2004 年 6 月 26 日 星期六 【晴】

嘩！今次要一次過講晒幾日發生既野，今次唔早d寫我驚我好快記唔清楚。


24/6 (四)

淩晨3點幾4點，剛剛做好左份部門structure，plan埋每個人做d咩。好鬼辛苦，想死，但係為左果度氣，點都要比佢知道我做都做到3點幾4點，佢迫得好緊。痴鬼線，點都要比人放下假喇。

訓左唔係好耐，我又係7點幾比人用電話叫起身(好彩叫左要morning call，否則die hard)。我地好早去左機場，我仲要比預期早添，都係為避左保娘上南京。好早就去左星不是，叫左個莫加同肉卷做早餐。愉快既心情出緊黎，不過首先打個電話比古女跟下d公司野，之後又打比”非食蕉Physics Chiu”。盡左力，盡左人事喇，所有野都自動波喇。古女又話我知死人占士又八八卦卦，叫左羅兆輝打去問我去左邊，死八公。

12:15 我同河馬仔上左飛機喇。唔好理熄電話，開始放假喇。首先我地都係睇下報紙，食左個強差人意既飛機餐(只得一個hamburger、橙汁、紙盒、紙巾、牙籤)，之後河馬仔係飛機訓左全程。上左飛機之後竟然發現唔記得叫古女收牙床，於是都要等落機打長途話佢知，失策！(直至我依家打野先記得番呢件事….又失策！)

去到台北中正機場，原來係個新翼，都幾靚。我地之後好似比人搵笨，搭左架大有巴去台北車站，又蝕左程的士。算喇，快d放低d行李先至算放假，況且我地都係第一次去果間酒店，剛剛又發顛地落雨。不過我地好彩落車至我地回程一直都無落過雨喇，lucky。我地於是去到西門町，成都路既成都酒店，都好近西門町個夜市。

我地休息左一陣，我地就去左鼎泰豐食小籠飽。我地去既時候係落錯車既，係忠孝新生落左。好彩我地問路時遇到一個好心既女人，佢教我地搭公車(佢同我地同路)，佢仲介紹我地去101果度食野，佢話好d喎。我地就搭2xx去左阿波羅大廈落車(下次係忠孝敦化出都得)。個女人又教我地可以搭公車212返西門町。

我地食左小籠飽、豆沙飽仔、紅燒牛肉麵、通心菜。紅燒牛肉麵、通心菜好好食，令我地全程都係有機會下都叫呢2樣野黎食。之後我地沿住捷運線行街街，去左太平洋sogo。台北既sogo都比到好多新驚喜，好似shiseido出左個男士護膚，仲有好多個日本牌子既化妝品我都未見過。河馬仔都好surprise，我地上到去女裝部，河馬仔已經望到眼金金。不過我地行完之後，河馬仔話女人錢真係易賺，但我又奇怪點解一d男裝都無。(各位生意人可以考慮下呢個生意)

我地之後即刻返去西門町行下，行左一d舖頭，去下誠品行。行行下見到d sales企晒係個counter門口，好鬼整齊，原來係準備放工。台北人真痴線，企係度等放工？因為到11點半鐘佢地收舖喎，我地返去喇。果晚我地返去睇左一齣西片，打仗既。河馬仔話早，眼仔唔眼訓(扭眼訓喇)。


25/6 (五)

早上11點幾先起身，好幸福啊！
我地去左西門町一間上2樓既caf讜食早餐。果間野既特色係有千秋櫈坐。我地叫左個餃子同個牛肉麵食。(小註：台灣d飲品都偏甜)
之後我地出發去九份。西門町→台北車站→(轉台鐵)→瑞芳→(轉公車)→九份。
其實台灣同大陸咪一鬼樣，富貴既富貴，窮既窮，你一睇佢地d車站咪知囉。我地上到九份，又見到成班”鴨仔”周圍走，阻住人又失禮晒。我同河馬仔就行得好自在。先食左3個類似茶果既野，有3種口味。之後又食左超大貢丸，成個乒乓波l咁大，佢地出名係魚丸之類既野，有三種丸，你見到佢粒丸咁大，一定忍唔住叫碗黎試。行到身水身汗，我地就去左個茶座飲茶---阿妹茶樓。叫左之後發覺圍番港紙都每位50大元，好貴。不過d野番黎時，佢果杯野都好大杯，又兼送一份茶點，好精緻既，抵番喇。又有睇悲情城市、昇平戲院。我地係九份就買左一d手信。之後我地又搭番公車落瑞芳車站，等左一陣火車，搭火車同捷運返酒店。(註：下次可以係九份直接搭公車返台北，有位坐之餘又唔洗等，不過就要坐好耐車。)

