2005 年 7 月 30 日 星期六 【晴】

唉...你地做咩迫我講場波踢成點姐................

冇呀...冇進展呀..

我諗唔可以急喇...急黎都冇用o既..這場波..又沒有時限

先當佢o係友誼賽囉...

可以維持友誼..總好過不瞅不睬啦...

我想我可以同佢好好...想令佢開心..

但係開心唔一定要係我帶比佢架姐.

人地可以令佢開心..就得啦..

就算自己..立於一個無動於衷o既角色..都甘心啦..只要佢一切還好..

破壞人家幸福..我唔想做...

咁我又唔係講到一定成功o既..!

只係..人地而家有幸福..我唔想企圖破壞..

只想從同佢交往中得到快樂而已..

++++++++++++++++++++++++++++++++

原來寂寞沒有妳的問候..任誰來平復也不夠..

5:56pm

>>July 31, 2005 at 10:04:51 AM GMT+8

2005 年 7 月 29 日 星期五 【晴】

今日唔使補課= ="...好yeah=v="..

都唔係好記得發生過d咩喇..

夜晚又跑藍田~~

已經係第五晚了..

今次同尋晚一樣..全程都冇停過..

仲跑得長過尋晚..

不過今晚又跑得慢小小..

臨尾小小仲有力爆100米= =""..

跑完之後o係啟田出面傾下計...

哈哈...

成日都係度望下望下........唉...

掛念死了..

夜晚超正!!..

五條友o係我屋企打winning..

嘈到拆天...唔係講小..好在我老豆老母唔o係度..

好在冇俾人投訴..

"喂!!未得呀..未開得呀........"

"罰球等我射!!!!!"

"4號仔....解圍呀..你做咩呀!""

"走位啦.....前面呀!...快D落底.....哎唔得呀...越位呀!""

"邊個4號呀..走到咁落..你冷靜少少啦..唔好憑靈感啦!!!!!!!!!"

"喂...地波....入面入面!!!!!!!YES!搞掂...""

"屌你..唔係咁傳呀......上面呀!!!!!!!!!!!""

"阿陳呀.......叫左你傳啦...太慢喇傳得..."

"都話左唔好出龍門咯!俾人笠死喇......豬西...""

"都話左呢D波一定要第一時間傳架..你咁樣冇可能入架!!!!!!!!!!!!!!!!"

"仆街...見唔見倒舒夫真高呀...走晒位喇..都唔俾..."

"1號仔你唔好留啦........"

"喂...包位包位...入面我睇....."

"喂..做咩無端端轉左人呀........."

"千其唔好俾佢過倒呀..""

"喂..慢慢黎...三打二呀!!!"

"龍門話冇問題!!!!!!!!!!!!!!!!!!!"

呢D就係我地尋晚o既小部份對白..

全部共通點都係大聲= =""


阿陳..= =",,整爛左個手掣..抵死..哈哈!!

玩到天光..傾左陣計....

訓覺= ="..

7月31日5點43分

>>July 31, 2005 at 9:04:58 PM GMT+8

2005 年 7 月 28 日 星期四 【乍寒還暖】

尋日唔記得打日記添...

尋日值得記低o既就係...終於都鼓起勇氣...番英文補課..

都冇野o既...李碧茵見倒我兩兄弟..

問我地...尋日去左邊..

我地話..唔知醒...鬧鐘鬧唔醒..

前日呢?佢問..

都係..= ="訓唔醒.........

之後前晚夜晚又跑步囉..

今次跑長左...跑去油塘果邊...再去廣田...之後一切路線如常..

停低左三次......跑到落斜...橫隔膜痛....攞命....

今日....又係有番補課啦..冇咩特別....

放左maths之後...3點幾..

去阿陳度打機...打打下阿明又黎...

走果時.......um.....見唔倒想見的.....

沒有緣沒法子....

之後...

夜晚......又跑藍田..

落雨心情仲好..

今日得三個人..

我...MY BROTHER..小西..

今日一定要一口氣跑晒...點都唔停低..........

我真係做倒....

跑到中後段...一大段落斜...即係健康院下面個消防局..之前..有一大條馬路...o係馬路邊跑~~

即係去觀塘果條啦.............

果度落斜..小西話加速...

我話一定要跟倒佢..

佢真係加速好多...都跟倒o既...果差唔多一公里斜路...跑完差十幾米左右啦..

