2004 年 7 月 26 日 星期一 【晴】

今日工作上又係比加鹽激死，要做開會文件喇嘛，口頭上已經有information，咁就要開始做野喇。等個屁。今朝kj問我要錢，我比左$100佢。結果今日中午，大家就有牛腩雜菜湯飲，萬歲！之後kj又回番$60比我，佢話大家五五分左佢。嘩！$80就可以滿足都我既口福喇。sc話下次又叫個盤菜黎食，kj話之前先剛剛過大暑，歇一陣先。

今日我又要探案喇。今次係查車輛損壞案。
我臨放工之前去左市中心二期停車場邊既保安室睇帶，因為機件原故明天再續。
因為以上事件，我可以唔洗直接reject叮叮。佢打黎話叫我幫手國際學生餐舞會，之後古女幫我接左回覆話要stock take，yeah！

今日返屋企途中突然諗起，Richard同Chloe、Lawman同華姐姐，可能係因為之前有一次係度離遠見到Richard同Chloe。Richard同Chloe又真係好幾男才女貌，天生一對。



___________________________________________________________________________________

一個大男孩的心聲：
...曲折的心情有人懂怎麼能不感動...幾乎忘了昨日的種種 開始又敢做夢...天地遼闊相遇有多難...都是有故事的人才懂得聽心裡的歌...就算下一秒坎坷這一秒是快樂的...曾經交心就非常值得...

我：我岩岩放工返屋企，你咩呀，依家去邊呀？
友：係呀，我依家返屋企。你最近好嗎？
我：你知道喇，很難形容，都很好。
友：哦，明白既，普通一般人喇。
我：就係喇，你呢？
友：都幾好。
我：係咩？好似唔係喎，你好似麻麻喎。
友：都係。
我：我一路都有留意下你，我有收風架(好彩我有個Son of the wind既朋友)，你比心機喇。
友：我會喇，好喇，走先喇。
我：好喇，byebye。

有故事的人講了他的故事，有故事的人聽了他的故事。最普通的一番對話不經覺間產生一刻共鳴，隨著對話完結淡忘於空氣間。今日回家路上遇上一個很久不見的朋友。大家已經兩年多沒見，上一次見面應該在我們同在一幢大廈上班，下著滂沱大雨的午飯時間，我在避雨的時候她怱怱在我前面走過。回想，現在的印象中她是沒有改變。在這兩年間，除了每年生日和一年365日各大小節日，我想我欠了她一次祝福和一次安慰。(算吧！我想我都會繼續欠。她也未死得嘛！)

純粹交情，觀點與角度，我不妨主觀一番：
她是七公主之中最耐看(美人兒吧)，有氣質。公主地位依然，有點壞脾氣，高不可攀，也不讓你高攀。
人馬座。其他人會覺得她好Emotional，在人馬座來說我是體諒的，只不過是有一些情意結。
火鳳凰---我記得她脫變的時候，我不得不欣賞她將自己放到最低，從新打造。
她精通廚藝(我又記得好做的肉桂茶和瑞士汁雞翼，成名美食不能盡錄)。
和我一樣，很有心思(人馬座吧！)。很喜歡收到她的禮物。
視狗如命。我有次伙友往嘗香肉，給她說殘忍。
我相信她相配的是那種如「柳情深」、「網球王子」一類的人，非一般男子可以相配。(有如此實力的人實在買少見少，所以我都有點擔心她，不過她有狗陪她可以了---我說了！她會打死我喇！)
看過她喊(只有看的份，女孩子的事少管，也不是我管)
看過她反叛(簡直是發皮四)
就算跌到谷底，大家都相信對方。
在於朋友(嘩！要特別標明)，收過她很多的明信片和很多的信(不外乎互相鼓勵，光明正大到可以公告天下)。可能大家都是人馬座的原故，永遠都覺得她要說的很有共鳴、很真、很自然。
由於是好朋友，我永遠推介其他人考慮追求她(不過那些「其他人」都要量力而為)。


