2004 年 6 月 12 日 星期六 【酷熱】

今天我要比心機做功課。我的時日無多喇。


上午

有多少人在旁邊 我們都視而不見
彼此卻忍不住多看幾眼 感覺強烈


下午

有故事的人因為等，所以樣衰了。
竟然有一個男人說男友等女友是天經地義。初時我是不服氣的，暗罵他是不生性的傢伙。
但如果你要等的是你所愛的人，只要還有機會，恐怕你也等下去。心裡突然想起如果有一天因為天災橫禍，大家都不需要等對方，不需要想念對方，不需要付出給對方...那麼我會是什麼？我的心會很空。

忘記了一件重要的事，或是在我的潛意識裡對這東西沒有期望(由一開始那點火燃起，轉眼即滅；熄了的火如何可以轉瞬又燃起呢？)，是太早吧。算了。也許下一次的心血來潮吧。

"男人不該讓女人流淚 至少我盡力而為" 這應該是我第一次見到，第二次發生的事。

在種種的心情下，今日的活動不大愉快。當然心情解放了是今天最好的事情。

ps
買了QUEEN's sweet，又買了一個小單位(hee~)。

>>June 14, 2004 at 6:05:12 AM GMT+8

2004 年 6 月 11 日 星期五 【晴】

今日中午去了CWB攞贈品。真係贈品無好野，又攞左3件垃圾。
不過攞完3件垃圾後，老豆打比我話一齊去食Lunch。
於是我地去左鵝頸橋街市。老豆話佢有十年無去過，因為阿媽話果度污漕。
果間野叫「清真惠記」，位於鵝頸橋街市熟食市場，專買咖喱羊肉、牛腩、燒鵝。真係係好好味，可以去試下，不過得人地係回教地方，無豬肉食既，唔好攞景。果度其實都有d污漕，適合麻甩佬去食。下次等我得閒再去。

今日我又發瘟，去左PK店買左OJ同雪糕。

等左好耐，我發霉喇。我好苦。
Complaint: serious broken heart
A warning will be served to u due to the complaint. The victim is suffered from serious broken heart.
(23:45)
結果00:55先至返到。要投訴埋個的士佬。

(1400)

>>June 12, 2004 at 5:32:11 PM GMT+8

2004 年 6 月 10 日 星期四 【晴】

今日大鑊。「大事件」

KJ今日爆料，話說今日好姐叫左佢去conference room，話我同河馬仔拍拖，好驚訝。話我今次好受喇。......好姐又話我純品呀...哈哈！

又係八公占士喇。件事比左好姐知，真係會由七樓落到地下，連三唔識七既保安都知道。不過我同左KJ講唔好同佢地一樣咁八卦，話佢地班友成日都估估下，最鍾意吹水。結果KJ去左同我辯論澄清，希望咁樣可以止住好姐先。

其實比公司d人知道自己拍拖d野都幾麻煩。私事上有什麼起跌，都被人議論一番。私事又夾雜公事，私事影響公事，公事影響私事。

今日好早出左灣仔，之後等了好久......
河馬仔今日專登上車唔訓同我傾下計，幾好！

>>June 19, 2004 at 1:15:01 AM GMT+8

2004 年 6 月 9 日 星期三 【晴】

今日好利害，send短訊比米嫂話我想攞半粒鐘Comp Leave，掂左。
LUNCH時我去左同gordon、ron姐、winnie姐食飯，都係自己一個帶飯食好悶，所以我就搵下佢地。食完之後我地去左實惠，winnie想買個架返屋企擺電飯煲。中途我收左好驚訝既message，內容如下：
weiwei, all EA staff know our affair la, go details w/u later la.
原來有日我同河馬仔去amc睇明日之後時比丁丁撞見。最抵死係第一個發現我地既人唔係丁丁，而係丁丁個工人Jessica。Jessica見到我地時同佢ah mum話：yan yan yar。搞笑。佢地當時好似係坐係一間食館食緊野。諗諗下都好似好耐。之後係尋日佢地係度討論囉，然後蔡女今日就話比河馬仔知喇。我一於好少理，又當唔知囉。拍拖都係自己既事隉C唔洗同人地交代。總之自己對自己鍾意既人好d，愛佢。

結果我又可以偷半粒鐘陪下河馬仔。都係一齊去搭巴士去返學，中途又係益左我(見到佢訓得好，都好安心架；又或者有得睇住佢訓都係一種福氣)，佢又訓得好舒服喇。我地之後去左奧里花超級三文治食左個三文治同熱狗。然後6點5又話要上堂喇。我因為有d眼訓，都係返屋企等河馬仔喇，同埋做下自己功課。

石石話佢會defer，我死人都唔defer。因為河馬仔都讀得幾快，應該可以快過我畢業，所以我都有d壓力。真係遲黎先上岸。而且畢業後又可以做另一樣野。哈哈 ;p


今日又有一單野，簡直係深仇大恨，民族大義。
話說阿標同我地有d交易，阿健成日都左手左腳，又想插手(當然佢係想分一份)。我成日都好唔順佢。之前我都有一次蠢蠢地被佢擺上檯，JC同佢果邊Physics報吋。之前我一直都好唔奮氣，我好多時候都唔會見JC(一來我好忙，二來我都唔想見佢，一個好麻煩的女人啊)。不過今次我要醒少少喇。正常程序，我都問心無愧，我都係對事隉C

