2005 年 12 月 1 日 星期四 【晴】

話咁快又到一年裏頭最後一個月喇。
晏晝返雞春算數班，可能上星期畀人鬧完，今個禮拜班友仔都肯抄下數。

完o左之後就坐地鐵去觀塘幫渡海小輪補習，冇特別事。
不過死肥仔真係懶到出汁，連鉛筆都要菲傭幫佢刨，懶～～！

返到屋企大昏迷。

>>December 4, 2005 at 3:34:33 PM GMT+8

2005 年 11 月 30 日 星期三 【炎熱】

星期三，今日o既時間表開始又有變動喇，快々手々整返個先得喇。
晏晝過o左觀塘，第一日上o左杜太屋企幫小朋友補習，
小朋友叫杜※橋，第一時間已經諗到佢花名，※※橋XD
Gamcholy（鑒粗o黎XD）的話，渡海小輪啦XDDDD

小朋友係一個死肥仔，真係好肥肥到成個波咁XD
第一日可能仲唔係好慣，小朋友唔係講得好多o野，
不過而家終於感受到小朋友一定唔可以畀菲傭湊大。
雖然家長會叫菲傭對小朋友惡o的o黎教佢，
不過人o地始終只係打工，講得衰o的只係下人，
萬一小朋友投訴的話就連工都冇埋。

放o左補習就要急々腳去 Joanna 屋企，冇大問題，唔詳寫喇。

>>April 29, 2007 at 12:40:46 PM GMT+8

2005 年 11 月 29 日 星期二 【炎熱】

今日對好份 Examination Paper，就 Print o左出o黎，
就o係我釘緊份o野o既時候，親愛o既 Miss Liu 問我搞掂未，
原來仲有兩份要我打 A_A，好呀～～多o的o黎密o的手 AoAv

晏晝返雞春輔導班，都係唔肯做數，都係o個句，睇下班友最尾o個堂點死法。
上到一半o既時候，忽然有個電話打o黎話有個補習介紹俾我做，
一粒鐘＄５０，不過每日兩個鐘，比我想像中少o左o的，不過都接o左o黎做，
同準雇主杜太傾o左陣之後，聽日見工。
（後按：原來一粒鐘＄５０已經唔錯，睇o黎我同呢個世界脫節喇。）

放o左工之後，囡々打電話o黎想我幫佢班同學練歌，
結果就上o左去幫々手，見返好多學弟學妹，好開心～～
放o左人之後，同文汐同埋 Peggy 一齊行o左落下面巴士站，傾o左陣偈。
返到屋企正當想瞌一陣o既時候，電話又怒響。
原來係晏晝o個個杜太，佢話想盡快開始，所以想我今晚就去見工，真係咁急@@"。

結果連飯到冇食就去o左觀塘見工，趕～～
結果杜太想o係裕民坊撞一撞我，成功。
小巴站太多人，所以佢又好々人咁請我搭的士，
上到佢屋企之後，睇完我o的惡劣o既成績之後，都請o左我教。
見完工之後已經係２０：１５，所以焗住又飛的士趕去 Joanna 屋企，
第一次遲到@@"，好彩佢娘親唔o係度，
學完琴之後，Joanna仲請o左我食西餅XD（好呀～～其實我已經就o黎餓暈@@"），
返屋企之後，食完飯坐o左陣就沖涼[目訓]覺。
２３：３０，好耐冇試過咁早[目訓]喇@@"。