公事繁忙或是這樣那樣，結論是聚少離多。所以如果有空檔的話，很想給她祝福。她不會佔我很多的空間，但她是特別的。可以的話，希望出席她的婚禮，也讓她來我的婚禮。

屈指一算，心中有些人我會很想看見他們的婚禮(想見到他們最後都很幸福，得到最好的)，她會是其中一個。


(1627)

>>July 27, 2004 at 5:55:12 PM GMT+8

2004 年 7 月 24 日 星期六 【晴】

今日訓得都唔錯，好滿足。
早上食左幾件Sara旦糕。之後出左去書展。

書展里面買左3樣野。其實去之前都無預計買d咩，不過我買既其中一樣野就係一見即買，唔洗考慮。果樣野好正！

其中一樣就買比自己，「我的心中每天開出一朵花」。

>>July 25, 2004 at 2:32:52 PM GMT+8

2004 年 7 月 23 日 星期五 【晴】

專登訓多一個鐘先返工。我眼訓。朝早去左同呀媽飲茶，有細佬加老豆。我阿媽問我，我咁多時間做野，咁少時間拍拖，我究竟係唔係真係拍拖。「真架！」
返到公司10點鐘，正！

今次搞health talk都幾順利，人數就少左d。
之後我地3點鐘去左pk cafe食tea。
之後我地又去左ln溫書。

chris仔中途打過電話比我，我地吹左45分鐘。又係關佢隻「馬」事。最後我都屈服左有條件地支持佢選「馬」。


__________________________________________________________________________________


爸：天空上面有d咩呀？
子：阿moon同星星。
爸：星星英文叫咩呀？
子：「是打」(star)。
爸：仲有d咩呀，殘住你隻眼果個係邊個？
子：阿sun囉。

>>July 25, 2004 at 2:22:14 PM GMT+8

2004 年 7 月 22 日 星期四 【晴】

慳d喇，我都知結果係咁。除非你好有把握講得掂，依家講完之後打草驚蛇，彎都轉唔到。空槍上陣...

今晚去左睇蝦你波特3。驚喜少了一點。
之前真氣頂，無拿拿佢又要去拜訪。真多得你唔少喇，加鹽！

好彩之後，我地都可以係6點幾集合。哈哈！我地去左anytime，食左黑汁雞翼、厚多士。hee~~
之後，我地去左戲院睇戲。坐我後邊個條友仔竟然叫我坐低d。「關你矮事！」
睇完戲之後，我懷疑我見到「黑珍珠文地」，就係2點位，相距1米。算喇，唔考究。

之後我地去左p ngan既帽店，間野叫LIDS。之後我地去左太平館，為左食瑞士雞翼同干炒牛河。味偏鹹，雞翼肥美。今晚要坐通宵車，勁睏。3時先訓。

>>July 24, 2004 at 5:53:54 PM GMT+8

2004 年 7 月 21 日 星期三 【晴】

一連幾日，做左好多要做既野。

星期一攞左個id 電視番屋企。今日離奇地第一次發生有人唔比錢走佬。結果我地叫左警察，佢地搵左個4442同埋51893黎。之後仲要阿k放工之後去cid果度落口供。

星期二LUNCH「無食飯」；夜晚做夜左少少之後去左兩合。兩合七月出左新菜色，士多啤梨骨、松子xxx。我地就食左個咖喱牛腩。又要賣獎卷，又要做好多野，自己果d都做唔晒，又要做埋粥佬d野。自問能力有限，我都係慢慢做。

星期三我叫左albert黎開會。我有時都覺得加鹽成日都有無理，好難解得佢明，都唔知係我問題定佢問題。之後我又要死死地氣同「屯門區建生邨食屎區議員---陳文華」地食既係洒霖。正一食xx。我無見過d議員咁功利，做好多野都係為左自己出名，d野未confirm就去同d街坊講之後逢星期日都有服務，服務你條命。我都未度掂星期日d人手，點出車呀。之前已經勉強我地出醫療車既服務，之後我話佢知佢個服務申請批左兩次咋，佢就走去老蕭果度投訴。個加鹽又係死死地氣去話安排比佢。我做埋我份喇。我成日都唔想幫佢做野囉。
晚上去了kfc，係避免熱氣的情況下，我地叫左7號+$13 燒雞翼2隻。
今日落雨，我地搭614p返。

