2003 年 10 月 9 日 星期四 【乍寒還暖】

今朝一早起身~~~~
出到騎樓望出街見地下濕濕地~~~~
不過我地係決定左唔帶遮~~~~
事關我唔鐘意~~~~
去完廁所就開始換衫~~~~
心諗返埋今日卒之可以抖兩日啦!!!!
等左勁耐~~~~
之後就自己同自己講左句:"がんばてください!!!!"
跟住就去左返學啦~~~~
唉......樓下整路~~~~
每日返學都要兜勁大個圈先到巴士站~~~~
我有預感我總有一日會因為呢單野攪到遲到~~~~
頭兩堂好悶~~~~又係叫我地試下鋸野~~~~
不過都有D事令我幾開心~~~~
上完堂同幾個同學仔去食飯~~~~
雖然碗米粉勁難食~~~~
不過我咁大個仔都未試過食飯食得咁開心~~~~
之後又一齊去圖書館做埋功課D手尾~~~~
冇得頂!!!!
上堂一如以往~~~~
阿sir叫我地貼晒D畫上牆~~~~
我貼左上去冇耐~~~~
就聽到人地企0係我幅畫前面~~~~
不時發出"痴線"既聲音~~~~
之後又聽到阿sir對我其中一幅畫講左句:
"真係有立體既效果喎!!!!真係犀利!!!!"
0係呢一刻我好感觸~~~~
卒之都有人識欣賞我D畫~~~~
呢幾晚咁辛苦都係值得既~~~~
之後阿sir仲叫左幾個同學出去對D畫比意見~~~~
同埋最鐘意邊張~~~~講下點解~~~~
有一位同學揀左我既其中一張~~~~
仲講左點解會揀~~~~鐘意幅畫D咩~~~~
我真係好感激佢!!!!
0係呢度~~~~我要正式同你講聲:"多謝!!!!"
放學之後彈左番屋企~~~~
搵周生打牌~~~~
打左幾圈個半鐘~~~~
之後就落一落街~~~~
為佢而努力!!!!
夜晚上網~~~~因為今日比左ICQ比人~~~~
人地add我梗係要add番人啦~~~~
而且......
開左電腦冇耐~~~~
我發覺我對佢越黎越陌生~~~~
用得好慢~~~~因為實在太唔得閒啦......
同人傾左兩句~~~~
好開心~~~~
仲覺得自己好自由添~~~~
今日放學番屋企途中~~~~
13本來就係我既lucky number~~~~
而今年class number係13號既就係班長~~~~
佢的確幫左我唔少~~~~
真係我既幸運星~~~~
又諗起我今年既class number係23喎!!!!
咁咪係"碧咸"??
哈~~~~一定羡慕死我果個去左英國既朋友~~~~
心諗:下次佢打番黎要同佢講先~~~~
點知呢位朋友真係有打番黎~~~~
我就再駁3line比另一個朋友~~~~
多個人講長途抵D~~~~
佢同左我地曬命~~~~
話自己又可以去日本~~~~
仲係每次番黎之前都可以去添~~~~
頂!!!!羡慕死我~~~~
我既夢想極有可能成為佢既習慣......
唉......佢真係有錢......
就係咁~~~~
我就完全忙記左同佢講有關class number既事~~~~
算啦~~~~同佢要講比我知既事相比~~~~
呢件都係少事......
唉......
唉......
唉......
唉......
唉......
D人真係有錢......

ミウさん:格好いれ!!!!
大好きよ!!!!

>>November 1, 2003 at 6:13:46 PM GMT+8

2003 年 10 月 8 日 星期三 【晴】

今日上堂~~~~
唔好提啦......
氣頂~~~~上TG畫野畫到過晒鐘~~~~
冇時間食飯都冇咩所謂啦~~~~
呢位咁有教品既miss話行開一陣~~~~
帶埋個蘋果黎咬~~~~
比著係早兩年~~~~你睇我飛唔飛身去打佢~~~~
算~~~~我又忍你~~~~
而家我斯文~~~~講道德~~~~
之後冇break既情況之下上drawing~~~~
個死佬例牌針對住我~~~~
算~~~~忍埋你~~~~
唉......冇咩好講......