>>December 4, 2005 at 3:35:44 PM GMT+8

2005 年 11 月 28 日 星期一 【晴】

呢幾日打字打到有o的驚，
打完o的賺銀兩o既字之後，完全冇晒動力去打日記，我都唔想偷懶哩 T_T。

由下星期開始，又多一個學生教喇，初級，仲略嫌有少々蝕車錢，
不過叫拎下o的教陌生人o既經驗，所以一定要努力。

今次要打o既考試卷要 Scan 圖，蝕水呀～～搞o左我鬼咁耐。

婆々打電話o黎，話自己前日o係屋企暈o左，嚇得我o地……@@"
不過之後o係醫院檢查，只係感冒菌入耳，
導致暫時耳髓不平衡，咁都冇咁驚。

星期日學完琴o既時候，o係我臨出門口o個陣，
Joanna 從後攬住我，叫我留多陣@@"。
睇o黎佢已經再唔抗拒我呢個老師喇，係好事定壞事呢？

>>November 28, 2005 at 7:18:57 PM GMT+8

2005 年 11 月 24 日 星期四 【晴】

打返o的概況啦，又俾細佬霸o左幾日機。
Joanna 星期二三都幾乖，佢爹親唔o係度睇住佢又反而好o的，真奇怪@@"。
She Said 又第一次過o個陣拎Ｃ到而家終於穩Ｓ喇。
樓下琴行請人，填o左份表等面試，練琴～～練琴～～。
又有字打喇，今次係成套測驗卷@@"，不過好和味A_A。

>>November 25, 2005 at 9:59:25 AM GMT+8

2005 年 11 月 20 日 星期日 【微冷】

今日係我換電話o既大日子，１３：００約o左四 Ao係 UnDuexTrois 等，
今日 She Said，忽然之間開o左竅，好多Combo @@"，
唔記得o左幾多，不過四 A幫我影低o左，聽晚應該有得睇。

之後就出o左旺角新之城，等埋三 A就一齊去食o野，
首先去o左人和，搵到位不過o的夥計叫極都唔o黎幫我o地落單，
人o地咁忙，我o地就唔好※阻※住※人※喇，
折騰o左一輪之後最後去o左大家活食下午茶。
食完之後等埋二 A就一齊睇電話，途中有唔少有味笑話XD

之後四 A有o的事所以走o左先，行o左一大輪之後，最後決定買「冇得撈喇」E680i，
{口水}２吋Ｘ１．５吋大Mon，＄２７８０{/口水}，
雖然俾我預算＄２５００多o左o的，但係個 Mon o既大細已經令我失o左心瘋XDDDD
不過行o左半條街好多間都話冇貨 T_T，諗住放棄咖喇，
點知就o係我行入中原（唔係地產XD）o既時候，竟然有！！
俾錢o既時候又減o左＄１００，仲要有張５１２ＭＢo既記憶卡送（心）
抵買～～超抵買～～～～。
跟住同佢兩個去o左食下午茶，不過我就冇乜興趣，
電話唷～～電話唷～～XD

食完o野之後行o左落油麻地現時點睇公仔同 Figure，睇中一個 Lacus o既首版，
＄６００……放棄。結果買o左一個＄６７、４．５吋高o既 Lacus
同＄８０、３．５吋o既一停𡢞鞁觙~ホイさんo既掃地公仔，超かわいい～～（大心）

買完就同兩個細佬 Say Bye，返屋企食飯跟住趕去教琴，
Joanna 一如以往，一時聽話一時嘔電，唔詳細寫喇。
放o左工返歸就不斷舞舊手提電話喇，聽一可以瘋狂入圖同歌喇
(￣　　) (▽￣　) (￣▽￣) (　￣▽) (　　￣) (　　　) (￣　　) (▽￣　) (￣▽￣) (　￣▽) (　　￣) (　　　)

>>November 21, 2005 at 3:49:19 PM GMT+8

2005 年 11 月 19 日 星期六 【颳風】



２００５／１１／１８　金
好悠閒，因為米飯班主未出好份卷，所以唔使打字。
朝頭早同晏晝就係打機、[目訓]覺、寫歌、上MSN吹水、搵工
悠閒死了。

夜晚去教樂理同教琴， 嘉麗冇大問題。
Joanna 今日作死，佢爹親發火鬧到佢喊@@" + A_A
又唔使我出聲，後半闕又唔使我o徙聲拐氣XD。

臨走o既時候，Joanna 他娘請我食工人整o既炸雞，
見o係屋企冇機會食揚げ物（即係炸o野。唔係冇乜機會食，而係直頭未試過食。）
所以都食o左少々，唔太好味XP。

