2003 年 11 月 6 日 星期四 【暴雨】

今日係今個禮拜最後一日~~~~
好想快D上完堂~~~~
番屋企訓~~~~
因為返學返左咁多日冇覺好訓~~~~
好想番屋企玩昏迷~~~~
第一堂玩陶瓷~~~~
今年第一次玩~~~~
幾好玩~~~~初初覺得會整到隻手好污糟~~~~
原來唔係架喎~~~~好易洗得甩~~~~
幾好玩~~~~不過一年得兩堂太少啦~~~~
之後一大班同學去左飲茶~~~~
好開心~~~~好想以後都會一大班人出去lunch~~~~
因為......
之後上DS堂~~~~
亞sir卒之都睇我地D作品同畫~~~~
我好有自信咁叫亞sir幫我比分~~~~
佢竟然比得一個B,兩個C我~~~~
我勁"興"啦~~~~我做得咁辛苦~~~~
你比咁低分??唔係啊??
唔知係咪我平時駁咀駁得多~~~~
所以印象分差~~~~
問佢佢就梗係話唔係啦~~~~
不過呢件事令到我今日真係好認真咁考慮有關退學既事~~~~
唔通真係天份問題??定係真係亞sir針對我??
唔知啦~~~~
經過今日~~~~我發現左一樣野~~~~
就係:
讀Design呢科~~~~
努力同分數,係唔會成正比......

放學之後我懷住不安既心情~~~~
頭暈眼花咁番屋企安息~~~~
真係好疲~~~~
夜晚同兩個朋友上左慈雲山踢波~~~~
佢地兩個呢排不斷練波~~~~
勁左好多~~~~
真係好開心~~~~
隊中仲有人真係鐘意踢足球呢種運動~~~~
令我更加想令自己變得更強!!!!

>>November 10, 2003 at 7:57:21 PM GMT+8

2003 年 11 月 5 日 星期三 【晴】

今日本來係返八點半~~~~
但係由放個Miss話唔得閒~~~~
又改堂~~~~改去下個禮拜一~~~~
所以今日只係返三堂~~~~
一點半先上堂~~~~
不過唔知點解~~~~
班長咁好興緻約我食lunch~~~~
我見冇咩做咪同佢一齊食~~~~
打好D友情牌麻~~~~

食完飯之後上drawing~~~~
今日又要畫野~~~~
係一樣好難畫既玻璃樽~~~~
仲要自己out door取景~~~~
坐0係出面又比D行過既人望住晒~~~~
周身唔舒服~~~~
好就好在唔駛對住個亞sir~~~~
都好過0係入面畫~~~~
畫完之後入番去睇下自己之前果份功課~~~~
頂啊!!!!要redo啊~~~~
不過我今次冇唔妥個亞sir~~~~
因為我都知道自己真係做得唔好~~~~
唯有做過啦~~~~

夜晚又係過中環~~~~
真係好疲~~~~
冇咩特別~~~~
之後番屋企整聽日要交既泥膠~~~~
好快做完~~~~
咁又一日啦......

>>November 10, 2003 at 7:33:56 PM GMT+8

2003 年 11 月 4 日 星期二 【晴】

今日~~~~上英文堂果陣~~~~
我拎番張用黎記錄BBQ果日D收數記錄出黎~~~~
仔細一睇~~~~原來我數錯人頭~~~~
本來十七個人去我竟然數左十八個人~~~~
除番開每人四十幾蚊~~~~
我又差唔多收晒成班D錢~~~~
冇理由每人收多三蚊架~~~~
所以多出黎果四十蚊~~~~
我要自己貼......唉......
一諗到呢度~~~~我即時冇晒心機上堂~~~~
隔左一陣~~~~有個同學同我講番尋晚D波~~~~
佢同我講番晒D比數~~~~
先知原來我尋晚買果條波過晒關~~~~
贏左三百幾蚊~~~~
知道之後成個人唔同晒~~~~
勁有心機上堂~~~~
突然覺得收少左果四十蚊唔算係錢~~~~
心裡面諗住:
收少左果四十蚊~~~~就當係馬會請大家食薯片~~~~
哈哈~~~~一分鐘之前好似生意失敗咁既樣~~~~
一分鐘後就生龍活虎~~~~真係......
一句講晒~~~~開心~~~~
之後上電腦堂~~~~
冇咩特別~~~~都係得個"忙"字......