放學之後要彈上慈雲山收番尋日D影印~~~~
番屋企擺一擺低又要出中環~~~~
命苦!!!!
算啦~~~~係我自己揀既~~~~
我點都要頂住!!!!唔衰得比人睇!!!!
今日上堂一如以往~~~~
miss抄野,我就爭取時間釣魚~~~~
冇計啦~~~~今晚都唔知有冇得訓~~~~
跟住孔乙己班長哥哥玩傳紙仔~~~~
用黎寫低我地D聯絡電話~~~~
方便第日約我地BBQ~~~~
佢地一堆人睇到我個名之後研究我個名點讀~~~~
大佬啊!!!!你地讀左咁耐~~~~拼音都拼到出黎啦!!!!
之後"白領儷人"忍唔住開聲問我~~~~
我就照讀比佢聽~~~~
可能因為佢地嗌得我太突然~~~~
我feel到我塊面紅緊~~~~
不過都係幾妙鐘既事黎~~~~
冇人發現到掛......
落堂之後孔班長正式宣佈日期同暫定時間~~~~
11月2號禮拜日~~~~都ok既......
詳細野遲D再講~~~~
諗落我都好祈望呢次活動~~~~
離開班房之後"番版鄧萃雯"走黎問我個名點解~~~~
心諗:想知咪自己番屋企查字典啦!!!!
不過~~~~我都係懶有禮貌咁答左佢~~~~
做人~~~~都係唔好咁串好!!!!
本來有個朋友約左我放學之後去食飯~~~~
打番比佢原來佢唔舒服~~~~
都好~~~~咁可以早D番到屋企做埋D功課~~~~
希望可以早D抖~~~~
搭地鐵時0係度諗~~~~
今晚要做到幾點呢??
唔知有冇得訓呢??
唉......就係咁~~~~
晚上11時正才以極度疲勞的身軀踏進懷念以久的家門~~~~
沖完涼食完飯都12點幾~~~~
開始做功課啦......
唔知係咪比"白領儷人"同"老番鄧萃雯"撩左一撩~~~~
對D功課勁有idea~~~~可以快D收工~~~~
不過都要做兩粒鐘~~~~
計計下都有四五粒鐘訓~~~~
好過冇啦~~~~

>>November 24, 2003 at 6:32:27 PM GMT+8

2003 年 10 月 7 日 星期二 【晴】

今日係今年首次上英文堂~~~~
感覺~~~~好難形容~~~~總之覺得死硬......
上完英文上電腦~~~~
呢科又係一科殺人唔斬眼既科目~~~~
我諗淨係做呢科既野~~~~
我人生又會短兩年命......

放左學就梗係番屋企~~~~
尋晚咁夜先訓~~~~
今個下晝唔洗上堂~~~~
我番到屋企就梗係搵老周打牌啦!!!!
點知諗諗下~~~~
我份功課後日要交~~~~
而我聽日又全日都唔得閒~~~~
諗落做定都差唔多~~~~
就係咁我就彈左起身~~~~
去彩雲搵個朋友幫我print野~~~~
跟住順路去埋影印~~~~
點知縮圖要第二日先有得比到我~~~~
咁我咪要聽日先做到??
手頭上只有幾張nomal size~~~~
唉......做一張都睇怕夠既~~~~
做住先啦~~~~起碼聽晚可以訓早少少......
就係咁~~~~我一路睇我舅父主演既"O記十六"大結局,一路做~~~~
都算做好一份啦~~~~
唉......諗起聽日......