今次阿標個客據聞打電話來講左幾句，講阿標既不是。不過今次係阿健既個隻貓接。接左有事又唔話我知，自己去左話比JC知，JC諗諗下又話比Physics知，佢仲要話有事都唔會話我知，會直接同我上司知。都好如果佢話左，我老細叫我即刻做野，總之唔洗搞到上報紙先知先搞就得。明明之前大家簽晒名話有任何事要即刻通知上司，雖然有2個名比佢，佢竟然先搵我老細加鹽知。簡單複雜化，大家擺明唔妥對方，不過做左公司野先嘛。我好彩有個粒糖話我知，我即刻去話比米嫂知，又話比阿標個邊Q小姐知，叫佢打定去個客到follow up下。soft左果邊先，因為個投訴都係直指阿標個老Founder。阿健既個隻貓又係既明明既阿標d客，有問題都未輪到佢理喇，比番阿標搞就得，佢又八埋一份，真係立心不良。

我都希望佢會去話比加鹽知，睇佢地想搞咩野。我地依家準備收佢個場，佢就黎玩野。幾歹都保護自己。費事又比人過兩幢。真係懷念果時阿劉同小李，大家都合作得好好。我有時真係想叫阿健d客直接過去阿劉到，當然唔得喇。壇生意自己嘛，一於等到11月約滿喇。

>>June 10, 2004 at 2:42:53 PM GMT+8

2004 年 6 月 8 日 星期二 【晴】

今日發夢見到我將來個老闆係一個老人家，正一「一眉道人」。

我見到5:30就即刻走，因為我好眼訓。於是我就去左吉仔島睇下野。晚上我地就係去左虹橋飲野。我又有聽到加鹽話叫我去北京喎，傻架。

哈哈，尋日講下講下想係6月去旅行，不過22號又有龍舟，去唔成喇。諗下又話可以去到澳門(澳門都好喇，總之公司d人搵唔到自己就得)，之後又有提過去台灣。台灣都好，因為我完全未去過。我都好鍾意去一d自己未去過既地方，然後自己睇地圖搵食搵野玩。

晚上我又係超眼訓，不過今日又有一d精神寄託，就是去搵下去旅行d資料。好唔想做公司d野。口話眼訓，結果又係等埋先訓。無計。

>>June 10, 2004 at 3:15:47 PM GMT+8

2004 年 6 月 7 日 星期一 【酷熱】

今朝知道PN好早先訓，嘩好心痛喎。不過佢好似頂得住。

今日大致上平平安安。不過我都係唔係好想返工做野。
Ha, 我又唔記得要通知陳文華我地會施捨一日半日比佢，等佢可以用到我地既醫療車服務。
Lunch老師又請食飯，今日既話題係放假同結婚。CK話佢弟弟下年1月結婚，佢弟弟都係同我same age咋。施sir話問我知唔知一號風球，我話係都無用，又放工咯。

今日雞咁腳走左，同左PN又去黃金relax下喇。中途當然比PN休息一下喇，佢又賺左喇。今次去香香屋食星洲咖喱蝦，d蝦好味，咖喱太棘。之後我地又去行下坐下。我以為今晚食下飯早d走，大家又返屋企做功課，結果我地用左d時間來Relax

拍拖不是求分數。
"tell u one thing, my tear were dropped down when i was doing hw last nite,
around 4, thinking of ur support n it touches my heart."
微臣罪該萬死喇。

>>June 8, 2004 at 6:23:20 PM GMT+8

2004 年 6 月 6 日 星期日 【晴】

今日朝早用左一個早上開個無為既會。

中午急急地食左個彩玉既洋蔥豬扒飯。
之後去左洲際開會。
個會又遲30分鐘先開到。好彩個會都無咩大問題。
終於見到條Mou Lei Crystal Siu。佢條眉好樣衰。

開完會已經比預期遲左一粒鐘。於是我又急急腳跑去地鐵站，趕去又一城。
當然去又一城係為左見一面啦。
我地行下街，又食雪糕。

我7:15就要走。回程途中在地鐵企係度都訓到。
之後返到屋企食完飯10:00就訓。

>>June 8, 2004 at 1:48:46 AM GMT+8

2004 年 6 月 5 日 星期六 【晴】

Sleep today until 12:00 sth.

Then go out to have "Teabreak" b4 studying.

>>June 8, 2004 at 1:19:35 AM GMT+8

2004 年 6 月 4 日 星期五 【晴】

今日FW好似心情好左。

雖然今日我要~Kpowerpoint，但lunch同dinner都可以同埋一齊食飯。嘻嘻。

>>June 5, 2004 at 6:01:53 PM GMT+8

2004 年 6 月 3 日 星期四 【晴】

尋晚比人問我點解咁多問題。

今日放工之後去左仙跡岩傾功課，之後LK又有來，因為佢地之後去左個friend新居。

>>June 8, 2004 at 1:22:10 AM GMT+8