夜晚0係屋企畫埋幅掃描佢~~~~
唉......我都唔識畫~~~~
畫到成舊屎咁~~~~
自己都唔知自己畫左D咩出黎~~~~
再係咁落去唔係辦法~~~~
點算??
有冇人可以教我畫啊??

>>November 10, 2003 at 7:35:42 PM GMT+8

2003 年 11 月 3 日 星期一 【晴】

今日本來係返十點半~~~~
但係因為要做埋尋晚未做好果份功課~~~~
所以大清早八點半就起左身~~~~
一起身就做~~~~
做左一粒鐘都未做晒~~~~
因為夠鐘所以逼住換衫返學~~~~
諗住用lunch hour黎做埋佢~~~~
希望做得晒啦~~~~

頭兩堂photo~~~~
有咩好做~~~~又係曬相~~~~
之後lunch hour當然係冇飯食啦~~~~
做野麻~~~~好彩都做得切~~~~
之後上堂~~~~
亞sir問我地有冇帶埋舊泥膠番黎~~~~
你之前冇同我地講我地又點會帶啊??
你又話一定要~~~~咁點啊??
痾都痾唔到出黎比你啦~~~~
況且我地多數人都係得一舊泥膠~~~~
你叫我地一舊泥膠點整十幾件object啊??
咁點樣"帶埋"果件整好既泥膠番黎啊??
整好左畫完都要整過第二舊啦~~~~
真係扯火~~~~
之後條友仲話今日唔計分住~~~~
下堂先計~~~~
咁我尋日晏晝到lunch hour既努力點啊??
你唔計分又唔早D講??
等我仲趕頭趕命畫晒佢~~~~
覺都冇得好訓~~~~
呢個亞sir真係好......

夜晚返中環上堂~~~~
冇咩特別~~~~又係咁上下~~~~
上堂約下魚(尋晚唔夠訓麻)~~~~
咁就落堂啦~~~~
最特別就係班長回番之前收多左既BBQ費~~~~
不過唔回我都唔嬲~~~~
因為真係好好玩~~~~

>>November 9, 2003 at 7:51:55 PM GMT+8

2003 年 11 月 2 日 星期日 【晴】

今日唔洗返學~~~~
可以成日留0係屋企做功課~~~~
就係因為今日放假~~~~
所以我呢兩日先咁大無私樣去玩,去燒野食~~~~
諗住今日一日過做晒D功課佢~~~~
聽日要交既功課只係得DS既十五幅畫~~~~
亞sir話過做一幅大概要四至五個字~~~~
咁十五幅就大概要七個鐘左右~~~~
我由晏晝三點開始做~~~~
一做之下~~~~做到深夜三點都未做晒~~~~
其中只係用左半個鐘黎食左餐飯~~~~
咁啫係話我做左十一個幾鐘都未做得晒呢份功課~~~~
到左深夜三點~~~~
我開始眼花同出現一D幻覺~~~~
所以就唔做住啦~~~~
諗住聽日橫掂返十點幾~~~~
就早個幾鐘起身繼續做~~~~
所以決定沖涼訓覺~~~~

>>November 7, 2003 at 6:13:03 PM GMT+8

2003 年 11 月 1 日 星期六 【晴】

今日~~~~
一早起身去踢波~~~~
我覺得我勁左好多~~~~
不過仲係入唔到波~~~~
諗起上留自從歐佬走左之後~~~~
我就好想自己打佢個位~~~~
不竟我都係打呢個出生~~~~
而家企番0係度~~~~
同當時真係差好遠~~~~
可能因為0係歐佬後面睇左咁耐~~~~
唔多唔少都學到D野~~~~
加上好多人都話我進步左~~~~
真係唔同晒~~~~
不過其他隊友都唔係咁想我打呢個位~~~~
點好??
唔講我啦~~~~
講"球皇"啦~~~~踢波踢到不知所謂~~~~
渣到......
講比人知自己踢左五年波都比人笑~~~~
得閒就練下波啦~~~~
成個低能仔咁~~~~
一個字----"渣"~~~~