返左酒店換左33，我地又去左士林夜市！
搭捷運，劍潭站落。
嘩！簡直係勁(所以第三晚我地點都去多一次，為左買野食)。
我地今次黎既目的係食野，所以我地都好小心巡一次先。之後我地先食鐵板燒、炒花枝、蚵仔煎、BBQ香菇、臭豆腐。呢度只不過係士林夜市既臨時食市。值得一提係果個鐵板燒(蚵仔煎不提也罷，香港果d好味d)，有d似日式鐵板燒，佢會係你面前炒炒炒。我地都係見佢d手法好似表演咁，又炒又切。佢既牛柳、牙菜仔好好味，我地之後都諗佢d汁真係好秘制。我諗我地可以食到幾碗飯，成晚留係度食都得。
之後都係行下士林裡面d街，又食左一份燒粟米，不過可能係品種問題，好硬既。
最後我地走既時候已經11點幾，要趕車喇。不過我地又試左2樣好食既野，牛舌餅同果汁。
買果汁我地又有一個故仔。因為我地叫雙併果汁，我地諗左好耐，河馬仔想叫西柚同西瓜，人地都覺得好怪。結果佢建議我地apple + pineapple，味道十分好。牛舌餅就係一個驚喜，以為佢好普通，原來佢個皮好似老婆餅咁，好正。今晚真係好疲倦。


26/6 (六)

今日我地好早起身(9:00)，我地要去101大廈、國父紀念館、天母、淡水。
我地朝早去搭捷運到市政府站，再轉101大廈既shuttle bus。101大廈有個幾大既商場，有好多名店，不過果d野都貴香港少少。我地都照樣行，又睇下Tiffinny's 既果隻戒指，原來隻戒指有分男女裝。河馬仔話睇落隻戒指好似無咁厚，不過我地就唔記得呢度係唔係平d。之後我地去左一間日本料理食野---代官山。嘩！又幾好食，果度裝一流，我地坐正窗口位。我地食左一個"野菌+松子+海鮮+燴飯"、溫泉旦烤焙根菠菜(超好食，好過PK Cafe個忌廉煙肉莧菜)、xxx日式東坡肉......
由於今日成日都搭捷運，我地買左一日票。之後我地去左國父紀念館(記住係5號出口出)，撞正佢修葺佢個牌坊，我地照映！廣場的左右係國家戲劇院和國家音樂院，我地又映下喇。之後去到國父紀念館個正館，個傻瓜河馬仔叫左個日本佬幫手影相。雞同鴨講，之後個日本女導遊黎到幫手囉。我其實都有同河馬仔影相架，不過唔知點解我影極都影斜晒。我地上左好高既梯級，入到去。河馬仔又話點解有2個士兵公仔企係度，好似真人。我話係真人黎架。佢又話點解2個人都可以企到郁都唔郁。我話人地train過嘛。我地之後影左一d相，之後去左國家戲劇院下面個誠品過冷河，又睇下書。我地去買左2杯莫卡解渴，好難飲，無咖啡味好水，溝埋之後就係cream味。
我地之後去左天母。我地都好疑惑應該係芝山定明德落，以河馬仔經驗，芝山喇。之後河馬仔又有少少後悔，我地去搭的士，佢話好似上次係行去既，今次又好次好遠，搭搭下佢又話上次好似又係搭的士既。傻瓜！？去到之後又話熟路喇。
我地周圍行，簡單講天母區係一個水貨區。舖又係水貨，擺街又係。我係度買左一件33。本來河馬仔見到一件河馬33，不過無size，最後一件又太fit，無買到。不過果度d屋high class一d。好似廣播道果d(本來想話係九龍塘，不過未夠班喇)。我地都去左Haagen-Dazs。嘩！好靚。佢竟然出埋High Tea。我地揀左lemon / strewberry。輕輕鬆鬆我地坐係sofa上享受一番喇。 :)