>>November 1, 2003 at 6:11:55 PM GMT+8

2003 年 10 月 6 日 星期一 【晴】

今日~~~~就0係返學果條路上~~~~
卒之見到識左唔知算唔算好耐~~~~(根本唔知幾耐~~~~)
間唔中一齊踢波~~~~
而佢又勁我好多既足球天才----"黎佬"~~~~
開左學成兩個禮拜先見到佢~~~~
真係耐左D~~~~
見到佢又諗起我今年既其中一個目標~~~~
"提升球技"~~~~
不過如果真係要勁過"黎佬","歐佬"呢D咁既S級球員~~~~
睇怕以我既進度~~~~十年之後都未必得......

頭兩堂係photo~~~~對住"于洋"~~~~哈哈~~~~
同佢有講有笑~~~~得閒又串下佢,又比佢串下~~~~
嘻嘻哈哈咁就過左兩堂~~~~
食飯時間得一粒鐘~~~~
有個同學仔因為趕功課而唔食飯~~~~
我橫掂唔肚餓~~~~又想慳番D錢~~~~
所以陪佢一齊去左圖書館~~~~
我橫掂睇完本"東Touch"~~~~
咪搵D今晚要交日文功課出黎做~~~~
點知~~~~有一個身影企左0係我隔離~~~~
企0係度睇左我寫左成分鐘野先比我發現到~~~~
我抬頭一望~~~~原來係一位貌若天仙既姐姐!!!!
佢用溫柔既聲線問我:"咦??乜你學日文架??好犀利啊!!!!"
我就答佢:"哦!!係啊!!係啊!!"~~~~
佢又話:"其實我都好想學架~~~~你係0係邊度學架??"
之後就係咁~~~~
我就同佢講左我學校0係邊同埋比左電話佢啦~~~~
呢單野~~~~0係我隔離埋頭苦幹既同學仔睇得一清二楚~~~~
哈哈~~~~阿陞:你唔恨得咁多架啦!!哈哈~~~~
不過之後我做做下功課~~~~
我班果件豬扒無那那走埋黎叫我幫佢剪野~~~~
FXXK!!!!算~~~~我忍你!!!!
之後上DS~~~~如我所料~~~~比阿sir鬧到狗丙~~~~
預左......

放學之後彈左番屋企~~~~
搵周生打左兩圈用左個餘鐘~~~~
之後又要彈出中環啦......
搭車出去期間~~~~餓到爆!!!!
仲餓到好頭痛添~~~~
咁先記得我今日全日都未食過野~~~~
再係咁落去唔暈就奇~~~~
落車見仲有幾個字先上堂~~~~
就過左隔離食"老肯"~~~~
頭痛冇晒~~~~可以尊心上堂啦~~~~
放左學突然好有興緻彈左過銅鑼灣~~~~
諗住買本書~~~~唔知係咪間野冇再入呢本書~~~~
攪到好多期都買唔到~~~~
諗住0係底層搵番兩隻最新一代Teddy Bear~~~~
又冇~~~~果時又夠鐘打烊啦~~~~
結果......今日0係銅鑼灣一D斬獲都冇......
悶悶不樂咁返屋企~~~~

>>November 24, 2003 at 6:29:04 PM GMT+8

2003 年 10 月 5 日 星期日 【晴】

今日本來要返學上三堂文化~~~~
不過早兩日miss打黎叫我地唔好返~~~~
因為佢唔得閒喎~~~~
不過唔知點解~~~~miss話佢係第一個就打比我~~~~
又話自己手頭上淨係得幾個電話~~~~
我就諗:我又冇比過我電話佢~~~~
加上我學號又係全班最尾~~~~
點解佢會有我電話同埋點解佢會第一個打比我呢??
真係莫名其妙~~~~
唔理啦~~~~唔駛返就算啦~~~~
所以~~~~今日就好乖仔咁留0係屋企做功課~~~~
本來我班隊友都約左今晚踢波~~~~
不過唔夠人所以冇去到~~~~
就0係咁~~~~本來充滿節目既一日~~~~
最後就淨係可以留0係屋企做功課~~~~
就係0係呢一日~~~~我發現左我對呢D功課真係冇乜興趣~~~~
做得好冇心機~~~~
預左比人鬧......

