2003 年 10 月 19 日 星期日 【晴】

尋晚睇波睇到今朝~~~~
0係冇訓過既情況之下番學~~~~
再加上百病纏身~~~~
不過都好彩今日番三堂~~~~
好快可以脫苦海~~~~
番到屋企就係咁訓~~~~
不過呢種訓唔同一般既訓~~~~
呢種叫"臥病在床"~~~~
病到七彩~~~~有朋友打黎叫我踢波~~~~
熱愛足球既我竟然推左~~~~
真係冇力啦~~~~
不過~~~~夜晚都要騰番兩個鐘出黎做定D掃描~~~~
又要做......

>>November 1, 2003 at 6:27:41 PM GMT+8

2003 年 10 月 18 日 星期六 【晴】

唉......星期日啦.......
又要倒數番學啦......
真係命苦......

尋晚去左個朋友屋企通頂~~~~
(薯片+檸茶)x通頂=喉嚨痛------<1>~~~~
凶宅x通頂x著唔夠衫=病-------<2>~~~~
<1>+<2>x星期一番學=半條人命~~~~
唉......好懷念呢D formula~~~~
搵到答案果種心態係今年冇可能得到既~~~~
今年所做既野只會不停咁追求永無止境既完美~~~~
永遠都唔會有答案~~~~有的只是沈迷......
今日我晏晝點幾先離開朋友屋企~~~~
兩點番到自己屋企(我地住得近嘛!!)~~~~
沖左個涼再睇左陣"逃學威龍"就去訓覺~~~~
三點訓到七點~~~~起身坐左陣又睇波睇到通頂~~~~
好自由好享受既星期日~~~~

>>November 1, 2003 at 6:27:10 PM GMT+8

2003 年 10 月 17 日 星期五 【晴】

餓波餓左成個禮拜~~~~
今日卒之有波踢啦!!!!
今日好開心~~~~
亞Lo千里遙遙上左黎join我地踢波~~~~
勁好玩~~~~條死仔仲要0係我地環頭入三球~~~~
完成帽子戲法添~~~~
而我D朋友都不斷咁話:"佢真係好勁~~~~有佢0係度好似屈機咁~~~~"
哈哈~~~~真係好希望亞Lo可以以後都同我地踢~~~~
不過0係技術上的確有少少問題~~~~
佢住得咁遠~~~~加上佢本來都踢緊一隊~~~~
好似唔係咁好~~~~
佢仲同我講:"我0係我班朋友裡面算係渣架啦~~~~"
就係咁~~~~我就知道大圍同慈雲山既足球水平~~~~
的確係有一段距離~~~~

踢完波夜晚上左個朋友屋企睇波~~~~
睇下波又食下野又打下機咁~~~~
嘻嘻哈哈就過左一晚~~~~
完全將D功課都忘記晒~~~~
都幾好玩啦下......
唉......放假都要通頂~~~~
不過心態方面差好遠~~~~
哈哈~~~~呢日踢波真係開心~~~~

>>November 24, 2003 at 6:43:06 PM GMT+8

2003 年 10 月 16 日 星期四 【晴】

今日又係呢個星期既最後一日啦!!!!
YEAH!!!!
一早起身~~~~例牌同自己講番一句"がんばてください"~~~~
之後又換衫返學啦~~~~
今日返學要拎勁多野~~~~
因為今日有個projest要交~~~~
而我為左唔想0係搭巴士同人迫既時候比人迫爛我件object~~~~
所以我尋晚特登唔砌起佢住~~~~
留番今日lunch先砌~~~~
不過......唔知好彩定唔好彩~~~~
我今日搭既係一架------"吉車"~~~~
唉......我仲可以一個人霸晒三個位添......

返到去第一堂DT~~~~
我又一如以往咁~~~~
兩手fing fing唔做野~~~~
亞sir又問我:"你又唔搵野做啊??"~~~~
跟住我就好寸咁舉起隻左手~~~~
豎起隻食指~~~~
同亞sir講:亞sir,我親手指啊!!!!咩都做唔到啊!!!!
(好明顯係藉口......)
亞sir就冇鬧我啦~~~~
YEAH~~~~又過到骨~~~~

上完DT就到lunch hour~~~~
我地一大班男仔一早都預左唔食飯~~~~
一齊去晒library做野~~~~
不過我都好快做晒~~~~
之後幫亞Lo整~~~~
好彩佢都可以0係上堂之前做起~~~~
哈哈~~~~亞Lo~~~~
你爭我呢個人情~~~~
幾時還先??
之後上堂~~~~
亞sir要我地吊晒D作品出黎~~~~
然後個個人都要為佢件品做presentation~~~~
兩分鐘~~~~唔係好多~~~~
不過我都覺得自己做得唔好~~~~
一來冇預備到~~~~
二來0係聽完某D同學做完而即刻諗到既野~~~~
到最後都冇講到~~~~
而且講講下又唔知點解好想快D完~~~~
所以勁快埋左尾~~~~
完全唔似我平時覺得自己唔怕醜既性格~~~~
好失敗~~~~真係好失敗~~~~
其實我覺得似我既實力真係可以做得好D~~~~
無奈可能呢次係第一次~~~~
所以都係有D未想像過既壓力~~~~
為左我鐘意既你~~~~
我下次一定要做得好D!!!!