我地去完天母又去淡水。淡水又比我地有d驚喜喇。一轉入條步行街，第一檔，我地就買左個花枝丸食，又行前d有串燒鵪鶉旦，一路行一路有野睇。因為週末的原故，有大群人潮(可能有好多都係香港人)。我地今次有食"阿給"、阿媽的酸梅湯、狀元糕(因為做果個師傅又好玩野，吸引左我地)、出到街口我又急不及待買左蝦卷同鵪鶉旦、買多一次花枝丸。我地去到食阿給果度，海邊黎既。我地又影下相喇。叫左一對男女幫我地影相，又幫佢地影下。日落呀，我地第一次係日落之下漫步。好浪漫啊！「日落之下你好可愛啊！」中途我地又行過一個扭旦舖(我地之前係西門町都有見到)。我地又扭旦，河馬仔要左個揹仔青蛙仔，我就有「雞蛋蛙」。行完淡水(其實可能仲有好多地方行)，天已經黑喇。今日河馬仔食到傻傻地喇，嘻嘻！我地都玩到傻喇。

我地之後諗住去台北車站行下。不過我諗諗下又心思思去左士林買下野食---牛舌餅同果汁。無所謂喇，一日票嘛。

我地去到台北車站，都係行新光三越，想買肉燥罐頭。之前係sogo見到但無買到，以為之後去到天母個頂好(即香港既惠康)或者新光三越會有，結果係無囉。我地又有睇下d遮仔，諗住買比米嫂(做下姐仔喇)。其實又係好多女仔野，之後我地諗去西門町睇下遮。我地去到又買串燒香菇。之後我地又去買鴨舌做宵夜(結果做左早餐)。然後我地去左誠品。本來我諗住算喇，都行過一間喇，唔好行喇。點知行過之後又確係好精彩，精品花多眼亂，又有好多新書。我地買左一張咭、兩本書。一本書比米嫂叫明天會更好；另一本係好有趣既，本來無諗住買，之後我忍唔住都係買左(我想之後寫下野送比河馬仔~~)。本書講兩個人相處，不同性格，因為愛大家所以走埋一齊......好sweet，我同河馬仔睇完之後都覺得好有共鳴。後來，睇過第一本書d字都好多，可能好深好麻煩睇。咁......送埋另一本比米嫂喇，呢本可以送比米仔同米嫂，等佢地都sweet下喇(之後我地可能朝早可以買過另一本咪得囉)。

今晚我地要執行李喇。


27/6 (日)

朝早9:00我地又起身喇。我地去左西門町一個街檔食早餐---魚丸冬粉、通心菜。
之後我地去買左鴨舌；誠品就11:30先開(咁遲？我地就要走喇)。

我地之後搭的去台北車站，搭機場巴士。去到機場又食下野，牛肉麵、通心菜。之後又食藍草莓cheese cake加莫加。今次既莫加就重咖啡喇。上飛機前，我又心思思去買左本星座雜誌。上到飛機，飛機餐又係漢堡飽，不過個飽好味d喇。

今次上飛機就同河馬仔傾計喇。我地又睇下報紙，又諗下寫d咩野係本書上比米仔同米嫂。
落左機(5:00pm)，我又心思思去送河馬仔返屋企。佢去剪頭髮，我就去活仔飲紅豆冰。
之後我地都8點前返去喇。玩左4日真係好開心。麗琪又有問河馬仔感情有無增進左，不過我地一向都好好(我一向都對佢好好喇)，只係覺得玩得好開心隉C