克服左橫隔膜痛...我死都要跑...唔止要跑..我仲要加速..加速加到痛都唔記得左..

落斜...腳爭係咁野野到地...好傷...

之後跑完落斜..

到上斜....勁斜....攞命!!

係啟田道消防局....上健康院果條斜路..

差唔多500米上斜倒啦...

真係勁辛苦...又岩岩落斜加速..

上斜..攰到飛起..

但我唔想到最尾先停...我一定要挨埋..!!

太攰..我已經唔想慢慢跑...

因為仲有越長時間要跑..我辛苦o既時間就越長...自己亦可能頂唔順停低..

係最尾少少..但..我肯定...從未試過咁辛苦...

每一秒都想停低..但每一秒都冇低到..

我心諗..跑埋啦...

而家停..點對得住自己?

你跑埋落去..又唔會攰死....

一次過跑晒..唔停..自己都可以驕傲下喇掛...

結果..我真係跑得晒.....yeah!!!!!!!!!!!!!!

雖然...真係攰死...但我知..我可以挨多三四次...就可以挨落去..

我晚晚跑..無非都係為左咁姐..

唔通為左收心養性咩..!!

跑完之後同佢地幾條粉腸傾下計..~~~

哈哈~~~三間Adadas鞋萬歲!!!!!

哈哈哈哈哈......

唉...今次..慢了...

一子錯...滿盤佳落索..

今日有新句........

原來寂寞沒有妳的問候..任誰來平復也不夠..

+++++++++++++++++++++++++++++++++++++

2:20a.m

>>July 29, 2005 at 6:20:01 PM GMT+8

2005 年 7 月 26 日 星期二 【晴】

尋晚差唔多4點訓...

較定鬧鐘......聽日課..

點知....一起身...又係12點了= ="""""

我明明較左鬧鐘.........

點解...............!!><"

原來...鬧左好耐..我都唔醒..我細佬都醒埋..我都唔醒= ="..

之後佢拍熜左個鬧鐘....................

冇計啦...人地都嘈醒埋..自己都未醒....

唉..又番少左日英文了....

聽日都唔知點面對李碧茵...horrible!!!!!><"""

我想架咩...兩日都醒唔倒................

之後下午..補maths..

補maths俾我o既感覺係好得多..好輕鬆...起碼唔使咁早起身......

之後補完..去阿陳度幫佢整隻winning...順便打機..

之後搞掂晒...差唔多齊點走..

走果時見倒個朋友仔!!...嘻嘻..

一齊行陣and傾計..

lucky!!..XD

之後番屋企..玩左陣電腦..之後睇波..

睇完波..就繼續跑藍田...

我要日日跑呀...!!咁樣一定有進步!!..keke..

你要幫我加油呀!!!!>.<""

唉..諗起聽日又要補英文..

就好沉重......>"<.......................

00:36am

>>July 27, 2005 at 7:56:12 PM GMT+8

2005 年 7 月 26 日 星期二 【晴】

點解我好似..總是愛上唔應該愛上o既人??

3:31..am

>>July 26, 2005 at 7:31:16 PM GMT+8

2005 年 7 月 25 日 星期一 【晴】

今朝..訓到朝早唔知幾多點..起身....

本應要補英文..之後心諗...補乜鬼丫...功課又冇做....留力下次先補=.="訓覺好過啦..

之後...訓到12點...老母話..起身喇~!!!12點喇..唔使補課呀!!!咁..

佢淨係知道晏晝要補..唔知上晝都要補............呵呵

之後下午補補下maths..

聽倒一個好令人興奮o既消息..

就係...原來補到三點放得..本身以為四點...開心死!!

之後番屋企..冇野做............好悶.....

想搵人傾計..但好難..冇.....搵唔倒..

平時已經好依賴同我傾開計o既人...

可惜我發覺...唉...

可能自己online o既時間太多..太長...所以大部份時間搵唔倒人陪我..

一日悶三次...一次八個鐘...

九點幾十點...睇完波..嬲嬲地!...跑個藍田先!!

跑到我成隻dog咁呀= ="..

由KAI田7仔...跑到差唔多油塘...轉上去唔知邊度...

跑跑下又到左德田..之後到興田...跑番斜路落去....

再跑上斜路...去番健康院...上番KAI田7仔...一個圈藍田!!

聽日再跑..