>>November 1, 2003 at 6:09:10 PM GMT+8

2003 年 10 月 4 日 星期六 【晴】

今日完全冇野值得記低~~~~
唉......最枯燥的一天!!!!

>>November 1, 2003 at 6:08:44 PM GMT+8

2003 年 10 月 3 日 星期五 【晴】

今日~~~~
兩點幾同個朋友上慈雲山食飯~~~~
然後一齊踢波~~~~
今日好開心~~~~可以打前~~~~
本來狀態唔差~~~~不過總係爭埋門一腳~~~~
結果......又食白果......
今日我地隊入波既只有一個~~~~
就係壽星仔兼我表弟~~~~
踢完波之後返左屋企~~~~
睇下波上下網咁又一日啦~~~~
都幾枯燥......

>>November 1, 2003 at 6:08:15 PM GMT+8

2003 年 10 月 2 日 星期四 【晴】

今日係呢個禮拜最後一日school day~~~~
yeah!!!!
不過唔知係咪尋晚飲左包檸茶~~~~
今朝一早起身就胃痛~~~~
好辛苦~~~~
上左兩堂無謂野~~~~
lunch hour足足有兩個鐘~~~~
同班同學仔去食飯~~~~
食完仲有個幾鐘剩~~~~
一個二個話做埋D未做完既功課~~~~
得番我同另一個做晒冇野做~~~~
就0係佢地趕工期間~~~~
我下意識咁講左句:"早知我都留番今日先做啦!!!!"~~~~
唉......你明我意思啦!!!!
之後好彩亞sir都對我D畫講左兩句好說話~~~~
條氣都順番D~~~~

放左學之後有個朋友第一時間打比我~~~~
叫我上去慈雲山買野~~~~
我其實約左周生打牌~~~~
不過都係做左緊要野先~~~~
點知上到去未有得買~~~~
佢突然話好想篤波~~~~
睇黎佢上左隱啦~~~~
就係咁~~~~叫多左兩個朋友上黎一齊玩~~~~
之後六點幾番到屋企~~~~
累到死~~~~不過又唔知點解唔想訓住~~~~
可能因為今日買左隻新碟~~~~勁正!!!!
聽聽下歌又開左部好耐冇開既電腦~~~~
唉......久違了的電腦:全因功課,令我不能與妳接觸......
sorry~~~~

結果......
我都係要夜晚兩點幾先同到周生打牌~~~~

>>November 24, 2003 at 6:26:59 PM GMT+8

2003 年 10 月 1 日 星期三 【陰】

今日......
番學上完drawing堂~~~~
又有功課......
又咁多野做~~~~
頂佢!!!!
上堂又要做classwork~~~~
放四點幾~~~~返到屋企~~~~
累到我死!!!!
夜晚仲要返中環添~~~~
唉......
想抖下都唔得~~~~
番到屋企訓左幾個字又要出去~~~~
中環上堂就冇咩特別~~~~
不過又測驗~~~~
都唔係咁難~~~~
不過最開心都係放學之後離開之前~~~~
我地班既"孔乙己"同miss提出不如全班一齊去燒野食~~~~
幾好ar~~~~咁樣可能令到我同呢班同學熟絡~~~~
因為年紀相差與及座位位置既問題~~~~
令我一直都好似自閉咁~~~~
唉......希望呢次之後會同佢多兩句野講啦~~~~

放學番到屋企都成十點半~~~~
沖完涼食完飯都十一點幾~~~~
仲要做功課添~~~~
唉......
今晚要四點幾先有覺訓......
第二朝又要返八點半~~~~
唉......

>>November 1, 2003 at 6:05:40 PM GMT+8

2003 年 9 月 30 日 星期二 【晴】

今日國慶~~~~真係好"興"~~~~
本來早幾日約好晒今日踢波~~~~
個個都話去~~~~
點知今日再打番比佢地~~~~
個個都......
結果得番幾個~~~~
唔夠腳踢唔成~~~~
唉......

夜晚冇咩特別野發生~~~~
只係一個好普通既做功課夜......

>>November 1, 2003 at 6:04:08 PM GMT+8