(完)

ps今程我比河馬仔有記性架，嘻嘻！

>>June 28, 2004 at 4:15:08 PM GMT+8

2004 年 6 月 21 日 星期一 【清涼】

今日點都食清d。

>>June 22, 2004 at 6:51:57 AM GMT+8

2004 年 6 月 20 日 星期日 【晴】

我今日返工時黑仔左一鑊，搭正架邨巴中途死火，撞正今日kj同古女都放假，有d擔心無人開門喇。今日古女放假，佢條友仔6月頭1st時間做既就係apply呢個假，好筍。算喇，我之後都有得放，不過我就好擔心28號同阿西宮開批鬥會喇。我今日又做左半個messenger，真係manager變messenger。

上午接近lunch time，加鹽話下午有野傾，又好似中聯辦又有投訴。痴線既，中聯辦、民建聯大晒咩。不過我同大家講，天下烏鴉一樣黑，有私心就唔多掂喇，唔好理佢咩野字頭。民主黨都唔好得去邊。

>>June 21, 2004 at 7:36:39 AM GMT+8

2004 年 6 月 19 日 星期六 【綿綿細雨】

一朝早(7點幾)，聽到房外有d動靜，知道要去飲茶喇，於是我隨手kam個hifi制嘈醒我細佬(我其實仲訓係張床度)。之後我細佬真係閃電咁換衫，又叫醒晒我同我細妹。原來我爹娘已經去左酒樓喇。今日我地都係飲下茶咋，我細佬比錢喎。

之後飲完茶，我爹娘去左行山，阿妹去左街，我同細佬都返左屋企繼續訓覺(又訓返3粒幾鐘)。之後下午就溫左一陣書喇。

下午河馬仔話可以早放學，所以我5點鬆D就出到CWB。我地今日都算行得多街喇，差不多3粒幾鐘。佢就有少少收穫，我就......(可以行咁耐街都算係大收穫喇)。我地今晚去左QC食飯，燒牛肉沙拉好，焗豬飽到食唔晒，隔離檯火爐餐好吸引，下次要試。

今朝我出街時本來帶遮，不過我阿媽話朝早落完雨，之後唔會落所以我就無帶遮喇。結果我夜晚走既時候就落大雨囉。落狗屎咁勁！可能我話我返屋企途中有瓦遮頭喇，河馬仔就無借把遮比我。結果今晚為左避雨，我行遠左好多路(至少10幾20分鐘)，都好我返到藍田時已經細雨左喇。我又發現行停車場平台過西鐵應該會快D。我都諗過如果河馬仔借左遮比我，佢返到屋企都好難交代喇。

PS 記得星期一放工去藍星買33。



(1440)

>>June 21, 2004 at 6:58:57 AM GMT+8

2004 年 6 月 18 日 星期五 【綿綿細雨】

發瘟地去左買MCD早餐，又貴又要等。本來想買老細果間奶茶同腸粉，但去到時間野執左。以後食早餐又少一個選擇。

晨早留留加鹽打黎話要幫粥佬整份speech/reminder，又spend左我一個上午。之後我又唔知點解唔食lunch做做做。中途又無聊仔去執下張檯，filing入下box files，之後又做下份speech。
之後去左悅湖山莊做乙型肝炎測試。識左一個標準既幫手叫阿恩，係屯門醫院做nurse但又出黎兼下職。今晚3粒鐘先做得26個cases，死得啦。不過又lucky地識左個做ups admin既AA，佢都好似幾把炮，佢話佢公司可能有機會幫staff搵benefit，可以call下佢地聯絡下睇下可唔可以合作下。我緊話可以喇。UPS有成600幾個員工，又有logistic firm，哈...大生意！

今日做做下都有個好無禮貌既女人投訴。佢一lun 咀廢話，我同佢係用佢個仔既電話講既。咪有得佢亂吠。我一於拎開個電話筒有得佢嘈。做投訴都係咁做喇，重要既都抄左，安慰又安慰左，我又留左電話，佢又懷疑我比假電話佢，佢都低低地。如果我係佢個仔我真係想死左去。不過又可能唔會，因為佢d仔女都可能同佢一樣。