２００５／１１／１９　土
朝立又改o左時間學琴，朝頭早就好得閒，不過夜晚肯定趕到黐肺。
嘉麗都唔會有大問題咖喇，可以唔寫XD。
不過今日收到學費喇A_A，個半月-_-|||

返屋企瞌o左一陣就過海教朝立，今日開始教２級，所以要教４５分鐘。
之但係好彩我之後要趕尾班船過海，除非我遲到，
唔係都唔使補時間俾佢A_A。又有學費收A_A x2
死仔包今個星期又冇練琴，就o黎又要鬧人咖喇。
嘔完４５電之後又急々腳就去碼頭，
不過今計清楚連等燈時間只係要１２分鐘就可以趕到去，下次曉預時間喇。
過o左海就返屋企食飯，好彩唔係好趕，否則下次教晒o野返o黎先食。

食完返就出發去 Joanna 屋企，今日可能有開心事，
小妹々好似彈得都唔錯，雖然有時都係過度活躍，但係整體上都算好乖。
行返屋企o個陣發覺俾正話行上o黎o既時候凍o左o的，但係好舒服。
冬天終於o黎喇。

>>November 21, 2005 at 3:49:45 PM GMT+8

2005 年 11 月 17 日 星期四 【颳風】

囡々拎返份以前我整o既 Day of Our Lives 畀我，
有o的々懷念中學o既生活o添XD

雞春算數班o的學生又活不耐煩，
叫佢做又話好淺；
成堂一路問佢o地有冇問題又冇人應我；
行到埋去問識唔識又話唔使，叫我出返去；
坐o左o係度咁耐就一條數都冇做過；
放學鐘都未打就同我闌o左出去，捉返入o黎鬧夠本先放人。
小朋友，「欲速則不達」呀。

Ｘ＝仆街學生，Ｋ＝小弟

Ｋ：（火）咁你識唔識做呀？
Ｘ：唔識囉～～
Ｋ：（壓住o的火）我記得正話有人話好淺。
Ｘ：係咩？唔記得囉！唔好阻住我放學啦～～
Ｋ：（純粹八卦）去邊度呀？
Ｘ：出街呀！咪撚阻住晒啦！
Ｋ：（大火）咁樣答得我即係放學之後好得閒啦！
　　個死人屎忽同我黐實張凳，做四題先好死出呢個班房。
Ｘ：黐線～～禁錮呀～～
Ｋ：你即管走，我好歡迎你就咁闌出去，
　　不過你咁做加上你正話句粗口，
　　我聽日會買定花生坐o係校長室門口※熱※切※期※待※有o的乜事發生。

咪又係要死o係度做～～同我玩o野，我上年都仲係學生o黎咖，
同我玩？等你畢o左業先啦。
不過睇佢o地咁o既死款，上唔上到中四都可能要開個盤賭返幾手。
最後o個堂測驗我都唔敢想像佢o地會點死。

又要我鬧人，用中氣o黎鬧人真係好辛苦。
係鬧得好大聲，但係有後遺症。
頭暈不突止，把聲真係差o左好多。
為o左百幾兩一日而鬧到失聲的話究竟值唔值得？
我唔鍾意鬧人，但係我識鬧人，仲要係我強項，一出聲就想殺人o個隻。
雖然我o既底線係定得好低好低，低到有o的離譜，連我娘親都覺得我咁做人會好蝕底。
但係唔好諗住挑戰我o地底線，試得越低，就代表你越接近無底深潭。