踢到唔夠一點我就要走啦~~~~
返屋企沖涼換衫準備燒野食~~~~
約好左四點鐘0係馬鞍山集合~~~~
咁咪諗住三點幾出門口~~~~
點知坐坐下訓著左~~~~
三點半先起到身~~~~
遲硬到啦~~~~
唯有打比班長話我自己入去~~~~
班長話要遲一個鐘先再有車入去~~~~
算啦~~~~鬼叫自己訓到唔知醒咩??
我搭五點半果班車入去~~~~
入到去班長拿拿臨收左我一舊水先~~~~
驚我欠佢咁~~~~
不過見到佢地都仲未開始燒~~~~
我估佢地剛才先透好個爐~~~~
YEAH~~~~唔駛透爐~~~~
燒野食期間D同學問到我D生活~~~~
問我做緊野定讀緊書~~~~
就係咁~~~~
佢地"卒之"都發現全班年紀最細既唔係Aki~~~~
唔係亞Wing~~~~而係我~~~~
之後又係例牌影下相~~~~
講下笑咁~~~~
卒之~~~~呢日我十二點幾先番到屋企......
不過~~~~經過呢日之後~~~~
我同呢班同學熟左D啦~~~~
而且眼見佢地個個都大學畢業~~~~
攪到我都有D衝動好想比心機讀書~~~~
為既唔只係大學~~~~
仲有......佢~~~~

>>November 5, 2003 at 8:26:34 PM GMT+8

2003 年 10 月 31 日 星期五 【晴】

今日星期六~~~~
但係要返學......
冇所謂啦~~~~因為我好祈待上完堂之後既BBQ~~~~
尋晚到最後我都係冇做過D功課~~~~
所以今日冇得交~~~~
好多人都冇交到~~~~
當亞sir冇到~~~~
上完堂就浩浩蕩蕩去BBQ啦~~~~
成班人一齊去百佳買野~~~~
買左七百幾蚊~~~~
唔知點解我又比人屈左比錢~~~~
更加唔知點解佢地又會知道我有visa card~~~~
仲逼我碌添~~~~呢D先係同學黎架嘛......
又係七百幾~~~~同尋晚條數差唔多~~~~

入到大尾篤~~~~好彩都有爐~~~~
不過以我地既技術~~~~
透爐都透左成個鐘~~~~
算啦~~~~之後都燒得好開心~~~~
燒完之後~~~~好多同學都話要早走~~~~
影完相後淨番十幾丁友~~~~
去左玩四人艇~~~~
玩到成身濕晒~~~~
哈哈~~~~好開心~~~~
玩到忘晒形~~~~
之後去左荷李活打機~~~~
打完機食飯~~~~食完飯又打機~~~~
打完機又去飲酒~~~~
勁夜先番到屋企~~~~
今晚仲有波睇~~~~
聽朝又要踢波~~~~
晏晝又要BBQ~~~~
都唔知訓唔訓好......

經過今日之後~~~~
我發覺有個同學好似好唔妥我~~~~
有心針對住我~~~~
我講野佢句句都窒住晒~~~~
就連我唔講野佢都燒埋我果疊~~~~
都唔知得罪佢D乜~~~~
不過我都係估估下~~~~
可能人地冇心架呢~~~~
0係佢未有進一步行動之前~~~~
我都會扮冇事發生~~~~
癈事攪錯誤會左人~~~~
希望我估錯啦~~~~
我唔想我地今年呢班D關係咁惡劣~~~~
總之我feel到佢對我好唔妥~~~~