今日無聊我又研究下阿怡條眉，佢條眉日日都要畫，日日都要5點幾起身開始妝身，仲早過我起身。痴線。佢又話佢得半條眉，又話之前去過}妞隉A不過又淡左。嘩真係多野。

夜晚食左銀龍，等左一陣又可以見下河馬仔。佢又賺到笑喇

>>June 19, 2004 at 6:50:05 PM GMT+8

2004 年 6 月 17 日 星期四 【晴】

今日好趕咁起左份abstract，雖然係古女做既，但去到我果度我都改得好辛苦架。
以為改完之後加鹽改得唔多咁都叫幾好，傻不知去到米嫂果度又改到飛起。
(不過改下人地d文章都幾開心架，改親古女果d文都一定有野改，改到你發瘟喇！)

今日車強icq我問我搵工搵成點。我只能答有心無力喇。不過都多謝關心。唔知道佢幾時會同kit kit拉埋天窗呢？我都想睇下。中午我去左太陽花攞空氣票兼宿票。果堆友仔慢吞吞，我又遲成30分鐘先返到公司。不過d野confirm左我個心就越來越開心喇。

忙了一整日，話5‧6走結果都總有d野做。joey lai仲話我點解唔覆佢，只係覆左無人聽隉C
放工之後去左CWB，約左coco、cc、jeff(條友仔去完旅行團講座先至黎)。我地去左泉章居。
可能係父親節的原故，人都幾多。不過我地無揀父親節套餐，結果我地等左唔係好耐就有位。
我地食左鹽焗雞、蟹黃西蘭花、士多啤利骨、海參x鴨掌......盛惠每位$100.-
之後我地又陪jeff去馬會收錢。佢話如果過左歐洲盃之後仲有錢淨就請我地食野。

之後我地分道揚鑣，我就去左灣仔搵河馬仔。河馬仔之前係我去完toilet之際打比我話比個機會我...嘻嘻。我當然會把握機會喇。今日都只係見得果一兩面。雖然要等，我今次又攞左古女份minute出黎做proofreading，越改越痛苦喇。鬼叫我好想見佢一面咩。今晚好夜先返到屋企，返到都已經2點。


ps
真係唔知肥pat pat知唔知自己咁衰格，佢返到屋企可以點樣面對老婆仔女呢？自己份功課做唔好就賴抄錯同學仔功課，又話同學仔有問題。低能仔就低能仔喇。我尋日都有懷疑老李好早都知d野，究竟佢幾時屈服於黑暗架？或者這又係生存的一種形態，「正義已死？」情況好似越來越嚴峻，人人堂既文化大革命，死得人多，清除異己，標立旗幟。真係去出家都死！

>>June 19, 2004 at 1:13:04 AM GMT+8

2004 年 6 月 16 日 星期三 【晴】

朝早好忙，忙得不可開交。肥pat pat 個咀臉好衰格，結果我刪左佢開會果段肺話。
八卦料：d人叫patrick wong做pccw。

今晚又係relax的一晚，不過旅行社又甩低。
放工之後行左一陣市中心，發現左一d新野，有一d新舖開左。
買左一對得意既電話繩，係四葉草同小星星。
原來甲蟲仔成日都跟住四葉草。送左四葉草電話繩比河馬仔，我自己就要左小星星。我地都用左條電話繩係條memory stick。
行街街又行過「它」，差d買左一件衫，不過件衫露點。

昨日心血來潮買了桂花紅豆粽比河馬仔，她今日給了我一段說話：
謝謝您的愛心"種"子，它們把您的心意傳送給我的家人。當我看到他們吃下您送的粽子時，我的心會像粽子一樣的甜 :>
而我就送上這張幸運"粽子"卡給您，收到後只會甜到漏，而唔會"食"到嚌， 嘻嘻 ;)

今晚發明左一個我地兩個人之間的一個遊戲，吸吸吸吸氣~~~~~我都係要讓2球喇。
真係好開心既 :)



(1424)