本來今日放三點半~~~~
但係因為交project所以放遲左勁多~~~~
五點幾先走得~~~~又冇得洗傷口......
算啦~~~~橫掂到等左成個禮拜~~~~
都唔爭在果個零鐘~~~~
中間有個十多分鐘既break~~~~
果時大概四點幾~~~~
我地一班飢餓既男孩們一齊去飯堂進食我地今日既第一餐~~~~
繼尋日多左兩碗免費叉燒飯後~~~~
我發覺左原來0係我地飯堂食野係可以唔駛比錢~~~~
我今日就享受左一個唔多美味既免費茶餐~~~~
唔駛錢~~~~都唔好咁咀刁啦~~~~
食左半個幾鐘先返入班房~~~~
不過最遲唔係我地~~~~
咁都冇咁瘀~~~~
入到班房亞照同我講:"你件作品好受歡迎!!!!"~~~~
我勁開心~~~~加上果刻亞sir仲特登走埋黎描一描我件野添~~~~
我就諗住:掂啦!!!!呢件野有機拎去展覽啦!!!!
有個miss話每班會揀出三件作品用黎展出~~~~
亞sir走埋黎睇我地D品~~~~
好快咁略過左我果件~~~~
跟住揀左三件~~~~冇我份......
個心沉左一沉.....
不過我都知衰0係邊度~~~~
唔係我idea唔得~~~~
相比起~~~~我覺得我idea絕對唔輸比果三件~~~~
我諗係我件野睇落太易爛~~~~唔夠結實~~~~
不過我都算好架啦~~~~擺到個好位~~~~
係一列作品既最前一個~~~~
其他同學仔可能擺位擺得唔好~~~~
所以冇咁多人睇到~~~~
跟住亞sir仲要叫我地千其唔好掉左件作品佢~~~~
叫我地拎返屋企好好收藏~~~~
可能第日會拎番出黎展覽喎~~~~
亞哥~~~~我件野佔左我屋企十分一空間~~~~
你叫我收得去邊??
真係要我晚晚攬住佢黎訓??
不過好彩~~~~我locker都夠大~~~~
只要略為粗暴D壓扁件野都放得落~~~~
咁就唔駛拎番屋企啦~~~~

結果到左真係放學~~~~
勁興奮~~~~諗住叫D同學仔一齊去蒲~~~~
佢班乖仔又話番屋企訓覺~~~~
到最後......都係要搵番以前班朋友先有得蒲~~~~
有得蒲~~~~唔好計較咁多~~~~

>>November 24, 2003 at 6:44:47 PM GMT+8

2003 年 10 月 15 日 星期三 【晴】

唉......呢幾日黎~~~~日日都唔夠訓~~~~
日日都返八點半~~~~再係咁實攪出人命~~~~
一朝早上TG~~~~又係畫野~~~~
今日D野都唔係咁難畫~~~~
好快畫完~~~~之後同D同學仔吹水~~~~
哈哈~~~~亞Lo勁攪笑~~~~
食晏時間又要食藥~~~~
佢地仲要好好彩咁呃多左兩碗叉燒飯~~~~
有得睇冇得食~~~~
不過同好彩~~~~可以坐0係果個位~~~~
正!!!!!!
D同學仔問我點樣整到隻手指~~~~
又話我包紮得好似個人頭~~~~
所以就比佢地畫左個樣上去~~~~
食完飯一齊活動~~~~
過半班人一齊玩數字球~~~~
好玩!!!!呢個禮拜D壓力都忘記晒~~~~
勁開心~~~~
玩完又要上drawing......
感覺到D壓力又番晒黎~~~~
聽野果陣我地成班都差唔多訓晒覺~~~~
玩數字球玩得好疲~~~~
之後分組~~~~原來我係同佢一組~~~~
YEAH!!!!上堂勁0係度傾計~~~~
完全唔知自己畫緊乜~~~~
唔緊要啦~~~~今日問到佢好多野~~~~
仲有問到最重要既一樣~~~~
就係----佢大個我......=_="

今晚又要出中環~~~~
IVE放四點半~~~~
要番屋企車程大概一個鐘~~~~
而我出中環要六點半落街~~~~
心諗:咁都有一個鐘頭訓下~~~~
唔駛咁疲~~~~
點知好衰唔衰~~~~
獅子山隧道撞左車~~~~
塞車塞左個幾鐘~~~~
訓著覺又驚唔知醒落車~~~~
卒之六點九先番到屋企~~~~
衫都換唔切就要出去~~~~
唉......

