堂，
否則捉蟲事小，失信事大。
今日雖然唔係正日，但係都好多人。
上山o既時候落住微々細雨，
如果唔係咁多人的話，的確會感到有o的落寞o既感覺。

總會o係我拜山o既時候諗返起：
「清明時節雨朝朝，路上行人想食蕉；
　借問大蕉何處有？隔籬廁所一條條。」

一首稔熟o既十八禁打油詩，當年爺々未香，
甚至到今日爹親都不時唸住。
到拜山o個陣諗返起，總會有o的想流馬尿o既感覺……
今年姑姐姑丈唔使開檔，所以好多濕星o野都唔使我o地一家人操心。
講開又講，o係男家，從未試過齊人拜山，起碼由我懂事開始都未試過。
哀家係爺々都會不禁搖頭嘆息。
總算拜完，跟住諗住落油塘飲茶，點知太多人，所以最終放棄o左。
爹親、舍弟同埋我就出o左深水[土步]行電腦商場同埋鴨寮街。
買o左個 Headphone 同埋一隻好大錶面o既手錶，用o黎掛o係個袋度，
咁以後打ＤＭ就唔使下々都要除錶咁麻煩。

夜晚去小妹々屋企教琴，又一次差o的叫o左出o黎。
「好得意呀～～」（好彩最終都只係o係個心度狂叫呢句）
黑色直身裙 + 白絲襪 + 黑皮鞋 + 兩條鬢辮
真係好鬼死得意呀～～～～～

╮╯v╰╭╮╯v╰╭ 我乜都唔知咖，我只係分隔線咋XD ╮╯v╰╭╮╯v╰╭

羅針磐
らしんばん
Rashinban