22/7 今日就有一個「:o 'tong bin sheung lin'? Drink more water n prevent ur nose being dry.」
Then becomes an energic and naughty Ryan again ;)

中午同左老師、cls、古女一齊食lunch。cls期間提過好似好耐無見過佢，(我支吾以對)；老師又笑我訂左婚，(死喇)。今日聽七明講話小敏話死都唔貼獎卷，結果EA要幫佢地貼埋。早知我都唔貼喇，我都好唔夠人手。今晚又係好早返到屋企，食左個土魷蒸肉餅，非常好食。

>>July 22, 2004 at 4:32:54 PM GMT+8

2004 年 7 月 17 日 星期六 【晴】

本來諗住訓多陣，結果比表弟個電話叫醒。
表弟(Cousin Hung & Kin)打黎話上我地屋企玩。無拿拿我又做左一日保母，陪佢地玩左一日，又煮左飯比佢地食。

佢地有時打打下機話搞唔掂又搵我出手。佢又攞d暑期作業出黎問功課。
你又睇下識唔識？
1) 「龍門石窟」係邊個省？
2) 邊個省名又同時係湖泊名稱？
3) 「天下第一關」叫咩？



今日爹娘上左大陸，我都唔知添。

>>July 18, 2004 at 4:45:36 PM GMT+8

2004 年 7 月 16 日 星期五 【晴】

知道加鹽聽日返工，尋晚死都要做一d野，咪做到4點囉。
今日早上請左個半鐘去interview。
interview既地方係你去完可能今後都唔會去既。
我自己偷偷地早左15分鐘走。之後去搭西鐵到錦上路。
再轉71號小巴........去到元朗八鄉河貝村。
interview之後先知份工比想像中一腳踢，個office仲要係一間村屋里面，做得耐一定變村佬。
今次interview完都令自己知道自己d英文好差。
我都要去溫習下先。

interview之後返左去吉吉島，之後我同河馬仔去左意粉屋食ribs。吹左陣對公司既不滿----不過又確係茂利架。

之後我地去左lingdai溫書，不過我就全程都好睏。點都訓左一覺。
今晚我第一次叫左個吞撈(我以前未食過撈麵架)。

___________________________________________________________________________________

讀書時讀書，遊戲時遊戲。
因為有讀書，所以有小息。
小息對學生來說是很重要。
每天小息只有兩次，
每次小息十五分鐘。

你會點樣用你既小息呢？

>>July 18, 2004 at 4:17:15 PM GMT+8

2004 年 7 月 15 日 星期四 【寒冷】

今天有颱風，我地做operation既當然係要運用我地既應變能力，做最岩既決定。
一早打得果3號，照返工，又叫人照開工。
我即刻攞個收音機出黎聽(因為其他人返工時間唔可以聽收音機)。
我地一知道打成風，我地事前叫番d車返黎，驚塞車。
之後即通知協辦單位，叫停，又去通知街坊千祈唔好黎。
ps. 有條茂利中醫師竟然返到黎自己走左去打咭放工，搵到佢時佢已經上左屯門公路。吹脹。
衰極都比d面我，事前通知聲，未掛8號架。

之後放工，等到13:00河馬仔先走得。份工都好痴線隉A打風咪放工囉，彩佢都傻。

今日返到屋企，老豆已經約左阿麻、姑姐、姑丈、阿叔黎開局。之後晚飯我地去左酒樓食。

>>July 18, 2004 at 4:35:41 PM GMT+8

2004 年 7 月 14 日 星期三 【晴】

放左兩日假，真係心都今日散晒，唔係好想返工。
放工後我、河馬仔、米嫂一齊出去交功課。之後米仔又會合我地。
我地今晚去左時代廣場Shooters 52食晚飯。

>>July 18, 2004 at 4:52:06 PM GMT+8

2004 年 7 月 13 日 星期二 【晴】

又去左lingdai，不過今次去左兆康食早餐先。
今日都好犀利，完成功課喇。

>>July 18, 2004 at 4:48:07 PM GMT+8