>>June 19, 2004 at 1:17:52 AM GMT+8

2004 年 6 月 15 日 星期二 【晴】

今日係好忙。又要搞Budget。
不過我都spend左一d時間去整我間"屋企"』 --- Little Frog's home
跟住我又買左St Anna既桂花紅豆粽。

我地夜晚去左元朗既元祿。好誇張，元祿出鐵板餐(西餐？)，居酒屋d小吃。
食完之後，發覺樣樣都唔好食。d野又唔新鮮，西蘭花又落得少芝士(咁都叫芝士焗西蘭花)，焗都焗得~I過頭。

>>June 17, 2004 at 5:24:47 PM GMT+8

2004 年 6 月 14 日 星期一 【綿綿細雨】

肥 Pat Pat又搞事，搞搞震無幫助。
今日出左去開會，都好欣賞陳榮濂點樣handle個meeting(當然在不計人格的前提下考慮)。
開完會，知道多左好多野要跟，時間已經到5點。
之後我去了又一城同河馬仔逛街。

我今日在又一城見到很多人：
amen, 允光, 阿興......

今天很早回到家。

_____________________________________________________________________________

記

很多事情可以去記。
當事情發生了，無論事情重要或微不足道，有人很容易記下，有人很容易忘記。
事情記下了，當有需要時引經據典，可以在爭執時舊事重提，可以是美好回憶，有時是你與某某同享的片段。

這邊廂是120、104、102、80；那邊廂是時間、人物、地點、事情。
可能當時人要抽絲剝繭，深入分析，用最精密的顯微鏡無窮放大；那人卻覺得不需要斤斤計較，不提也罷。

你有問題不是我的問題。為何你要我找到把柄？
你實在有很多的問題，我不說別人也會發現，所以我不妨把你的問題指出來。
上一次你也這樣對我吧，我是記得牢牢的。
你有問題就是有問題，讓最多的人知道，因為這是少有的機會。
你的錯多時，我的錯相比少了，大家都注視你的錯，多新鮮。
我很想知道你會如何招架，你的結局。最好你的結局是可笑的，我的心很涼。

忘記是為每一天都可以重生。
有人是一個容易忘記的人，或許是他習慣不把事情記住，也不敢記住，因為他越想越痛。
在生命中，他是一個永遠失敗的人。從前他看過一本書記載失敗的人。這書可能是叫人引以為戒，但對他而言，這書的內容就是他的縮影。
無論看書看電影，他都特別留意那些不甚成功的人。
曾經他相信「明天會更好」、「黎明之後會有曙光」之類的說話，睡一覺醒來，又是一條好漢，再接再厲。他相信生命中有會有被寬恕(至少世上有一個至親的擁抱可以包容)，也許有電視情節般的浪子回頭金不換。
人大了，人在社會浮沉和洗禮。
每個人都是計分員，計得分、出場率、穩定性、持久力。早上爭用洗手間扣10分，有吃早餐勉強加5分，出門遲了扣20分，準時返抵公司得5分，接每個電話計1分，完成每份工作按工時計每小時計2分，做錯事扣多多分(你賠不起)，多做不加分，自己可以偷偷給自己多些分，別人不扣分要偷笑了。一天裡究竟可以得多少分？
當他錯了一次，有人會說：「一次不忠，百次不用」。
所以百詞莫辯，他只有靜默。不竟對是對的原因，錯有錯的理由，沒人想做錯事。
如果可以選擇，他選擇做深海裡的一塊石頭，隨年月變得圓滑，隨年月消磨直至消失這空間。
石身石心，冷而堅硬。不會被凶悍的海魚吞噬，只會有海笞寄居。
不記了。不提了，少一次被奚落。學習看輕鬆吧。

_________________________________________________________________________________

從前有一隻驢，不小心掉進了一個深井內。驢的主人也想不到可以如何救驢上來。
驢只能感到無奈和絕望。驢的主人不忍心把驢留下，決定用泥把驢活埋。
驢面對四壁絕路，泥土一次又一次從上頭掉下，心裡已知自己離死不遠，心頭很重很重。