搭車出中環~~~~
0係巴士度訓著左~~~~
結果遲左幾個站落車~~~~
到搭地鐵番轉頭~~~~
仲因為遲到而聽少左野添~~~~
唉......

放學番到屋企~~~~
執埋D手尾~~~~
又諗住聽朝要迫巴士~~~~
所以唔砌埋舊模型住~~~~
費事比人迫爛~~~~
諗住聽日lunch hour先砌~~~~
所以今晚兩點就訓得啦~~~~
係全個星期最早可以訓既一日~~~~

>>November 1, 2003 at 6:24:22 PM GMT+8

2003 年 10 月 14 日 星期二 【晴】

今日係呢個禮拜裏面最清閒既一日~~~~
所以約左個朋友去睇戲~~~~
一放學就彈左出旺角~~~~
食完飯睇戲~~~~
睇完戲諗住去廣華洗傷口~~~~
點知又搵唔到門診部~~~~
淨係得中藥門診部~~~~
跌打咩??搵得黎又夠鐘~~~~
算啦~~~~又唔洗啦~~~~冇計......
之後同個朋友出左金鐘睇一睇"英國文化協會"D章程~~~~
冇計啦~~~~D英文咁屎~~~~
黎到今年呢班都係要惡補下~~~~
睇完返到屋企都散晒~~~~
訓左兩粒鐘又要起身做功課~~~~
呢晚又係四點先訓......

>>November 1, 2003 at 6:22:15 PM GMT+8

2003 年 10 月 13 日 星期一 【晴】

今日返十點半~~~~
所以今朝可以訓多兩粒鐘~~~~
一起身~~~~見到自己隻手指包到成條咸魚咁~~~~
唉......鬼叫自己唔小心咩??
除左賴亞sir都唔知賴得邊個......

上photo堂比于sir點左相~~~~
哈哈~~~~乜都入我數~~~~
今日photo堂課要影相~~~~
所以我地一大班男仔就齊齊大合照~~~~
不過Tommy未番~~~~所以佢冇入鏡~~~~
下晝上DS~~~~
睇見個個同學仔都拎自己件作品出黎show~~~~
自己冇得show之餘仲整親手指~~~~
唉......唔好提啦......

放學之後去左拎藥~~~~
唉......想洗傷口又過左時間~~~~
門診朝九晚五~~~~
而我日日都放四點半~~~~
點洗傷口??
開始發現左醫院D政策好垃圾~~~~
D人都唔知用邊度諗野~~~~
你只係開九至五~~~~
咁返朝九晚五果D人又點黎覆診??
然後去左買少少材料準備做功課~~~~
鬼咩~~~~整到手到要做架~~~~
根本冇得停......
拎左D材料返屋企又要第一時間過中環~~~~
過到去都冇咩特別野發生~~~~
淨係覺得好疲~~~~上堂釣魚~~~~
返到屋企又要繼續做野~~~~
勁夜先有得訓~~~~
咁又一日啦~~~~

>>November 24, 2003 at 6:38:52 PM GMT+8

2003 年 10 月 12 日 星期日 【晴】

今日又要重投返學既日子......
唉......
八點幾返到學校又未夠鐘上堂~~~~
就帶埋本"東TOUCH"上圖書館睇~~~~
差唔多夠鐘就上班房~~~~
今日淨係上三堂CS就走得~~~~
諗住好開心~~~~
點知原來今日係惡夢既開始~~~~
我一直以為冇乜野做既一科~~~~
原來要做個好煩既project~~~~
噢~~~~最憎做呢D~~~~
又要搵資料~~~~又要做object~~~~
又要做present~~~~仲要做report添~~~~
勁多野做~~~~
唉......

晏晝返到屋企~~~~
拿拿聲做定星期四要交果D功課~~~~
之後夜晚做聽日交果份~~~~
做到深夜點幾兩點~~~~
仲0係cut緊紙時候~~~~一個唔覺意~~~~
把cutter cut左我隻手指成狒肉出左黎~~~~
D血就好似音樂噴泉咁噴出黎~~~~
真係好多~~~~我成個彈左起身~~~~
一支箭咁衝左入廚房0係洗碗盤度滴血~~~~
都知道自己乃左野啦......
D血流極都流唔晒~~~~完全止唔到血~~~~
我阿媽見我咁就拿拿聲送我去醫院~~~~
0係搭的士果陣~~~~我完全唔覺得個傷口痛~~~~
只係不斷咁諗隻手幾時會好番~~~~
同埋交唔交得切星期五果份功課~~~~
覺得好唔抵~~~~
仲有阿爸阿媽咁緊張~~~~
又攪到佢地冇得訓覺~~~~
唉......心情極之複雜,不安......