>>November 5, 2003 at 8:37:31 PM GMT+8

2003 年 10 月 30 日 星期四 【晴】

今日星期五~~~~
本應番埋今日就有得去玩~~~~
點知今日果兩堂DS改左聽日上~~~~
攪到今日鬼咁早放~~~~
聽日又要鬼咁早起身~~~~
冇得睇"棋魂"~~~~唉......
亞sir話聽日最好交六幅畫比佢睇~~~~
就係咁~~~~我就決定左今晚唔出去玩~~~~
留0係屋企做功課~~~~
就係咁~~~~D同學仔問親我今晚halloween去邊度蒲~~~~
我都會好正經同好無奈咁答佢:"我今晚留0係屋企做功課......"~~~~
我一放學就彈左番屋企訓覺訓左幾粒鐘~~~~
起身之後正想開工之際就打左比個朋友~~~~
佢話今晚去睇戲~~~~
係我最想睇既"咒樂園"~~~~
就係咁~~~~我就比人引下引下~~~~
引左出去睇戲啦......
諗住番黎先睇下做唔做~~~~
出左去睇戲~~~~
點知套戲真係......
睇完戲一行五人去左尖咀食飯~~~~
好貴~~~~真係好貴~~~~
仲要同呢幾個朋友去D咁高擋既地方~~~~
冇錢比學人食貴野~~~~
唉......卒之又要我比晒......
呢餐七舊水~~~~平分番每人都百四蚊......
好溶......
之後去左搵個朋友放工~~~~
有得傾下計談下心~~~~
仲有件唔洗錢既Tiramisu食添~~~~
都算賺左~~~~

>>November 5, 2003 at 7:15:22 PM GMT+8

2003 年 10 月 24 日 星期五 【晴】

日記個web-site down左好多日~~~~
所以好多日冇寫過日記~~~~
本來就算我當日唔得閒寫當日既日記~~~~
我都會記低晒發生過既事~~~~
等到得閒再一次過寫番~~~~
不過......由於呢次停得太耐~~~~
好多野都唔記得晒啦~~~~
你睇緊既呢份日記都係11月2號先寫番~~~~
所以之前同之後幾日既日記我都寫唔出~~~~
不過~~~~我今日既日記就一定要寫低啦!!!!
我呢世仔都唔會唔記得呢一日~~~~
呢日~~~~朝早一早起身睇"棋魂"~~~~
睇完勁疲~~~~
因為尋晚同幾個朋友仔去食飯飲酒~~~~
我地前幾日已經約左今晚去"海洋公園"玩~~~~
"哈佬喂"嘛~~~~就冇得玩啦~~~~
之後我地一行四丁友出去~~~~
但係有個朋友話佢入場有買四送一~~~~
咁我地就諗爆頭咁諗有邊個去得~~~~
我就話叫我今年既學仔去~~~~
就係咁~~~~我就約左個我最想見既人去~~~~
我記得佢之前問過我有冇諗過去"哈佬喂"~~~~
咁我諗佢都想去掛~~~~
不過畢竟今年D同學都仲未係好熟~~~~
約佢都未必會黎~~~~
點知估唔到佢真係諗都唔諗就話去~~~~
真係好~~~~
到我同D朋友集合果陣~~~~
原來佢地都搵多左兩個朋友~~~~
唔緊要啦~~~~多D人玩開心D~~~~
跟住仲要同我講原來四送一星期六唔用得~~~~
都唔知佢地點做野~~~~
唔係一早睇晒D details先架咩??
跟住話冇四送一都唔緊要~~~~
有15%off既優惠~~~~都好過冇啦~~~~
之後去左太子站接我約既同學仔~~~~
同佢講左原來用唔到買四送一~~~~
不過橫掂出左黎~~~~咪照去~~~~
就係咁~~~~
一行7人出發啦!!!!

我地七個人一齊去到銅鑼灣~~~~
等左一陣巴士就決定唔等~~~~
去搭的士~~~~
等的士期間我果個同學仔口乾~~~~
所以我地一齊過左對面"許X山"買左杯銀菊露~~~~
七個人分兩架的士~~~~
我座0係我同學同朋友中間~~~~
同學仔電話響~~~~
咦??D鈴聲似曾相識喎~~~~
原來係我一直用開既"ダイナマイトヘプン"~~~~
佢話因為首歌幾得意同埋少人用~~~~
所以入呢首喎~~~~
咁咪同我一樣~~~~
哈哈~~~~咁有緣??

