2003 年 9 月 19 日 星期五 【晴】

今日起身時間:12:00p.m.~~~~
早過平時好多~~~~
跟住上左慈雲山同個朋友傾D野~~~~
之後就出左尖咀搵另一個朋友傾同一樣野~~~~
之後番左屋企~~~~
有個朋友叫我幫佢做少少野~~~~
所以落左街~~~~
打左兩鋪機之後就番左屋企~~~~
睇黎好充實其實係好悶既一日.......

>>November 1, 2003 at 5:33:18 PM GMT+8

2003 年 9 月 18 日 星期四 【陰】

今日~~~~
一如以往~~~~一起身就兩點幾~~~~
打比個朋友諗住一齊行下尖咀~~~~
不過佢又唔得閒~~~~
咁既話我又吉出左一個下晝~~~~
又係睇電視同上網~~~~
不過今日有少少唔同~~~~
就係上上下網無那那cut左線~~~~
結果......
悶左一個下晝~~~~

一起身到下晝六點都未有野落肚~~~~
心諗橫掂一陣有波踢~~~~
不如踢之前去食飯啦~~~~
如果唔係一陣踢踢下波暈低左點算??
就係咁~~~~就搵左個朋友陪我落街食飯~~~~
點知0係黃大仙大家樂食飯見到我既其中一名偶像~~~~
佢就係----------"羅莽"啦!!!!
我除左細細個開始睇佢D戲之外~~~~
更有個朋友個樣好似佢~~~~
所以一邊食就一邊笑~~~~
比人見到仲以為我係痴線添架~~~~

之後去左踢波~~~~
禮拜五踢波真係好難有場~~~~
個個場都比人book晒~~~~
我地卒之去左五個場先有得踢~~~~
呢場係我地球隊首場冇左S級隊友既比賽~~~~
不過我地只係對住隊魚腩部隊~~~~
完全冇問題~~~~
亦都踢得好悶~~~~
算啦~~~~聖三一個場係D咁既質數架啦~~~~
都冇乜祈望~~~~

番屋企之後~~~~
諗住開電腦上下網~~~~睇下野啦~~~~
點知條線仲係連唔到~~~~
咁成晚流流長~~~~
就唯有睇"新紮師妹(I)"啦~~~~
冇計啦~~~~開左電腦又上唔到網~~~~
唯有睇戲解悶~~~~
不過諗諗下我有好多戲買左或問人借左未睇~~~~
好似有:"不死心靈","心動","Elva演唱會","哈利波特(I,II)"啊咁~~~~
而我今晚仲睇番睇過幾次既"新紮師妹"~~~~
點解我唔睇新野呢??

>>November 24, 2003 at 6:18:38 PM GMT+8

2003 年 9 月 17 日 星期三 【晴】

經過尋晚咁慘痛既輸錢遭遇後~~~~
我真係好想0係今日破戒~~~~
去盡情咁爆番日我戒甩左3年有多既粗口~~~~
不過細心一諗~~~~今日好似係我偶像生日喎~~~~
咁就冇理由0係呢D咁神聖既日子做D咁野~~~~
最後....就硬係保得住我既承諾啦~~~~
0係度我要祝我偶像生日快樂X青春常駐X大紅大紫~~~~
我偶像係邊個??
想知咪問我囉!!!!

因為尋晚睇夜波~~~~今日自然訓晏左!!!!(哈哈~~~~好順口~~~~)
一起身已經聽到部電視0係度"孖寶,孖寶~~~~"
噢~~~~又睇少左半集"老廟‧媽‧兄弟"~~~~
唉..........
之後"珍寶珠"又0係我屋企出現~~~~
冇見一排又大個女左~~~~
我都老懷安慰咯~~~~

夜晚一如以往咁返學~~~~
冇乜特別事~~~~亦都冇遇到明星~~~~
淨係見到白領儷人同翻版鄧萃雯~~~~
仲有大口黑牙媛~~~~
算數~~~~早D返去訓!!!!

>>November 1, 2003 at 5:31:01 PM GMT+8

2003 年 9 月 16 日 星期二 【晴】

今日夜晚同個S級隊友踢左場告別賽~~~~
因為佢要捨我地而去~~~~
遠赴英國留學~~~~
其實我地球隊之前已經有兩個隊員外流到英國~~~~
而且全部都係主力~~~~
我0係今日之前曾經話過要盡全力踢好呢場波~~~~
就當係為左向呢位隊友送行~~~~
結果~~~~好附碌地入左一球~~~~
不過都唔足以證明自己既實力.......
最後就係0係球場合照~~~~
影得真係唔錯~~~~
亞強仲笑到四萬咁口~~~~
咦??但係點解佢隻眼反橙光既??
唔通佢今晚撞到......??
想睇我地D隊相??
問我啦~~~~!!
如果我心情好既話會考慮下架啦~~~~!!!!

深夜時分~~~~
亞視直播歐洲聯賽冠軍杯外圍賽~~~~
祖雲達斯 vs 加拉塔沙雷
係人都知我係祖記fans~~~~
幾眼訓都要捧場啦~~~~
不過最衰就係有線冇得播~~~~
點解我唔想睇亞視??
畫面質數差都係其次~~~~
最過份既係亞視有位超級講波佬.....啊唔係,係足球評記述員~~~~
對於呢位評述員先生我就真係不敢恭維~~~~
佢就係何靜江先生~~~~
有人問我:"乜唔係黃興桂咩??"
我夠膽講句:比起何生,黃生既功力的確差九條街!!!!
黃生頂寵都係講下廢話啊咁~~~~
不過佢0係ESPN度做~~~~D資料都叫齊D~~~~
佢都識得話比我知入左波果個球員叫咩名,咩國籍啊咁~~~~
至於何生~~~~淨係識0係度嗌"3號好波","7號射波啦"咁~~~~
仲可以講到托迪0係祖記隊波度~~~~
球證吹越位佢又話有人犯規~~~~
而且仲成晚0係度V哇鬼叫~~~~
當時我部電視既音量只係開一格~~~~差唔多冇聲咁滯~~~~
點知祖記一個攻勢~~~~何生既叫聲夠膽死可以嘈醒我老豆~~~~
佢把聲有如森林中猛虎既咆哮~~~~
真係難為佢個名有個"靜"字~~~~
唔怪得有線唔同佢續約啦=.="
佢真係天才!!!!

唔知係咪比何生嗌一嗌~~~~
攪到我呢晚既運氣冇緊一大截~~~~
本來買既3串4:拉科(2.2)X國米(3.6)X摩納哥(3.55)~~~~
拉科果場開波後十多分鐘已有記錄~~~~
一比零領先~~~~
跟住國米又入3球~~~~
摩納哥又有2球~~~~
我就諗住"今晚掂啦!!"
點知拉科完場前比對手AEK雅典追和~~~~
直至完場~~~~
就係咁~~~~我既派彩就由$$1,3XX跌到落去得番$$255.6~~~~
0係我有生之年都最好唔好比我知道AEK入波果位球員係邊個~~~~
如果唔係我好難擔保我唔會做出一D過份失去理志既事~~~~
唯一既安慰賞就係祖記總算險勝對手2:1~~~~
不過真係好扯火!!!!

>>November 1, 2003 at 5:29:53 PM GMT+8