誰知泥土每次掉下，驢站在泥土上，漸漸越站越高。最後，驢因為泥土越來越高，很重很重的泥土把牠救了。


Orginal version:
有一天某個農夫的一頭驢子，不小心掉進一口枯井裡，農夫絞盡腦汁想辦法救出驢子，但幾個小時過去了，驢子還在井裡痛苦地哀嚎著。最後，這位農夫決定放棄，他想這頭驢子年紀大了， 不值得大費周章去把牠救出來，不過無論如何，這口井還是得填起來。於是農夫便請來左鄰右舍幫忙一起將井中的驢子埋了，以免除牠的痛苦。農夫的鄰居們人手一把鏟子，開始將泥土剷進枯井中。當這頭驢子瞭解到自己的處境時，剛開始哭得很悽慘。但出人意料的是，一會兒之後這頭驢子就安靜下來了。農夫好奇地探頭往井底一看，出現在眼前的景象令他大吃一驚：當剷進井裡的泥土落在驢子的背部時，驢子的反應令人稱奇──牠將泥土抖落在一旁，然後站到剷進的泥土堆上面！就這樣，驢子將大家剷倒在牠身上的泥土全數抖落在井底，然後再站上去。很快地，這隻驢子便得意地上升到井口，然後在眾人驚訝的表情中快步地跑開了！就如驢子的情況，在生命的旅程中，有時候我們難免會陷入「枯井」裡，會被各式各樣的「泥沙」傾倒在我們身上，而想要從這些「枯井」脫困的秘訣就是：將「泥沙」抖落掉，然後站到上面去！事實上，我們在生活中所遭遇的種種困難挫折就是加諸在我們身上的「泥沙」；然而，換個角度看，它們也是一塊塊的墊腳石，只要我們鍥而不捨地將它們抖落掉，然後站上去，那麼即使是掉落到最深的井，我們也能安然地脫困。本來看似要活埋驢子的舉動，由於驢子處理厄境的態度不同，實際上卻幫助了牠，這也是改變命運的要素之一。如果我們以肯定、沉著穩重的態度面對困境，助力往往就潛藏在困境中。一切都決定於我們自己，學習放下一切得失，勇往直前邁向理想。我們應該不斷地建立信心、希望和無條件的愛，這些都是幫助我們從生命中的枯井脫困並找到自己的工具。
請牢記以下五個快樂的小秘訣：
1.不要存有憎恨的念頭。
2.不要讓憂慮沾染你的心。
3.簡單地生活。
4.多分享。
5.少欲求。
珍惜擁有的，知足常樂也。

千萬不要：
忙的時候，想要休息；渡假的時候，想到未來。
窮的時候，渴望富有；生活安逸了，怕幸福不能長久。
該決定的時候，擔心結果不如預期；看明白了，又後悔當初沒有下決心。
不屬於自己的，常常心存慾望；握在手裡了，又懷念未擁有前的輕鬆。


(1415)

>>June 19, 2004 at 2:05:35 AM GMT+8

2004 年 6 月 13 日 星期日 【晴】

好歌



常言道鬥爭　緊握了拳頭
拳頭若放開　可擁抱四周
靜默放心裡　笑容隨左右
前途在你手　你找到沒有
常言道強闖　少不免逆流
人柔弱似水　卻可以載舟
命運會刻意　鍛煉你身手
但勤勞是你的　最佳老朋友

＊得失只一念　風景不轉心境轉
煩惱來自偏執一切　也依戀
風吹草動　命途亂了我不亂
交出了平常心　再隨緣

ｌａｌａｌａ～～～
Ｒｅｐｅａｔ　＊

萬物有天意　我們有雙手
來而後去邊　看一看便夠
ｌａｌａｌａ～～～
自在放心裡　往事留背後
無為是最高　你聽過沒有
自在放心裡　往事留背後
浮雲後曙光　看一看便夠


如果門沒鎖，在屋裡的人可以自由地闖出去，
如果門沒鎖，在屋外的人可以隨時來探訪。

想到了一個目標：品冠、she

>>June 14, 2004 at 4:26:41 PM GMT+8