到左之後買飛入場~~~~
點知個收銀姐姐話15%off夜票用唔到......
個個都要比原價~~~~
算~~~~橫掂今日咁開心~~~~
冇咩所謂啦~~~~
入到場第一時間排隊買鬼屋既飛~~~~
因為我地入場入得遲~~~~
四間鬼屋有三間都full左~~~~
得番一間有得玩~~~~
梗係玩埋佢啦~~~~
七點幾買飛都要成十一點先有得玩~~~~
等勁耐~~~~咪玩住其他野先~~~~
等纜車上山都等左個幾鐘~~~~
真係多人到嘔~~~~
由於我地有兩個朋友一早去左排纜車上山~~~~
諗住買山上面果間鬼屋既飛~~~~
但到最後都買唔到~~~~
所以我地得番五個人~~~~
一架纜車上得晒~~~~
上到山會合埋兩個朋友~~~~
之後只係玩左一次摩天觀光塔~~~~
同埋去廁所~~~~
就差唔多時間要落番去鬼屋~~~~
呢次我地七個人~~~~
一架纜車坐唔晒~~~~
所以分左三架~~~~
三個朋友一架~~~~
朋友個家姐同佢男友一架~~~~
而我~~~~就同我同學仔一架~~~~
好happy~~~~
落到山見仲有少少時間~~~~
去左睇動感電影~~~~
呢次佢都係坐我隔離~~~~
之後排隊入鬼屋~~~~
好緊張~~~~好想快D入去~~~~
等左一陣卒之都入到去啦~~~~
我地七個人戴住副立體眼鏡~~~~
分左三批人入去~~~~
分組既情況同搭纜車時一樣~~~~
今次入去佢唔知係咪驚得滯~~~~
攬住我隻手入去~~~~勁開心~~~~
點知入面D嚇鬼人員都係好唔pro~~~~
勁求其~~~~好似趕你走咁~~~~
完全唔驚嚇~~~~淨係0係度dum地~~~~
邊有人驚人dum地架??
dum地係人都認架啦~~~~
比四十蚊入到黎就係睇你dum地??
D朋友紛紛都好不滿咁話比人呃錢~~~~
我都係咁諗~~~~
不過比人呃得黎又幾開心~~~~

之後朋友個家姐同佢男友因為聽日要返工~~~~
所以走先~~~~淨低我地五個~~~~
行多左一陣~~~~影左幾張相~~~~
見咁夜都決定番去啦~~~~
我朋友住深水步~~~~
夜媽媽我就送埋佢番屋企~~~~
0係深水步地鐵站行到去佢屋企有段好長既路~~~~
而且條路勁雜~~~~有外籍又有臭飛~~~~
不過我都嫌條路太短~~~~

送完佢番屋企之後我就番轉頭~~~~
搭番地鐵去會合番D朋友~~~~
一齊食飯~~~~
搭緊地鐵中途同學仔打比我~~~~
同我講唔該我送佢番去~~~~
我真係飄飄然~~~~

之後同朋友食左少少野~~~~
就紛紛各自歸家~~~~
番到屋企睇左一陣波就訓左~~~~
勁疲啊~~~~不過真係勁開心~~~~
我諗我呢世都唔會忘記呢一日!!!!

>>November 24, 2003 at 6:48:32 PM GMT+8

2003 年 10 月 20 日 星期一 【晴】

唉......番學~~~~番到冇晒感覺~~~~
只係好想死~~~~
頭兩堂photo~~~~
唉......又有homework......
仲要用相機~~~~
呢D咁先進既野我邊有喎??
點做??
之後上DS~~~~
又要開始做新project~~~~
好想死~~~~唔好提啦......

放學番屋企換件衫再坐左陣~~~~
又出中環啦......
今日番中環都係一如以往~~~~
冇咩特別~~~~
唯一最特別既係覺得今日"白領儷人"勁靚~~~~
冇戴眼鏡仲要紮起D頭髮又放番少少落黎~~~~
配一套迷人既禮服~~~~冇得頂~~~~

番到屋企拎本畫薄出黎~~~~
一D野都畫唔出~~~~
今日成日都0係條街度~~~~
再加埋病~~~~
今晚仲要為我既球隊作精神上既支援~~~~
所以~~~~0係上半場已經領先三球~~~~
下半場我睇左十五就冇睇啦~~~~
太疲啦......

>>November 1, 2003 at 6:28:40 PM GMT+8