++++++++++++++++++++++++++++++++++++++++++++++++++

對我好o既人...唔該...唔好突然對我唔好...

同我傾計o既人..唔該..唔好突然對我冷淡...

信任我o既人..唔該..唔好突然唔信任我...

讚我o既人唔好鬧我...

....................................

7月27日 1:30A.M

>>July 26, 2005 at 5:31:19 PM GMT+8

2005 年 7 月 24 日 星期日 【晴】

由呢篇開始..每個日記都要寫低時間..!好..


等我慢慢享受下呢個..冇人陪我..冇人嘈我..冇人煩我o既早上..

XDDDDD"


好..打完!!早上7時05分

>>July 24, 2005 at 11:05:32 PM GMT+8

2005 年 7 月 24 日 星期日 【晴】

其實明明我又唔係冇野做丫...

成日都有得去游水..踢波..

頭先12點幾仲踢波...踢到3點幾先番屋企添...

沖完涼又踢波= ="..踢完番黎又沖涼...

咁...其實...我到底想要d乜呀??

唉...有病喇你...莊家鴻..

你都有今日..抵你死!!

>>July 24, 2005 at 10:44:39 PM GMT+8

2005 年 7 月 24 日 星期日 【晴】

唉...連續幾日悶到發din..

成日玩電腦玩到好夜..之後訓到好晏..都唔知想點..

訓醒覺又係玩電腦..玩到我嘔.........

救命呀...

香香你不如唔好番大陸啦.........大陸呢排有病呀........

成日想搵人傾下計又搵唔倒..

++++++++++++++++++++++++++++++++++++++

現在還搞不清..心是否仍然在痛..

>>July 24, 2005 at 10:42:03 PM GMT+8

2005 年 7 月 23 日 星期六 【晴】

++++++++++++++++++++++++++++++++++++++++++++++++++++++++++++++++

八點半到左喇..

我一秒鐘都唔敢遲...

5分鐘前已經到左..

準時八點半..就見倒佢喇..

好yeah..我同佢又見面..

我發覺左一樣野..就係佢冇刻意打扮過..

就算要見我o既蛋散朋友..都唔會話整靚d呀..

因為原本就係咁靚...

佢話.."唉...我又跛左喎..又冇得踢..叫我睇你踢波...即係叫我悶姐..."

我就話喇.."唔係架..我今次唔係想你睇我踢波..係想介紹d朋友仔你識下姐.."

佢話.."咁介紹完我就可以走架喇??"

我話.."如果你想走的話囉..我會送番你上去~~~~"

講下講下..就到左球場了!!..

我事前冇同過我fd講架..

我到左..佢地已經黎齊....

佢地見倒有個女仔跟住我...目光就轉晒過黎..唔係望我..係望我身後o既女仔...

佢地都以為係咁岩姐..我唔識佢o既..

點知行到去佢地度..個女仔就係旁邊坐低左~~~

之後佢地幾個就圍住我..話...

"你識佢架???"

我就話喇.."你地走開啦!!介紹我新識o既女仔俾你地識~~~"

之後我就話.."等我介紹..呢班o係我班fd..呢個係bb..叫佢鋒哥啦..呢個係阿陳..呢個係阿ming..

仲有一個係柒騰..叫佢小西啦!!~~"

佢好似唔係好搞得清楚..."鋒哥......阿陳...阿ming....小西..............."o係度up..

之後幾條蛋散又拉番我過去...

bb話"........嘩...你就正啦...識倒個咁靚o既女仔.....屌你!!"....佢勁唔据...哈哈

之後阿ming向來係冷靜d o既.."咁你有冇打算媾佢呀?.."....佢好冷靜咁問我

向來最鐘意問人打左咇未o既阿陳就話.."媾咩丫....有冇拉人番屋企搞搞佢呀!..."之後勁奸咁笑..唔

使講..我即刻窩左佢一拳.......

之後我就話.."遲d再同你地講..."

之後走番去佢度..問"介紹完喇..你想唔想走呀~~~?"

佢就話.."唔想住呀..我睇陣你踢波先啦~~~~~~"

我心諗..@@"好..表演時間到...希望唔會踩波車啦-.-"

之後就開始踢喇~~~~~

+++++++++++++++++++++++++++++++++++++++++++++++++++++++

>>July 24, 2005 at 5:40:15 AM GMT+8