到醫院之前都止左血~~~~
入到去做D好例牌既野~~~~
三點前都走得啦~~~~
本來可能因為趕功而冇得訓既今晚~~~~
就因為呢件事而令我迫不得意停低唔做~~~~
第二日冇得交都辦法~~~~
鬼叫自己整到手咩~~~~
呢個時候只有一樣野可以做......
訓覺!!!!
唉......不過我都仲係好擔心D功課......

>>November 1, 2003 at 6:19:58 PM GMT+8

2003 年 10 月 11 日 星期六 【陰】

今日又係訓到十二點幾比同一個人嘈醒~~~~
頂佢!!!!又係搵我踢波~~~~
我尋日咪話左我今日要想功課~~~~
唔踢得波~~~~仲要搵我??
唉......原來搵我問電話~~~~
頂!!!!明知我唔去得~~~~都唔知係咪特登打黎串我~~~~
算啦~~~~你搵人踢波都唔會有幾多個想去~~~~
況且你地班友仔冇波~~~~
上去踢手指啊??
點知自己0係屋企坐坐下~~~~
又做唔出功課~~~~
就打去問下其他人去唔去踢波~~~~
原來都有幾多人去~~~~
又有波~~~~聽聽下又心郁郁想去~~~~
心諗:橫掂我今日又做唔到功課~~~~
不如上去玩下啦~~~~
如果唔係平時返學咁忙~~~~
都冇乜時間同佢地踢波~~~~
應該0係放假既時候爭取時間出去玩~~~~
就係咁~~~~我就把心一橫上左去踢波啦!!!!

今日踢波覺得自己狀態極差~~~~
不過都爭取到兩個攻門~~~~
一球係接應"賓妹"既傳中~~~~
頭槌一頂之下~~~~斜出......
之後有一球係0係禁區內~~~~
大力抽射諗住入梗~~~~
點知中楣~~~~我真係白痴......
呢兩個黃金機會都把握唔到~~~~
唔知係運氣問題定係我渣~~~~
不過無論係邊樣~~~~
我都會當佢係後者咁黎處理~~~~
我一定要不斷練習~~~~
希望以勤補拙~~~~

>>November 1, 2003 at 6:19:05 PM GMT+8

2003 年 10 月 10 日 星期五 【乍寒還暖】

卒之比我等到啦!!!!
今日係唔駛返學既大日子~~~~
冇得頂!!!!又可以訓晏D~~~~
又可以去玩~~~~
happy~~~~
訓到大概十二點鐘~~~~
有個我好唔like既舊同學(我已經都唔當佢係朋友,甚至唔當佢係人)打黎~~~~
話有波踢喎~~~~
都好啊~~~~起碼唔會成日0係屋企冇野做啊~~~~
我又鐘意踢波~~~~正~~~~
佢約我兩點~~~~唔會掛??好多朋友都未放工架喎~~~~
約咁早做乜Q啊??
原來要就我地既靈魂人物----"球皇比達"~~~~
因為佢夜晚要返工喎~~~~
冇所謂啦~~~~反正冇野做~~~~
況且我都好耐冇同球皇踢波啦~~~~
好想欣賞下佢既表演~~~~
所以晨咁早就上左去~~~~
其餘D朋友話四點鐘左右會到~~~~
冇所謂啦~~~~咪上去猜住波先~~~~慢慢等~~~~
點知踢到三點幾~~~~
好境不常~~~~落雨......
拿拿聲打晒比其他未黎既朋友~~~~
叫佢地未出門口既話唔好黎~~~~
不過都有兩個朋友在途~~~~
唯有0係度等佢地啦~~~~
唉....落雨地濕冇波踢......
咁就三大個傻仔去左"老肯"搵個朋友~~~~
順便食野~~~~
勁肚餓啊!!!!成日未食過野~~~~
我對呢餐既感覺好似比佢救左一命咁~~~~
食左一陣果兩個朋友黎到~~~~
跟住飛起左兩個我地唔like既傻仔~~~~
之後就上左個朋友屋企打機~~~~
勁happy~~~~
不過冇波踢都硬係差緊D~~~~

>>November 24, 2003 at 6:33:54 PM GMT+8