>>November 17, 2005 at 11:57:32 PM GMT+8

2005 年 11 月 16 日 星期三 【微冷】



２００５／１１／１５　火
又幾日冇得用電腦喇，我細佬部 Laptop 究竟買o黎做乜春？
見佢用o黎都係睇下ＤＶＤ。我又要買 Laptop～～(/‵皿′)/︵ ┴─┴（妄想智障中）

晏晝返o左孵卵雞春算數班，Hea過。
放o左工之後就同囡々出o左尖沙咀通利睇聖誕歌書，
買o左一本有成百首歌o既琴書同埋一本講和弦o既書，埋單１７４兩。

夜晚教琴冇特別，唔特別寫喇。

２００５／１１／１６　水
今日只係夜晚要教琴，所以朝早可以o係屋企攤抖下。
玩o左陣遊p王ＤＭ２（唔係 DrumMania，係 Duel Monsters XDDDD），難打到媽々聲。
朝立他爹無端々打電話o黎委託我買 Grade 2 o既考試琴書，所以又要出多次尖沙咀通利。
１５：００ 落o左 UnDuexTrois 等埋四 A就一齊出o左去。
買o左琴書之後，就去o左金星打o左陣，
有ＤＭ５，但係一o的都唔好打，反光之餘鼓又 Set 錯位。
之後去o左河荷，打o左一舖ＤＭ同一舖太鼓，
Master Mode 好々玩 A_A。１８：３０搭巴士返歸。

※仆街對話※
娘：娘親，Ｋ：小々神原

電話突然怒響（《神打．初．魘》𩖸），神原接電話。
娘：（惡言相向地）衰仔，做乜倒o左兜飯？
Ｋ：（忽然呆o左）我……
娘：（打斷）你唔好講o左喇，返o黎先講。
Ｋ：（下意識）哦……
娘：做乜又唔講o野呀？
Ｋ：（又呆o左）o下？你叫我返o黎講嘛？
娘：遲返又唔打電話？
Ｋ：而家咪打俾你囉，屋企電話唔通嘛。
娘：（慶）早o的嘛～～
Ｋ：（口講）得喇～～返o黎先講啦。

　　心諗：
　　唔打就抵俾你話o左o者，
　　打又話我遲打，早o的打又話之後又唔打多次，一係話我早得滯，
　　你教我幾時打喇～～

返到屋企，發現娘親傾完電話冇擺返好，成個電話晾o左o係度。(/‵皿′)/︵ ┴─┴
又鬧錯人 :o)

返o左屋企，作o左個近乎完美o既藉口瞞騙過去，劇終。

今日行上九龍塘o個陣，好々風，凍々o地有o的々入骨，好舒服。
Joanna 今日好唔聽話，又發一發虛火喝住佢。成功A_A

>>November 17, 2005 at 11:56:06 PM GMT+8

2005 年 11 月 14 日 星期一 【晴】

今日好悠閒，悠閒到有o的離晒譜，
不過冇計，我星期一先 Dayoff，就發一日瘟啦。

傍晚忽然間有一股衝動唔想留o係屋企，原因無從稽考，所以求其作o左個藉口跟住出o左街。
去o左九龍城o個堆橫街行，跟住又返土瓜灣行o左陣，
之後去 UnDuexTrois 打o左陣炖，連打o左４舖ＤＭ。
第一次真々正々 Feel 到打ＤＭ係會[支力]咖喇XD
２２：００前後去o左倫記食晚飯，芽菜 + 河粉一「淋」一爽ｏ既配搭簡直一絕～～
（「淋」原字應該係「冖」＋「林」）
下次大家去食車仔麵o既時候都可以試下咁食。

Angelfire 近來又係咁 Check Direct-Link 喇，o的歌上o左半個鐘就俾佢剷o左 -_-|||，
有冇好o既空間介紹俾我放歌呀？～～T_T

v(AoA)<{T_T)　我搣、我搣、我搣、搣、搣XD　(T_T}>(AoA)v